GARA WARRA ROOMAA 10
10
Yihudoonni Karaa Malee Qajeelummaa Barbaaduu Isaanii
1Obboloota ko! Yihudoonni akka fayyan garaa koo hundumaan nan hawwa, isaaniifis Waaqayyoon nan kadhadha*. 2Isaan Waaqayyoof akka hinaafan dhugaa nan ba'aaf; haa ta'u iyyuu malee, Waaqayyoof hinaafuun isaanii akka hubannaa dhugaatti miti*. 3Qajeelummaa isa Waaqayyo kennu wallaalanii, qajeelummaa mataa isaanii dhaabbachuu yaalaniiru; qajeelummaa isa Waaqayyo namaaf kennu jalas of hin galchine*. 4Kristos nama amanu hundumaa gara qajeelummaatti geessuudhaan seericha iddoodhaan in ga'a*.#1 9:1,3 2 HoE 22:3 3 9:31-32 4 Mat 5:17; HoE 13:39; Gal 3:24-25; Ibr 8:13
Fayyinni Nama Hundumaaf Ta'uu Isaa
5Museen waa'ee qajeelummaa isa seera keessaa argamutiif, ?Namni wanta seerichi jedhu godhu, ittiin in jiraata? jedhee caafeera*. 6Qajeelummaan amantii keessaa argamu garuu, ?Kristosin gad fiduudhaaf, ?Eenyutu gara waaqaatti ol ba'a?? 7Yookiis immoo, Kristosin warra du'an keessaa ol fiduudhaaf, ?Eenyutu qileetti gad bu'a?? jettee garaa keetti hin yaadin!? jedhe. 8Egaa maal godhi jedha ree? ?Dubbichi sitti dhi'oo dha; afaan kee keessa, garaa kee keessas jira? jedha; dubbichis dubbii amantii isa nuyi lallabnuu dha*. 9Yesus gooftaa akka ta'e afaan keetiin yoo beeksifte, Waaqayyo du'aa akka isa kaase immoo garaa keetti yoo amante fayyina bara baraa in argatta*. 10Namni garaa isaatti amanee qajeelaa ta'a, afaan isaatiinis beeksisee in fayya. 11Caaffanni qulqullaa'aan, ?Namni isatti amanu hundinuu hin yeella'u? in jedha*. 12Kanattis warra Yihudootaa fi warra Yihudoota hin ta'in gidduu garaagarummaan hin jiru; innoo gooftaa nama hundumaa ti, warra isa waammatan hundumaafis badhaadhummaa isaa irraa in kenna*. 13Caaffanni qulqullaa'aan, ?Namni maqaa gooftaa waammatu hundinuu in oola? in jedha*.#5 Lew 18:5; Gal 3:12 6-8 Kes 30:12-14 9 Mat 10:32; 2Qor 4:5 11 9:33; Isa 28:16 12 1:16; Gal 3:28; Qol 3:11; HoE 10:34-35 13 Yoe 2:32
14Namoonni immoo, nama itti hin amanne attamitti waammatu ree? Attamittis nama waa'ee isaa dhaga'anii hin beeknetti amanu ree? Namni utuu isaanitti hin lallabin, attamitti waa'ee isaa dhaga'u ree? 15Namoonni yoo ergaman malee, attamitti lallabu ree? ?Warri oduu gaarii fidanii dhufan maal maal nama gammachiisu!? kan jedhu illee caafameera*. 16Hundumti isaanii garuu wangeela dhaga'anii hin abboomamne; Isaayaas, ?Gooftaa, eenyutu waan nu irraa dhaga'e amane ree?? in jedha*. 17Egaa amantiin dhaga'uu irraa in dhufa, wanti dhaga'uun ta'u immoo dubbii Kristosiin in beekama*.#15 Isa 52:7 16 Isa 53:1 17 Yoh 17:20; 1Tas 2:13
18Amma isaan dhuguma waa'ee kanaa hin dhageenyee ree? jedheen gaafadha. Dhaga'uun isaanii mama hin qabu; caaffanni qulqullaa'aan, ?Waan isaan afaan isaaniitiin dubbatan lafa hundumaatti ba'e, dubbiin isaaniis lafa namni jiraatu hundumaa ga'e? in jedha*. 19Yookiis Israa'el hin hubannee ree? jedheen gaafadha. Waaqayyo duraan dursee, ?Warra saba koo hin ta'initti akka hinaaftan nan godha, gaabbitaniis saba wallaalaatti akka isin aartan nan godha? jechuu isaa Museen dubbateera*. 20Akkasumas immoo, ?Warra ana hin barbaadinitti argameera, warra ana hin gaafatinittis mul'adheera? jechuu isaa Isaayaas mul'inatti dubbateera*. 21Israa'el irratti immoo, ? ?Harka koo guyyaa guutuu gara saba abboomamuu didee, anaan mormutti bal'iseen jira? jedhee dubbateera? in jedha*.#18 Far 19:4; Qol 1:23 19 Kes 32:21; Rom 11:11 20 Isa 65:1 21 Isa 65:2
S'ha seleccionat:
GARA WARRA ROOMAA 10: MacQul
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(C) The Bible Society of Ethiopia, 1997; OROMO LATIN BIBLE BSE-UBS 26M 2006.