Wïlöölö 36
36
Luum Nyïïkwaac Icøø
1Man beeye luum nyïïkwaac Icøø na näk Ëdöm.
2Icøø anyöömö ki mään røk nyïïakuk Keenan; ni mään moa nywøme beege Ada nyi Ëlön nyï Këth, ka Öölibama nyi Ana na näk nyikwaar Dhibøn nyï Ëwi, 3ki nyi Icmiel na näk Bacimat cöök Nebayöt.
4Køøre Ada Elipath anywølge ki Icøø, ni ö Bacimati ni nywøl Raguël, 5ni ö Öölibama ni nywøl Jeuc ki Jalam ki Köra. Moøgø beege wäät Icøø moa nywøle yi ŋööm Keenan.
6Køøre Icøø määre ki wääte ki nyïïe ki jø paare bëët ki dïëk ki dhäk moe bëët ki lääc paac moe bëët ki jammi moe bëët moa joode yi ŋööm Keenan alwøre ni aae, ni ci paac mør mo kare bäär ki coki ma Jeekap. 7Kiper jammi moa en jïge atïmö ni thööth døc, ni ba løny jïge ki man bëëtge kanya ciel, ni ö ŋøømmi moa bëëtge yie ni gena wëëlle ni tïmge ni ba rømi jïge; kiper lääc paac moge thööth. 8Ni ö Icøø na näk Ëdöm ni daa Cëër, paana näk po kïte, ni bëëde yie.
9'Ba man beeye luum nyïïkwaac Icøø na näk kwar jø Ëdöm moa bëëdö Cëër paana näk po kïte.
10Nyeŋ wäät Icøø beege Elipath na näk o cïïe ma Ada, ki Raguël na näk o cïïe ma Bacimat.
11'Ba wäät Elipath beege Tëman ki Omar ki Dhepø ki Götöm ki Kënec. 12Timna beeye dhaagø ma kwanynyø mar Elipath wär Icøø. Timna Amalëk anywølge ki Elipath. 'Ba moøgø beege nyïïkwaac Ada na näk cï Icøø.
13'Ba wäät Raguël beege Naath ki Dheera ki Cimia ki Midha. Ni moøgø beege nyïïkwaac Bacimat na näk cï Icøø.
14'Ba Öölibama cï Icøø na näk nyi Ana nyikwaar Dhibøn, wääte moa nywøle ki Icøø beege Jeuc ki Jalam ki Köra.
15'Ba wäät Icøø na näk kwääri beege ii.
Kwääri moa näk wäät Elipath kany Icøø beege Tëman ki Omar ki Dhepø ki Kënec, 16ki Götöm ka Amalëk. Kwääri moøgø beege kwääri moa bëëdö yi ŋööm Ëdöm na käl ri Elipath. Geni, gena nyïïkwaac Ada.
17'Ba wäät Raguël wär Icøø na näk kwääri beege Naath ki Dheera ki Cimia ki Midha. Moøgø beege kwääri moa bëëdö yi ŋööm Ëdöm na käl ri Raguël. Geni, gena nyïïkwaac Bacimat na näk cï Icøø.
18'Ba kwääri moa näk wäät Öölibama cï Icøø beege Jeuc ki Jalam ki Köra. Moøgø beege kwääri moa nywøl Öölibama cï Icøø na näk nyi Ana.
19Jøøgø bëët beege nyïïkwaac Icøø na näk Ëdöm ki wääte bëët, ni kwääri moøgø beege kwääri mo jø Ëdöm.
20'Ba jøøa kwøŋ bëëdö paanøgø, na näk wäät Cëër nyï Öör, beege Löthan, ki Cöbal, ki Dhibøn, ki Ana, 21ki Dicön, ki Ëdhör, ki Dican. Jøøgø beege kwääri moa käl ri jø Öör, na näk wäät Cëër na bëëdö yi ŋööm Ëdöm.
22'Ba wäät Löthan beege Ori ki Ëman. 'Ba cöök Löthanni mana näk dhaagø nyeŋŋe beeye Timna.
23Wäät Cöbal beege Alwan ki Manëat ki Ëbal ki Cipø ki Önam.
24'Ba wäät Dhibøn beege Aya ki Ana. Ana kanya näk yie da pïï mo lëëthö dï paap ajoode kanya en baŋ kwaath ka arëëni mo wänni ma Dhibøn.
25'Ba obwöre mo Ana beege Dicön ki nyaare ma Öölibama.
26Wäät Dicön beege Ëmdan, ki Ëcban, ki Ithran, ki Kiran.
27Ni wäät Ëdhör beege Bilaan ki Dhaawan ka Akan.
28Ni wäät Dican beege Uc ka Aran.
29'Ba kwääri moa käl ri jø Öör beege Löthan ki Cöbal ki Dhibøn ki Ana, 30ki Dicön ki Ëdhör ki Dican. Jøøgø beege kwääri moa käl ri jø Öör, na kwaan ki køør dhøk uut tuuŋ kwär moge yi ŋööm Cëër.
31'Ba nyeye moa en teeki ceŋge yi ŋööm Ëdöm kanya poode ni poot bäŋ nyeya mo bëën jø Icrielli beege ii:
32Nyeŋ nyeya mana dïkwøŋ beeye Bëla o Beeyör na bëëdö na nyeya Ëdöm, ni nyeŋ pääny mare cwøl ni Dinaaba.
33Køøre Bëla athøw, ni ö Jöbap o Dheera nyï Bödhra ni tïme na nyeya kar gø.
34Køøre Jöbap athøw, ni ö Ëcam nyï po jø Tëman ni tïme na nyeya kar Jöbap.
35Køøre Ëcam athøw, ni ö Adati o Badat, ŋata dïïm jø Midien yïth ŋøøp jø Möap, ni tïme na nyeya kar Ëcam, ni nyeŋ pääny mare cwøl na Awit.
36Køøre Adat athøw, ni ö Camla nyï Mecrëka ni tïme na nyeya kar Adat.
37Køøre Camla athøw, ni ö Caulli nyï Rööböth paana en bäät naam Upareeti ni tïme na nyeya kar Camla.
38Køøre Caul athøw, ni ö Baal-Anan wär Akbör ni tïme na nyeya kar Caul.
39Køøre Baal-Anan wär Akbör athøw, ni ö Adati ni tïme na nyeya kar Baal-Anan, ni nyeŋ pääny mare cwøl ni Pau; ni nyeŋ cïïe beeye Meethabël nyi Methrët na näk nyi Mëdhaap.
40'Ba nyeŋ kwääri moa käl ri Icøø, ki køør dhøk tuŋi moge ki kwöra bëëtge yïthge, beege Timna ka Alwa ki Jethëth, 41ka Öölibama ki Ëla ki Pinön, 42ki Kënec ki Tëman ki Mibcar, 43ki Magdiel ki Iram. Jøøgø beege kwääri mo Ëdöm na kwaan ki køør kwöra bëëtge yïthge yi ŋöömma makge na marge. 'Ba Icøø beeye kwar jø Ëdöm.
S'ha seleccionat:
Wïlöölö 36: AnyuB
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
© The Bible Society of Ethiopia