Nombres 30
30
1Ní Mooyiisi dū tin kɔkɔ ti-Dindaan sòon̄ nì uee ki tùkū Isirayeel yab.
Ipoon marab
2Boonee ní Mooyiisi dū ti-Dindaan marab nee ki tùkū Isirayeel yab naakɔti kpilib yii: 3«Ni-kansikin ubɔ di yaa pōoǹ ti-Dindaan yii u làá ŋá tiba kí tīī-u, àá u lēē u-ban ki pūtì yii u làá kòò tibee, udaan ń ŋá tin nyáń u-nyɔkɔn yii u làá ŋée deedee. Ú taa lákatí tin nyáń u-nyɔkɔn u pōoǹ yii u làá ŋée pu#30.3 Kpèè Ditee 23.22-24, Maat 5.33..
4«An yaa sá usapɔɔn di pōoǹ àá u pūtì yii u làá ŋá tiba kí tīī ti-Dindaan ŋyunti ŋun u dáá bí u-baa ceeyee, 5ní boonee u-baa gbìl̄ yii u pōoǹ àá u pūtì kí ŋá tiba kí tīī ti-Dindaan ní kaa lī-u tiba an puee, u máaǹ kí ŋá u nín pōoǹ puee. 6Ama u-baa yaa gbìl̄ ní ki yíì yii waa máaǹ kí pòon̄ kí lēē u-ban kí kòò tibee, mimmee u-pooŋyi in u lēē u-ban ki pōoǹee ŋá fám dee. Ti-Dindaan làá dūú pɔ̄-u, kun puee an sá u-baa di yíì.
7«An yaa tí sá yii usapɔɔn kaa dākafì an píkí ní ki pōoǹ àá ki pūtì kí lēē u-ban yii u làá kòò tiba, ní boonee ki mɔ́ǹ. 8U-cal yaa gbìl̄ ní kaa lī tibee, unimpuee ń nīn gbíntìi ŋúb́ u-pooŋyi. 9Ama daliŋkin ní u-cal yaa gbìl̄ ní kaa kííyee, ú kpìtī u-pooŋyi nì u-pùtil, ti-Dindaan làá dūú pɔ̄-u.
10«Ama unimpu un yāntì ticatee àá unimpukpiipu di yaa pōoǹee, an pée sá ú ŋá min u pōoǹee ní.
11«An yaa sá unimpu un mɔ́ǹee di yaa pōoǹ àá u lēē u-ban yii u làá kòò tibee, 12u-cal yaa béè ní kaa mɔ́tiǹ-uee, mimmee u máaǹ kí nīn gbíntìi ŋúb́ min u lēē yii u làá ŋée. 13Ama ní u-cal yaa gbìl̄ ní ki yíì yii waa pú-u nsanee, ú kpìtī u-pooŋyi, ti-Dindaan làá dūú pɔ̄-u. 14An puee unimpu yaa pōoǹ àá u yaa pūtì ki bàà là kí ŋá tibee, u-cal di ŋūǹ kí yàntī án ŋá míǹ àá án kpìtī. 15Ama uninja yaa gbìl̄ míǹ ní kutaa dūu wúntì waa lī tibee, mimmee unimpu ŋūǹ kí nīn gbíntìi ŋúb́ u-pooŋyi nì min u lēē yii u làá ŋée, kun puee u-cal nín gbìl̄ ŋwimmɔn kaa lī tibee dàkā yii an ŋān̄ dee. 16Ama u yaa gbìl̄ míǹ kaa lī tiba yaadal ní an yúntì ní u dāa bíi yíití yii waa là u-nimpuu ń ŋá mimmee, úǹ di dāa tūntí u-nimpuu pooŋyi kpitii.»
17Mara un ti-Dindaan tīī Mooyiisi ipoon pu, uninja nì unimpu kansikin, nì ubaati nì u-bisal kansikin, ŋyunti ŋun usapɔɔn dáá bí u-baa cindinee dee.
S'ha seleccionat:
Nombres 30: BASSARDC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
BIBLE EN N'TCHAM (Bassar) © Alliance Biblique du Togo, 2013.
Nombres 30
30
1Ní Mooyiisi dū tin kɔkɔ ti-Dindaan sòon̄ nì uee ki tùkū Isirayeel yab.
Ipoon marab
2Boonee ní Mooyiisi dū ti-Dindaan marab nee ki tùkū Isirayeel yab naakɔti kpilib yii: 3«Ni-kansikin ubɔ di yaa pōoǹ ti-Dindaan yii u làá ŋá tiba kí tīī-u, àá u lēē u-ban ki pūtì yii u làá kòò tibee, udaan ń ŋá tin nyáń u-nyɔkɔn yii u làá ŋée deedee. Ú taa lákatí tin nyáń u-nyɔkɔn u pōoǹ yii u làá ŋée pu#30.3 Kpèè Ditee 23.22-24, Maat 5.33..
4«An yaa sá usapɔɔn di pōoǹ àá u pūtì yii u làá ŋá tiba kí tīī ti-Dindaan ŋyunti ŋun u dáá bí u-baa ceeyee, 5ní boonee u-baa gbìl̄ yii u pōoǹ àá u pūtì kí ŋá tiba kí tīī ti-Dindaan ní kaa lī-u tiba an puee, u máaǹ kí ŋá u nín pōoǹ puee. 6Ama u-baa yaa gbìl̄ ní ki yíì yii waa máaǹ kí pòon̄ kí lēē u-ban kí kòò tibee, mimmee u-pooŋyi in u lēē u-ban ki pōoǹee ŋá fám dee. Ti-Dindaan làá dūú pɔ̄-u, kun puee an sá u-baa di yíì.
7«An yaa tí sá yii usapɔɔn kaa dākafì an píkí ní ki pōoǹ àá ki pūtì kí lēē u-ban yii u làá kòò tiba, ní boonee ki mɔ́ǹ. 8U-cal yaa gbìl̄ ní kaa lī tibee, unimpuee ń nīn gbíntìi ŋúb́ u-pooŋyi. 9Ama daliŋkin ní u-cal yaa gbìl̄ ní kaa kííyee, ú kpìtī u-pooŋyi nì u-pùtil, ti-Dindaan làá dūú pɔ̄-u.
10«Ama unimpu un yāntì ticatee àá unimpukpiipu di yaa pōoǹee, an pée sá ú ŋá min u pōoǹee ní.
11«An yaa sá unimpu un mɔ́ǹee di yaa pōoǹ àá u lēē u-ban yii u làá kòò tibee, 12u-cal yaa béè ní kaa mɔ́tiǹ-uee, mimmee u máaǹ kí nīn gbíntìi ŋúb́ min u lēē yii u làá ŋée. 13Ama ní u-cal yaa gbìl̄ ní ki yíì yii waa pú-u nsanee, ú kpìtī u-pooŋyi, ti-Dindaan làá dūú pɔ̄-u. 14An puee unimpu yaa pōoǹ àá u yaa pūtì ki bàà là kí ŋá tibee, u-cal di ŋūǹ kí yàntī án ŋá míǹ àá án kpìtī. 15Ama uninja yaa gbìl̄ míǹ ní kutaa dūu wúntì waa lī tibee, mimmee unimpu ŋūǹ kí nīn gbíntìi ŋúb́ u-pooŋyi nì min u lēē yii u làá ŋée, kun puee u-cal nín gbìl̄ ŋwimmɔn kaa lī tibee dàkā yii an ŋān̄ dee. 16Ama u yaa gbìl̄ míǹ kaa lī tiba yaadal ní an yúntì ní u dāa bíi yíití yii waa là u-nimpuu ń ŋá mimmee, úǹ di dāa tūntí u-nimpuu pooŋyi kpitii.»
17Mara un ti-Dindaan tīī Mooyiisi ipoon pu, uninja nì unimpu kansikin, nì ubaati nì u-bisal kansikin, ŋyunti ŋun usapɔɔn dáá bí u-baa cindinee dee.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
BIBLE EN N'TCHAM (Bassar) © Alliance Biblique du Togo, 2013.