’Yeta 4
4
Petero pi Yohana be ’ba e’yo amapi diyi ma drilia
1 #
Luk 22:4, 52 Yini nga e’yo ’yoria ’ba nde ’diyi tia, kuhani azini asikari ambo hekaluari nga eca yi vu ’ba Sadukayoni ’diyi be; 2#’Yeta 23:8yi ovu aokosi tu yini ’ba nde ’diyi imbalerisi, azini yini engata ’ba draza eselia Yesusiri ma eti nzelerisi, 3#’Yeta 3:1Yi obi yi ci, yi ofi yi arujoa cazu kpere o’bitisi, anguni ovule ondrerunirisi. 4#’Yeta 2:47Te ’ba karakarau e’yo eripi ’diyi yi a’i ra; kalafe agupini eca ekile alifu towile.
5Eri eca drusi ’dini, ’ba ’ba dri cepi ’diyi pi oku yi tualu Yerusalemua ’ba ’wara pie, ’ba waraga sipi ’diyi pie; 6Anasi kuhani amboruri pi indi, Kaifa pie, Yohana pie, Alegezanda pie, ’ba ovupi ori’ba kuhani amboruni ma alia ’diyi pie dria. 7#Mat 21:23Ka yi ’ba yi eselia ’boo yi zi yi tia, Emi ’ye e’yo ’diri okpo ngorisi ya, kani ru ngorisi ya? 8#Mat 10:19, 20Etu ’dasi Petero gapi Orindi Alatararusi treri nga di ’yo yi tia, Emi’i ’ba ’ba dri cepi ’diyi azini ’ba i ’wara, 9emi ka ama ozi andru azi lonyiru ’ba acozaru ’diri vurisi, eri isu atiza ngoni ngoni ya, 10#’Yeta 3:6, 13-16emi dria ma ni, azini ’ba Israelini ’diyi dria ma ni eri ovu Yesu Kristo ’ba Nazaretiari ma rusi, eri’i emini dile pati ruaa te Munguni engale ’ba draza eseliari; eri ma rusi ’ba ’dori so pa emi milia rua alaru be ’do. 11#Zab 118:22; Mat 21:42’Ba ’diri ovu oni emi ’ba jo sipi ’diyini ’bele amve te eri eca curu’do jo kalati ma oni driruri’i. 12#Mat 1:21’Ba econi yi pazaru ’ba azini ma e’yosi ku, te ru andini ’bu etia ovupi fezaru ’ba eselia, amani ama pazu aniri aluni yo.
13Te yi ka Petero pi ndre Yohana be yini ovuria uri kokoru, ni ra yi ovu ’ba ’bani imbale tu ku, ’ba tokoni ’diyi, yi osu ani tu; yi va ani yi ovu ndra Yesu be ra. 14#’Yeta 3:8, 9Yini ’ba ovupi atizaruri ndreria erini pa soria tualu yi be, yi econi e’yo ’yozaru agataru ku. 15Te yi fe yi dri azita yi ma fu nga amve were, yi ega e’yo tualu, 16#Yoh 11:47’yozu, Ama nga ’ye ’ba ’diyisi ngoni ya? Adaru yi ’ye tali kuzaru yi ma drisi; ’ba dria adripi Yerusalemua ’diyi ni ra, te ama econi ’yozaru kini eri inzoni, ’dini ku. 17#’Yeta 5:28Ama ma ega yi dria, yi ma olu ru nderi dika ’ba aluni tia ku, e’yo nderi kazu kuzu ’ba ma eselia dika ku, 18Yi omve yi, yi azi yi ma tia yi ma olu kani imba ru Yesunisi dika ku. 19#’Yeta 5:29Te Petero pi Yohana be yi omvi e’yo yi tia kini, Emi ma li e’yo ’diri emi’i, kani eri onyiru Mungu ma milia ama ma eri emi aga Munguni ra ya; 20te ama econi e’yo amani ndreleri azini erileri kuzaru ’yokokoru ku. 21Yi ka ega yi dria dika, yi fe geri yi dri, yi econi yi inzazaru dika ku ’ba ongulumuru ma e’yosi; ’ba driani Mungu inzile e’yo nderisirisi. 22Te agu nde ovupi atizaru tali osuzaru ’dirisiri ma eli aga kali su ra.
’Ba a’ipi ’diyini asi okpo a’izu Mungu driri
23Yini yi kuria, yi eca ’ba ongulumuru yini ’diyi vu, yi ece yi dri e’yo dria kuhani amboru ’diyini azini ’ba ’wara ’diyini ’yole yi tiari. 24#Efu 20:11; Neh 9:6; Zab 146:6; Isa 37:16; Luk 2:29; Eceza 6:10’Ba ’diyi ka e’yo ’diri eri ’bo, yi enga o’duko yini Mungu vu asi alusi, yi ’yo ra, Opi la, mi ’bu ’bapi nyaku be, miri pie, afa dria yi alia ’diyi pieri, 25#Zab 2:1-2mi ’yo ndra ama a’bi Daudi ati’bo mini ma tisi Orindi Alatararusi,
’Ba jururu yi enga adrasi a’disi ya?
Azini ’ba suru ndu nduni ’diyi yi e’yo toko otu a’disi ya?
26Opi wudrikuruni yi ede yi a’di ’dizu,
’ba opiru yi oku yi tualu a’di ’dizu Yehova be azini Kristo erini be-
27 #
Mat 27:1-2; Mar 15:1; Luk 23:1, 7-11; Yoh 18:28-29 te adaru Herode pi oku yi tualu aku ’diri alia, Pontio Pilato pie, ’ba Jururu ’diyi pie, ’ba Israelini ’diyi pie, lezu a’di ’dizu Yesu Mvi mini alatararu mini odu osule driniari be, 28#’Yeta 2:23e’yo dria mi drini ndra edele azini mi ma eyikizani ndra otule okokele ’diyi ’yezu. 29#Efe 6:19Te curu’do, Opi, mi lu, ’ba ’diyi li ama bilendu ra, te mi fe ati’ba mini dri e’yo ’yozu uri kokoru. 30Mi’i mi eju mi wu azo atizu, azini eceta tali be amboru ’diyi ’yezu Mva alatararu mini yesu ma rusi. 31#’Yeta 2:2, 4Yi ka zi ’bo, pari yini yi okuzu tualuri ovu oyazaru; yi ga Orindi Alatararusi tre, yi ’yo e’yo Munguni uri kokoru.
Ala dria awazu yi eselia tualuri
32 #
’Yeta 2:44-45
’Ba ongulumuru a’ipi ’diyi Yi ovu dria asi alusi, orindi alusi indi, te ’ba aluni ’yoni afa ini ovu i ma ngulupini ku, te afa dria yi awa yi eselia tualu. 33#’Yeta 2:47Te ’ba ti opele, ’diyi nze engata Opi Yesuni ’ba draza ma eseliari ma e’yo eti okposi i tu, azini asi ndriza amboru ovu yi ma i dria dria. 34#’Yeta 2:45Yi ma eselia ’ba aluni ovuni afa kokoru ku, te nyaku e’ipi dria azini jo e’ipi dria yi ofe afa yini je, yi eji silingi yini isule ’diyi, 35yi ’ba yi ’ba ti opele ’diyi ma palaa; yi awa ’ba alu alu dri ekile ’ba alu aluni ovule afa kokorurile. 36#’Yeta 11:22, 24; 13:4; 15:39’Dini Yusufu, ru azini ’ba ti opele ’diyini fele eri driri Baranaba’i (ru ’diri ma ojazani ’dinile, Mva asi omizani), ’ba Levini osipi ndra Kuporoari, 37eri ovu amvu be, eri fe je, eri eji silingini, ’ba ’ba ti opele ’diyi ma palaa.
S'ha seleccionat:
’Yeta 4: LB66
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.
’Yeta 4
4
Petero pi Yohana be ’ba e’yo amapi diyi ma drilia
1 #
Luk 22:4, 52 Yini nga e’yo ’yoria ’ba nde ’diyi tia, kuhani azini asikari ambo hekaluari nga eca yi vu ’ba Sadukayoni ’diyi be; 2#’Yeta 23:8yi ovu aokosi tu yini ’ba nde ’diyi imbalerisi, azini yini engata ’ba draza eselia Yesusiri ma eti nzelerisi, 3#’Yeta 3:1Yi obi yi ci, yi ofi yi arujoa cazu kpere o’bitisi, anguni ovule ondrerunirisi. 4#’Yeta 2:47Te ’ba karakarau e’yo eripi ’diyi yi a’i ra; kalafe agupini eca ekile alifu towile.
5Eri eca drusi ’dini, ’ba ’ba dri cepi ’diyi pi oku yi tualu Yerusalemua ’ba ’wara pie, ’ba waraga sipi ’diyi pie; 6Anasi kuhani amboruri pi indi, Kaifa pie, Yohana pie, Alegezanda pie, ’ba ovupi ori’ba kuhani amboruni ma alia ’diyi pie dria. 7#Mat 21:23Ka yi ’ba yi eselia ’boo yi zi yi tia, Emi ’ye e’yo ’diri okpo ngorisi ya, kani ru ngorisi ya? 8#Mat 10:19, 20Etu ’dasi Petero gapi Orindi Alatararusi treri nga di ’yo yi tia, Emi’i ’ba ’ba dri cepi ’diyi azini ’ba i ’wara, 9emi ka ama ozi andru azi lonyiru ’ba acozaru ’diri vurisi, eri isu atiza ngoni ngoni ya, 10#’Yeta 3:6, 13-16emi dria ma ni, azini ’ba Israelini ’diyi dria ma ni eri ovu Yesu Kristo ’ba Nazaretiari ma rusi, eri’i emini dile pati ruaa te Munguni engale ’ba draza eseliari; eri ma rusi ’ba ’dori so pa emi milia rua alaru be ’do. 11#Zab 118:22; Mat 21:42’Ba ’diri ovu oni emi ’ba jo sipi ’diyini ’bele amve te eri eca curu’do jo kalati ma oni driruri’i. 12#Mat 1:21’Ba econi yi pazaru ’ba azini ma e’yosi ku, te ru andini ’bu etia ovupi fezaru ’ba eselia, amani ama pazu aniri aluni yo.
13Te yi ka Petero pi ndre Yohana be yini ovuria uri kokoru, ni ra yi ovu ’ba ’bani imbale tu ku, ’ba tokoni ’diyi, yi osu ani tu; yi va ani yi ovu ndra Yesu be ra. 14#’Yeta 3:8, 9Yini ’ba ovupi atizaruri ndreria erini pa soria tualu yi be, yi econi e’yo ’yozaru agataru ku. 15Te yi fe yi dri azita yi ma fu nga amve were, yi ega e’yo tualu, 16#Yoh 11:47’yozu, Ama nga ’ye ’ba ’diyisi ngoni ya? Adaru yi ’ye tali kuzaru yi ma drisi; ’ba dria adripi Yerusalemua ’diyi ni ra, te ama econi ’yozaru kini eri inzoni, ’dini ku. 17#’Yeta 5:28Ama ma ega yi dria, yi ma olu ru nderi dika ’ba aluni tia ku, e’yo nderi kazu kuzu ’ba ma eselia dika ku, 18Yi omve yi, yi azi yi ma tia yi ma olu kani imba ru Yesunisi dika ku. 19#’Yeta 5:29Te Petero pi Yohana be yi omvi e’yo yi tia kini, Emi ma li e’yo ’diri emi’i, kani eri onyiru Mungu ma milia ama ma eri emi aga Munguni ra ya; 20te ama econi e’yo amani ndreleri azini erileri kuzaru ’yokokoru ku. 21Yi ka ega yi dria dika, yi fe geri yi dri, yi econi yi inzazaru dika ku ’ba ongulumuru ma e’yosi; ’ba driani Mungu inzile e’yo nderisirisi. 22Te agu nde ovupi atizaru tali osuzaru ’dirisiri ma eli aga kali su ra.
’Ba a’ipi ’diyini asi okpo a’izu Mungu driri
23Yini yi kuria, yi eca ’ba ongulumuru yini ’diyi vu, yi ece yi dri e’yo dria kuhani amboru ’diyini azini ’ba ’wara ’diyini ’yole yi tiari. 24#Efu 20:11; Neh 9:6; Zab 146:6; Isa 37:16; Luk 2:29; Eceza 6:10’Ba ’diyi ka e’yo ’diri eri ’bo, yi enga o’duko yini Mungu vu asi alusi, yi ’yo ra, Opi la, mi ’bu ’bapi nyaku be, miri pie, afa dria yi alia ’diyi pieri, 25#Zab 2:1-2mi ’yo ndra ama a’bi Daudi ati’bo mini ma tisi Orindi Alatararusi,
’Ba jururu yi enga adrasi a’disi ya?
Azini ’ba suru ndu nduni ’diyi yi e’yo toko otu a’disi ya?
26Opi wudrikuruni yi ede yi a’di ’dizu,
’ba opiru yi oku yi tualu a’di ’dizu Yehova be azini Kristo erini be-
27 #
Mat 27:1-2; Mar 15:1; Luk 23:1, 7-11; Yoh 18:28-29 te adaru Herode pi oku yi tualu aku ’diri alia, Pontio Pilato pie, ’ba Jururu ’diyi pie, ’ba Israelini ’diyi pie, lezu a’di ’dizu Yesu Mvi mini alatararu mini odu osule driniari be, 28#’Yeta 2:23e’yo dria mi drini ndra edele azini mi ma eyikizani ndra otule okokele ’diyi ’yezu. 29#Efe 6:19Te curu’do, Opi, mi lu, ’ba ’diyi li ama bilendu ra, te mi fe ati’ba mini dri e’yo ’yozu uri kokoru. 30Mi’i mi eju mi wu azo atizu, azini eceta tali be amboru ’diyi ’yezu Mva alatararu mini yesu ma rusi. 31#’Yeta 2:2, 4Yi ka zi ’bo, pari yini yi okuzu tualuri ovu oyazaru; yi ga Orindi Alatararusi tre, yi ’yo e’yo Munguni uri kokoru.
Ala dria awazu yi eselia tualuri
32 #
’Yeta 2:44-45
’Ba ongulumuru a’ipi ’diyi Yi ovu dria asi alusi, orindi alusi indi, te ’ba aluni ’yoni afa ini ovu i ma ngulupini ku, te afa dria yi awa yi eselia tualu. 33#’Yeta 2:47Te ’ba ti opele, ’diyi nze engata Opi Yesuni ’ba draza ma eseliari ma e’yo eti okposi i tu, azini asi ndriza amboru ovu yi ma i dria dria. 34#’Yeta 2:45Yi ma eselia ’ba aluni ovuni afa kokoru ku, te nyaku e’ipi dria azini jo e’ipi dria yi ofe afa yini je, yi eji silingi yini isule ’diyi, 35yi ’ba yi ’ba ti opele ’diyi ma palaa; yi awa ’ba alu alu dri ekile ’ba alu aluni ovule afa kokorurile. 36#’Yeta 11:22, 24; 13:4; 15:39’Dini Yusufu, ru azini ’ba ti opele ’diyini fele eri driri Baranaba’i (ru ’diri ma ojazani ’dinile, Mva asi omizani), ’ba Levini osipi ndra Kuporoari, 37eri ovu amvu be, eri fe je, eri eji silingini, ’ba ’ba ti opele ’diyi ma palaa.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.