GARA WARRA ROOMAA 7
7
Seeraa Fi Fakkeenya Gaa'elaa
1Obboloota ko, isin warra seera hubattanitti nan dubbadha; seerri hamma namni jiru duwwaatti nama irratti gooftummaa akka qabu hin beektanii ree? 2Fakkeenyaaf dubartiin heerumte tokko, hamma abbaan manaa ishee jiraatu duwwaatti seeraan itti hidhamtee jirti; abbaan manaa ishee yoo du'e garuu, seera isa ittiin abbaa manaa ishee sanatti hidhamteettii hiikamuu ishee ti*. 3Egaa akka kanatti abbaan manaa ishee utuma jiruu, dhiira kan biraa wajjin yoo jiraatte, ejjituu jedhamti; abbaan manaa ishee yoo du'e garuu, isheen seera sanattii hiikamteetti, dhiira kan biraatti yoo heerumtes ejjituu hin jedhamtu. 4Akkasuma yaa obboloota ko, isin warri bu'aa dhagna Kristos taatanii duutanii turtan, seera isa itti hidhamtanii turtan jalaa hiikamtaniittu! Kanaaf kan nama biraa, kana jechuunis kan isa warra du'an keessaa kaafamee in taatu; kanaan hundumti keenya Waaqayyoof ija in godhanna*. 5Yeroo nuyi akka fooniitti jiraachaa turre, hawwiin foonii inni cubbuudhaan guute seerichaan toosifamee, du'aaf akka nuyi ija godhannuuf, bu'aa dhagna keenyaa keessaa in hojjeta ture*. 6Amma garuu seera isa moofaa dur caafame jalatti utuu hin ta'in, jireenya hafuuraa isa haaraa keessatti akka hojjennuuf, isa nu hidhate jalaa duunee, seerattiis hiikamneerra*.#2 1Qor 7:39 4 6:4; 2Qor 11:2; Gal 2:19; Qol 2:14 5 6:21 6 6:4; 8:1-2; 2Qor 3:6
Hojii Seeraa
7Egaa immoo seerri ofuma isaatii cubbuu dha jenna moo ree? Kun matumaa hin ta'u. Haa ta'u iyyuu malee, utuu seerri hin jiraannee ani cubbuu hin beekun ture; utuu seerri ?Waan namaa hin hawwin!? hin jenne ta'ee, hawwuun maal akka ta'e hin beekun ture*. 8Cubbuun garuu abboommiidhaan qabatee hawwii garaa garaa hundumaa na keessaa dammaqse; iddoo seerri hin jirretti cubbuun du'aa dha*. 9Iddoo seerri hin jirretti ani jiraachaan ture; yeroo abboommichi dhufetti garuu cubbuun in bayyaannate. 10Yommus ani nan du'e; abboommichi inni gara jireenyaatti geessuuf ture, gara du'aatti kan na geessu ta'uun isaa argameera*. 11Cubbuun abboommichaan qabatee, na gowwoomsee, isumaanis na ajjeese*.#7 3:20; Bau 20:17; Kes 5:21 8 5:13; 1Qor 15:56 10 Lew 18:5; Kes 5:33; Yaq 1:15 11 Uma 3:13; Ibr 3:13
12Seerichi illee ofii isaatii qulqulluu dha, abboommichis qulqulluu, qajeelaa, gaarii dhas*. 13Yoos immoo waanuma gaariitu du'a anatti fide jechuudhaa ree? Kun matumaa hin ta'u. Cubbuun cubbuu ta'uun isaa, karaa abboommichaas cubbuun hamma malee hammaachuun isaa akka mul'atuuf, cubbuudhumti waan gaariidhaan du'a anatti fide*.#12 1Xim 1:8 13 5:20
Wal'aansoo Nama Keessaa
14Seerichi seera hafuuraa akka ta'e, nuyi in beekna, ani garuu nama foonii isa cubbuu jalatti gurguramee dha*. 15Waanan dhimma baasu hin hubadhu; ani waanan jibbun hojjedha malee, waanan jaalladhu hin hojjedhu*. 16Waanan hin jaallanne nan hojjedha ergan ta'ee immoo, seerri gaarii ta'uu isaatti walii galuu koo ti. 17Waanan hin jaallanne kanas cubbuu isa na keessa jirutu na hojjechiisa malee, anatu hojjeta miti. 18Waan gaariin tokko illee, ana keessa yookiis namummaa koo isa foonii keessa akka hin jirre ani beeka; ani waan gaarii gochuu utuman jaalladhuu hojjechuu hin danda'u*. 19Waan gaarii isa ani jaalladhu hin godhu; waan hamaa isa ani hin jaallanne garuu nan hojjedha. 20Ammas waanan hin jaallanne yoon godhe, egaa si'achi cubbuu isa na keessa jirutu na hojjechiisa malee, anatu isa hojjeta miti.#14 7:18; Far 51:7; Yoh 3:6 15 7:19; Gal 5:17 18 Uma 6:5; 8:21; Filp 2:13
21Egaa ana isa waan gaarii hojjechuu barbaadutti, wanti hamaan harka kootti dhufuun seera ta'uu isaa nan arga. 22Ani keessa namummaa kootiitiin seera Waaqayyootti nan gammada. 23Seerri kan biraa immoo bu'aa dhagna kootii keessaa, seera isa yaadni garaa kootii fudhatee wajjin utuu wal loluu nan arga; lola kanaanis seera cubbuu, isa bu'aa dhagna kootii keessatti hojjechaa jiru jalatti na boojisiisa*. 24Ana nama gadadamaa, foon isa gara du'aatti na geessu kana harkaa eenyutu na baasa*? 25Karaa gooftaa keenyaa Yesus Kristos Waaqayyoof galanni haa ta'u! Akka kanatti, ani ofii kootii yaada garaa kootiin, seera Waaqayyoof nan hojjedha; namummaa koo isa fooniitiin garuu seera cubbuuf nan hojjedha*.#23 Gal 5:17; 1Phe 2:11 24 8:10 25 8:2; 1Qor 15:57
S'ha seleccionat:
GARA WARRA ROOMAA 7: MacQul
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(C) The Bible Society of Ethiopia, 1997; OROMO LATIN BIBLE BSE-UBS 26M 2006.