Wulo 7
7
Ndonwo
1Me mediema, melɛtendɛ meahile bɛ kɛ bɛle menli mɔɔ ze mɛla deɛ holɛ a. Se bɛze kɛ mɛla kyekye sonla wɔ mekɛ mɔɔ ɔde aze la? 2Bɛnlea kɛ, raalɛ mɔɔ wɔ agyalɛ la, mɛla kyekye ye beta ɔ hu anwo wɔ mekɛ mɔɔ ɔ hu de ngoane nu la; na saa ɔ hu wu a, mɛla ɛnkyekye ye bieko. 3Mekɛ mɔɔ ɔ hu de aze la saa ɔkɔ nrenya gyɛne nwo a, ɛnee yedo awuvolɛvalɛ mɛla ne; noko saa ɔ hu wu a, zɔhane mɛla ne ɛnkyekye ye bieko, yemɔti saa ɔkɔ agyalɛ fofolɛ a ɔndo awuvolɛvalɛ mɛla ne. 4Mediema, kɛ bɛ edwɛkɛ ne de la ɛne. Kɛmɔ ɔlua Kelaese anwo zo yɛwu la, Mosisi mɛla ne ɛnlɛ yɛ nwo zo tumi bieko, na yɛle Kelaese mɔɔ bɛdwazo ye bɛvi ewule nu la ɛdeɛ, amaa yɛ nwo ara nvasoɛ amaa Nyamenle. 5Ɔluakɛ mɔɔ ɛnee yɛde yɛmaa yɛ nwo la, yɛ atiakunluwɔzo ɛtane ne mɔ manle mɛla ne dwazole yɛle gyima wɔ yɛ nu, na ɔlua zolɛ yɛ nwo rale nvasoɛ manle ewule. 6Na kɛkala mɔɔ yɛnle mɛla ne tumi bo, na yɛwu yɛvi mɔɔ bɔle yɛ kpanwu la asa anu la, yɛnzonle kɛmɔ ɛnee yɛwɔ mɛla ne abo la. Yɛsonle wɔ adenle fofolɛ ne mɔɔ Sunsum Nwuanzanwuanza ne kile la anu.
Mɛla nee ɛtane
7 #
Ade 20.17; Mɛla 5.21 Ɛnee kɛ yɛha yɛze ɛ? Kɛ mɛla ne le ɛtane ɔ? Kyɛkyɛ, ɔnle zɔhane. Mɛla ne a manle menwunle kɛ ɛtane si de la a. Saa mɛla ne anga kɛ “Mmayɛ anyebolo” a, anrɛɛ menze kɛ bɛsi bɛyɛ anyebolo la. 8Ɛtane nyianle adenle wɔ mɛla ne anu na ɔvale anyebolo ngakyile muala ɔluale ndenle ngakyile nu ɔwulale me nu. Ɛtane mumua ne, saa ɛye mɛla ne ɛsie ahane a, ɔle debie wulera. 9Mekɛ bie mɔɔ ɛnee menze mɛla deɛ holɛ la ɛnee melɛ ngoane, na mɔɔ mɛla rale la, ɛtane dwazole gyinlanle, 10na menwule. Na mɛla ko ne ala mɔɔ anrɛɛ ɔwɔ kɛ bɛlɛ me ngoane la, rayɛle ewule manle me. 11#Mɔl 3.13 Ɛtane nyianle adenle vale mɛla bɛlɛbɛlale me, na ɔluale zolɛ ɔhunle me.
12Zɔhane ati, Mosisi mɛla mumua ne le nwuanzanwuanza, yɛɛ ngyehyɛlɛ ne le nwuanzanwuanza, ɔle kpalɛ, ɔtenrɛ. 13Na ɛnee ɛhye kile kɛ debie kpalɛ a hunle me la ɔ? Kyɛkyɛ! Ɛtane a hunle me a. Ɔvale kpalɛ ɔlile ɔ nyunlu ɔhunle me, amaa ye su dɛba ne avinde kɛ ɔle ɛtane. Yemɔti, bɛlua mɛla ne azo bɛhile kɛ ɛtane le kakadane kpalɛ kpalɛ.
Sonla nu mgbeleralilɛ
14Yɛze kɛ mɛla ne le sunsum nu debie; mame, mele nwonane nu debie mɔɔ bɛdɔne me kɛ kanranli bɛmaa ɛtane a. 15#Gal 5.17 Debie mɔɔ meyɛ la mende ɔ bo, ɔluakɛ mɔɔ mekpondɛ kɛ meyɛ la, mengola menyɛ, na meyɛ deɛ ko ne ala mɔɔ mengulo kɛ meyɛ la. 16Na saa meyɛ mɔɔ ɔnle kɛ meyɛ la a, ɛnee ɔkile kɛ medie meto nu kɛ mɛla ne le kpalɛ. 17Yemɔti tɛ me nye fuu yɛɛ meyɛ a, na ɛtane ne mɔɔ de me nu la a maa meyɛ a. 18Meze kɛ kpalɛ biala ɛnle me sonlabaka ye anu. Ɔluakɛ me kunlu a anrɛɛ meyɛ kpalɛ, noko mengola menyɛ. 19Mengola menyɛ kpalɛ ne mɔɔ mekulo kɛ meyɛ la, na ɛtane ne mɔɔ mengulo kɛ meyɛ la yɛɛ meyɛ a. 20Na saa meyɛ mɔɔ mengulo kɛ meyɛ la a, ɛnee ɔkile kɛ tɛ me nye fuu ɔ, na ɛtane ne mɔɔ de me nu la ɔ.
21Yemɔti ɛnee menwu kɛ mɛla ɛhye ɛlɛyɛ gyima wɔ me nu. Mɔɔ mekulo kɛ meyɛ kpalɛ la, ɛnee ɛtane ala a gyi me nye zo a. 22Wɔ me nuhua a ɛnee me nye die Nyamenle mɛla ne anwo kpalɛ. 23Na menwu mɛla fofolɛ bie wɔ me sonlabaka ye nvɛyeba ne mɔ amuala anu. Mɛla ɛhye ko tia mɔɔ me adwenle kulo kɛ ɔyɛ la, na ɔmaa meyɛ kanranli memaa ɛtane mɛla ne mɔɔ ɛlɛdi gyima wɔ me sonlabaka ne anu la. 24Me nwo yɛ anwunvɔne kpole! Na nwane a kɛlie me kɛvi nwonane ɛhye asa nu, mɔɔ ɔ nee me ɛlɛkɔ ewule nu a? 25Melua yɛ Awulae Gyisɛse Kelaese anwo zo meyɛ Nyamenle mo.
Ɛhye yɛɛ megyi nwo a; mefa me adwenle muala medi Nyamenle mɛla ne azo mesonle ye, na me sonlabaka ye anu a, ɛnee meli ɛtane mɛla nzi.
S'ha seleccionat:
Wulo 7: NB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Nzema © Bible Society of Ghana, 1998.
Wulo 7
7
Ndonwo
1Me mediema, melɛtendɛ meahile bɛ kɛ bɛle menli mɔɔ ze mɛla deɛ holɛ a. Se bɛze kɛ mɛla kyekye sonla wɔ mekɛ mɔɔ ɔde aze la? 2Bɛnlea kɛ, raalɛ mɔɔ wɔ agyalɛ la, mɛla kyekye ye beta ɔ hu anwo wɔ mekɛ mɔɔ ɔ hu de ngoane nu la; na saa ɔ hu wu a, mɛla ɛnkyekye ye bieko. 3Mekɛ mɔɔ ɔ hu de aze la saa ɔkɔ nrenya gyɛne nwo a, ɛnee yedo awuvolɛvalɛ mɛla ne; noko saa ɔ hu wu a, zɔhane mɛla ne ɛnkyekye ye bieko, yemɔti saa ɔkɔ agyalɛ fofolɛ a ɔndo awuvolɛvalɛ mɛla ne. 4Mediema, kɛ bɛ edwɛkɛ ne de la ɛne. Kɛmɔ ɔlua Kelaese anwo zo yɛwu la, Mosisi mɛla ne ɛnlɛ yɛ nwo zo tumi bieko, na yɛle Kelaese mɔɔ bɛdwazo ye bɛvi ewule nu la ɛdeɛ, amaa yɛ nwo ara nvasoɛ amaa Nyamenle. 5Ɔluakɛ mɔɔ ɛnee yɛde yɛmaa yɛ nwo la, yɛ atiakunluwɔzo ɛtane ne mɔ manle mɛla ne dwazole yɛle gyima wɔ yɛ nu, na ɔlua zolɛ yɛ nwo rale nvasoɛ manle ewule. 6Na kɛkala mɔɔ yɛnle mɛla ne tumi bo, na yɛwu yɛvi mɔɔ bɔle yɛ kpanwu la asa anu la, yɛnzonle kɛmɔ ɛnee yɛwɔ mɛla ne abo la. Yɛsonle wɔ adenle fofolɛ ne mɔɔ Sunsum Nwuanzanwuanza ne kile la anu.
Mɛla nee ɛtane
7 #
Ade 20.17; Mɛla 5.21 Ɛnee kɛ yɛha yɛze ɛ? Kɛ mɛla ne le ɛtane ɔ? Kyɛkyɛ, ɔnle zɔhane. Mɛla ne a manle menwunle kɛ ɛtane si de la a. Saa mɛla ne anga kɛ “Mmayɛ anyebolo” a, anrɛɛ menze kɛ bɛsi bɛyɛ anyebolo la. 8Ɛtane nyianle adenle wɔ mɛla ne anu na ɔvale anyebolo ngakyile muala ɔluale ndenle ngakyile nu ɔwulale me nu. Ɛtane mumua ne, saa ɛye mɛla ne ɛsie ahane a, ɔle debie wulera. 9Mekɛ bie mɔɔ ɛnee menze mɛla deɛ holɛ la ɛnee melɛ ngoane, na mɔɔ mɛla rale la, ɛtane dwazole gyinlanle, 10na menwule. Na mɛla ko ne ala mɔɔ anrɛɛ ɔwɔ kɛ bɛlɛ me ngoane la, rayɛle ewule manle me. 11#Mɔl 3.13 Ɛtane nyianle adenle vale mɛla bɛlɛbɛlale me, na ɔluale zolɛ ɔhunle me.
12Zɔhane ati, Mosisi mɛla mumua ne le nwuanzanwuanza, yɛɛ ngyehyɛlɛ ne le nwuanzanwuanza, ɔle kpalɛ, ɔtenrɛ. 13Na ɛnee ɛhye kile kɛ debie kpalɛ a hunle me la ɔ? Kyɛkyɛ! Ɛtane a hunle me a. Ɔvale kpalɛ ɔlile ɔ nyunlu ɔhunle me, amaa ye su dɛba ne avinde kɛ ɔle ɛtane. Yemɔti, bɛlua mɛla ne azo bɛhile kɛ ɛtane le kakadane kpalɛ kpalɛ.
Sonla nu mgbeleralilɛ
14Yɛze kɛ mɛla ne le sunsum nu debie; mame, mele nwonane nu debie mɔɔ bɛdɔne me kɛ kanranli bɛmaa ɛtane a. 15#Gal 5.17 Debie mɔɔ meyɛ la mende ɔ bo, ɔluakɛ mɔɔ mekpondɛ kɛ meyɛ la, mengola menyɛ, na meyɛ deɛ ko ne ala mɔɔ mengulo kɛ meyɛ la. 16Na saa meyɛ mɔɔ ɔnle kɛ meyɛ la a, ɛnee ɔkile kɛ medie meto nu kɛ mɛla ne le kpalɛ. 17Yemɔti tɛ me nye fuu yɛɛ meyɛ a, na ɛtane ne mɔɔ de me nu la a maa meyɛ a. 18Meze kɛ kpalɛ biala ɛnle me sonlabaka ye anu. Ɔluakɛ me kunlu a anrɛɛ meyɛ kpalɛ, noko mengola menyɛ. 19Mengola menyɛ kpalɛ ne mɔɔ mekulo kɛ meyɛ la, na ɛtane ne mɔɔ mengulo kɛ meyɛ la yɛɛ meyɛ a. 20Na saa meyɛ mɔɔ mengulo kɛ meyɛ la a, ɛnee ɔkile kɛ tɛ me nye fuu ɔ, na ɛtane ne mɔɔ de me nu la ɔ.
21Yemɔti ɛnee menwu kɛ mɛla ɛhye ɛlɛyɛ gyima wɔ me nu. Mɔɔ mekulo kɛ meyɛ kpalɛ la, ɛnee ɛtane ala a gyi me nye zo a. 22Wɔ me nuhua a ɛnee me nye die Nyamenle mɛla ne anwo kpalɛ. 23Na menwu mɛla fofolɛ bie wɔ me sonlabaka ye nvɛyeba ne mɔ amuala anu. Mɛla ɛhye ko tia mɔɔ me adwenle kulo kɛ ɔyɛ la, na ɔmaa meyɛ kanranli memaa ɛtane mɛla ne mɔɔ ɛlɛdi gyima wɔ me sonlabaka ne anu la. 24Me nwo yɛ anwunvɔne kpole! Na nwane a kɛlie me kɛvi nwonane ɛhye asa nu, mɔɔ ɔ nee me ɛlɛkɔ ewule nu a? 25Melua yɛ Awulae Gyisɛse Kelaese anwo zo meyɛ Nyamenle mo.
Ɛhye yɛɛ megyi nwo a; mefa me adwenle muala medi Nyamenle mɛla ne azo mesonle ye, na me sonlabaka ye anu a, ɛnee meli ɛtane mɛla nzi.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Nzema © Bible Society of Ghana, 1998.