GARA WARRA ROOMAA 13
13
Waan Warra Aboo Qabaniif Gochuun Ta'u
1Namni hundinuu warra biyya bulchuudhaaf aboo qabaniif haa abboomamu! Fedha Waaqayyoo malee aboo qabachuun hin danda'amu; warra aboo qabatanis Waaqayyotu achi isaan dhaabe*. 2Kanaaf namni aboo kanaaf abboomamuu didu, waan Waaqayyo dhaabeen in morma; warri kana godhanis firdii of irratti in fidu. 3Namoota waan gadhee hojjetan malee, namoonni gaarii hojjetan warra biyya seerratan hin sodaatan. Egaa atis aboo isaanii akka hin sodaanne godhachuu in barbaaddaa? Yoos waan gaarii hojjedhu! Akkasitti warra aboo qaban biraa galata in argatta*. 4Isaan kun waan gaarii hojjechiisuudhaaf Waaqayyo biraa siif kennaman. Ati waan hamaa yoo hojjette garuu, isaan sodaadhu! Isaan nama hamaa hojjetu irratti adaba Waaqayyoo raawwachuudhaaf malee, billaa isa ittiin adabuudhaaf itti kenname sana akkasumaan hin baatan*. 5Kanaafis, namni adaba Waaqayyoo duwwaaf utuu hin ta'in, yaada garaa isaa ciibsachuuf abboomamuun in ta'a. 6Isinis kanaaf gibira baaftu, warri aboo qaban kunis yeroo kana raawwachuudhaaf dhaabatanitti Waaqayyoof hojjechuu isaanii ti. 7Egaa hundumaaf waan isaan isin irraa argachuuf malan, baasaaf; isa gibirri isaaf ta'uuf gibira, isa qaraxi isaaf ta'uuf qaraxa, isa sodaatamuun isaaf ta'uuf sodaatamuu, isa ulfinni isaaf ta'uuf ulfina kennaaf*!#1 Yoh 19:11; Tit 3:1 3 1Phe 2:13-14 4 2Sen 19:6-7 7 Mat 22:21; Mar 12:17; Luq 20:25
Waan Waliif Gochuun Ta'u
8Wal jaallachuu irraa kan hafe gatii wal dubbifattan hin qabaatinaa! Namni nama jaallatu waan seerri isa irraa barbaadu raawwachuu isaa ti*. 9Abboommonni, ?Hin ejjin, hin ajjeesin, hin hatin, waan namaa hin hawwin? jedhan, warri kaanis hundinuu dubbii tokkicha isa, ?Nama akka ofii keetiitti jaalladhu!? jedhuun in xumuramu*. 10Namni nama erga jaallatee, waan hamaa isa irratti hin hojjetu; kanaafis nama jaallachuun seera raawwachuu dha*.#8 Mar 12:31; Yoh 13:34; Gal 5:14; 1Xim 1:5 9 Bau 20:13-17; Lew 19:18; Kes 5:17-21; Mat 22:39-40 10 1Qor 13:4
11Yeroo itti dura amanne caalaas amma guyyaan fayyinaa waan nutti dhi'aateef, yeroon kun yeroo itti hirribaa dammaquun isin irra jiru ta'uu isaa beekaa*! 12Halkanichi sokkee, guyyichi dhi'aateera, kanaafis kottaa hojii dukkana keessa hojjetamu of irraa fuunee gannee, mi'a lolaa isa ifa keessa ittiin hojjetan in hidhannaa*! 13Kottaa amala keenya tolfannee akka warra ifa guyyaa keessa deddeebi'aniitti jiraanna malee, albaadhummaatti yookiis machiitti, halalummaatti yookiis gad-dhiisatti, nama loluutti yookiis weennootti hin jiraannu*. 14Gooftaa Yesus Kristosin akka uffata sibiilaatti uffadhaa malee, hawwa namummaa foonii raawwattanii isas gammachiisuudhaaf garaa hin kenninaa*!#11 Efe 5:14,16; 1Tas 5:6-7 12 1Tas 5:8; Efe 5:11; 6:13; 1Yoh 2:8 13 Luq 21:34; Efe 5:18 14 Gal 3:27; 5:16; Qol 2:23; 1Phe 2:11
S'ha seleccionat:
GARA WARRA ROOMAA 13: MacQul
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(C) The Bible Society of Ethiopia, 1997; OROMO LATIN BIBLE BSE-UBS 26M 2006.