Genesis 49
49
Jacob ilweyel
1Jacob-el alerikw-rnem akarrilek, anyent-warl ilemel, “Anyentirrenherr-arey ingkerrenh, atha arrekantherr iletyek nthakenharl irreyenh, arrantherr iterl-aretyek-awaty.” ...
10Jacob-el Judah renh ilek, “Ingkerrenh ngkweng awelh-ayntem nga atyetyart ikwer-rnem anayntem.” ...
29-30... Jacob-el alerikw ingwer-rnem ilek, “Arrer-anem ayeng ilwetyekan. Irrkaty ikwer-warl arringkerr ayenh akwernetyek, Abraham rarl payemelek Hitt-kenh-rnem-itwek, akngey atyenh-itwek-antey. Intey ra akngerrakw-ampeny, apmer Canaan-itwek. 31Abraham anew ikwerenh-then-antey intey ikwer arrpemarl akwernek, Isaac-then anew ikwerenh Rebekah-then ikwer-antey arrpemarl akwernek. Leah kel-antey atha akwernek arrpemarl. 32Apmer renhan Hitt-kenh-rnem-itwek payemelekarl intey-akert arrewaly-rnem akwern-ayntetyek.”
33Alerikw ikwerenharl ra ilanthek-penh, ra panty-itwek aynterl-arrernek. Ikwer-theyan, ra ilwek-anem, panty ikwerel-antey.
S'ha seleccionat:
Genesis 49: aly
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2020, Wycliffe Bible Translators, Inc. All rights reserved.