'Ba Rumia 'Diyi 5
5
E’yo isule laza kililirusi ’diyi
1 #
Rum 3:24, 28; 4:24; Isa 53:5 Amani ovuria lazaru ’ba baru amani a’ilerisi, ama ma ovu asi anzuru be Mungu vu Opi amani Yesu Kristosi. 2#Efe 3:12; Rum 3:23Eri ma e’yosi indi ama fi a’itasi ’yeta anzutiri amani pa sozu aleniari ma alia, vini indi ama ma ovu ayikosi diza Munguni tezu. 3#Yak 1:2, 3; 1 Pet 1:5-7Kiri ’diri a’dule ku, te ama ovu ayikosi inzata ma alia, a’disiku ama ni ra inzatani asi teza fe, 4te asi tezani eri ama dri adriza onyiru e’yoni ’ba sizuri fe, adriza onyiruri fe amani asi ’bazu e’yo drileri ma dria, 5#Zab 22:5; 25:20; Ebra 6:18, 19te asi ’bazu e’yo drileri ma driari feni drinza ku, ale Mungunirini i dale asi amani ma alia Orindi Alatararu erini fele ama dri ’borisirisi.
6Te o’du ndra amani ovuzu nga okpo kokorurisi, ewu ka eca kilili ’bo Kristo dra ’ba Mungu gapi si ’diyisi. 7’Ba ma e’yo ka ovu kililiru ti, eri ewaru ’ba isuzu drazu eri ma pariate kani agu azini nga i ma asi imba drazu ’ba onyiru ma paria yani. 8#Yoh 3:16; 1 Yoh 4:10Te Mungu ece ale i ngulupini ama yu, a’disiku amani ovuria ndra nga ’ba onzini ti, Kristo dra amasi. 9#Rum 1:18; 2:5, 8’Dini amani ovuria lazaru ’ba baru ari erinisi ’boria, agapiri ama nga di ama pa adra Munguni ma alia erisi. 10#Rum 8:7Te Mungu ka ama eri ma ari’baru ’diyi a’i ti ecizu i be Mvi ini ma dratasi, agapiri erini ama a’ile ti ecizu i be ’borisi, ama nga ama pa Mvi nde ma idrisi. 11Kiri ’diri a’dule ku, te ama ovu ayikosi Mungu alia Opi amani Yesu Kristo, amani ani ti eciza Mungu beri isuzu erisiri ma e’yosi.
Adamu pi Kristo be
12 #
E’do 3:6; 2:17; 3:19; Rum 6:23 ’Dini ekile e’yo onzini efile ndra nyakua ’ba alu ma e’yosirile, te indi e’yo onzi ndesi dra efini, e’yo ’disi dra obi ’ba dria yini dria ’yele onzirisi- 13#Rum 4:15ndra oko de azita ecani ku e’yo onzi ovu nyakua, te azitani ovuria yoria, ajini e’yo onzi ma ru ku. 14#1 Kor 15:21, 22, 45, 55Te e’dozu ndra Adamusi cazu Musasi dra ovu ndra opiru ’ba dria ma driliani, eri obi ’ba dria yi ka e’yo onzi ’ye Adamuni ’yelerile ku ti, te Adamuni ecetaru ’ba ngapi emupi vileri ecezu.
15Te afa Munguni fele avasiri ovuni ekile ezata nderile ku. Te dra ka ’ba bi kakau ezata ’ba alunisi, agapi turi ’Yeta anzutiri Munguni azini afa erini fele ’Yeta anzutiri ’ba alu Yesu Kristonisiri aga tu ’ba kakau vu. 16Te afa feza nderi ovuni ekile e’yo ecapi ezata ’ba aluni ezalerisirile ku. Te e’yo liza eca ndra ezata alusi ’ba ndezu, te afa feza avasiri eca ezata kakau ma e’yosi ’ba lazu ’ba baru. 17Te ’ba alu ma ezatasi dra ka ovu opiru ’ba alu nde ma e’yosi, agapi turi ’ba ’Yeta anzutiri pi isupi tu, afa feza ’ba lazu ’ba baruri be ’diyi, yi nga ovu opiru idri alia ’ba alu Yesu Kristosi.
18 #
1 Kor 15:22
’Dini ekile be ezata alusi e’yo liza bi ’ba dria yi ndezu, ’dinile vini indi ’Yeta baru alusi feza eca ’ba dria vu yi lazu baru, idri fezu yi dri. 19#Isa 53:11Te ekile eritaako ’ba alunisi ’ba kakau eca ’ba onzi ’diyiru, ’dini vini indi ’ba aluni e’yo erilerisi ’ba kakau eca ’ba baru. 20#Rum 4:15; 7:8; Gal 3:19Te azita fi ndra ereniru, ’dini e’yo onzi ma ezu i ani; te pari e’yo onzini ezuzuria ’Yeta anzutiri ezu di aga tu, 21#Rum 6:23’dini ekile be ndra e’yo onzini ovule opiru ’ba dri dra fezurile, ’dini vini indi ’Yeta anzutiri ma ovu opiru ’ba lazu baru, idri ’dani ’dani fezu Yesu Kristo Opi amanirisi.
S'ha seleccionat:
'Ba Rumia 'Diyi 5: LB66
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.
'Ba Rumia 'Diyi 5
5
E’yo isule laza kililirusi ’diyi
1 #
Rum 3:24, 28; 4:24; Isa 53:5 Amani ovuria lazaru ’ba baru amani a’ilerisi, ama ma ovu asi anzuru be Mungu vu Opi amani Yesu Kristosi. 2#Efe 3:12; Rum 3:23Eri ma e’yosi indi ama fi a’itasi ’yeta anzutiri amani pa sozu aleniari ma alia, vini indi ama ma ovu ayikosi diza Munguni tezu. 3#Yak 1:2, 3; 1 Pet 1:5-7Kiri ’diri a’dule ku, te ama ovu ayikosi inzata ma alia, a’disiku ama ni ra inzatani asi teza fe, 4te asi tezani eri ama dri adriza onyiru e’yoni ’ba sizuri fe, adriza onyiruri fe amani asi ’bazu e’yo drileri ma dria, 5#Zab 22:5; 25:20; Ebra 6:18, 19te asi ’bazu e’yo drileri ma driari feni drinza ku, ale Mungunirini i dale asi amani ma alia Orindi Alatararu erini fele ama dri ’borisirisi.
6Te o’du ndra amani ovuzu nga okpo kokorurisi, ewu ka eca kilili ’bo Kristo dra ’ba Mungu gapi si ’diyisi. 7’Ba ma e’yo ka ovu kililiru ti, eri ewaru ’ba isuzu drazu eri ma pariate kani agu azini nga i ma asi imba drazu ’ba onyiru ma paria yani. 8#Yoh 3:16; 1 Yoh 4:10Te Mungu ece ale i ngulupini ama yu, a’disiku amani ovuria ndra nga ’ba onzini ti, Kristo dra amasi. 9#Rum 1:18; 2:5, 8’Dini amani ovuria lazaru ’ba baru ari erinisi ’boria, agapiri ama nga di ama pa adra Munguni ma alia erisi. 10#Rum 8:7Te Mungu ka ama eri ma ari’baru ’diyi a’i ti ecizu i be Mvi ini ma dratasi, agapiri erini ama a’ile ti ecizu i be ’borisi, ama nga ama pa Mvi nde ma idrisi. 11Kiri ’diri a’dule ku, te ama ovu ayikosi Mungu alia Opi amani Yesu Kristo, amani ani ti eciza Mungu beri isuzu erisiri ma e’yosi.
Adamu pi Kristo be
12 #
E’do 3:6; 2:17; 3:19; Rum 6:23 ’Dini ekile e’yo onzini efile ndra nyakua ’ba alu ma e’yosirile, te indi e’yo onzi ndesi dra efini, e’yo ’disi dra obi ’ba dria yini dria ’yele onzirisi- 13#Rum 4:15ndra oko de azita ecani ku e’yo onzi ovu nyakua, te azitani ovuria yoria, ajini e’yo onzi ma ru ku. 14#1 Kor 15:21, 22, 45, 55Te e’dozu ndra Adamusi cazu Musasi dra ovu ndra opiru ’ba dria ma driliani, eri obi ’ba dria yi ka e’yo onzi ’ye Adamuni ’yelerile ku ti, te Adamuni ecetaru ’ba ngapi emupi vileri ecezu.
15Te afa Munguni fele avasiri ovuni ekile ezata nderile ku. Te dra ka ’ba bi kakau ezata ’ba alunisi, agapi turi ’Yeta anzutiri Munguni azini afa erini fele ’Yeta anzutiri ’ba alu Yesu Kristonisiri aga tu ’ba kakau vu. 16Te afa feza nderi ovuni ekile e’yo ecapi ezata ’ba aluni ezalerisirile ku. Te e’yo liza eca ndra ezata alusi ’ba ndezu, te afa feza avasiri eca ezata kakau ma e’yosi ’ba lazu ’ba baru. 17Te ’ba alu ma ezatasi dra ka ovu opiru ’ba alu nde ma e’yosi, agapi turi ’ba ’Yeta anzutiri pi isupi tu, afa feza ’ba lazu ’ba baruri be ’diyi, yi nga ovu opiru idri alia ’ba alu Yesu Kristosi.
18 #
1 Kor 15:22
’Dini ekile be ezata alusi e’yo liza bi ’ba dria yi ndezu, ’dinile vini indi ’Yeta baru alusi feza eca ’ba dria vu yi lazu baru, idri fezu yi dri. 19#Isa 53:11Te ekile eritaako ’ba alunisi ’ba kakau eca ’ba onzi ’diyiru, ’dini vini indi ’ba aluni e’yo erilerisi ’ba kakau eca ’ba baru. 20#Rum 4:15; 7:8; Gal 3:19Te azita fi ndra ereniru, ’dini e’yo onzi ma ezu i ani; te pari e’yo onzini ezuzuria ’Yeta anzutiri ezu di aga tu, 21#Rum 6:23’dini ekile be ndra e’yo onzini ovule opiru ’ba dri dra fezurile, ’dini vini indi ’Yeta anzutiri ma ovu opiru ’ba lazu baru, idri ’dani ’dani fezu Yesu Kristo Opi amanirisi.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.