Loma 15
15
Tokeshai bakwenu pa muchima kechi anweba bene ne
1Kabiji atweba bakosa twafwainwa kwitwika kunekena kwa babula kukosa, kechi kwitokeshatu pa muchima atweba bene ne. 2Kana atweba bonse pa muntu pa muntu tutokeshe mukwetu pa muchina ne kumubila byawama bya kumukomesha. 3#Sala 69:9 Mambo Kilishitu naye kechi witokeshe mwine pa muchima ne, bino monka mo kyanembelwa amba, “Bya mwenga bya boba bemwambijile mwenga byamfikila amiwa.” 4Mambo byonse byanembelwe kala byanembejilwe kufundwa kwetu, amba monka mu butekanye ne mulutundaiko lwa binembelo twikale na luketekelo. 5Pano aye Lesa wabutekanye ne walutundaiko emupe mwakwikela na muchima umo anweba bene na bene monka mwayila muchima wa Kilishitu Yesu, 6amba pamo na muchima umo ne na jiwi jimo mukatumbijike Lesa Shanja Nkambo yetu Yesu Kilishitu.
Mambo Awama ku Bangentila
7Onkao mambo itambulai anweba bene na bene byonka byoemutambula Kilishitu mambo a lukumo lwa Lesa. 8Mambo amiwa nemubuula namba Kilishitu waikele ke wamwingilo wa ba mu mukanda mambo a kumwesha bukine bwa Lesa, amba afikizhe milaye yoapaine ku bashakulu, 9#2 Sam 22:50; Sala 18:49 kabiji amba, Bangentila batumbijike Lesa na mambo a lusa lwanji. Monka mo kyanembelwa amba,
“Onkao mambo amiwa nkemutotela mu Bangentila,
ne kwijimbila ya kutota jizhina jenu.”
10 #
Mpitu 32:43
Kabiji aye amba,
“Anweba Bangentila, sekelai pamo na bantu banji!”
11 #
Sala 117:1
Kabiji amba,
“Totai Nkambo anweba Bangentila bonse;
ne bantu bonse bamutote!”
12 #
Isa 11:10
Kabiji ne aye Isaya amba,
“Wa mukisemi kya Yese naye ukeya
ukebalama Bangentila,
kabiji Bangentila bakaketekela mwi aye.”
13Kabiji aye Lesa nsulo ya luketekelo, emuyuzhe na lusekelo lonse ne mutende pa kwitabila, amba luketekelo lwenu luyenga na kukomenako, monka mu bulume bwa Mupashi Wazhila.
Byalengejile Paulo kunemba nkalata na kuchinchika
14Anweba bakwetu, ne amiwa mwine muchina wami wimuketekela bulongo namba, ne anweba bene mwayula byawama, mwayuzhiwa na maana onse, ne kuyuka mwayuka kwifunda anweba bene na bene. 15Byonkabyo nemunembela bimo kasa nachinchika ne kwimuvulula, na mambo a bupe bonapewa kwi Lesa, 16amba ngikale ke wamwingilo wa Kilishitu Yesu ku Bangentila, kasa ng'ingila mu Mambo Awama a Lesa, namba kulambulwa kwa Bangentila kwitabilwe, byo kwazhijikwa na Mupashi Wazhila. 17Onkao mambo nji na bya kwitotela mwi Kilishitu Yesu mu mwingilo wami wa ku mwingijila Lesa. 18Mambo amiwa kechi nkonshe kwamba bintu bikwabo ne, kana byonka byaingijilenga Kilishitu mwi amiwa mukuleeta lukookelo mu Bangentila, mu byambo ne mu byubilo, 19monka mu bulume bwa biyukilo, ne bwa bya kukumya, ne mubulume bwa Mupashi wa Lesa amba, byonkabyo kufuma ku Yelusalema, ne mumande azhokolokako, kukafika kwine ne ku Ililikuma, nasapwilako Mambo Awama a Kilishitu. 20Kabiji nateshakotu muchima namba nsapwile Mambo Awama kechi koatelelwe kala aye Kilishitu ne, kuchiina amba na keya kushimika pa kitendekesho kya muntu mukwabo. 21#Isa 52:15 Bino monka mo kyanembelwa amba,
“Aba babujilwe kusapwilwa mambo anji aye bakamona,
kabiji aba babula kumvwa, bakomvwisha bulongo.”
Paulo byo a fukwile kuya ku Loma
22 #
Lo 1:13
Onkao mambo kino kyo kintu kine kyalengejile amiwa kubula kwiya ko muji. 23Pakuba pano, byo nabula mpunzha ikwabo kwa kwingijila mu ano mapunzha, ne byo nasakilenga mu ino myaka yavula kwiya ko muji, 24naketekela namba, ponka pa kukayanga ku Sipeni, nkemumona pa lwendo lwami, ne kutambula bukwasho kufuma kwi anweba bwa pa lwendo lwami, patanshi nkekala nenu bang'ondo bacheche. 25#1 Ko 16:1-4Pakuba pano mbena kuya ku Yelusalema, na kutwala bukwasho ku bazhijikwa. 26Mambo kibatokela ku muchima bamu Makedonya ne mu Akaya kupana bya bupe bya kukwasha balanda bamu bazhijikwa bamu Yelusalema. 27#1 Ko 9:11 Kibatokela ku muchima; mambo kine baji na bikoloto kwi abo. Mambo umvwe Bangentila bashilang'ana naabo pamo mu bya ku mupashi, kabiji mo monka mo kibafwainwa nabo kwibakwasha mu bya ku mubiji. 28Byonkabya byo nkapwisha kino, ne kwibafikizhizha bino bya bupe, po po nkapita kwenu byo nkayanga ku Sipeni. 29Kabiji nayuka namba byo nkemwendela kwenu, nkeya kasa nayula na mapesho a Kilishitu.
30Pano nemusashijila anweba bakwetu, monka mwi Nkambo yetu Yesu Kilishitu, ne mu butemwe bwa Mupashi, namba mukwantankane pamo ne amiwa mu milombelo yenu yo mundombelela kwi Lesa; 31namba nkapokololwe ku bamilengulwila baji mu Yudea, kabiji namba mwingilo wami yenaendela ku Yelusalema aketabilwe bulongo ku bazhijikwa. 32Namba nkeye ko muji na lusekelo monka mu kyaswa muchima wa Lesa, ne kukokoloka nenu pamo. 33Pano Lesa wa mutende ekale ne anweba bonse. Amena.
S'ha seleccionat:
Loma 15: KNTP
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Kaonde New Testament © The Bible Society of Zambia, 2019.
Loma 15
15
Tokeshai bakwenu pa muchima kechi anweba bene ne
1Kabiji atweba bakosa twafwainwa kwitwika kunekena kwa babula kukosa, kechi kwitokeshatu pa muchima atweba bene ne. 2Kana atweba bonse pa muntu pa muntu tutokeshe mukwetu pa muchina ne kumubila byawama bya kumukomesha. 3#Sala 69:9 Mambo Kilishitu naye kechi witokeshe mwine pa muchima ne, bino monka mo kyanembelwa amba, “Bya mwenga bya boba bemwambijile mwenga byamfikila amiwa.” 4Mambo byonse byanembelwe kala byanembejilwe kufundwa kwetu, amba monka mu butekanye ne mulutundaiko lwa binembelo twikale na luketekelo. 5Pano aye Lesa wabutekanye ne walutundaiko emupe mwakwikela na muchima umo anweba bene na bene monka mwayila muchima wa Kilishitu Yesu, 6amba pamo na muchima umo ne na jiwi jimo mukatumbijike Lesa Shanja Nkambo yetu Yesu Kilishitu.
Mambo Awama ku Bangentila
7Onkao mambo itambulai anweba bene na bene byonka byoemutambula Kilishitu mambo a lukumo lwa Lesa. 8Mambo amiwa nemubuula namba Kilishitu waikele ke wamwingilo wa ba mu mukanda mambo a kumwesha bukine bwa Lesa, amba afikizhe milaye yoapaine ku bashakulu, 9#2 Sam 22:50; Sala 18:49 kabiji amba, Bangentila batumbijike Lesa na mambo a lusa lwanji. Monka mo kyanembelwa amba,
“Onkao mambo amiwa nkemutotela mu Bangentila,
ne kwijimbila ya kutota jizhina jenu.”
10 #
Mpitu 32:43
Kabiji aye amba,
“Anweba Bangentila, sekelai pamo na bantu banji!”
11 #
Sala 117:1
Kabiji amba,
“Totai Nkambo anweba Bangentila bonse;
ne bantu bonse bamutote!”
12 #
Isa 11:10
Kabiji ne aye Isaya amba,
“Wa mukisemi kya Yese naye ukeya
ukebalama Bangentila,
kabiji Bangentila bakaketekela mwi aye.”
13Kabiji aye Lesa nsulo ya luketekelo, emuyuzhe na lusekelo lonse ne mutende pa kwitabila, amba luketekelo lwenu luyenga na kukomenako, monka mu bulume bwa Mupashi Wazhila.
Byalengejile Paulo kunemba nkalata na kuchinchika
14Anweba bakwetu, ne amiwa mwine muchina wami wimuketekela bulongo namba, ne anweba bene mwayula byawama, mwayuzhiwa na maana onse, ne kuyuka mwayuka kwifunda anweba bene na bene. 15Byonkabyo nemunembela bimo kasa nachinchika ne kwimuvulula, na mambo a bupe bonapewa kwi Lesa, 16amba ngikale ke wamwingilo wa Kilishitu Yesu ku Bangentila, kasa ng'ingila mu Mambo Awama a Lesa, namba kulambulwa kwa Bangentila kwitabilwe, byo kwazhijikwa na Mupashi Wazhila. 17Onkao mambo nji na bya kwitotela mwi Kilishitu Yesu mu mwingilo wami wa ku mwingijila Lesa. 18Mambo amiwa kechi nkonshe kwamba bintu bikwabo ne, kana byonka byaingijilenga Kilishitu mwi amiwa mukuleeta lukookelo mu Bangentila, mu byambo ne mu byubilo, 19monka mu bulume bwa biyukilo, ne bwa bya kukumya, ne mubulume bwa Mupashi wa Lesa amba, byonkabyo kufuma ku Yelusalema, ne mumande azhokolokako, kukafika kwine ne ku Ililikuma, nasapwilako Mambo Awama a Kilishitu. 20Kabiji nateshakotu muchima namba nsapwile Mambo Awama kechi koatelelwe kala aye Kilishitu ne, kuchiina amba na keya kushimika pa kitendekesho kya muntu mukwabo. 21#Isa 52:15 Bino monka mo kyanembelwa amba,
“Aba babujilwe kusapwilwa mambo anji aye bakamona,
kabiji aba babula kumvwa, bakomvwisha bulongo.”
Paulo byo a fukwile kuya ku Loma
22 #
Lo 1:13
Onkao mambo kino kyo kintu kine kyalengejile amiwa kubula kwiya ko muji. 23Pakuba pano, byo nabula mpunzha ikwabo kwa kwingijila mu ano mapunzha, ne byo nasakilenga mu ino myaka yavula kwiya ko muji, 24naketekela namba, ponka pa kukayanga ku Sipeni, nkemumona pa lwendo lwami, ne kutambula bukwasho kufuma kwi anweba bwa pa lwendo lwami, patanshi nkekala nenu bang'ondo bacheche. 25#1 Ko 16:1-4Pakuba pano mbena kuya ku Yelusalema, na kutwala bukwasho ku bazhijikwa. 26Mambo kibatokela ku muchima bamu Makedonya ne mu Akaya kupana bya bupe bya kukwasha balanda bamu bazhijikwa bamu Yelusalema. 27#1 Ko 9:11 Kibatokela ku muchima; mambo kine baji na bikoloto kwi abo. Mambo umvwe Bangentila bashilang'ana naabo pamo mu bya ku mupashi, kabiji mo monka mo kibafwainwa nabo kwibakwasha mu bya ku mubiji. 28Byonkabya byo nkapwisha kino, ne kwibafikizhizha bino bya bupe, po po nkapita kwenu byo nkayanga ku Sipeni. 29Kabiji nayuka namba byo nkemwendela kwenu, nkeya kasa nayula na mapesho a Kilishitu.
30Pano nemusashijila anweba bakwetu, monka mwi Nkambo yetu Yesu Kilishitu, ne mu butemwe bwa Mupashi, namba mukwantankane pamo ne amiwa mu milombelo yenu yo mundombelela kwi Lesa; 31namba nkapokololwe ku bamilengulwila baji mu Yudea, kabiji namba mwingilo wami yenaendela ku Yelusalema aketabilwe bulongo ku bazhijikwa. 32Namba nkeye ko muji na lusekelo monka mu kyaswa muchima wa Lesa, ne kukokoloka nenu pamo. 33Pano Lesa wa mutende ekale ne anweba bonse. Amena.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Kaonde New Testament © The Bible Society of Zambia, 2019.