Byubilo 10
10
Petelo ne Koneleusa
1Kabiji mu Kesalea mwajinga muntu umo, jizhina janji Koneleusa, mukulumpe wa bashilikale wa mukipamo kyobatelele amba, “Kya ku Italya.” 2Aye wanemekanga ne kumwakamwa Lesa pamo naba mukisemi kyanji bonse, kabiji wapainenga bya bukwasho byavula ku bakajilwa, ne kulomba kwi Lesa moba onse. 3Juba jimo pepi na pa kulemba juba aye wamwene kimwesho, wamwesheshetu malaika wa Lesa, katwele mo ajinga ne kumwambila amba, “Koneleusa.”
4Ne aye pakumutajisha wa umvwine moyo ne kwamba amba, “Amba ka Nkambo?”
Kumvwa aye amba, “Milombelo yobe ne bya bupe byobe ku balanda byafika kwi Lesa, ke bya kukuvulukilako. 5Pano tuma bantu ku Yopa, bakalete Shimona Petelo. 6Wafikila kwi Shimona sendwe wa biseba, nzubo yanji iji ku mukulo wa kalunga ka mema.” 7Ponkapo pa kufumako awa malaika ye a ambilenga nanji, aye waichile bamingilo ya mu nzubo yanji babiji, ne mushilikale wanemekanga Lesa wa mu bonkaba bamwingilo banji. 8Kabiji byo ebabujile byonsetu, wibatumine ku Yopa.
9 Kabiji mu juba jalondejilepo byo bakijinga mu jishinda, byo bafikile kwipi na ku muzhi, Petelo wakanjijile pa mutenge wa nzubo na kulomba; kimye kyajinga pepi na kushinkimana juba. 10Kabiji wa umvwine nzala kasake kuja, bino byo bakinengezhezhenga kajo, wamwene kimwesho. 11Ne kumona mwiulu mwashinkuka, ne kijiilo ke kiikile pamo nobe kisapi kyo bekizha panshi ku makonka onse ana. 12Mo mwajinga misango yonse ya banyama ba maulu ana, ne ya bikalaba panshi ne ya bang'onyi ba mwiulu. 13Jiwi jaishile kwi aye amba, “Petelo, imana, wipaye, ne kuja!”
14Pakuba aye Petelo amba, “Akyo ne, Nkambo! Mambo kechi najiilepo kala kya kijejejetu nangwa kyazhila kuja ine.”
15Jiwi jaishile kwi aye jibiji amba, “Kyo atokesha Lesa obewa kechi wikitela amba, kya kijejeje ne.”
16Akye kyaubiwe jisatu, ponkapo akya kijiilo kyatwajilwe mwiulu.
17Kabiji Petelo byo akizhinaukilenga mu muchima na kyokya kimwesho kyo amwene, amba kana kyayila mu ka, aba bantu bo atumine Koneleusa, byo baipwizhe kala nzubo ya Shimona, baimene pa kibelo. 18Baipwizhe amba, “Ba Shimona, jikwabo ba Petelo, bafikila momo nyi?”
19Kabiji Petelo byo a kilangulukilenga akya kimwesho, ponkapo Mupashi wamwambijile amba, “Tala, bantu basatu babena kukusaka. 20Pano imana, wikile, uyenga naabo, kuzhinauka ne, mambo amiwa yami nebatuma.”
21Ponkapo Petelo waikijile, waiya ku bantu ne kwibambila amba, “Amiwa uno ye musaka. Ng'anyi mambo o mwaendela?”
22Kumvwa abo ba mwambijile amba, Koneleusa, mukulumpe wa bashilikale, muntu waoloka, wa akamwa Lesa, watelwa bulongo ku mukoka yense wa Bayudea, ba mwambijile kwi malaika wazhila wa Lesa, kwimulonda anweba ne kwimutwala ku nzubo yanji, amba omvwe byambo kwi anweba.
23Kepo ebechile ne kwibabula pa kufikila.
Byo bwakiile lukeelo waimene kaye ne naabo, ne balongo bamo ba ku Yopa bayile nanji. 24Ne mu juba jalondejilepo batwelele mu Kesalea, Koneleusa wibatengejilenga, kabiji wapwizhizhe jimo balongo banji ne balunda nanji bo atemwang'ene naabo. 25Petelo byo atwelele, Koneleusa wamutundaijile, ne kumulambila panshi ku maulu, kamupopwele. 26Bino aye Petelo wamwimenye amba, “Imanai, ne amiwa ne muntutu.”
27Ne byo a ambile nanji watwelele, kabiji wataine bantu bavula kasa bapwila. 28Ne aye wibambijile amba, “Anweba mwayuka amba, kizhila mu Yudea kwilamika ku wa mu mukoka ungi, nangwa kumupempulatu ne; bino aye Lesa wambuula amiwa amba, kechi utele muntu amba watu ne, nangwa amba, wazhila ne. 29Kyo kyonaishila kwakubula kukosakana, byo mwangichile. Byonkabyo pano nemwipuzha namba mwangichilaka?”
30Kumvwa aye Koneleusa wa ambile amba, “Ke moba ana apitapo, kabiji pa kyonka kino kimye, byo nalombelenga mu nzubo yami mu kimye kya milombelo#10:30 Milombelo:amo ma buku akala a mu kigiliki mujikuzhikilwa na nzala ne ku lomba po pa kulemba juba, kabiji ponkapo muntu waimene kwi amiwa kasa avwala byabembela, 31wang'ambijile amba, Koneleusa, milombelo yobe yaumvwanyika, kabiji aye Lesa wamona ne bya bupe byobe byoukwasha balanda. 32Byonkabyo tuma bantu ku Yopa, bakakwichile Shimona, jikwabo Petelo; wafikila mu nzubo ya kwa Shimona sendwe wa biseba, iji ku mukulo wa kalunga ka mema. 33Onkao mambo natumine bantu ponkapotu kuji anweba; ne anweba mwauba bulongo byo mwaiya. Byonkabyo pano atweba bonsetu tuji kuno ku meso a Lesa, namba tumvwe byonse byo bemukambizha kwi Nkambo.”
Mambo a ambile Petelo ku nzubo ya kwa Koneleusa
34 #
Mpitu 10:17
Ponkapo Petelo watatwile kwamba amba, “Kine pano nayuka namba aye Lesa kechi utala ku bilungi bya bantu ne. 35Pakuba ne mu mikoka yonse ya bantu, aye wamwakamwa, ne kuuba byaoloka, ye waitabilwa kwi aye, 36O mambo o atumine kubena Isalela, a kusapwila Mambo Awama a mutende mwi Yesu Kilishitu, aye ye Nkambo wa bonsetu. 37Ne anweba bene mwayuka byamwekele monse mu Yudea, kutatwila ku Ngalilea, kufuma pa lubatizhilo lwasapwijilenga Yoano, 38a Yesu mwina Nazala, byo bamushingile manyi kwi Lesa na Mupashi Wazhila ne na bulume. Ye wapitang'enenga na kwingila byawama, ne kubuka bonse bo bamanyikilenga kwi Diabola, mambo Lesa wajinga nanji. 39Ne atweba twi batumonyi ba byonse byo aubilenga, ne mu kyalo kya bena Yudea, ne mu Yelusalema. Ye baipayile byo bamupopele pa kichi. 40Pakuba Lesa wamusangwile mu juba ja busatu, ne kumusolola amba amweke ku bantu, 41kechi ku bonsetu ne, kana ku bonka batumonyi bo asalulwijile jimo mwine Lesa, ye atweba, twajile ne kutoma nanji, byo asangukile mu bafu. 42Kabiji ye witulayile amba, mukebasapwile bantu, ne kunshimuna amba, ye mwine ye atongola Lesa amba akekale wa kwibachibila mambo bomi ne bafu. 43I ye yebashimuna ku bangauzhi bonsetu amba, mu jizhina janji bonse bamwitabila, bakatambula lulekelo lwa mambo.”
Bangentila byo batambwile Mupashi Wazhila
44Petelo byo akyambilenga bino byambo, Mupashi Wazhila wibekijiile bonse ba umvwine ano mambo. 45Ne boba ba mu mukanda baitabila, bonse mobavujila baishile ne Petelo, bakuminye mambo Mupashi Wazhila waitulwilwe wa bupetu, ne pa Bangentila. 46Mambo bebomvwine kasa bamba mu njimi ingi, ne kumutumbijika Lesa. Ponkapo aye Petelo wa ambile amba, 47“Lelo muntu akonshe kukanya mema, amba kechi babatizhiwe ne, bano batambula Mupashi Wazhila pamo ne atweba nyi?”
48Ne aye wibakambizhe amba babatizhiwe mu jizhina ja Yesu Kilishitu. Ne abo bamusashijile Petelo amba, “Twikale nenu moba amo.”
S'ha seleccionat:
Byubilo 10: KNTP
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Kaonde New Testament © The Bible Society of Zambia, 2019.
Byubilo 10
10
Petelo ne Koneleusa
1Kabiji mu Kesalea mwajinga muntu umo, jizhina janji Koneleusa, mukulumpe wa bashilikale wa mukipamo kyobatelele amba, “Kya ku Italya.” 2Aye wanemekanga ne kumwakamwa Lesa pamo naba mukisemi kyanji bonse, kabiji wapainenga bya bukwasho byavula ku bakajilwa, ne kulomba kwi Lesa moba onse. 3Juba jimo pepi na pa kulemba juba aye wamwene kimwesho, wamwesheshetu malaika wa Lesa, katwele mo ajinga ne kumwambila amba, “Koneleusa.”
4Ne aye pakumutajisha wa umvwine moyo ne kwamba amba, “Amba ka Nkambo?”
Kumvwa aye amba, “Milombelo yobe ne bya bupe byobe ku balanda byafika kwi Lesa, ke bya kukuvulukilako. 5Pano tuma bantu ku Yopa, bakalete Shimona Petelo. 6Wafikila kwi Shimona sendwe wa biseba, nzubo yanji iji ku mukulo wa kalunga ka mema.” 7Ponkapo pa kufumako awa malaika ye a ambilenga nanji, aye waichile bamingilo ya mu nzubo yanji babiji, ne mushilikale wanemekanga Lesa wa mu bonkaba bamwingilo banji. 8Kabiji byo ebabujile byonsetu, wibatumine ku Yopa.
9 Kabiji mu juba jalondejilepo byo bakijinga mu jishinda, byo bafikile kwipi na ku muzhi, Petelo wakanjijile pa mutenge wa nzubo na kulomba; kimye kyajinga pepi na kushinkimana juba. 10Kabiji wa umvwine nzala kasake kuja, bino byo bakinengezhezhenga kajo, wamwene kimwesho. 11Ne kumona mwiulu mwashinkuka, ne kijiilo ke kiikile pamo nobe kisapi kyo bekizha panshi ku makonka onse ana. 12Mo mwajinga misango yonse ya banyama ba maulu ana, ne ya bikalaba panshi ne ya bang'onyi ba mwiulu. 13Jiwi jaishile kwi aye amba, “Petelo, imana, wipaye, ne kuja!”
14Pakuba aye Petelo amba, “Akyo ne, Nkambo! Mambo kechi najiilepo kala kya kijejejetu nangwa kyazhila kuja ine.”
15Jiwi jaishile kwi aye jibiji amba, “Kyo atokesha Lesa obewa kechi wikitela amba, kya kijejeje ne.”
16Akye kyaubiwe jisatu, ponkapo akya kijiilo kyatwajilwe mwiulu.
17Kabiji Petelo byo akizhinaukilenga mu muchima na kyokya kimwesho kyo amwene, amba kana kyayila mu ka, aba bantu bo atumine Koneleusa, byo baipwizhe kala nzubo ya Shimona, baimene pa kibelo. 18Baipwizhe amba, “Ba Shimona, jikwabo ba Petelo, bafikila momo nyi?”
19Kabiji Petelo byo a kilangulukilenga akya kimwesho, ponkapo Mupashi wamwambijile amba, “Tala, bantu basatu babena kukusaka. 20Pano imana, wikile, uyenga naabo, kuzhinauka ne, mambo amiwa yami nebatuma.”
21Ponkapo Petelo waikijile, waiya ku bantu ne kwibambila amba, “Amiwa uno ye musaka. Ng'anyi mambo o mwaendela?”
22Kumvwa abo ba mwambijile amba, Koneleusa, mukulumpe wa bashilikale, muntu waoloka, wa akamwa Lesa, watelwa bulongo ku mukoka yense wa Bayudea, ba mwambijile kwi malaika wazhila wa Lesa, kwimulonda anweba ne kwimutwala ku nzubo yanji, amba omvwe byambo kwi anweba.
23Kepo ebechile ne kwibabula pa kufikila.
Byo bwakiile lukeelo waimene kaye ne naabo, ne balongo bamo ba ku Yopa bayile nanji. 24Ne mu juba jalondejilepo batwelele mu Kesalea, Koneleusa wibatengejilenga, kabiji wapwizhizhe jimo balongo banji ne balunda nanji bo atemwang'ene naabo. 25Petelo byo atwelele, Koneleusa wamutundaijile, ne kumulambila panshi ku maulu, kamupopwele. 26Bino aye Petelo wamwimenye amba, “Imanai, ne amiwa ne muntutu.”
27Ne byo a ambile nanji watwelele, kabiji wataine bantu bavula kasa bapwila. 28Ne aye wibambijile amba, “Anweba mwayuka amba, kizhila mu Yudea kwilamika ku wa mu mukoka ungi, nangwa kumupempulatu ne; bino aye Lesa wambuula amiwa amba, kechi utele muntu amba watu ne, nangwa amba, wazhila ne. 29Kyo kyonaishila kwakubula kukosakana, byo mwangichile. Byonkabyo pano nemwipuzha namba mwangichilaka?”
30Kumvwa aye Koneleusa wa ambile amba, “Ke moba ana apitapo, kabiji pa kyonka kino kimye, byo nalombelenga mu nzubo yami mu kimye kya milombelo#10:30 Milombelo:amo ma buku akala a mu kigiliki mujikuzhikilwa na nzala ne ku lomba po pa kulemba juba, kabiji ponkapo muntu waimene kwi amiwa kasa avwala byabembela, 31wang'ambijile amba, Koneleusa, milombelo yobe yaumvwanyika, kabiji aye Lesa wamona ne bya bupe byobe byoukwasha balanda. 32Byonkabyo tuma bantu ku Yopa, bakakwichile Shimona, jikwabo Petelo; wafikila mu nzubo ya kwa Shimona sendwe wa biseba, iji ku mukulo wa kalunga ka mema. 33Onkao mambo natumine bantu ponkapotu kuji anweba; ne anweba mwauba bulongo byo mwaiya. Byonkabyo pano atweba bonsetu tuji kuno ku meso a Lesa, namba tumvwe byonse byo bemukambizha kwi Nkambo.”
Mambo a ambile Petelo ku nzubo ya kwa Koneleusa
34 #
Mpitu 10:17
Ponkapo Petelo watatwile kwamba amba, “Kine pano nayuka namba aye Lesa kechi utala ku bilungi bya bantu ne. 35Pakuba ne mu mikoka yonse ya bantu, aye wamwakamwa, ne kuuba byaoloka, ye waitabilwa kwi aye, 36O mambo o atumine kubena Isalela, a kusapwila Mambo Awama a mutende mwi Yesu Kilishitu, aye ye Nkambo wa bonsetu. 37Ne anweba bene mwayuka byamwekele monse mu Yudea, kutatwila ku Ngalilea, kufuma pa lubatizhilo lwasapwijilenga Yoano, 38a Yesu mwina Nazala, byo bamushingile manyi kwi Lesa na Mupashi Wazhila ne na bulume. Ye wapitang'enenga na kwingila byawama, ne kubuka bonse bo bamanyikilenga kwi Diabola, mambo Lesa wajinga nanji. 39Ne atweba twi batumonyi ba byonse byo aubilenga, ne mu kyalo kya bena Yudea, ne mu Yelusalema. Ye baipayile byo bamupopele pa kichi. 40Pakuba Lesa wamusangwile mu juba ja busatu, ne kumusolola amba amweke ku bantu, 41kechi ku bonsetu ne, kana ku bonka batumonyi bo asalulwijile jimo mwine Lesa, ye atweba, twajile ne kutoma nanji, byo asangukile mu bafu. 42Kabiji ye witulayile amba, mukebasapwile bantu, ne kunshimuna amba, ye mwine ye atongola Lesa amba akekale wa kwibachibila mambo bomi ne bafu. 43I ye yebashimuna ku bangauzhi bonsetu amba, mu jizhina janji bonse bamwitabila, bakatambula lulekelo lwa mambo.”
Bangentila byo batambwile Mupashi Wazhila
44Petelo byo akyambilenga bino byambo, Mupashi Wazhila wibekijiile bonse ba umvwine ano mambo. 45Ne boba ba mu mukanda baitabila, bonse mobavujila baishile ne Petelo, bakuminye mambo Mupashi Wazhila waitulwilwe wa bupetu, ne pa Bangentila. 46Mambo bebomvwine kasa bamba mu njimi ingi, ne kumutumbijika Lesa. Ponkapo aye Petelo wa ambile amba, 47“Lelo muntu akonshe kukanya mema, amba kechi babatizhiwe ne, bano batambula Mupashi Wazhila pamo ne atweba nyi?”
48Ne aye wibakambizhe amba babatizhiwe mu jizhina ja Yesu Kilishitu. Ne abo bamusashijile Petelo amba, “Twikale nenu moba amo.”
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Kaonde New Testament © The Bible Society of Zambia, 2019.