Rom‑dãmbã 6
6
Kũum ne yel-wẽnã yelle, la vɩɩm Kiris pʋgẽ
1Dẽ, tõnd na n yeelame tɩ bõe? Tõnd na n kell n paa yel-wẽnã pʋgẽ tɩ barkã paam paoosgo? 2Yaa vẽeneg tɩ ayo. Tõnd sẽn yaa wa kũum ne yel-wẽna yellã, tõnd na n leb n yɩɩ a wãn n vɩ yel-wẽn pʋgẽ?
3Yãmb zɩ tɩ tõnd fãa sẽn paam lisg a Zeezi Kiris pʋgẽ wã, yaa bãmb kũumẽ wã la tõnd lis-yã? 4#Kol 2.12Woto, ne lisgã, tõnd muma ne bãmba b kũumã pʋgẽ, t'a wa ba wã ziir sẽn vʋʋg a Zeezi tɩ b yi kũum sʋkã, tõnd me kẽnda vɩ-paalg pʋgẽ a woto. 5Sɩd me, tõnd sã n lebga tɩɩg a yembr ne bãmba, tõnd sẽn paam pʋɩɩr ne bãmb kũumã yĩnga, tõnd na kell n yɩ bũmb a yembr ne bãmba, n paam pʋɩɩr ne bãmb vʋʋgrã. 6Tõnd miime tɩ d yalẽ kʋdgã naaga ne bãmb n ka da-pɩkã zugu, tɩ yel-wẽnã ratem‑kãng pãng na sa, tɩ tõnd kõn leb n yɩ yel-wẽnã yembs yɛs ye. 7Bala, ned sã n ki, yel-wẽnã ka leb n tar pãng ne yẽnda ye. 8La tõnd sã n yaool n kii ne Kirisã, tõnd tẽedame tɩ d na n vɩɩmda ne bãmba, 9tõnd sẽn mi tɩ Kiris sẽn vʋʋg n yi kũum sʋkã kõn leb n ki wã yĩnga. Kũum ka leb n so bãmb ye. 10Bãmb kiime, la sɩdã, yaa yel-wẽnã yiisg yĩng la bãmb ki vugr bala. La b sẽn vɩ moasã wã, b vɩɩ Wẽnnaam yĩnga. 11Woto yĩnga, ges-y y meng wa kũum ne yel-wẽna yelle, la a wa neb sẽn vɩ Wẽnnaam yĩnga, a Zeezi Kiris lagem-n-taarã pʋgẽ.
12Dẽ yĩnga, bɩ yel-wẽnã da leb n soog yãmb yĩn-kiidsã ye, la y da leb n sak a ratem wẽnsã ye. 13Da rɩk-y y yĩngã will n kɩs yel-wẽnã tɩ yɩ ka-tɩrlem tʋʋm teed ye. Kõ-y y mens Wẽnnaam, wa neb sẽn vʋʋg n yi kũum sʋk n vɩ, la y kõ Wẽnnaam y yĩngã wil tɩ yɩ tɩrlem tʋʋm teedo. 14Sɩda, yel-wẽnã ka na n soog yãmb ye. Bala, ka tõogã n leb n so yãmb ye, yaa barkã n so yãmba.
Tɩrlem yembse
15La yaa bõe? Dẽ yĩnga, tõnd na n maanda yel-wẽnã, tõog sẽn ka so tõndo, la yaa barkã yĩnga? Yaa vẽeneg tɩ ayo. 16Yãmb ka mi tɩ yãmb sã n kõ-y meng neda, n na n yɩ a yamb n sak-a, yãmb sɩd yaa ned ning yãmb sẽn sakdã yamba? Yãmb tõe n yɩɩ yel-wẽnã sẽn wat ne kũumã yembse, wall sakr sẽn taasd ned tɩrlem pʋgẽ wã yembse. 17La Wẽnnaam sõngr yĩnga, yãmb sẽn dag n ya yel-wẽnã yembsã, yãmb saka tẽeb yẽbgr noyã b sẽn togs yãmbã ne yamleoogo. 18B sẽn yols yãmb n yiis yel-wẽnã yembdẽ wã, yãmb lebga tɩrlem yembse. 19Mam gomda ne ninsaalemdo, yãmb yĩngã pãn-komsmã yĩnga. Woto me, a wa yãmb sẽn dag n kõ y yĩngã wil tɩ yɩ rẽgd la tʋʋm-wẽns yembse, tɩ b maan tʋʋm wẽnsã, bɩ y kõ yĩngã wil tɩ yɩ tɩrlem yembse, tɩ b tall-y n taas yɩlgr zĩigẽ. 20Balã, wakat ning yãmb sẽn dag n yaa yel-wẽnã yembse, tɩrlem dag n ka so yãmb ye. 21Bi-bõe la yãmb dag n womd wakat-kãnga? Yaa biis nins sẽn ningd yãmb yãnd moasã wã, bala, b baoosg yaa kũum. 22Moasã, yãmb sẽn paam yolsg n yi yel-wẽnã yembdẽ n lebg Wẽnnaam yembsã, yãmb bi-womdɩ yaa maneg n yɩ yɩlemde, la a baoosg yaa vɩɩm sẽn kõn sa. 23Bala, yel-wẽnã yaood yaa kũun, la kũun ning Wẽnnaam sẽn kõt zaalmã yaa vɩɩm sẽn kõn sa, tõnd Zu-soab a Zeezi Kiris pʋgẽ.
S'ha seleccionat:
Rom‑dãmbã 6: MPBU
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Moore Bible © Bible Society of Burkina Faso, 2014.
Rom‑dãmbã 6
6
Kũum ne yel-wẽnã yelle, la vɩɩm Kiris pʋgẽ
1Dẽ, tõnd na n yeelame tɩ bõe? Tõnd na n kell n paa yel-wẽnã pʋgẽ tɩ barkã paam paoosgo? 2Yaa vẽeneg tɩ ayo. Tõnd sẽn yaa wa kũum ne yel-wẽna yellã, tõnd na n leb n yɩɩ a wãn n vɩ yel-wẽn pʋgẽ?
3Yãmb zɩ tɩ tõnd fãa sẽn paam lisg a Zeezi Kiris pʋgẽ wã, yaa bãmb kũumẽ wã la tõnd lis-yã? 4#Kol 2.12Woto, ne lisgã, tõnd muma ne bãmba b kũumã pʋgẽ, t'a wa ba wã ziir sẽn vʋʋg a Zeezi tɩ b yi kũum sʋkã, tõnd me kẽnda vɩ-paalg pʋgẽ a woto. 5Sɩd me, tõnd sã n lebga tɩɩg a yembr ne bãmba, tõnd sẽn paam pʋɩɩr ne bãmb kũumã yĩnga, tõnd na kell n yɩ bũmb a yembr ne bãmba, n paam pʋɩɩr ne bãmb vʋʋgrã. 6Tõnd miime tɩ d yalẽ kʋdgã naaga ne bãmb n ka da-pɩkã zugu, tɩ yel-wẽnã ratem‑kãng pãng na sa, tɩ tõnd kõn leb n yɩ yel-wẽnã yembs yɛs ye. 7Bala, ned sã n ki, yel-wẽnã ka leb n tar pãng ne yẽnda ye. 8La tõnd sã n yaool n kii ne Kirisã, tõnd tẽedame tɩ d na n vɩɩmda ne bãmba, 9tõnd sẽn mi tɩ Kiris sẽn vʋʋg n yi kũum sʋkã kõn leb n ki wã yĩnga. Kũum ka leb n so bãmb ye. 10Bãmb kiime, la sɩdã, yaa yel-wẽnã yiisg yĩng la bãmb ki vugr bala. La b sẽn vɩ moasã wã, b vɩɩ Wẽnnaam yĩnga. 11Woto yĩnga, ges-y y meng wa kũum ne yel-wẽna yelle, la a wa neb sẽn vɩ Wẽnnaam yĩnga, a Zeezi Kiris lagem-n-taarã pʋgẽ.
12Dẽ yĩnga, bɩ yel-wẽnã da leb n soog yãmb yĩn-kiidsã ye, la y da leb n sak a ratem wẽnsã ye. 13Da rɩk-y y yĩngã will n kɩs yel-wẽnã tɩ yɩ ka-tɩrlem tʋʋm teed ye. Kõ-y y mens Wẽnnaam, wa neb sẽn vʋʋg n yi kũum sʋk n vɩ, la y kõ Wẽnnaam y yĩngã wil tɩ yɩ tɩrlem tʋʋm teedo. 14Sɩda, yel-wẽnã ka na n soog yãmb ye. Bala, ka tõogã n leb n so yãmb ye, yaa barkã n so yãmba.
Tɩrlem yembse
15La yaa bõe? Dẽ yĩnga, tõnd na n maanda yel-wẽnã, tõog sẽn ka so tõndo, la yaa barkã yĩnga? Yaa vẽeneg tɩ ayo. 16Yãmb ka mi tɩ yãmb sã n kõ-y meng neda, n na n yɩ a yamb n sak-a, yãmb sɩd yaa ned ning yãmb sẽn sakdã yamba? Yãmb tõe n yɩɩ yel-wẽnã sẽn wat ne kũumã yembse, wall sakr sẽn taasd ned tɩrlem pʋgẽ wã yembse. 17La Wẽnnaam sõngr yĩnga, yãmb sẽn dag n ya yel-wẽnã yembsã, yãmb saka tẽeb yẽbgr noyã b sẽn togs yãmbã ne yamleoogo. 18B sẽn yols yãmb n yiis yel-wẽnã yembdẽ wã, yãmb lebga tɩrlem yembse. 19Mam gomda ne ninsaalemdo, yãmb yĩngã pãn-komsmã yĩnga. Woto me, a wa yãmb sẽn dag n kõ y yĩngã wil tɩ yɩ rẽgd la tʋʋm-wẽns yembse, tɩ b maan tʋʋm wẽnsã, bɩ y kõ yĩngã wil tɩ yɩ tɩrlem yembse, tɩ b tall-y n taas yɩlgr zĩigẽ. 20Balã, wakat ning yãmb sẽn dag n yaa yel-wẽnã yembse, tɩrlem dag n ka so yãmb ye. 21Bi-bõe la yãmb dag n womd wakat-kãnga? Yaa biis nins sẽn ningd yãmb yãnd moasã wã, bala, b baoosg yaa kũum. 22Moasã, yãmb sẽn paam yolsg n yi yel-wẽnã yembdẽ n lebg Wẽnnaam yembsã, yãmb bi-womdɩ yaa maneg n yɩ yɩlemde, la a baoosg yaa vɩɩm sẽn kõn sa. 23Bala, yel-wẽnã yaood yaa kũun, la kũun ning Wẽnnaam sẽn kõt zaalmã yaa vɩɩm sẽn kõn sa, tõnd Zu-soab a Zeezi Kiris pʋgẽ.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Moore Bible © Bible Society of Burkina Faso, 2014.