Wulo 10
10
1Me mediema, me kunlu a anrɛɛ bɛlie me menli ne kɔsɔɔti ngoane. Na ɛhye ati mefa me ahonle muala mesɛlɛ Nyamenle wɔ nwolɛ dahuu. 2Mekola medi daselɛ kɛ me menli ne lɛ Nyamenle anwo ɛhulolɛ kpole kpalɛ; noko bɛ ɛhulolɛ mɔɔ bɛlɛ ye wɔ Nyamenle anwo la ɛngyi nɔhalɛ ndelebɛbo kpalɛ zo. 3Ɔluakɛ bɛgyakyi fɔɔnwoyɛlɛ adenle ne mɔɔ Nyamenle dua zolɛ maa menli sɔ ɔ nye la, na bɛpele bɛva bɛ ngome bɛ fɔɔnwoyɛlɛ adenle ɛdeɛ zo; bɛanva nɔhalɛ fɔɔnwoyɛlɛ adenle ne mɔɔ Nyamenle dua zolɛ maa menli sɔ ɔ nye la azo. 4Ɔluakɛ Kelaese rale la yɛɛ mɛla ne tumi bɔle aze a, amaa mɔɔ kɛlie kɛli la azɔ Nyamenle anye.
Ngoanelielɛ wɔ ɛkɛ maa awie biala
5 #
Sɛlɛ 18.5
Wɔ mɛla ne azolilɛ nu, Mosisi hanle kɛ sonla mɔɔ kɛyɛ mɔɔ mɛla ne kpondɛ la balua zolɛ anyia ngoane. 6#Mɛla 30.12-14 Na bɛdabɛ mɔɔ ɔlua diedi zo bɛsɔ Nyamenle anye la, kɛ Nyamenle Edwɛkɛ ne se la ɛne, “Ɔnle kɛ ɛka ɛkile ɛ nwo kɛ, ‘Nwane bɔbɔ a kɛhɔ nyamenlezo a?’ ” (Kɛ ɔkava Kelaese yeadwu aze.) 7“Anzɛɛ ɔnle kɛ ɛbiza kɛ, ‘Nwane a kɛdwu kɛhɔ ɛbolɔ maanle nu a?’ ” (Kɛ ɔkava Kelaese yeavi mɔwuamra anu yeara.) 8Mɔɔ ɔka la a le ɛhye, “Nyamenle edwɛkɛ ne ɛbikye bɛ, ɔla bɛ nloa na ɔwɔ bɛ ahonle nu,” na yemɔ a le diedi nwo edwɛkɛ ne mɔɔ yɛbɔ ye nolo yɛkile bɛ la. 9Ɔboalekɛ, saa bɛdie bɛto nu na bɛka ye bɛ nloa kɛ, “Gyisɛse le Awulae” na bɛdie bɛdi wɔ bɛ ahonle nu kɛ Nyamenle dwazole ye vile mɔwuamra anu a, bɛbanyia ngoane. 10Ɔluakɛ saa sonla fa ye ahonle die di a yɛɛ ɔka ye diedi ne ɔ nloa na ɔnyia ngoane a. 11#Aye 28.16 Nyamenle Edwɛkɛ ne se, “Awie biala mɔɔ kɛlie ye kɛli la anyunlu ɛnrɛgua aze.” 12Awie biala boka ɛhye anwo, ɔboalekɛ ngakyile biala ɛnle Dwuuma nee bɛdabɛ mɔɔ bɛnle Dwuuma la avinli. Nyamenle le bɛ kɔsɔɔti bɛ Awulae ko ne ala, na ɔyila bɛdabɛ mɔɔ bɛsu bɛfɛlɛ ye la. 13#Dww 2.32 Nyamenle Edwɛkɛ ne se, “Awie biala mɔɔ kɛbɔ Awulae duma kɛzu kɛvɛlɛ ye la kɛnyia ngoane.”
14Na kɛ menli kɛyɛ na bɛazu bɛavɛlɛ ye wɔ mekɛ mɔɔ bɛnlie ye bɛnli la ɛ? Na kɛ ɔkɛyɛ na bɛalie mɔɔ bɛtɛtele ɔ nwo edwɛkɛ ɛlɛ la bɛali ɛ? Saa bɛannyia mɔɔ ka maa bɛtie noko la a, kɛ ɔkɛyɛ na bɛade ɛ? 15#Aye 52.7 Na kɛ ɔkɛyɛ na bɛabɔ nolo ne wɔ mekɛ mɔɔ bɛtɛsoanle menli kɛ bɛhɔbɔ nolo la ɛ? Mɔɔ Nyamenle Edwɛkɛ ne ka ye wɔ nwolɛ la ɛne, “Soanvolɛma ne mɔɔ fa edwɛkɛ kpalɛ ne ara la ɛralɛ nu le kɛnlɛma na ɔyɛ nwanwane!” 16#Aye 53.1 Noko tɛ bɛ muala a bɛlie Edwɛkpa ne bɛli a, ɔluakɛ Ayezaya hanle ye bɛ nwo kɛ, “Awulae, edwɛkɛ ne mɔɔ bɛdele bɛvile yɛ ɛkɛ ne la, nwane a liele lile a?” 17Yemɔti, saa yɛte edwɛkɛ ne a yɛɛ yɛnyia diedi a, yɛɛ edwɛkɛ ne a le Kelaese ne anwo Edwɛkpa ne nolobɔlɛ ne.
18 #
Edw 19.4
Na mebiza kɛ, asoo ɔle nɔhalɛ kɛ bɛtɛtele Edwɛkpa ne? Bɛde ye bɔkɔɔ, ɔluakɛ Nyamenle Edwɛkɛ ne se,
“Bɛ ne ɛdwu ewiade muleɛ muala azo;
bɛ edwɛkɛ ɛdwu azɛlɛ ye kodoka biala anu.”
19 #
Mɛla 32.21
Eza mebiza bieko kɛ, ɛnee Yizilayɛma ande ɔ bo ɔ? Dumua tie mɔɔ Mosisi hanle la; ɔse,
“Mebamaa bɛ nye abolo menli bie mɔɔ ɛnfɛta
maanle bɔbɔ la;
na mebalua kɔnwɔnema bie maanle zo meamaa
bɛava ɛya.”
20 #
Aye 65.1
Ayezaya noko si ɔ kɛnra ka kɛ,
“Menli mɔɔ ɛnee ɛmkpondɛ me la ɛnwu me;
meye me nwo mehile menli mɔɔ ɛmbiza me bo zo la.”
21 #
Aye 65.2
Noko mɔɔ fane Yizilayɛma anwo la Ayezaya hanle kɛ, “Mendenrɛle me sa alehyenlɛ muala kɛ medie menli ne mɔɔ ɛde atua na bɛ nzo yɛ se la, na ɔyɛle mgbane.”
S'ha seleccionat:
Wulo 10: NB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Nzema © Bible Society of Ghana, 1998.
Wulo 10
10
1Me mediema, me kunlu a anrɛɛ bɛlie me menli ne kɔsɔɔti ngoane. Na ɛhye ati mefa me ahonle muala mesɛlɛ Nyamenle wɔ nwolɛ dahuu. 2Mekola medi daselɛ kɛ me menli ne lɛ Nyamenle anwo ɛhulolɛ kpole kpalɛ; noko bɛ ɛhulolɛ mɔɔ bɛlɛ ye wɔ Nyamenle anwo la ɛngyi nɔhalɛ ndelebɛbo kpalɛ zo. 3Ɔluakɛ bɛgyakyi fɔɔnwoyɛlɛ adenle ne mɔɔ Nyamenle dua zolɛ maa menli sɔ ɔ nye la, na bɛpele bɛva bɛ ngome bɛ fɔɔnwoyɛlɛ adenle ɛdeɛ zo; bɛanva nɔhalɛ fɔɔnwoyɛlɛ adenle ne mɔɔ Nyamenle dua zolɛ maa menli sɔ ɔ nye la azo. 4Ɔluakɛ Kelaese rale la yɛɛ mɛla ne tumi bɔle aze a, amaa mɔɔ kɛlie kɛli la azɔ Nyamenle anye.
Ngoanelielɛ wɔ ɛkɛ maa awie biala
5 #
Sɛlɛ 18.5
Wɔ mɛla ne azolilɛ nu, Mosisi hanle kɛ sonla mɔɔ kɛyɛ mɔɔ mɛla ne kpondɛ la balua zolɛ anyia ngoane. 6#Mɛla 30.12-14 Na bɛdabɛ mɔɔ ɔlua diedi zo bɛsɔ Nyamenle anye la, kɛ Nyamenle Edwɛkɛ ne se la ɛne, “Ɔnle kɛ ɛka ɛkile ɛ nwo kɛ, ‘Nwane bɔbɔ a kɛhɔ nyamenlezo a?’ ” (Kɛ ɔkava Kelaese yeadwu aze.) 7“Anzɛɛ ɔnle kɛ ɛbiza kɛ, ‘Nwane a kɛdwu kɛhɔ ɛbolɔ maanle nu a?’ ” (Kɛ ɔkava Kelaese yeavi mɔwuamra anu yeara.) 8Mɔɔ ɔka la a le ɛhye, “Nyamenle edwɛkɛ ne ɛbikye bɛ, ɔla bɛ nloa na ɔwɔ bɛ ahonle nu,” na yemɔ a le diedi nwo edwɛkɛ ne mɔɔ yɛbɔ ye nolo yɛkile bɛ la. 9Ɔboalekɛ, saa bɛdie bɛto nu na bɛka ye bɛ nloa kɛ, “Gyisɛse le Awulae” na bɛdie bɛdi wɔ bɛ ahonle nu kɛ Nyamenle dwazole ye vile mɔwuamra anu a, bɛbanyia ngoane. 10Ɔluakɛ saa sonla fa ye ahonle die di a yɛɛ ɔka ye diedi ne ɔ nloa na ɔnyia ngoane a. 11#Aye 28.16 Nyamenle Edwɛkɛ ne se, “Awie biala mɔɔ kɛlie ye kɛli la anyunlu ɛnrɛgua aze.” 12Awie biala boka ɛhye anwo, ɔboalekɛ ngakyile biala ɛnle Dwuuma nee bɛdabɛ mɔɔ bɛnle Dwuuma la avinli. Nyamenle le bɛ kɔsɔɔti bɛ Awulae ko ne ala, na ɔyila bɛdabɛ mɔɔ bɛsu bɛfɛlɛ ye la. 13#Dww 2.32 Nyamenle Edwɛkɛ ne se, “Awie biala mɔɔ kɛbɔ Awulae duma kɛzu kɛvɛlɛ ye la kɛnyia ngoane.”
14Na kɛ menli kɛyɛ na bɛazu bɛavɛlɛ ye wɔ mekɛ mɔɔ bɛnlie ye bɛnli la ɛ? Na kɛ ɔkɛyɛ na bɛalie mɔɔ bɛtɛtele ɔ nwo edwɛkɛ ɛlɛ la bɛali ɛ? Saa bɛannyia mɔɔ ka maa bɛtie noko la a, kɛ ɔkɛyɛ na bɛade ɛ? 15#Aye 52.7 Na kɛ ɔkɛyɛ na bɛabɔ nolo ne wɔ mekɛ mɔɔ bɛtɛsoanle menli kɛ bɛhɔbɔ nolo la ɛ? Mɔɔ Nyamenle Edwɛkɛ ne ka ye wɔ nwolɛ la ɛne, “Soanvolɛma ne mɔɔ fa edwɛkɛ kpalɛ ne ara la ɛralɛ nu le kɛnlɛma na ɔyɛ nwanwane!” 16#Aye 53.1 Noko tɛ bɛ muala a bɛlie Edwɛkpa ne bɛli a, ɔluakɛ Ayezaya hanle ye bɛ nwo kɛ, “Awulae, edwɛkɛ ne mɔɔ bɛdele bɛvile yɛ ɛkɛ ne la, nwane a liele lile a?” 17Yemɔti, saa yɛte edwɛkɛ ne a yɛɛ yɛnyia diedi a, yɛɛ edwɛkɛ ne a le Kelaese ne anwo Edwɛkpa ne nolobɔlɛ ne.
18 #
Edw 19.4
Na mebiza kɛ, asoo ɔle nɔhalɛ kɛ bɛtɛtele Edwɛkpa ne? Bɛde ye bɔkɔɔ, ɔluakɛ Nyamenle Edwɛkɛ ne se,
“Bɛ ne ɛdwu ewiade muleɛ muala azo;
bɛ edwɛkɛ ɛdwu azɛlɛ ye kodoka biala anu.”
19 #
Mɛla 32.21
Eza mebiza bieko kɛ, ɛnee Yizilayɛma ande ɔ bo ɔ? Dumua tie mɔɔ Mosisi hanle la; ɔse,
“Mebamaa bɛ nye abolo menli bie mɔɔ ɛnfɛta
maanle bɔbɔ la;
na mebalua kɔnwɔnema bie maanle zo meamaa
bɛava ɛya.”
20 #
Aye 65.1
Ayezaya noko si ɔ kɛnra ka kɛ,
“Menli mɔɔ ɛnee ɛmkpondɛ me la ɛnwu me;
meye me nwo mehile menli mɔɔ ɛmbiza me bo zo la.”
21 #
Aye 65.2
Noko mɔɔ fane Yizilayɛma anwo la Ayezaya hanle kɛ, “Mendenrɛle me sa alehyenlɛ muala kɛ medie menli ne mɔɔ ɛde atua na bɛ nzo yɛ se la, na ɔyɛle mgbane.”
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Nzema © Bible Society of Ghana, 1998.