Gyi 21
21
Pɔɔlo kɔ Gyɛlusalɛm
1Yɛ nee bɛ lile nrɛlaleɛ wiele la yɛvi ɛkɛ ne yɛdule yɛluale zo yɛhɔle Kɔɔso; aleɛ hyenle la ɛnee yɛ nyunlu a le Wulodise. Yɛvi ɛkɛ ne la yɛhɔle Patala. 2Ɛkɛ ne yɛɛ yɛvale ɛlɛne mɔɔ ɛlɛkɔ Fonehyea la yɛhɔle a. 3Yɛradwule ɛleka bie mɔɔ ɛnee yɛ nye dua Saepelɛse la yɛwɔnenle yɛ ti nyiakɛ yɛpɛle yɛdɔle Selea. Yɛradwule Taya, na kɛmɔ ɛkɛ ne yɛɛ ɛlɛne ne tu ye ninyɛne ne agua la ati, yɛdwule aze yɛhɔle sua zo. 4Yɛnwunle diedima ne bie mɔ wɔ ɛkɛ, na yɛ nee bɛ hɔdɛnlanle dapɛne ko. Na bɛluale Sunsum Nwuanzanwuanza ne anwo zo bɛzele Pɔɔlo kɛ ɔmmakɔ Gyɛlusalɛm. 5Noko yɛ mekɛ mɔɔ yɛdi ye bɛ nwo ɛkɛ ne la wiele la, yɛvile ɛkɛ ne na yɛzɔle yɛ adendulɛ ne azo. Bɛ muala bɛ nee bɛ ye mɔ nee bɛ mra bɛhɔzɔhonle yɛ wɔ suakpole ne kandiba, na yɛ muala yɛhotole ɛnwea ne azo yɛyɛle nzɛlɛlɛ. 6Akee yɛlile nrɛlaleɛ na yɛhɔvole ɛlɛne ne anu, na bɛdabɛ noko bɛziale bɛhɔle sua nu.
7Yɛzɔle yɛ adendulɛ ne azo, yɛvi Taya yɛhɔle Tɔlɛmeeyese, yɛhɔkpɔlale diedima mɔɔ wɔ ɛkɛ ne la na yɛlale ɛkɛ ne. 8#Gyi 6.5; 8.5 Ye alehyenlɛ nu yɛvi ɛkɛ ne yɛrale Sizalia. Yɛhɔzokoɛle Felepe mɔɔ kpɔsa bɔ Nyamenle Edwɛkɛ ne nolo la sua nu na yɛ nee ye dɛnlanle. Felepe boka menli nsuu ne mɔɔ bɛkpale nu bɛyele bɛ wɔ Gyɛlusalɛm la anwo. 9Ɔlɛ mralɛ mraalɛ nna mɔɔ ɛtɛkɔle agyalɛ ɛlɛ la wɔ ɛkɛ, bɛle Nyamenle kpɔmanvolɛma. 10Yɛlile kenle ekyi ɛkɛ ne la, Nyamenle kpɔmanvolɛ bie mɔɔ bɛfɛlɛ ye Agabɛse la vi Dwudiya rale. 11Ɔrale yɛ nwo ɛkɛ ne na ɔvale Pɔɔlo akyeso ne ɔkyekyele ɔdaye ɔ ngome ɔ sa nee ɔ gyakɛ na ɔhanle kɛ, “Kɛ Sunsum Nwuanzanwuanza ne se la ɛne: Sonla ne mɔɔ lɛ akyeso ɛhye la, Dwuuma bakyekye ye zɛhae wɔ Gyɛlusalɛm, na bɛava ye bɛawula bɛdabɛ mɔɔ bɛnle Dwuuma la asa anu.”
12Yɛdele ɛhye la, yɛ nee menli mɔɔ wɔ ɛkɛ ne la amuala yɛkpale Pɔɔlo kyɛlɛ kɛ ɔmmakɔ Gyɛlusalɛm. 13Na ɔbizale yɛ kɛ, “Na ɛzunlɛ ye abo ɛ? Duzu ati a bɛyɛ bɛabɔ me rɛle ɛ? Meziezie me nwo kɛ tɛ ɛkyekyelɛ mɔɔ bɛkyekye me la angome, na kɛ menwɔwu wɔ Gyɛlusalɛm wɔ Awulae Gyisɛse duma ne ati.”
14Yɛyɛle biala, na yeamkponle, yemɔti yɛgyakyile ye na yɛzele kɛ, “Awulae ɛhulolɛdeɛ ɛyɛ ɛkɛ.”
15Yɛlile mekɛ ekyi wɔ ɛkɛ ne la, yɛhuohuanle yɛ nwo na yɛhɔle Gyɛlusalɛm. 16Na ɛdoavolɛma bie mɔɔ wɔ Sizalia la nee yɛ hɔle, na yɛhɔzokoɛle diedinli Meneesen mɔɔ vi Saepelɛse mɔɔ mɔlebɛbo ne ala ɔliele Gyisɛse ɔlile la sua nu.
Pɔɔlo kakpɔla Gyemise
17Yɛradwule Gyɛlusalɛm la, mediema diedima ne mɔ liele yɛ anyelielɛ nu. 18Aleɛ hyenle la Pɔɔlo nee yɛ hɔle Gyemise ɛkɛ ne kɛ yɛ nee ye kadendɛ; yɛhɔle la ɛnee asɔne mgbanyima ne mɔ amuala wɔ ɛkɛ. 19Pɔɔlo bizale ahye na ɔhanle gyima mɔɔ Nyamenle ɛlua ɔ nwo zo ɛli wɔ bɛdabɛ mɔɔ bɛnle Dwuuma la avinli la amuala ɔhilele bɛ. 20Mɔɔ bɛdiele ye bɛwiele la, bɛyɛle Nyamenle mo na bɛzele Pɔɔlo kɛ, “Adiema Pɔɔlo, tie yɛ ɛ! Yɛlɛ Dwuuma apenle apenle mɔɔ ɛlie Edwɛkpa ne ɛli, noko bɛli Mosisi mɛla ne anzi kpalɛ kpalɛ a. 21Bɛha bɛhile bɛ kɛ ɛlɛkilehile Dwuuma mɔɔ wɔ maanle zo la kɛ bɛgyakyi Mosisi mɛla ne anzi ɛlilɛ, na wɔze bɛ kɛ bɛmmayɛ bɛ mrenyanu nzonlɛ anzɛɛ bɛmmadi Dwuuma maamɛla ne mɔ azo. 22Kɛ ɔkɛyɛ biala la bɛbade kɛ wɔra. Zɔhane ati ɛnee kɛ yɛkɛyɛ ye ɛ? 23Mɔɔ yɛkpondɛ kɛ ɛyɛ la ɛne. Yɛlɛ mgbavolɛ nna mɔɔ ɛbɔ ɛwɔkɛ wɔ Nyamenle anyunlu la wɔ ɛke. 24Ɛ nee bɛ ɛhɔ maa bɛhɔkpa bɛ ti, bɛdu bɛ nwo evinli na tua bɛ ti kakɛ biala maa bɛ. Ɛhye a kɛmaa awie biala kɛnwu kɛ edwɛkɛ mɔɔ bɛhanle wɔ ɛ nwo la amuala ɛnle nɔhalɛ a, na ɛdawɔ mumua ne, ɛdi Dwuu maamɛla ne nee Mosisi mɛla ne mɔ azo. 25#Gyi 15.29 Mɔɔ fane bɛdabɛ mɔɔ bɛnle Dwuuma, na bɛlie bɛli la anwo, yɛhɛlɛ kɛlata yɛhɔmaa bɛ kɛ bɛmmadi debie biala mɔɔ bɛva bɛkpa munzule bɛmaa bozonle nee nane mɔɔ bɛlofo ye bɛhu ye la;#21.25 Bɛlofo ye: Alumua mbuluku ne bie mɔ ɛnva “nane mɔɔ bɛlofo ye bɛhu ye la” ɛnzɔ zo. eza bɛmmadi mogya, na bɛhwe bɛ nwo bɛvi adwɔmane ɛbɔlɛ nwo.”
26Yemɔti Pɔɔlo vale menli ne, na aleɛ hyenle la ɔ nee bɛ hɔle bɛhɔnluanle bɛ nwo. Akee ɔhɔle Ɛzonlenlɛ Sua ne anu ɔhɔhilele kenle mɔɔ evinli ɛdulɛ ne kɛwie na bɛabɔ awie ko biala ati azu ne la.
Bɛhye Pɔɔlo wɔ Ɛzonlenlɛ Sua ne anu
27Mɔɔ ɔka ekyii na kenle nsuu ne adwu la, Dwuuma bie mɔɔ vi Ehyea maanle nu rale la nwunle Pɔɔlo wɔ Ɛzonlenlɛ Sua ne anu. Bɛzɛkyele menli dɔɔnwo adwenle wɔ Pɔɔlo anwo na bɛmanle bɛhɔnwinwinle ye wɔ Ɛzonlenlɛ Sua ne anu, 28bɛdeɛdeanle nu kɛ, “Yizilayɛma e, bɛrɛla o na sonla ne mɔɔ luolua nuhua ɛlɛkilehile menli atia Yizilayɛma nee Mosisi mɛla ne nee Ɛzonlenlɛ Sua ye la, yemɔ ɛne! Eza noko yehɔva menli bie mɔɔ ɛnle Dwuuma la yera Ɛzonlenlɛ Sua ye anu yemaa evinli ɛha ɛleka nwuanzanwuanza ɛhye.” 29(Bɛhanle ɛhye, ɔluakɛ ɛnee bɛnwu ye dɛba kɛ Tulofemɛse mɔɔ vi Ɛfɛsɛse la nee Pɔɔlo lua nwo wɔ sua ne azo. Yemɔti ɛnee bɛdwenle kɛ Pɔɔlo nee ye a hɔle Ɛzonlenlɛ Sua ne anu a.)
30Suakpole ne azo fonyianle, na menli ne mɔ razɔle Pɔɔlo hwenle ye vile Ɛzonlenlɛ Sua ne anu vindele, na ɛkɛ ne ala bɛtotole Ɛzonlenlɛ Sua ne nlenkɛ ne mɔ amuala anu. 31Menli ne mɔ akee nyianle adwenle kɛ bɛku Pɔɔlo. Na nrɛlaleɛ hɔdole Wulomu sogyama kpanyinli ne kɛ nzaka ɛzi Gyɛlusalɛm. 32Yemɔti sogyama kpanyinli ne vale ye sogya mgbanyinli ne bie mɔ nee sogyama hanle bɛ nwo waa hɔle ɛlɔne ne anu. Mɔɔ menli ne mɔ nwunle sogyama kpanyinli ne nee sogyama mɔɔ doa ye la, bɛgyakyile Pɔɔlo ɛbolɛ. 33Sogyama kpanyinli ne hɔzɔle Pɔɔlo, na ɔmanle bɛvale nwɔnzɔnwɔnzɔ nwiɔ bɛguale ye. Akee ɔbizale kɛ, “Na nwane a le ɛhye, yɛɛ duzu ɛtane a yeyɛ a?” 34Na menli ne mɔ annwu mɔɔ bɛka a. Bie mɔ ɛlɛka edwɛkɛ ɛhye la, ɛnee bie mɔ noko ɛlɛka edwɛkɛ ngakyile. Yemɔti ɛnee sogyama kpanyinli ne ɛngola ɛnnwu edwɛkɛ kpɔkɛ mɔɔ ɛmaa ɛhye ɛzi la. Yemɔti ɔzele bɛ kɛ bɛva Pɔɔlo bɛhɔ aranemgbole ne anu lɔ. 35Bɛ nee ye hɔle hɔdwule aranemgbole ne kpolike ne anloa la, ɛnee akee ɔwɔ kɛ sogyama ne soa ye bɛ kɔme zo na bɛava ye bɛahɔ, ɔluakɛ ɛnee akee menli ne mɔ anye ɛbolo kpalɛ. 36Bɛ muala bɛdoale bɛ ndinlizo na bɛdeɛdeanle nuhua kɛ, “Bɛhu ye bɛye ye ɛkɛ ne!”
Pɔɔlo sa ɔ ne
37Bɛ nee Pɔɔlo kɔ ahɔwolo aranemgbole ne anu la, ɔzele sogyama kpanyinli ne kɛ, “Maa me adenle maa menga edwɛkɛ mengile wɔ.”
Na sogyama kpanyinli ne zele kɛ, “Hwio, ɛdawɔ mumua ne ɛka Giliki. 38Ɛnee noko tɛ wɔmɔ a ɛle Yigyibitinli ne mɔɔ mekɛ bie mɔɔ ɛze ɛhɔ la vale ngyegyelɛ rale, na ɔvale menli maamɔvo apenle nna ɔhɔle fienemgbole ne azo lɔ la?”
39Pɔɔlo buale ye kɛ, “Mele Dwuunli. Bɛwole me wɔ Taasɛse mɔɔ wɔ Selesea la. Mevi suakpole kpalɛ zo. Mekpa wɔ kyɛlɛ, maa mendendɛ ekyii mengile menli ne mɔ.”
40Na sogyama kpanyinli ne manle ye adenle kɛ ɔdendɛ. Na Pɔɔlo gyinlanle kpolike ne azo, ɔmanle ɔ sa zo ɔbobole menli ne. Mɔɔ bɛ muala bɛyɛle koonwu kpalɛ la, Pɔɔlo dendɛle Hibulu aneɛ nu hilele bɛ zele kɛ,
S'ha seleccionat:
Gyi 21: NB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Nzema © Bible Society of Ghana, 1998.
Gyi 21
21
Pɔɔlo kɔ Gyɛlusalɛm
1Yɛ nee bɛ lile nrɛlaleɛ wiele la yɛvi ɛkɛ ne yɛdule yɛluale zo yɛhɔle Kɔɔso; aleɛ hyenle la ɛnee yɛ nyunlu a le Wulodise. Yɛvi ɛkɛ ne la yɛhɔle Patala. 2Ɛkɛ ne yɛɛ yɛvale ɛlɛne mɔɔ ɛlɛkɔ Fonehyea la yɛhɔle a. 3Yɛradwule ɛleka bie mɔɔ ɛnee yɛ nye dua Saepelɛse la yɛwɔnenle yɛ ti nyiakɛ yɛpɛle yɛdɔle Selea. Yɛradwule Taya, na kɛmɔ ɛkɛ ne yɛɛ ɛlɛne ne tu ye ninyɛne ne agua la ati, yɛdwule aze yɛhɔle sua zo. 4Yɛnwunle diedima ne bie mɔ wɔ ɛkɛ, na yɛ nee bɛ hɔdɛnlanle dapɛne ko. Na bɛluale Sunsum Nwuanzanwuanza ne anwo zo bɛzele Pɔɔlo kɛ ɔmmakɔ Gyɛlusalɛm. 5Noko yɛ mekɛ mɔɔ yɛdi ye bɛ nwo ɛkɛ ne la wiele la, yɛvile ɛkɛ ne na yɛzɔle yɛ adendulɛ ne azo. Bɛ muala bɛ nee bɛ ye mɔ nee bɛ mra bɛhɔzɔhonle yɛ wɔ suakpole ne kandiba, na yɛ muala yɛhotole ɛnwea ne azo yɛyɛle nzɛlɛlɛ. 6Akee yɛlile nrɛlaleɛ na yɛhɔvole ɛlɛne ne anu, na bɛdabɛ noko bɛziale bɛhɔle sua nu.
7Yɛzɔle yɛ adendulɛ ne azo, yɛvi Taya yɛhɔle Tɔlɛmeeyese, yɛhɔkpɔlale diedima mɔɔ wɔ ɛkɛ ne la na yɛlale ɛkɛ ne. 8#Gyi 6.5; 8.5 Ye alehyenlɛ nu yɛvi ɛkɛ ne yɛrale Sizalia. Yɛhɔzokoɛle Felepe mɔɔ kpɔsa bɔ Nyamenle Edwɛkɛ ne nolo la sua nu na yɛ nee ye dɛnlanle. Felepe boka menli nsuu ne mɔɔ bɛkpale nu bɛyele bɛ wɔ Gyɛlusalɛm la anwo. 9Ɔlɛ mralɛ mraalɛ nna mɔɔ ɛtɛkɔle agyalɛ ɛlɛ la wɔ ɛkɛ, bɛle Nyamenle kpɔmanvolɛma. 10Yɛlile kenle ekyi ɛkɛ ne la, Nyamenle kpɔmanvolɛ bie mɔɔ bɛfɛlɛ ye Agabɛse la vi Dwudiya rale. 11Ɔrale yɛ nwo ɛkɛ ne na ɔvale Pɔɔlo akyeso ne ɔkyekyele ɔdaye ɔ ngome ɔ sa nee ɔ gyakɛ na ɔhanle kɛ, “Kɛ Sunsum Nwuanzanwuanza ne se la ɛne: Sonla ne mɔɔ lɛ akyeso ɛhye la, Dwuuma bakyekye ye zɛhae wɔ Gyɛlusalɛm, na bɛava ye bɛawula bɛdabɛ mɔɔ bɛnle Dwuuma la asa anu.”
12Yɛdele ɛhye la, yɛ nee menli mɔɔ wɔ ɛkɛ ne la amuala yɛkpale Pɔɔlo kyɛlɛ kɛ ɔmmakɔ Gyɛlusalɛm. 13Na ɔbizale yɛ kɛ, “Na ɛzunlɛ ye abo ɛ? Duzu ati a bɛyɛ bɛabɔ me rɛle ɛ? Meziezie me nwo kɛ tɛ ɛkyekyelɛ mɔɔ bɛkyekye me la angome, na kɛ menwɔwu wɔ Gyɛlusalɛm wɔ Awulae Gyisɛse duma ne ati.”
14Yɛyɛle biala, na yeamkponle, yemɔti yɛgyakyile ye na yɛzele kɛ, “Awulae ɛhulolɛdeɛ ɛyɛ ɛkɛ.”
15Yɛlile mekɛ ekyi wɔ ɛkɛ ne la, yɛhuohuanle yɛ nwo na yɛhɔle Gyɛlusalɛm. 16Na ɛdoavolɛma bie mɔɔ wɔ Sizalia la nee yɛ hɔle, na yɛhɔzokoɛle diedinli Meneesen mɔɔ vi Saepelɛse mɔɔ mɔlebɛbo ne ala ɔliele Gyisɛse ɔlile la sua nu.
Pɔɔlo kakpɔla Gyemise
17Yɛradwule Gyɛlusalɛm la, mediema diedima ne mɔ liele yɛ anyelielɛ nu. 18Aleɛ hyenle la Pɔɔlo nee yɛ hɔle Gyemise ɛkɛ ne kɛ yɛ nee ye kadendɛ; yɛhɔle la ɛnee asɔne mgbanyima ne mɔ amuala wɔ ɛkɛ. 19Pɔɔlo bizale ahye na ɔhanle gyima mɔɔ Nyamenle ɛlua ɔ nwo zo ɛli wɔ bɛdabɛ mɔɔ bɛnle Dwuuma la avinli la amuala ɔhilele bɛ. 20Mɔɔ bɛdiele ye bɛwiele la, bɛyɛle Nyamenle mo na bɛzele Pɔɔlo kɛ, “Adiema Pɔɔlo, tie yɛ ɛ! Yɛlɛ Dwuuma apenle apenle mɔɔ ɛlie Edwɛkpa ne ɛli, noko bɛli Mosisi mɛla ne anzi kpalɛ kpalɛ a. 21Bɛha bɛhile bɛ kɛ ɛlɛkilehile Dwuuma mɔɔ wɔ maanle zo la kɛ bɛgyakyi Mosisi mɛla ne anzi ɛlilɛ, na wɔze bɛ kɛ bɛmmayɛ bɛ mrenyanu nzonlɛ anzɛɛ bɛmmadi Dwuuma maamɛla ne mɔ azo. 22Kɛ ɔkɛyɛ biala la bɛbade kɛ wɔra. Zɔhane ati ɛnee kɛ yɛkɛyɛ ye ɛ? 23Mɔɔ yɛkpondɛ kɛ ɛyɛ la ɛne. Yɛlɛ mgbavolɛ nna mɔɔ ɛbɔ ɛwɔkɛ wɔ Nyamenle anyunlu la wɔ ɛke. 24Ɛ nee bɛ ɛhɔ maa bɛhɔkpa bɛ ti, bɛdu bɛ nwo evinli na tua bɛ ti kakɛ biala maa bɛ. Ɛhye a kɛmaa awie biala kɛnwu kɛ edwɛkɛ mɔɔ bɛhanle wɔ ɛ nwo la amuala ɛnle nɔhalɛ a, na ɛdawɔ mumua ne, ɛdi Dwuu maamɛla ne nee Mosisi mɛla ne mɔ azo. 25#Gyi 15.29 Mɔɔ fane bɛdabɛ mɔɔ bɛnle Dwuuma, na bɛlie bɛli la anwo, yɛhɛlɛ kɛlata yɛhɔmaa bɛ kɛ bɛmmadi debie biala mɔɔ bɛva bɛkpa munzule bɛmaa bozonle nee nane mɔɔ bɛlofo ye bɛhu ye la;#21.25 Bɛlofo ye: Alumua mbuluku ne bie mɔ ɛnva “nane mɔɔ bɛlofo ye bɛhu ye la” ɛnzɔ zo. eza bɛmmadi mogya, na bɛhwe bɛ nwo bɛvi adwɔmane ɛbɔlɛ nwo.”
26Yemɔti Pɔɔlo vale menli ne, na aleɛ hyenle la ɔ nee bɛ hɔle bɛhɔnluanle bɛ nwo. Akee ɔhɔle Ɛzonlenlɛ Sua ne anu ɔhɔhilele kenle mɔɔ evinli ɛdulɛ ne kɛwie na bɛabɔ awie ko biala ati azu ne la.
Bɛhye Pɔɔlo wɔ Ɛzonlenlɛ Sua ne anu
27Mɔɔ ɔka ekyii na kenle nsuu ne adwu la, Dwuuma bie mɔɔ vi Ehyea maanle nu rale la nwunle Pɔɔlo wɔ Ɛzonlenlɛ Sua ne anu. Bɛzɛkyele menli dɔɔnwo adwenle wɔ Pɔɔlo anwo na bɛmanle bɛhɔnwinwinle ye wɔ Ɛzonlenlɛ Sua ne anu, 28bɛdeɛdeanle nu kɛ, “Yizilayɛma e, bɛrɛla o na sonla ne mɔɔ luolua nuhua ɛlɛkilehile menli atia Yizilayɛma nee Mosisi mɛla ne nee Ɛzonlenlɛ Sua ye la, yemɔ ɛne! Eza noko yehɔva menli bie mɔɔ ɛnle Dwuuma la yera Ɛzonlenlɛ Sua ye anu yemaa evinli ɛha ɛleka nwuanzanwuanza ɛhye.” 29(Bɛhanle ɛhye, ɔluakɛ ɛnee bɛnwu ye dɛba kɛ Tulofemɛse mɔɔ vi Ɛfɛsɛse la nee Pɔɔlo lua nwo wɔ sua ne azo. Yemɔti ɛnee bɛdwenle kɛ Pɔɔlo nee ye a hɔle Ɛzonlenlɛ Sua ne anu a.)
30Suakpole ne azo fonyianle, na menli ne mɔ razɔle Pɔɔlo hwenle ye vile Ɛzonlenlɛ Sua ne anu vindele, na ɛkɛ ne ala bɛtotole Ɛzonlenlɛ Sua ne nlenkɛ ne mɔ amuala anu. 31Menli ne mɔ akee nyianle adwenle kɛ bɛku Pɔɔlo. Na nrɛlaleɛ hɔdole Wulomu sogyama kpanyinli ne kɛ nzaka ɛzi Gyɛlusalɛm. 32Yemɔti sogyama kpanyinli ne vale ye sogya mgbanyinli ne bie mɔ nee sogyama hanle bɛ nwo waa hɔle ɛlɔne ne anu. Mɔɔ menli ne mɔ nwunle sogyama kpanyinli ne nee sogyama mɔɔ doa ye la, bɛgyakyile Pɔɔlo ɛbolɛ. 33Sogyama kpanyinli ne hɔzɔle Pɔɔlo, na ɔmanle bɛvale nwɔnzɔnwɔnzɔ nwiɔ bɛguale ye. Akee ɔbizale kɛ, “Na nwane a le ɛhye, yɛɛ duzu ɛtane a yeyɛ a?” 34Na menli ne mɔ annwu mɔɔ bɛka a. Bie mɔ ɛlɛka edwɛkɛ ɛhye la, ɛnee bie mɔ noko ɛlɛka edwɛkɛ ngakyile. Yemɔti ɛnee sogyama kpanyinli ne ɛngola ɛnnwu edwɛkɛ kpɔkɛ mɔɔ ɛmaa ɛhye ɛzi la. Yemɔti ɔzele bɛ kɛ bɛva Pɔɔlo bɛhɔ aranemgbole ne anu lɔ. 35Bɛ nee ye hɔle hɔdwule aranemgbole ne kpolike ne anloa la, ɛnee akee ɔwɔ kɛ sogyama ne soa ye bɛ kɔme zo na bɛava ye bɛahɔ, ɔluakɛ ɛnee akee menli ne mɔ anye ɛbolo kpalɛ. 36Bɛ muala bɛdoale bɛ ndinlizo na bɛdeɛdeanle nuhua kɛ, “Bɛhu ye bɛye ye ɛkɛ ne!”
Pɔɔlo sa ɔ ne
37Bɛ nee Pɔɔlo kɔ ahɔwolo aranemgbole ne anu la, ɔzele sogyama kpanyinli ne kɛ, “Maa me adenle maa menga edwɛkɛ mengile wɔ.”
Na sogyama kpanyinli ne zele kɛ, “Hwio, ɛdawɔ mumua ne ɛka Giliki. 38Ɛnee noko tɛ wɔmɔ a ɛle Yigyibitinli ne mɔɔ mekɛ bie mɔɔ ɛze ɛhɔ la vale ngyegyelɛ rale, na ɔvale menli maamɔvo apenle nna ɔhɔle fienemgbole ne azo lɔ la?”
39Pɔɔlo buale ye kɛ, “Mele Dwuunli. Bɛwole me wɔ Taasɛse mɔɔ wɔ Selesea la. Mevi suakpole kpalɛ zo. Mekpa wɔ kyɛlɛ, maa mendendɛ ekyii mengile menli ne mɔ.”
40Na sogyama kpanyinli ne manle ye adenle kɛ ɔdendɛ. Na Pɔɔlo gyinlanle kpolike ne azo, ɔmanle ɔ sa zo ɔbobole menli ne. Mɔɔ bɛ muala bɛyɛle koonwu kpalɛ la, Pɔɔlo dendɛle Hibulu aneɛ nu hilele bɛ zele kɛ,
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Nzema © Bible Society of Ghana, 1998.