Engaado 9
9
Makesi neende obusiru
1Makesi yoombaahe enyuumba yae,
mani yayitaamo esiiro chitaanu-na-chibiri.
2Yeetere ebisolo byae, asaasire efiini yae,
mani atekeehe esidyaalo.
3Atumire abahalaabani bae bahaana ohuchia
abuundu ahiramo obuhunuufu bwomu siko ohulaanga nibaboola bati,
4“Oyo yeesi obula obumanyirifu, leha yeengire muno!”
Oyo otali neende amakesi, kamuboolere kati,
5“Yiicha olye hu mugaati kwaange
haandi ong'we hu fiini yi saasire.
6Tula hu baandu bataali neende amakesi, mani oyiindire,
haandi okeendere alala neende abaandu bamanyirifu.”
7Oyo okerakira omuundu wepaaha, omweene yeeretera amanyeko,
haandi oyo owoolobya omuhola-mbi, omweene yechuunia.
8Otoolobyaanga omuundu wepaaha, hu ahaye ohuhusyuula;
yolobya omuundu mukesi, mani achia ohuhudaha.
9Kerakiraanga omuundu mukesi, mani achia ohwemeeda ohuba omukesi;
yekesa omuundu muluungifu mani achia ohwemeeda ohweeka.
10 #
Yob 28:28; Sab 111:10; Eng 1:7. Mu hutya Omwaami nimwo mu makesi kachaakira,
haandi ohumanya Omwoolerefu Mweene, nihwo ohuba neende obumanyirifu.
11Ohuba neende Makesi humeeda hu buungi bw'endaalo chao,
haandi obulamu bwao buchia ohwemeeda mu myaaka.
12Nooba omukesi, niiwe omweene onyoola engaanga;
nae n'ohaya, omweene niiwe owechuunia.
13Omuhasi musiru wesiyoka niye;
abula amakesi, haandi abulamo esoni.
14Yeehala hu mulyaango kw'enyuumba yae,
haandi anyoola obwiihalo abuundu ahunuufu byomu siko,
15ahuumula n'alaanga ababita,
nibachia mu ngeendo chaabwe n'aboola ati,
16“Buli otali neende obumanyirifu, leha yeeche ano!”
Haandi n'aboolera oyo otaamanyire ati,
17“Amaachi k'obwiibi, kanyunyuula n'okang'wa,
haandi omugaati kuliirwa mu bweekisi, nikwo okusangaasa.”
18Nae haba saamanyire ati omwo nimwo mu bafu bali,
ati abakeni bae bali emakoombe.
©Bible Society of Kenya, 2019
©Bible Society of Uganda, 2019