Eby'abalevita 5
5
Ebigambo ebilikwetaga ebihongo by'enyatano y'obufu
1“K'omuntu wena wena aranahizibwaga omu rwatu, n'orwo wenene aliba ali mujulizi, abe ekintu akiboine anga akimanyire, kyonkai kandi tiyagamba, entambara nemukwata. 2Anga k'omuntu wena wena arakwataga aha kintu ekihagaire, gube mutumbi gw'ekigunju anga gw'ekitunganwa ekihagare anga mutumbi gw'ekyekurura kihagare atakimanyire kandi okwo yahagara, arabaga aina entambara. 3K'arakwataga ebihagaro by'omuntu, bibe bihagaro bya ngeliki ebihagaza omuntu, atamanyire kwo yahagara, orwo arakakimanya entambara nemukwata. 4K'omuntu wena wena alirahira omu bwangu bwangu n'akanwake kukora kubi anga kukora kurungi, engeli yona yona y'ekinahiro ky'obwangu bwangu eky'abantu bakakora, mara atakimanyire, orwo alikakimanya ahali ebi entambara nemukwata. 5Orwo omuntu wena wena arakwatwaga entambara omuli kyona kyona omuli ebi ayetondega obufu obwo alishangwa akozire. 6Aletere Omukama ekihongokye ky'enyatano aha rw'obufu obwo akozire. Aihye omu buhyo omuagazi, omwana gw'entama anga emburabuzi, aha rw'ekihongo ky'enyatano y'obufu. Omukuhani amugilire enyatano aha rw'obufubwe obwo.”
7“K'aliba atashoboire kubona mwana gwa ntama, aho ekihongokye ky'enyatano y'entambara, aletere Omukama entungurumaiba ibili anga obwana bubili bw'ebiba, aha rw'obufu obw'akozire. Emoi y'ekihongo ky'enyatano y'obufu, esigaire y'ekihongo ky'okwokibwa. 8Aziletere omukuhani; ogwo abanze ahonge ekihongo ky'enyatano y'obufu agihotore omutwe agumanshure aha bikya byayo, kyonkai atagyasa. 9Ashaimureho obwamba bw'ekihongo ky'enyatano y'obufu omu rubaju rwa alutare. Orwo obwamba obusigaire bulikugelezibwa aha maguru ga alutare; kihongo ky'enyatano y'obufu. 10Aho ahonge eya kabili kili kihongo ky'okwokibwa kuhonderana n'ekiragiro. Omukuhani amugilirega enyatano aha rw'obufu bw'alishangwa akozire, mara aragarulirwaga.
11“Kyonkai k'aliba atashoboire kubona ntungurumaiba ibili anga bwana bubili bwa biba, aho ekihongokye aha rw'obufu obwo alishangwa akozire, alete ekichweka kya ikumi kya efa y'ensano enungi aha rw'ekihongo ky'enyatano y'obufu. Atagitekaho majuta anga bunuma aha rw'enshonga kihongo ky'enyatano y'obufu. 12Agiletere omukuhani, omukuhani agihyeho ekikamato guli mugabo gw'okwijukiraho ekihongo amare agyokeze ahali alutare, eiguru y'ebihongo by'okwokeza Omukama, ebyokesibwa omuliro. 13Oku nikwo omukuhani aramugiliraga enyatano aha rw'obufu obwo arashangwaga akozire ahali ebi, mara aragarulirwaga. Ebisigaire bibega by'omukuhani nk'okwo ebihongo by'emyaka bikagenda.”
Ebihongo by'endihi
14Omukama agambira Musa ati, 15“K'omuntu wena wena arashengaga akafakara atamanyire ahali kimoiho omu bintu bitakatifu by'Omukama, ekihongokye ky'enyatano y'entambara aha Mukama alete empaya y'entama enzira kamogo kuruga omu buhyo, iwe wenene ogilenge omw'iguzi ly'eshekeli z'efeza, kuhonderana n'eshekeli y'ahatakatifu; kihongo ky'enyatano y'entambara. 16Kwakwo alihega aha rw'ekyo arashangwaga ashobize aha kigambo kitakatifu, akitembekeho ekichweka kya katanu, amare akihe omukuhani. Omukuhani amugilirega enyatano, atambega empaya y'entama y'ekihongo ky'enyatano y'entambara mara aragarulirwaga.”
17“K'omuntu wena wena arafakaraga, akakora kimoi aha by'Omukama yatangire kutakorwa, n'orwo arashangwa atalikukimanya, aina entambara; nemukwata. 18Aletere omukuhani empaya y'entama etaina kamogo kuruga omu buhyo, iwe wenene ogilengere aha iguzi ly'ekihongo ky'enyatano. Omukuhani aramukoleraga enyatano aha rw'entambara eyo aliba akozire atamanyire, mara aragarulirwaga. 19Kihongo ky'enyatano y'entambara; aina omushango omu maisho g'Omukama.”
S'ha seleccionat:
Eby'abalevita 5: RHAY01
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Ruhaya DC Bible © Bible Society of Tanzania, 2001.
Eby'abalevita 5
5
Ebigambo ebilikwetaga ebihongo by'enyatano y'obufu
1“K'omuntu wena wena aranahizibwaga omu rwatu, n'orwo wenene aliba ali mujulizi, abe ekintu akiboine anga akimanyire, kyonkai kandi tiyagamba, entambara nemukwata. 2Anga k'omuntu wena wena arakwataga aha kintu ekihagaire, gube mutumbi gw'ekigunju anga gw'ekitunganwa ekihagare anga mutumbi gw'ekyekurura kihagare atakimanyire kandi okwo yahagara, arabaga aina entambara. 3K'arakwataga ebihagaro by'omuntu, bibe bihagaro bya ngeliki ebihagaza omuntu, atamanyire kwo yahagara, orwo arakakimanya entambara nemukwata. 4K'omuntu wena wena alirahira omu bwangu bwangu n'akanwake kukora kubi anga kukora kurungi, engeli yona yona y'ekinahiro ky'obwangu bwangu eky'abantu bakakora, mara atakimanyire, orwo alikakimanya ahali ebi entambara nemukwata. 5Orwo omuntu wena wena arakwatwaga entambara omuli kyona kyona omuli ebi ayetondega obufu obwo alishangwa akozire. 6Aletere Omukama ekihongokye ky'enyatano aha rw'obufu obwo akozire. Aihye omu buhyo omuagazi, omwana gw'entama anga emburabuzi, aha rw'ekihongo ky'enyatano y'obufu. Omukuhani amugilire enyatano aha rw'obufubwe obwo.”
7“K'aliba atashoboire kubona mwana gwa ntama, aho ekihongokye ky'enyatano y'entambara, aletere Omukama entungurumaiba ibili anga obwana bubili bw'ebiba, aha rw'obufu obw'akozire. Emoi y'ekihongo ky'enyatano y'obufu, esigaire y'ekihongo ky'okwokibwa. 8Aziletere omukuhani; ogwo abanze ahonge ekihongo ky'enyatano y'obufu agihotore omutwe agumanshure aha bikya byayo, kyonkai atagyasa. 9Ashaimureho obwamba bw'ekihongo ky'enyatano y'obufu omu rubaju rwa alutare. Orwo obwamba obusigaire bulikugelezibwa aha maguru ga alutare; kihongo ky'enyatano y'obufu. 10Aho ahonge eya kabili kili kihongo ky'okwokibwa kuhonderana n'ekiragiro. Omukuhani amugilirega enyatano aha rw'obufu bw'alishangwa akozire, mara aragarulirwaga.
11“Kyonkai k'aliba atashoboire kubona ntungurumaiba ibili anga bwana bubili bwa biba, aho ekihongokye aha rw'obufu obwo alishangwa akozire, alete ekichweka kya ikumi kya efa y'ensano enungi aha rw'ekihongo ky'enyatano y'obufu. Atagitekaho majuta anga bunuma aha rw'enshonga kihongo ky'enyatano y'obufu. 12Agiletere omukuhani, omukuhani agihyeho ekikamato guli mugabo gw'okwijukiraho ekihongo amare agyokeze ahali alutare, eiguru y'ebihongo by'okwokeza Omukama, ebyokesibwa omuliro. 13Oku nikwo omukuhani aramugiliraga enyatano aha rw'obufu obwo arashangwaga akozire ahali ebi, mara aragarulirwaga. Ebisigaire bibega by'omukuhani nk'okwo ebihongo by'emyaka bikagenda.”
Ebihongo by'endihi
14Omukama agambira Musa ati, 15“K'omuntu wena wena arashengaga akafakara atamanyire ahali kimoiho omu bintu bitakatifu by'Omukama, ekihongokye ky'enyatano y'entambara aha Mukama alete empaya y'entama enzira kamogo kuruga omu buhyo, iwe wenene ogilenge omw'iguzi ly'eshekeli z'efeza, kuhonderana n'eshekeli y'ahatakatifu; kihongo ky'enyatano y'entambara. 16Kwakwo alihega aha rw'ekyo arashangwaga ashobize aha kigambo kitakatifu, akitembekeho ekichweka kya katanu, amare akihe omukuhani. Omukuhani amugilirega enyatano, atambega empaya y'entama y'ekihongo ky'enyatano y'entambara mara aragarulirwaga.”
17“K'omuntu wena wena arafakaraga, akakora kimoi aha by'Omukama yatangire kutakorwa, n'orwo arashangwa atalikukimanya, aina entambara; nemukwata. 18Aletere omukuhani empaya y'entama etaina kamogo kuruga omu buhyo, iwe wenene ogilengere aha iguzi ly'ekihongo ky'enyatano. Omukuhani aramukoleraga enyatano aha rw'entambara eyo aliba akozire atamanyire, mara aragarulirwaga. 19Kihongo ky'enyatano y'entambara; aina omushango omu maisho g'Omukama.”
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Ruhaya DC Bible © Bible Society of Tanzania, 2001.