Loma 5
5
Mutende na Lesa
1Onkao mambo byo twabingishiwa ku lwitabilo, tuji na mutende na mwine Lesa monka mwi Nkambo yetu Yesu Kilishitu. 2Monka mwi aye mo motwatwelejile mu buno bupe bo twaimanamo konka ku lwitabilo, kabiji twasekela mu luketekelo lwa lukumo lwa Lesa! 3Kukilapotu, twasekela ne mu bya malwa byetu, kasa twayuka namba, malwa aleeta butekanye, 4kabiji butekanye nabo buleeta kulumbuluka, kulumbuluka nako kuleeta luketekelo. 5Ne luketekelo kechi luleeta bumvu ne, mambo butemwe bwa Lesa bebwitulwila mu michima yetu na Mupashi Wazhila, ye twapewa.
6Mambo byo twakijinga banekena, mu kimye kyafwainwa Kilishitu wibafwijile babula kwakamwa Lesa. 7Mambo kechi kyapeela muntu kumufwila waololoka ne. Kana muntu wa lusa kampe umo usakuchinchika ne kumufwila. 8Bino aye Lesa witumwesha butemwe bwanji mwine bo etutemwa, mambo byo twakijinga bandengamambo, Kilishitu witufwijile. 9Mambo pano, byo twabingishiwa na mashi anji, kine kabiji tukapulukila mwi aye ku bukaji bwa Lesa. 10Mambo umvwe byo twakijinga balwanyi, twapwainwe ne Lesa mu lufu lwa Mwananji. Pano byo twapwana, kine kabiji tukapulukila mu bumi bwanji! 11Namo kechi monkamotu ne; twasekela ne mwi aye Lesa monka mwi Nkambo yetu Yesu Kilishitu, mo twatambwila pano bupwanyi.
Adama ne Kilishitu
12 #
Nte 3:6
Byonkabyo, bundengamambo byo bwatwelele pano pantanda ku muntu umo, ne lufu nalo lwatwelele na bundengamambo, kabiji byonkabyo ne lufu lwakumbene ku bantu bonse, mambo bonse balengele mambo. 13Mambo Mizhilo kasa ikyangye kupanwa, bundengamambo kasa bujipo pano pantanda; bino bundengamambo kechi butelwa bu mambo pakubula Mizhilo ne. 14Kabiji byonkabyo kufuma kwi Adama ne kufika kwi Mosesa lufu lwaikajile mu bufumu, ne pa boba babujile kulenga mambo mwayila kuzhilulula kwa Adama.
Ye wajinga kifwanyikizho kya yewa wasakile kwiya. 15Bino kya bupe kechi kiji pamo na bubi ne. Mambo umvwe bavula bafwile na mambo a bubi bwa umo, kine kabiji bupe bwa Lesa, ne kyoapana mu bupe bwa mwi yewa muntu umo, Yesu Kilishitu, kyakijishatu kwi bakumbana bavula. 16Kabiji akya kya bupe kechi kiji pamo ne kyokya kyamwekejile mu bubi bwa yewa muntu umo ne. Mambo bunchiba mambo, bwaishile pa bubi bwa umo bwaletele luzhachisho, pakuba akya kya bupetu, kyaishile pa mizhilulwila yavula kyaletele lubingisho! 17Mambo umvwe na bubi bwa muntu umo lufu lwaikajile mu bufumu na mambo a yewa umo. Nanchi kine, ne abo batambula bupe bwavula ne bololoke bwa bupetu bakekalanga mu bufumu mu bumi monka mwi aye muntu umo, Yesu Kilishitu.
18Byonkabyo luzhachisho byo lwaishile ku bantu bonse mu bubi bwa muntu umo, kabiji byonkabyo ne lubingisho luleeta bumi nalo lwaishile ku bantu bonse mu kyubilo kya bololoke kimo. 19Mambo bavula byo ba alukile ke bandengamambo mu milengulwila ya umo, byonkabyo ne bavula ba kaluuka ke baoloka mu lukookelo lwa umo.
20Pano Mizhilo nayo yatwelele amba, kuzhilulula kuvule; bino pavujile bundengamambo, ne bupe nabo bwakijishetu kuvula. 21Amba, bundengamambo, byonka byo bwaikajile mu bufumu bwa lufu, byonkabyo ne bupe nabo, bwikale mu bufumu mu kupana bololoke buleeta bumi bwa myaka mwi Yesu Kilishitu Nkambo yetu.
S'ha seleccionat:
Loma 5: KNTP
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Kaonde New Testament © The Bible Society of Zambia, 2019.
Loma 5
5
Mutende na Lesa
1Onkao mambo byo twabingishiwa ku lwitabilo, tuji na mutende na mwine Lesa monka mwi Nkambo yetu Yesu Kilishitu. 2Monka mwi aye mo motwatwelejile mu buno bupe bo twaimanamo konka ku lwitabilo, kabiji twasekela mu luketekelo lwa lukumo lwa Lesa! 3Kukilapotu, twasekela ne mu bya malwa byetu, kasa twayuka namba, malwa aleeta butekanye, 4kabiji butekanye nabo buleeta kulumbuluka, kulumbuluka nako kuleeta luketekelo. 5Ne luketekelo kechi luleeta bumvu ne, mambo butemwe bwa Lesa bebwitulwila mu michima yetu na Mupashi Wazhila, ye twapewa.
6Mambo byo twakijinga banekena, mu kimye kyafwainwa Kilishitu wibafwijile babula kwakamwa Lesa. 7Mambo kechi kyapeela muntu kumufwila waololoka ne. Kana muntu wa lusa kampe umo usakuchinchika ne kumufwila. 8Bino aye Lesa witumwesha butemwe bwanji mwine bo etutemwa, mambo byo twakijinga bandengamambo, Kilishitu witufwijile. 9Mambo pano, byo twabingishiwa na mashi anji, kine kabiji tukapulukila mwi aye ku bukaji bwa Lesa. 10Mambo umvwe byo twakijinga balwanyi, twapwainwe ne Lesa mu lufu lwa Mwananji. Pano byo twapwana, kine kabiji tukapulukila mu bumi bwanji! 11Namo kechi monkamotu ne; twasekela ne mwi aye Lesa monka mwi Nkambo yetu Yesu Kilishitu, mo twatambwila pano bupwanyi.
Adama ne Kilishitu
12 #
Nte 3:6
Byonkabyo, bundengamambo byo bwatwelele pano pantanda ku muntu umo, ne lufu nalo lwatwelele na bundengamambo, kabiji byonkabyo ne lufu lwakumbene ku bantu bonse, mambo bonse balengele mambo. 13Mambo Mizhilo kasa ikyangye kupanwa, bundengamambo kasa bujipo pano pantanda; bino bundengamambo kechi butelwa bu mambo pakubula Mizhilo ne. 14Kabiji byonkabyo kufuma kwi Adama ne kufika kwi Mosesa lufu lwaikajile mu bufumu, ne pa boba babujile kulenga mambo mwayila kuzhilulula kwa Adama.
Ye wajinga kifwanyikizho kya yewa wasakile kwiya. 15Bino kya bupe kechi kiji pamo na bubi ne. Mambo umvwe bavula bafwile na mambo a bubi bwa umo, kine kabiji bupe bwa Lesa, ne kyoapana mu bupe bwa mwi yewa muntu umo, Yesu Kilishitu, kyakijishatu kwi bakumbana bavula. 16Kabiji akya kya bupe kechi kiji pamo ne kyokya kyamwekejile mu bubi bwa yewa muntu umo ne. Mambo bunchiba mambo, bwaishile pa bubi bwa umo bwaletele luzhachisho, pakuba akya kya bupetu, kyaishile pa mizhilulwila yavula kyaletele lubingisho! 17Mambo umvwe na bubi bwa muntu umo lufu lwaikajile mu bufumu na mambo a yewa umo. Nanchi kine, ne abo batambula bupe bwavula ne bololoke bwa bupetu bakekalanga mu bufumu mu bumi monka mwi aye muntu umo, Yesu Kilishitu.
18Byonkabyo luzhachisho byo lwaishile ku bantu bonse mu bubi bwa muntu umo, kabiji byonkabyo ne lubingisho luleeta bumi nalo lwaishile ku bantu bonse mu kyubilo kya bololoke kimo. 19Mambo bavula byo ba alukile ke bandengamambo mu milengulwila ya umo, byonkabyo ne bavula ba kaluuka ke baoloka mu lukookelo lwa umo.
20Pano Mizhilo nayo yatwelele amba, kuzhilulula kuvule; bino pavujile bundengamambo, ne bupe nabo bwakijishetu kuvula. 21Amba, bundengamambo, byonka byo bwaikajile mu bufumu bwa lufu, byonkabyo ne bupe nabo, bwikale mu bufumu mu kupana bololoke buleeta bumi bwa myaka mwi Yesu Kilishitu Nkambo yetu.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Kaonde New Testament © The Bible Society of Zambia, 2019.