Byubilo 28
28
Paulo pa jikuji ja Melita
1Byo twapulukile mu mutende, po po twayukile namba, jino jikuji jojo batela amba, Melita. 2Bangikazhi baikalanga kokwa betubijile lusa lukatampe kechi lucheche ne. Mambo ba banzhile mujilo, ne kwitutambwila bonse, na mambo a mvula wanokelenga, ne na mambo a mashika. 3Pakuba Paulo byo aka bungulwile kikuta kya nsaala ne kwiibika pa mujilo, mwafumine mulolo na mambo a kyuya, wamusumine ne kumina pa kuboko kwanji. 4Ponkapo abo bene bangikazhi bakokwa byo bamwene mulolo kasa apepeela ku kuboko kwa Paulo, ba ambile bene na bene amba, “Leka, uno muntu ye mbanzhi, nangwa wapuluka ku mema, lesa wa mukazhi wa bunchiba mambo kechi wa kumuleka amba ekale na bumi ne.” 5Bino aye Paulo wamukunchijile mulolo pa mujilo, ne kumvwa kukola ne. 6Pakuba abo bapembejilenga amba, usakuvimba nangwa usakupona panshi ne kufwa ponkapotu. Bino byo bapembejile kimye kyabaya ne kumona kintu kyamumwekela kyatama ne, bapimpwile milanguluko yabo ne kwamba amba, “Nanchi ye lesa!”
7Kabiji konkakwa kuntu kwajinga mishiji yoanonkele mwine mukulumpe wa mu jikuji, jizhina janji Pubiliusa, aye witutambwijile bulongo, ne kwikala twaikajile nanji moba asatu. 8Kabiji shanji Pubiliusa wakolelwe kikola kya mashika ne kupita mashi munda. Ne Paulo watwelele mo ajinga, ne pa kulomba, wamubikile maboko anji ne kumubuka. 9Kabiji kino byo kyaubilwe, ne bonse bakwabo bajinga na bikola mu jikuji, baishilenga na kubukwa. 10Ne abo betunemekele na bya bupe byavula, kabiji byo ke tuye betulongejile mu bwato bintu byotwakajilwe.
Lwendo lwa kufuma ku Melita kuya ku Loma
11Pakupita bang'ondo basatu, ke kuya ja pa mema mu bwato bwa ku Alekesandiliya, bonka bwaikajile ku jikuji mu bang'ondo ba mashika, jizhina ja bwato, “Balesa mapasa.” 12Pakufika mu Silakusa, twaikajilemo moba asatu. 13Kabiji byo twafumineko twazhokolokele, ne kufika twafikile ku Legiuma. Pakupita juba jimo, lubesha wa ku kabeta ka ku bulenge watatwile kupuupa. Kabiji mu juba ja bubiji twafikile pa Mputeoli. 14Koko twataine balongo, betusashijile amba, twikale naabo moba atanu na abiji. Kabiji byonkabyo twafikile ne ku Loma. 15Kabiji balongo bakokwa byo ba umvwine, baishile na kwitutundaila kufika ne ku kisankanyi kya Apiusa, ne ku Mazubo a benyi Asatu. Pakuba aye Paulo byo ebamwene, wamutotele Lesa, ne muchima wakosele ne kukosa.
16Kabiji byo twatwelele monka mu Loma Paulo bamuswishishe amba, ekale pa bunke bwanji, pamo na mushilikale wamulaminenga.
Paulo byo asapwijile mu Loma
17Pakupita moba asatu, aye waichile pamo bakulumpe ba Bayudea. Byo bapwijile, aye wibambijile amba, “Amiwa, bakwetu, nangwa kechi nalengele mambo ku bantu betu ne, nangwa ku bisela bya bashakulu betu ne, nafikizhiwe bukaili ku Yelusalema mu maboko a bena Loma. 18Abo, pa kungipuzhaipuzha, basakile kunkasulula, mambo kechi naji na mambo afwainwa lufu ne. 19#Byu 25:11 Bino mambo Bayudea balengulwile, amiwa namusashijile Kesala nangwa kechi naji na mambo a kushiina mukoka wami ne. 20Onka ano mambo o nemusashijila namba nemumone ne kwisamba nenu, kena mambo a luketekelo lwa bena Isalela oo nakashilwa na uno munyololo.”
21Kumvwa abo ba mwambijile amba, “Atweba kechi twatambwilepo makalata afuma ku Yudea a mambo enu ne, nangwa bakwetu nabo baiya kuno kechi betubuulapo kintu nangwa kwamba kyatama na mambo a anweba ne. 22Byonkabyo atweba tubenakusaka kumvwa momwalangulukila, mambo twayuka namba luno lwipatulo lubena kunenwa bibi konse, konse.”
23Byo bamutongwejile jimo juba, baishile bavula koafikijile. Kufuma lukeelo kufika ne mabanga wibalumbulwijile, kasa ebabujisha mambo a bufumu bwa Lesa, ne kweseka kwibetabizha mambo a aye Yesu, kufuma mu buku wa mizhilo wakwa Mosesa ne kufuma mu bangauzhi. 24Kabiji bamo baitabile abya bintu byo a ambile, bino bakwabo bebilengulwile. 25Kabiji byo babujile kwitabanzhana abo bene na bene bapalang'ene, byo a ambile Paulo kyambo kimo, amba “Nanchi kyo kyawama kya ambile Mupashi Wazhila mwi ngauzhi Isaya ku bashakulu benu! 26#Isa 6:9,10Amba,
“Yanga, ku bano bantu ukebambile amba,
Kumvwa mukomvwa, ne kukwatakanya nangwa pacheche ne,
kabiji kumona mukamona, ne kumwesha nangwa pacheche ne.
27Mambo michima ya bano bantu yaluwankana,
ne matwi abo ashinka, kumvwa ne,
ne meso abo beazhinzhibika.
Kuchiina amba, bakamwesha na meso abo,
ne kumvwa bakomvwa na matwi abo,
kabiji ne kukwatakanya, baka kwatakanya na michima yabo,
ne kwaluluka,
ne amiwa nkebabuke.”
28Byonkabyo “Yukai amba, luno lupulukilo lwa Lesa lwatumwa ku Bangentila. Ne abo bakelumvwa.” #28:28 Amo ma buku a mu kigiliki kechi aji na veleshi 29 ne. “Kabiji byo a ambile bino byambo, Bayudea bafumineko, kasa bepachika abo bene na bene.”
29Kabiji byo a ambile bino byambo, Bayudea bafumineko, kasa bepachika abo bene na bene.
30Kabiji aye Paulo waikajile myaka ibiji ituntulu mu nzubo yo asonkelanga aye mwine, ne kwibatambwila bonse batwelelenga mo ajinga, 31kasa ebasapwila mambo a bufumu bwa Lesa, ne kwibafunjisha bya Nkambo Yesu Kilishitu, kasa ambatu na kuchinchika konse, kwakubula ne wa kumukanya ne.
S'ha seleccionat:
Byubilo 28: KNTP
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Kaonde New Testament © The Bible Society of Zambia, 2019.
Byubilo 28
28
Paulo pa jikuji ja Melita
1Byo twapulukile mu mutende, po po twayukile namba, jino jikuji jojo batela amba, Melita. 2Bangikazhi baikalanga kokwa betubijile lusa lukatampe kechi lucheche ne. Mambo ba banzhile mujilo, ne kwitutambwila bonse, na mambo a mvula wanokelenga, ne na mambo a mashika. 3Pakuba Paulo byo aka bungulwile kikuta kya nsaala ne kwiibika pa mujilo, mwafumine mulolo na mambo a kyuya, wamusumine ne kumina pa kuboko kwanji. 4Ponkapo abo bene bangikazhi bakokwa byo bamwene mulolo kasa apepeela ku kuboko kwa Paulo, ba ambile bene na bene amba, “Leka, uno muntu ye mbanzhi, nangwa wapuluka ku mema, lesa wa mukazhi wa bunchiba mambo kechi wa kumuleka amba ekale na bumi ne.” 5Bino aye Paulo wamukunchijile mulolo pa mujilo, ne kumvwa kukola ne. 6Pakuba abo bapembejilenga amba, usakuvimba nangwa usakupona panshi ne kufwa ponkapotu. Bino byo bapembejile kimye kyabaya ne kumona kintu kyamumwekela kyatama ne, bapimpwile milanguluko yabo ne kwamba amba, “Nanchi ye lesa!”
7Kabiji konkakwa kuntu kwajinga mishiji yoanonkele mwine mukulumpe wa mu jikuji, jizhina janji Pubiliusa, aye witutambwijile bulongo, ne kwikala twaikajile nanji moba asatu. 8Kabiji shanji Pubiliusa wakolelwe kikola kya mashika ne kupita mashi munda. Ne Paulo watwelele mo ajinga, ne pa kulomba, wamubikile maboko anji ne kumubuka. 9Kabiji kino byo kyaubilwe, ne bonse bakwabo bajinga na bikola mu jikuji, baishilenga na kubukwa. 10Ne abo betunemekele na bya bupe byavula, kabiji byo ke tuye betulongejile mu bwato bintu byotwakajilwe.
Lwendo lwa kufuma ku Melita kuya ku Loma
11Pakupita bang'ondo basatu, ke kuya ja pa mema mu bwato bwa ku Alekesandiliya, bonka bwaikajile ku jikuji mu bang'ondo ba mashika, jizhina ja bwato, “Balesa mapasa.” 12Pakufika mu Silakusa, twaikajilemo moba asatu. 13Kabiji byo twafumineko twazhokolokele, ne kufika twafikile ku Legiuma. Pakupita juba jimo, lubesha wa ku kabeta ka ku bulenge watatwile kupuupa. Kabiji mu juba ja bubiji twafikile pa Mputeoli. 14Koko twataine balongo, betusashijile amba, twikale naabo moba atanu na abiji. Kabiji byonkabyo twafikile ne ku Loma. 15Kabiji balongo bakokwa byo ba umvwine, baishile na kwitutundaila kufika ne ku kisankanyi kya Apiusa, ne ku Mazubo a benyi Asatu. Pakuba aye Paulo byo ebamwene, wamutotele Lesa, ne muchima wakosele ne kukosa.
16Kabiji byo twatwelele monka mu Loma Paulo bamuswishishe amba, ekale pa bunke bwanji, pamo na mushilikale wamulaminenga.
Paulo byo asapwijile mu Loma
17Pakupita moba asatu, aye waichile pamo bakulumpe ba Bayudea. Byo bapwijile, aye wibambijile amba, “Amiwa, bakwetu, nangwa kechi nalengele mambo ku bantu betu ne, nangwa ku bisela bya bashakulu betu ne, nafikizhiwe bukaili ku Yelusalema mu maboko a bena Loma. 18Abo, pa kungipuzhaipuzha, basakile kunkasulula, mambo kechi naji na mambo afwainwa lufu ne. 19#Byu 25:11 Bino mambo Bayudea balengulwile, amiwa namusashijile Kesala nangwa kechi naji na mambo a kushiina mukoka wami ne. 20Onka ano mambo o nemusashijila namba nemumone ne kwisamba nenu, kena mambo a luketekelo lwa bena Isalela oo nakashilwa na uno munyololo.”
21Kumvwa abo ba mwambijile amba, “Atweba kechi twatambwilepo makalata afuma ku Yudea a mambo enu ne, nangwa bakwetu nabo baiya kuno kechi betubuulapo kintu nangwa kwamba kyatama na mambo a anweba ne. 22Byonkabyo atweba tubenakusaka kumvwa momwalangulukila, mambo twayuka namba luno lwipatulo lubena kunenwa bibi konse, konse.”
23Byo bamutongwejile jimo juba, baishile bavula koafikijile. Kufuma lukeelo kufika ne mabanga wibalumbulwijile, kasa ebabujisha mambo a bufumu bwa Lesa, ne kweseka kwibetabizha mambo a aye Yesu, kufuma mu buku wa mizhilo wakwa Mosesa ne kufuma mu bangauzhi. 24Kabiji bamo baitabile abya bintu byo a ambile, bino bakwabo bebilengulwile. 25Kabiji byo babujile kwitabanzhana abo bene na bene bapalang'ene, byo a ambile Paulo kyambo kimo, amba “Nanchi kyo kyawama kya ambile Mupashi Wazhila mwi ngauzhi Isaya ku bashakulu benu! 26#Isa 6:9,10Amba,
“Yanga, ku bano bantu ukebambile amba,
Kumvwa mukomvwa, ne kukwatakanya nangwa pacheche ne,
kabiji kumona mukamona, ne kumwesha nangwa pacheche ne.
27Mambo michima ya bano bantu yaluwankana,
ne matwi abo ashinka, kumvwa ne,
ne meso abo beazhinzhibika.
Kuchiina amba, bakamwesha na meso abo,
ne kumvwa bakomvwa na matwi abo,
kabiji ne kukwatakanya, baka kwatakanya na michima yabo,
ne kwaluluka,
ne amiwa nkebabuke.”
28Byonkabyo “Yukai amba, luno lupulukilo lwa Lesa lwatumwa ku Bangentila. Ne abo bakelumvwa.” #28:28 Amo ma buku a mu kigiliki kechi aji na veleshi 29 ne. “Kabiji byo a ambile bino byambo, Bayudea bafumineko, kasa bepachika abo bene na bene.”
29Kabiji byo a ambile bino byambo, Bayudea bafumineko, kasa bepachika abo bene na bene.
30Kabiji aye Paulo waikajile myaka ibiji ituntulu mu nzubo yo asonkelanga aye mwine, ne kwibatambwila bonse batwelelenga mo ajinga, 31kasa ebasapwila mambo a bufumu bwa Lesa, ne kwibafunjisha bya Nkambo Yesu Kilishitu, kasa ambatu na kuchinchika konse, kwakubula ne wa kumukanya ne.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Kaonde New Testament © The Bible Society of Zambia, 2019.