रोमि भूमिका
भूमिका
रोमि सहेरता मसिलोकुरा सभा साटि येसु मसिना खास चेलाल पोलुस कोटता इद पत्रतिगा मसिनिगा विस्वास किस परमेस्वरना मुने येताना योग्य ठहरे मायानाता बारेते पकायि जोर हिस वेहिन्तोर। परमेस्वरना मुने येताना योग्य बोरे हिलेर, वरोर वने हिलेर अनि आपुना बुतोता कारण बोरे परमेस्वरना मुने येताना योग्य आय परोर। मति येसु मसिनिगा विस्वास किस सबोय लोकुरकुन परमेस्वरना मुने येताना योग्य ठहरे माय परान्तोरोम। मावा पाप स्वभावता जुनाल मानेय येसु मसिनासंग हातुर, अनि मसि हातोरिगाडाल असा जिवेमास तेदितोर इन्जोर इदेक माक वने ओनासंग असा जिवेमातोरोम इन्जोर माक पुनाल मानेय मन्तोरोम। इन्जोर माक पापता संबन्दते हातोम इदाम विस्वास किन्तोरोम ते माकुन पिसाना पुटार। इदाम यहुदि अनि यहुदि आयोर सबोय लोकुरकुन वने येसु मसिना विस्वासता कारणते पिसाना पुटार।
इद पत्र वाचेकियान साटि मिकुन सन्दि पुटतु इन्जोर नना परमेस्वरना धन्यवाद किन्तोना। येसु मसिनिगा निमाट विस्वास कियाकिट ते मिया मुक्ति आयार अनि मिकुन वने परमेस्वरना मुने येताना योग्य ठहरे मास स्वरगतिगा हन्ज परकाट। इद पत्र वाचेकिस इदेना सन्देशता अनुसार निमाट वने आप आपुना जिवनतुन परमेस्वरिन सोपे किम्ट अनि इद पोल्लो दुसरो लोकुरकुन वने वेहाट। परमेस्वर मिकुन आशिष हेविर।
रुप-रेखा
पोलुस अनि सोबाता पोल्लोता सन्देश १:१-१७
मानेयतुन पिसहानाता जरुरि १:१८—३:२०
पिसहान साटि परमेस्वरना हरि ३:२१—४:२५
मसिना विस्वासता द्वारा पुनाल जिवन पुटान्ता ५:१—८:३९
इस्रायेल लोकुरा बारेते परमेस्वरना योजना ९:१—११:३६
मसि चाल-चलन १२:१—१५:१३
उपसंहार अनि पोलुसनिकेडाल अभिवादन १५:१४—१६:२७
S'ha seleccionat:
रोमि भूमिका: fmu
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© (Active) Wycliffe Bible Translators, Inc. All rights reserved.