Hecho 17
17
Tesalónica p'uurude k'ĩruupik'adada
1Pablo, Sila mãɨnepa ãchi ome nipadada Amp'ípoli p'uurude mãɨnepa Apolonia p'uurude p'asa wãnak'ari Tesalónica p'uurude pasidama. Mãma judiorã ará pedeapataɨ te basima. 2Pablopa oopachi jĩra mãɨ judiorã ará pedeapataɨ tede eda wãsima. Tomio ũpea mimianak'apɨ́ ewaricha ãchi ome pedea bapachima Tachi Ak'õre pedea k'orea. 3Ichia pia jarateapachima Tachi Ak'õrepa Tachi K'aripaparí teai jarada mĩa bai basit'a mãɨnepa piuk'ari chok'ae p'irabarii basit'a. Mãɨ awara nãɨya jarapachima: «Mɨa mãrá jara bɨma Jesú piarã Tachi Ak'õrepa Tachi K'aripaparí teai jaradapɨ».
4Chi eda waapẽarã judiorãpa mãɨ ĩjãanak'ari Pablomá mãɨnepa Silamá ará barisidama. Mãɨnepa minachia griegorã Tachi Ak'õre wap'ea bepa mãɨnepa chi eda waapẽarã wẽrarã chi minachia k'awa p'anɨrãpa ĩjãasidama. 5Maamina judiorã Jesude ĩjãawẽa berã sõk'achia tuaneesidama. Mãɨpuru ẽpẽerã k'achia berã jɨrɨdak'ari ãchi paara chi p'uurudea k'ĩruupik'ade wãsidama. Maapae Jasón tede eda k'ĩruu wãnak'ari, Pablo mãɨnepa Sila jitasidama ãareaɨrã k'ĩrari ãchi nepɨra ak'ɨdayá. 6Maamina ãchi ununaé pasima. Mãɨ k'orea Jasón mãɨnepa chi waapẽarã ũpẽarã jitadak'ari chi p'uurudepema chaarearãmá jidibari ateewãsidama. Ãareaɨrãpa biadak'ari jarasidama: «Nãɨrã ẽpẽerãpa nãɨ ĩjũane ãarea nepɨra oo p'anɨpa ara mãɨya abarik'a nãmá oode chesidama. 7Mãɨ awara cha bɨ Jasonpa ãchi ichi tede pia chepisima. Chi tachi romanepemarã chi atepe poro chaarea bɨpa#17:7 Chi atepe poro chaarea bɨpa. Griego pedeade nãɨya bɨ bɨma: César mãɨnepa k'ãp'ũra pedeade emperador. oopi bɨt'a, ãarea mãɨ ãchia itu bɨ p'anɨma. Poro jũra jɨ̃parí jɨ̃ bɨ mãɨ awara bɨade a p'anɨma; chi mãɨ Jesuade a p'anɨma».
8Mãɨ ũrisidaɨde chi p'uurudepemarã mãɨnepa ãchi chaarearã sida k'ĩruupik'asidama. 9Mãɨya p'anɨne chi chaarearãpa Jasonoa mãɨnepa waapẽarã́ jarasidama erreara teadai p'anɨt'a ãchi k'ẽet'aapidai k'orea. Teadak'ari itu wãpisidama.
Pablo mãɨnepa Sila Berea p'uurude p'anana
10Ara mãɨ teamasi ũpẽarãpa Pablo mãɨnepa Sila Berea p'uurudea peesidama. Padak'ari judiorã ará pedeapataɨ tedea wãsidama. 11Berea p'uurudepema judiorã Tesalónica p'uurudepemarã jĩra p'ananaé pasima. Mãɨpari Jesú k'orea ũri k'ɨ̃ria p'anasidama. Ewaricha Tachi Ak'õre pedea minachia jĩrak'aua ak'ɨpachidama ãchia jara p'anɨt'a piarã k'awadai k'orea.#17:11 Ãchia chi Tachi Ak'õre Pedea chi Naapema K'art'a bɨdada eda jara p'anapachidama. Mãɨ ewaride Tachi Ak'õre Pedea chi K'art'a Chiwidi waidi neé pasima. 12Mãɨpa minachia judiorãpa Jesude ĩjãasidama. Mãɨnepa minachia griego wẽrarã chi minachia k'awa p'anɨrãpa mãɨnepa ɨmɨk'ĩrarãpa ĩjãasidama.
13Mãɨmisa judiorã Tesalónica p'uurudepemarãpa k'awasidama Pablopa Tachi Ak'õre pedea Berea p'uurude jaratea bɨt'a. Mãɨpuru mãmá wãnak'ari mãmapemarã k'ĩruupik'apisidama piawẽa oodamẽrá. 14Ara mãɨne ũpẽarãpa Pablo p'usa ik'idá peesidama. Maamina Sila mãɨnepa Timoteo Berea p'uurude p'aneesidama. 15Chi Pablo ome wã p'ananapa ichi Atena p'uurudea ateewãsidama. Maapae Pablopa ãchi jara peesima Sila mãɨnepa Timoteo ichimá isapea chedamẽrá. Ara mãɨne ũpẽarã jĩitea wãsidama.
Pablo Atena p'uurude bada
16Pablopa Sila mãɨnepa Timoteo Atena p'uurude nɨbɨmisa mãɨ juapa oodada sãdo minachia mãɨ p'uurude unuk'ari sõp'ua beesima. 17Mãɨya bɨde Pablo judiorã ará pedeapataɨ tede chi judiorã ome mãɨnepa chi judiorãwẽ Tachi Ak'õre wap'ea be ome Jesú k'orea pedea bapachima. Mãɨ awara p'uurude ewaricha ẽpẽerã p'anɨmá pedea bapachima. 18Chi eda waapẽarã ẽpẽerã epicureorã k'ɨ̃risia ĩjãa berã mãɨnepa estoico k'ɨ̃risia ĩjãa berã mãma p'anasidama.#17:18 Griego Epicuro apataɨ basima 300 ãyo Jesú t'õi naena. Mãɨ Epicuropa jarateapachima ẽpẽerã abapuru arapá p'ananait'a wa ne k'ɨ̃risiawẽa p'ananait'a mãɨ jɨrɨdai p'anasit'a. Chi ichia jarateada ũripataɨrã mãɨ «epicureorã» apachidama. Ãchia k'ɨ̃risiasidama ãchi sãdorãpa ẽpẽerã k'ɨ̃risiadak'at'a. Mãɨne estoicorãpa griego Zeno apataɨ pedea ũripachidama. Ãchia jarateapachidama chi nãɨ k'ak'uapa oo k'ɨ̃ria bɨ itu bɨdai p'anɨt'a mãɨnepa k'ɨ̃risia k'awa jɨrɨdai p'anɨt'a. Mãɨ ẽpẽerã Pablo ome pedea p'anɨne chi eda waapẽarãpa ara ãchi tuaba idi tuanasidama: «¿K'ãret'a jara bɨma nãɨ chi minachia pedeaparipa?»
Awaraɨrãpa p'anoosidama: «Taimá, tua awaraɨdepema Tachi Ak'õre k'orea jaratea bɨma».
Mãɨya jarasidama Pablopa chi pedea pia Jesú k'orea mãɨnepa tachi chok'ae p'irabaridai k'orea jaratea bada pẽra.#17:18 Chi eda waapẽarãmá mãɨ griegorãpa k'ɨ̃risiapachidama Tachi Ak'õre chi ɨmɨk'ĩra «Jesú» apachidaɨt'a mãɨnepa Tachi Ak'õre chi wẽra «Chok'ae P'irabariparí» apachidaɨt'a. 19-20Maapae Pablo chi ãchi ará pedeapataɨmá ateesidama. Mãɨ chi «Areópago» apachidama. Nãɨya jarasidama:
—Pɨa jaratea bɨt'a taimá k'ɨ̃risia chiwidipɨ. Mãɨ taipa waidi ũrinak'ama. Mãɨpuru k'awa k'ɨ̃ria p'anɨma k'ãre jara bɨt'a. ¿Pɨa taiyá jarateaiwẽk'ãra?
21Ãarea Atena p'uurudepemarãpa mãɨnepa tua awaraɨdepemarã mãma bepa abapuru k'ɨ̃risia chiwidi ũrinana chi mãɨ k'orea nepɨrɨpata pẽra mãɨya idisidama. 22Mãɨne Pablo ãchi esa Areopagode bai nɨbeek'ari jarasima:
—Machi Atena p'uurudepemarã, mɨa unu bɨma mãrapa ne wawaria minachia ĩjãapatat'a. 23P'uurude p'ɨrrɨa nine mɨa unusima juapa oodada sãdo te minachia p'anɨt'a. Ne paateapataɨde nãɨ pedea bɨ basima: “Tachi Ak'õre chi tachia atua p'anɨ pae ooda”. Chi mãrapa atua p'anɨ Tachi Ak'õrea, mãɨa pia pedeapatama. Ara mãɨ Tachi Ak'õre k'orea mɨa mãrá jararuma. 24Mãɨ Tachi Ak'õrepa nãɨ ĩjũa mãɨnepa nãɨ ĩjũane nɨbɨ sida ãarea oosima. Ichi pajãnepema Chiparipɨ mãɨnepa nãɨ ĩjũanepema Chiparipɨ. Ichi ẽpẽrapa ooda tede bak'ama.#1 Reye 8:27; Hecho 7:48-50. 25Pia bai k'orea ichia idik'ama ẽpẽrapa ichi pae ne oomẽrá.#Salmo 50:9-12. Ichiapuru ãarea tachiá tea bɨma chok'ae p'ananamẽrá, ɨ̃apaadamẽrá mãɨnepa ne ãarea tachia uru bai bɨt'a uru p'ananamẽrá.
26»Ichia ẽpẽra aba bɨdepema p'uuru ãarea unupisima, ãarea nãɨ ĩjũane p'ananamẽrá. Ichia bɨsima mãɨrã p'uuru sãapae p'ananait'a mãɨnepa sãma p'ananait'a. 27Mãɨya oosima ẽpẽerãpa ichi jɨrɨdamẽrá mãɨnepa p'ãrione jɨjɨt'aa ninepa ichi ununamẽrá. Piarã ichi tachicha t'ɨmɨa bɨwẽma, 28“ichidepa tachi p'ɨrrɨa p'anapata pẽra, mãɨnepa chok'ae p'anapata pẽra”. Mãɨpuru chi eda waapẽarã mãranepemarã pedea auk'ará bɨpataɨrãpa#17:28 Mãranepemarã pedea auk'ará bɨpataɨrãpa. Griego pedeade nãɨya bɨ bɨma: poetas. jarasidama: “Tachi ichi warrarãpɨ”.#17:28 Chi Griego «Arato» apataɨpa ãchi Tachi Ak'õre Zeus k'orea mãɨya bɨsima.
29»Tachi Ak'õre warrarãpɨra, k'ɨ̃risiadaiwẽa p'anɨma Tachi Ak'õre nee oodat'a, p'arat'a oodat'a wa mawara oodat'a, mãɨ ẽpẽrapa ara ichi k'ɨ̃risiadepa ooda pẽra. 30Ẽpẽerãpa chi Tachi Ak'õre atua p'ananapa naena mãɨya oodada ichia itu bɨsima. Maamina idiapae jara bɨma ãarea tuachadepemarãpa nemietá itu bɨdak'ari ichide ĩjãanamẽrá. 31Ewari aba bɨsima ãarea nãɨ ĩjũanepemarã jĩp'a ɨtɨai k'orea, chi ichia jɨrɨ atada ẽpẽranepa. Mãɨ ẽpẽra ãareaɨrã́ k'awapisima, ichi piu badadepa chok'ae p'irabaripida pẽra.
32Mãɨ piu bada chok'ae p'irabaripida k'orea ũrisidaɨde chi eda waapẽarã eesidama. Maamina waapẽarãpa jarasidama:
—Mãicha ewariaba pɨa pedea bɨt'a mãicha ũrinaipɨ.
33Maapae Pablo ãchi ome bada wãsima. 34Chi eda waapẽarã ará p'ananapa Pablo pedea ĩjãasidama. Aba Dionisio pasima. Mãɨ Areopagodepema pasima. Ichiaba wẽra Dámaris apataɨpa mãɨnepa ẽpẽrarã awaraɨrãpa ĩjãasidama.
S'ha seleccionat:
Hecho 17: tdc
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© (Active), Wycliffe Bible Translators, Inc. All rights reserved.
Hecho 17
17
Tesalónica p'uurude k'ĩruupik'adada
1Pablo, Sila mãɨnepa ãchi ome nipadada Amp'ípoli p'uurude mãɨnepa Apolonia p'uurude p'asa wãnak'ari Tesalónica p'uurude pasidama. Mãma judiorã ará pedeapataɨ te basima. 2Pablopa oopachi jĩra mãɨ judiorã ará pedeapataɨ tede eda wãsima. Tomio ũpea mimianak'apɨ́ ewaricha ãchi ome pedea bapachima Tachi Ak'õre pedea k'orea. 3Ichia pia jarateapachima Tachi Ak'õrepa Tachi K'aripaparí teai jarada mĩa bai basit'a mãɨnepa piuk'ari chok'ae p'irabarii basit'a. Mãɨ awara nãɨya jarapachima: «Mɨa mãrá jara bɨma Jesú piarã Tachi Ak'õrepa Tachi K'aripaparí teai jaradapɨ».
4Chi eda waapẽarã judiorãpa mãɨ ĩjãanak'ari Pablomá mãɨnepa Silamá ará barisidama. Mãɨnepa minachia griegorã Tachi Ak'õre wap'ea bepa mãɨnepa chi eda waapẽarã wẽrarã chi minachia k'awa p'anɨrãpa ĩjãasidama. 5Maamina judiorã Jesude ĩjãawẽa berã sõk'achia tuaneesidama. Mãɨpuru ẽpẽerã k'achia berã jɨrɨdak'ari ãchi paara chi p'uurudea k'ĩruupik'ade wãsidama. Maapae Jasón tede eda k'ĩruu wãnak'ari, Pablo mãɨnepa Sila jitasidama ãareaɨrã k'ĩrari ãchi nepɨra ak'ɨdayá. 6Maamina ãchi ununaé pasima. Mãɨ k'orea Jasón mãɨnepa chi waapẽarã ũpẽarã jitadak'ari chi p'uurudepema chaarearãmá jidibari ateewãsidama. Ãareaɨrãpa biadak'ari jarasidama: «Nãɨrã ẽpẽerãpa nãɨ ĩjũane ãarea nepɨra oo p'anɨpa ara mãɨya abarik'a nãmá oode chesidama. 7Mãɨ awara cha bɨ Jasonpa ãchi ichi tede pia chepisima. Chi tachi romanepemarã chi atepe poro chaarea bɨpa#17:7 Chi atepe poro chaarea bɨpa. Griego pedeade nãɨya bɨ bɨma: César mãɨnepa k'ãp'ũra pedeade emperador. oopi bɨt'a, ãarea mãɨ ãchia itu bɨ p'anɨma. Poro jũra jɨ̃parí jɨ̃ bɨ mãɨ awara bɨade a p'anɨma; chi mãɨ Jesuade a p'anɨma».
8Mãɨ ũrisidaɨde chi p'uurudepemarã mãɨnepa ãchi chaarearã sida k'ĩruupik'asidama. 9Mãɨya p'anɨne chi chaarearãpa Jasonoa mãɨnepa waapẽarã́ jarasidama erreara teadai p'anɨt'a ãchi k'ẽet'aapidai k'orea. Teadak'ari itu wãpisidama.
Pablo mãɨnepa Sila Berea p'uurude p'anana
10Ara mãɨ teamasi ũpẽarãpa Pablo mãɨnepa Sila Berea p'uurudea peesidama. Padak'ari judiorã ará pedeapataɨ tedea wãsidama. 11Berea p'uurudepema judiorã Tesalónica p'uurudepemarã jĩra p'ananaé pasima. Mãɨpari Jesú k'orea ũri k'ɨ̃ria p'anasidama. Ewaricha Tachi Ak'õre pedea minachia jĩrak'aua ak'ɨpachidama ãchia jara p'anɨt'a piarã k'awadai k'orea.#17:11 Ãchia chi Tachi Ak'õre Pedea chi Naapema K'art'a bɨdada eda jara p'anapachidama. Mãɨ ewaride Tachi Ak'õre Pedea chi K'art'a Chiwidi waidi neé pasima. 12Mãɨpa minachia judiorãpa Jesude ĩjãasidama. Mãɨnepa minachia griego wẽrarã chi minachia k'awa p'anɨrãpa mãɨnepa ɨmɨk'ĩrarãpa ĩjãasidama.
13Mãɨmisa judiorã Tesalónica p'uurudepemarãpa k'awasidama Pablopa Tachi Ak'õre pedea Berea p'uurude jaratea bɨt'a. Mãɨpuru mãmá wãnak'ari mãmapemarã k'ĩruupik'apisidama piawẽa oodamẽrá. 14Ara mãɨne ũpẽarãpa Pablo p'usa ik'idá peesidama. Maamina Sila mãɨnepa Timoteo Berea p'uurude p'aneesidama. 15Chi Pablo ome wã p'ananapa ichi Atena p'uurudea ateewãsidama. Maapae Pablopa ãchi jara peesima Sila mãɨnepa Timoteo ichimá isapea chedamẽrá. Ara mãɨne ũpẽarã jĩitea wãsidama.
Pablo Atena p'uurude bada
16Pablopa Sila mãɨnepa Timoteo Atena p'uurude nɨbɨmisa mãɨ juapa oodada sãdo minachia mãɨ p'uurude unuk'ari sõp'ua beesima. 17Mãɨya bɨde Pablo judiorã ará pedeapataɨ tede chi judiorã ome mãɨnepa chi judiorãwẽ Tachi Ak'õre wap'ea be ome Jesú k'orea pedea bapachima. Mãɨ awara p'uurude ewaricha ẽpẽerã p'anɨmá pedea bapachima. 18Chi eda waapẽarã ẽpẽerã epicureorã k'ɨ̃risia ĩjãa berã mãɨnepa estoico k'ɨ̃risia ĩjãa berã mãma p'anasidama.#17:18 Griego Epicuro apataɨ basima 300 ãyo Jesú t'õi naena. Mãɨ Epicuropa jarateapachima ẽpẽerã abapuru arapá p'ananait'a wa ne k'ɨ̃risiawẽa p'ananait'a mãɨ jɨrɨdai p'anasit'a. Chi ichia jarateada ũripataɨrã mãɨ «epicureorã» apachidama. Ãchia k'ɨ̃risiasidama ãchi sãdorãpa ẽpẽerã k'ɨ̃risiadak'at'a. Mãɨne estoicorãpa griego Zeno apataɨ pedea ũripachidama. Ãchia jarateapachidama chi nãɨ k'ak'uapa oo k'ɨ̃ria bɨ itu bɨdai p'anɨt'a mãɨnepa k'ɨ̃risia k'awa jɨrɨdai p'anɨt'a. Mãɨ ẽpẽerã Pablo ome pedea p'anɨne chi eda waapẽarãpa ara ãchi tuaba idi tuanasidama: «¿K'ãret'a jara bɨma nãɨ chi minachia pedeaparipa?»
Awaraɨrãpa p'anoosidama: «Taimá, tua awaraɨdepema Tachi Ak'õre k'orea jaratea bɨma».
Mãɨya jarasidama Pablopa chi pedea pia Jesú k'orea mãɨnepa tachi chok'ae p'irabaridai k'orea jaratea bada pẽra.#17:18 Chi eda waapẽarãmá mãɨ griegorãpa k'ɨ̃risiapachidama Tachi Ak'õre chi ɨmɨk'ĩra «Jesú» apachidaɨt'a mãɨnepa Tachi Ak'õre chi wẽra «Chok'ae P'irabariparí» apachidaɨt'a. 19-20Maapae Pablo chi ãchi ará pedeapataɨmá ateesidama. Mãɨ chi «Areópago» apachidama. Nãɨya jarasidama:
—Pɨa jaratea bɨt'a taimá k'ɨ̃risia chiwidipɨ. Mãɨ taipa waidi ũrinak'ama. Mãɨpuru k'awa k'ɨ̃ria p'anɨma k'ãre jara bɨt'a. ¿Pɨa taiyá jarateaiwẽk'ãra?
21Ãarea Atena p'uurudepemarãpa mãɨnepa tua awaraɨdepemarã mãma bepa abapuru k'ɨ̃risia chiwidi ũrinana chi mãɨ k'orea nepɨrɨpata pẽra mãɨya idisidama. 22Mãɨne Pablo ãchi esa Areopagode bai nɨbeek'ari jarasima:
—Machi Atena p'uurudepemarã, mɨa unu bɨma mãrapa ne wawaria minachia ĩjãapatat'a. 23P'uurude p'ɨrrɨa nine mɨa unusima juapa oodada sãdo te minachia p'anɨt'a. Ne paateapataɨde nãɨ pedea bɨ basima: “Tachi Ak'õre chi tachia atua p'anɨ pae ooda”. Chi mãrapa atua p'anɨ Tachi Ak'õrea, mãɨa pia pedeapatama. Ara mãɨ Tachi Ak'õre k'orea mɨa mãrá jararuma. 24Mãɨ Tachi Ak'õrepa nãɨ ĩjũa mãɨnepa nãɨ ĩjũane nɨbɨ sida ãarea oosima. Ichi pajãnepema Chiparipɨ mãɨnepa nãɨ ĩjũanepema Chiparipɨ. Ichi ẽpẽrapa ooda tede bak'ama.#1 Reye 8:27; Hecho 7:48-50. 25Pia bai k'orea ichia idik'ama ẽpẽrapa ichi pae ne oomẽrá.#Salmo 50:9-12. Ichiapuru ãarea tachiá tea bɨma chok'ae p'ananamẽrá, ɨ̃apaadamẽrá mãɨnepa ne ãarea tachia uru bai bɨt'a uru p'ananamẽrá.
26»Ichia ẽpẽra aba bɨdepema p'uuru ãarea unupisima, ãarea nãɨ ĩjũane p'ananamẽrá. Ichia bɨsima mãɨrã p'uuru sãapae p'ananait'a mãɨnepa sãma p'ananait'a. 27Mãɨya oosima ẽpẽerãpa ichi jɨrɨdamẽrá mãɨnepa p'ãrione jɨjɨt'aa ninepa ichi ununamẽrá. Piarã ichi tachicha t'ɨmɨa bɨwẽma, 28“ichidepa tachi p'ɨrrɨa p'anapata pẽra, mãɨnepa chok'ae p'anapata pẽra”. Mãɨpuru chi eda waapẽarã mãranepemarã pedea auk'ará bɨpataɨrãpa#17:28 Mãranepemarã pedea auk'ará bɨpataɨrãpa. Griego pedeade nãɨya bɨ bɨma: poetas. jarasidama: “Tachi ichi warrarãpɨ”.#17:28 Chi Griego «Arato» apataɨpa ãchi Tachi Ak'õre Zeus k'orea mãɨya bɨsima.
29»Tachi Ak'õre warrarãpɨra, k'ɨ̃risiadaiwẽa p'anɨma Tachi Ak'õre nee oodat'a, p'arat'a oodat'a wa mawara oodat'a, mãɨ ẽpẽrapa ara ichi k'ɨ̃risiadepa ooda pẽra. 30Ẽpẽerãpa chi Tachi Ak'õre atua p'ananapa naena mãɨya oodada ichia itu bɨsima. Maamina idiapae jara bɨma ãarea tuachadepemarãpa nemietá itu bɨdak'ari ichide ĩjãanamẽrá. 31Ewari aba bɨsima ãarea nãɨ ĩjũanepemarã jĩp'a ɨtɨai k'orea, chi ichia jɨrɨ atada ẽpẽranepa. Mãɨ ẽpẽra ãareaɨrã́ k'awapisima, ichi piu badadepa chok'ae p'irabaripida pẽra.
32Mãɨ piu bada chok'ae p'irabaripida k'orea ũrisidaɨde chi eda waapẽarã eesidama. Maamina waapẽarãpa jarasidama:
—Mãicha ewariaba pɨa pedea bɨt'a mãicha ũrinaipɨ.
33Maapae Pablo ãchi ome bada wãsima. 34Chi eda waapẽarã ará p'ananapa Pablo pedea ĩjãasidama. Aba Dionisio pasima. Mãɨ Areopagodepema pasima. Ichiaba wẽra Dámaris apataɨpa mãɨnepa ẽpẽrarã awaraɨrãpa ĩjãasidama.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© (Active), Wycliffe Bible Translators, Inc. All rights reserved.