बुतोंग 22
22
लोकुरा भीळता मुने पोलुसना वळकाना
1“हे तमोलोरक अनि बाबोलोरक, नावा पोल्लो केन्जाट! नना इदेक मिया मुने इगा आता गळबडता बारेते नावा उत्तर वेहान्तोना।”
2पोलुस ओरासंग इब्रानि बोलिते वळकान्तोर इन्जोर केन्जचुन ओरक असा कमेक आतुरक।
पोलुसना मनपरिवर्तनता गवाहि
3असके पोलुस इतुर: “नना ते ओद किलिकियाता प्रदेशता तरसुस सहेरतिगा जनमा आतोर वरोर यहुदि मानेय आन्दान, मति नना इद नगरतिगा गमालियेलना काल्कना हेरे उदस बाबो-दादिलोरा नियमतुन बेस रितिते करिहतोना। अनि निमाट सबोयलोर नेन्ड परमेस्वरना नियम सबोय मन्दे पालेकिन्तोरिट लेहका नना वने कितान#बुतोंग ५:३४-३९। 4नना मसि विस्वास येतितोर मानेयक अनि आसक इवुरासकुन दोहच दोहच जेहलतिगा वाटस वाटस, मसि विस्वास कितोर लोकुरकुन हव्कसोर अनि पकाय तकलिप हिसोर वातान#बुतोंग ८:३; २६:९-११। 5इद पोल्लोसाटि हजोर याजक अनि यहुदि अदिकारि लोकुरक गवाह मन्तोरक; ओरागाडाल नना दमासकस सहेरतिगा मन्वालोरक यहुदि तमोलोरा पोरोयते चिटिंग पयस दमासकस सहेरतिगा मनवालोरक मसिलोकुरकुन वने दोहच दन्ड हियान साटि येरुसलेमतिगा ततका इन्जोर दमासकस सहेरतिगा हन्दान।”
येसु मसि पोलुसना मुने तोहान्तोर
(बुतोंग ९:१-१९; २६:१२-१८)
6अनि पोलुस असा वेहतुर, “नना हनेक हनेक दमासकस सहेरता हेरे अवतान असके लगभग दुपाडे हुरहायने उन्दि हजोर वेळिचि आबारताल नावा नालुंगास बासा मान्जतु। 7अनि नना जागातिगा अरतान अनि ‘हे शावुल, हे शावुल निमा नाकुन बाक्या पकाय तकलिप किन्तोन?’ इन्जोर नाकुन इन्ता उन्दि पोल्लो केन्जतान। 8नना उत्तर हितान, ‘हे प्रबु, निमा बोर आन्दि?’ ओर नाकुन इतुर: ‘निमा पकाय तकलिप किन्तोन नासरितोर येसु नना आन्दान’ इन्जोर इतुर। 9नावोर संगवारिह ते ज्योतितुन हुळतुरक, मति नावासंग वळकसोर मतोर ओना लेंगता अर्थ समजेमायोरक। 10असके नना इतान, ‘हे प्रबु, नना बाताल कियाका?’ प्रबु नाकुन इतुर, ‘तेदा दमासकस सहेरतिगा हन अनि निकुन कियान साटि ठहरे किता ओव सबोय पोल्लो अगा निकुन वेहानुर’ इन्जोर इतुर। 11ओद ज्योतिता मान्जानाता कारण नाकुन बाताले दिसो आतु इन्जोर नावा संगवारि लोकुरक नाकुन कय पयस ओतोर; इदाम नना दमासकस सहेरतिगा वातान।”
12पोलुस असा वेहतुर, “असके दमासकस सहेरतिगा मन्वालोर हनन्याह पोरोयतोर वरोर मानेय मतोर। ओर अगा मन्वालोर सबोय यहुदिलोकुरकनिगा मानवाले अनि मूसाना नियमता अनुसार परमेस्वरना वरे इरवाल मानेय मतोर। ओर नावा हेरे वातुर। 13अनि नावा मुने नितस नाकुन इतुर: ‘हे तमो शावुल, असा हुळिला लागा।’ ओदे बेरा नावांग कोन्डांग तरियतुंग अनि नना ओन हुळतान। 14असके ओर इतुर: ‘मावोर बाबो-दादिलोरा परमेस्वर निकुन ओना इच्चातुन पुन्दिला अनि परमेस्वरना मुने येताना योग्य सेवक येसु मसिन हुळान साटि अनि ओना टोडिताल पोल्लोंग केन्जिला पहाजे इन्जोर ठहरे कितोर। 15निमा हुळतोन अनि केन्जतोन ओद पोल्लोतुन सबोय लोकुरा मुने निमा ओना गवाह आयकि। 16इदेक बाक्या बेरा किन्तोन? तेदा, प्रबुन प्रार्थना किस बपतिस्मा येतस आपुना पापतुन नोरस वाटा।’ ”
येसुना सोबाता पोल्लो वेहाना साटि परमेस्वर पोलुसिन निवळेकितोर
17पोलुस असा वेहतुर, “अनि पजा नना येरुसलेम सहेरतिगा असा वातान अनि नना मन्दिरतिगा प्रार्थना कियानपा प्रबु नाकुन इदाम पोल्लो इन्दाना उन्दि दरशन हुळतान: 18‘निमा सान्डे येरुसलेमताल पसियस हन; बाक्याकि ओरक नावा बारेते निया गवाहितुन मानेमायोर आयनुर’ इन्जोर प्रबु नाकुन इन्तोर। 19असके नना इतान: ‘हे प्रबु, नना नियागा विस्वास केवालोरकुन जेहलतिगा वाटिन्दान अनि यहुदि लोकुरा अलग-अलग समाज मन्डलितिगा हाहन्दान 20अनि नियोर गवाह स्तिफानुसना नतुर पोंगिहन्दुर असके नना वने अगा नितस मन्दान अनि इद पोल्लोतिगा सहभागि मन्दान अनि ओना हव्कवालोरा सन्दरानुंग केपिन्दान इन्जोर ओरक पुन्तोने#बुतोंग ७:५८’ इदाम इतुर। 21अनि प्रबु नाकुन इतुर: ‘हन, नना निकुन लक-लक मन्वालोरक यहुदि आयोर लोकुरा हेरे लोहका।’ ”
22ओरक इद पोल्लोवनाह पोलुसिन केन्जसोर मतोरक असके ओरक: “येर मानेयतुन हव्काट, ओर दरतितिगा जितो मन्दाना उचित हिले” इन्जोर जोरदे केयतुरक। 23ओरक जोरदे केयन्दुरक अनि सन्दरांग हरचिन्दुरक अनि आबारतिगा डुन्डोतुन तुळिहिन्दुरक, 24असके सयनिक दलतोर मुक्या अदिकारि#२२:२४ सरदार येन किल्लातिगा ओस लोकुरक बोद कारणते ओना विरोदते पकाय जोरदे केयिला आतोरक इन्जोर पुन्दाना साटि सोटाते हिस पुच्चेमाम्ट इन्जोर आग्या हितुर। 25अनि सयनिक लोकुरक पोलुसिन सोटाते हियान साटि दोहन्दुर असके अगा नितस मतोर ओर सयनिक दलतोर अदिकारिन#२२:२५ सुबेदार पोलुस पुच्चेमातुर: “निमाट न्याय केवाय, बोदे गुन्हा ठहरे केवाय वरोर रोमि मानेयतुन सोटाते हियाना बाताल निया साटि उचित मन्ता बहे?” 26इद केन्जचुन सयनिक दलता अदिकारि#२२:२६ सुबेदार आपुना दलता मुक्या अदिकारिना#२२:२६ सरदार हेरे हन्ज इतुर, “निमा इद बाताल किन्तोन? येर ते रोमि मानेय आन्दुर।” 27असके सयनिक लोकुरा दलतोर मुक्या अदिकारि पोलुसना हेरे वास इतुर: “बाताल निमा रोमि आन्दि? नाकुन वेहा।” पोलुस ओन इतुर: “इंगो।” 28इद केन्जचुन “नना रोमि आयाना पद पकाय डबुंग हिस पुटिहतोना” इन्जोर ओर सयनिक दलता मुक्या अदिकार इतुर। पोलुस ओन इतुर: “नना ते जनमाताल रोमि मन्तोना” इन्जोर इतुर। 29असके ओन चवकसि कियाना इच्चा कितोरक सान्डे ओना हेरेटाल लक हतुरक; सयनिक दलतोर मुक्याल अदिकारि वने येर रोमि आन्दुर इदाम पुन्ज ओन दोहतोना इन्जोर वरियतुर।
यहुदि लोकुरा हजोर सभाता मुने पोलुस
30यहुदिलोर पोलुसनिगा दोष लावे किन्तोरक इन्जोर ओद पोल्लोता बेस बेस कारण पुन्दाना इच्चाते दुसरो दिया सयनिक दलता मुक्या अदिकारि पोलुसिन लेहचितुर। अनि मुक्याल याजकलोरक अनि पुरा यहुदि लोकुरा हजोर सभाता सबोय लोकुरक अगा जमा आयाना आग्या हितुर, अनि पोलुसतुन अडिय तचुन ओरा मुने निपिहतुरक।
S'ha seleccionat:
बुतोंग 22: fmu
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© (Active) Wycliffe Bible Translators, Inc. All rights reserved.