Lévitique 3
3
Mpèé saraau
1«Ubɔ yaa lēē u-nacaŋkpuŋkun unaa kí ŋá mpèé saraauee, ú nīn sá uja àá usal un laaba kaa wɔ̀b̄ee. Ú cáań-u circir kɔŋkooŋŋu nyɔkɔpu ti-Dindaan nimbiin. 2Ú dū u-ŋal kí páań kuwaŋkuluuee yil pu, kí làntì-ku circir kɔŋkooŋŋu punyɔkɔki nyɔkɔpu, ní Aarɔn jipɔmbi bisaraaŋaliibi ń dū fatiku kí yàaǹ nsaraafan jaŋŋi kɔkɔ pu kí màntīí tū. 3Tin bi làá lēē mpèé saraau gbanti poon kí wà ŋŋmi kí tīī ti-Dindaanee di sá ŋkpam min bīī ina puee nì ŋkpam min pá i-puee, 4nì aceebil liitil nì ŋkpam min pá ŋi nì ntikakal puee, ní kí lēē mpɔɔlam kɔkɔ kí nákatí kí kpáaǹ aceebil dicilpu. 5Ní Aarɔn jipɔmbi ń dūú kūtì saraawɔkaa un pá idɔ in bi dūu páaǹ ŋŋmi pu nsaraafan puee. An di sá mpèé saraau un bi dùú wà ŋŋmi u-sɔnsɔfiŋu sɔ̀ŋkī ti-Dindaan pɔbilee.
6«An yaa sá upii àá uŋoobu ní ubɔ cáań kí ŋá saraa kí dàkà u nì ti-Dindaan kansikin pèéŋuee, án nīn sá uja àá usal un laaba kaa wɔ̀b̄ee. 7An yaa sá dipibil ní udaan cáań kí dūú ŋá saraayee, ú cáań-dì ti-Dindaan nimbiin. 8Ú dū u-ŋal kí páań dipibilee yil pu ní kí làntì-dì circir kɔŋkooŋŋu punyɔkɔki nyɔkɔpu ní Aarɔn jipɔmbi ń dū di-fatikuu kí yàaǹ nsaraafan jaŋŋi kɔkɔ pu kí màntīí tū. 9Tin bi làá lēē mpèé saraau gbanti poon kí wà ŋŋmi kí tīī ti-Dindaanee di sá ŋkpam: dijugbindi#3.9 Kpèè Disa 29.22. din bi lēēyee kɔkɔ nì ŋkpam min bīī ina puee nì ŋkpam min kɔkɔ pá i-puee, 10nì aceebil liitil nì ŋkpam min pá ŋi nì ntikakal puee, ní kí lēē mpɔɔlam kɔkɔ kí nákatí kí kpáaǹ aceebilee dicilpu. 11Niinee ní usaraaŋal ń cáá wà ŋŋmi nsaraafan pu. An di sá tijin saraau un bi dùú wà ŋŋmi kí tīī ti-Dindaanee.
12«An yaa sá uŋoobu ní udaan cáań kí dùú ŋá saraayee, ú cáań-u ti-Dindaan nimbiin. 13Ú dū u-ŋal kí páań uŋoobuee yil pu ní kí làntì-u circir kɔŋkooŋŋu punyɔkɔki nyɔkɔpu ní Aarɔn jipɔmbi ń dū u-fatikuu kí yàaǹ nsaraafan jaŋŋi kɔkɔ pu kí màntīí tū. 14Tin bi làá lēē saraa gbanti poon kí wà ŋŋmi kí tīī ti-Dindaanee di sá ŋkpam min bīī ina puee nì ŋkpam min kɔkɔ pá i-puee, 15nì aceebil liitil nì ŋkpam min pá ŋi nì ntikakal puee ní kí lēē mpɔɔlam kɔkɔ kí nákatí kí kpáaǹ aceebilee dicilpu. 16Niinee ní usaraaŋal ń dūú wà ŋŋmi nsaraafan pu. An di sá tijin saraau un bi dùú wà ŋŋmi u-sɔnsɔfiŋu sɔ̀ŋkī ti-Dindaan pɔbilee.
«Tin kamaa pée sá ŋkpamee, ti-Dindaan di yì. 17Án nīn sá dibɔkpaal din làá nīn bí ki cá jaanjaanee ki tīī ni nì ni-biyaamu yii báà laakin kamaa ní ni yaa bàn̄ ki kóòyee, ní nīn nyí yii naa máaǹ kí ŋmɔ́ kuwaŋkuluu fatikuu nì ku-kpam.»
S'ha seleccionat:
Lévitique 3: BASSARDC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
BIBLE EN N'TCHAM (Bassar) © Alliance Biblique du Togo, 2013.
Lévitique 3
3
Mpèé saraau
1«Ubɔ yaa lēē u-nacaŋkpuŋkun unaa kí ŋá mpèé saraauee, ú nīn sá uja àá usal un laaba kaa wɔ̀b̄ee. Ú cáań-u circir kɔŋkooŋŋu nyɔkɔpu ti-Dindaan nimbiin. 2Ú dū u-ŋal kí páań kuwaŋkuluuee yil pu, kí làntì-ku circir kɔŋkooŋŋu punyɔkɔki nyɔkɔpu, ní Aarɔn jipɔmbi bisaraaŋaliibi ń dū fatiku kí yàaǹ nsaraafan jaŋŋi kɔkɔ pu kí màntīí tū. 3Tin bi làá lēē mpèé saraau gbanti poon kí wà ŋŋmi kí tīī ti-Dindaanee di sá ŋkpam min bīī ina puee nì ŋkpam min pá i-puee, 4nì aceebil liitil nì ŋkpam min pá ŋi nì ntikakal puee, ní kí lēē mpɔɔlam kɔkɔ kí nákatí kí kpáaǹ aceebil dicilpu. 5Ní Aarɔn jipɔmbi ń dūú kūtì saraawɔkaa un pá idɔ in bi dūu páaǹ ŋŋmi pu nsaraafan puee. An di sá mpèé saraau un bi dùú wà ŋŋmi u-sɔnsɔfiŋu sɔ̀ŋkī ti-Dindaan pɔbilee.
6«An yaa sá upii àá uŋoobu ní ubɔ cáań kí ŋá saraa kí dàkà u nì ti-Dindaan kansikin pèéŋuee, án nīn sá uja àá usal un laaba kaa wɔ̀b̄ee. 7An yaa sá dipibil ní udaan cáań kí dūú ŋá saraayee, ú cáań-dì ti-Dindaan nimbiin. 8Ú dū u-ŋal kí páań dipibilee yil pu ní kí làntì-dì circir kɔŋkooŋŋu punyɔkɔki nyɔkɔpu ní Aarɔn jipɔmbi ń dū di-fatikuu kí yàaǹ nsaraafan jaŋŋi kɔkɔ pu kí màntīí tū. 9Tin bi làá lēē mpèé saraau gbanti poon kí wà ŋŋmi kí tīī ti-Dindaanee di sá ŋkpam: dijugbindi#3.9 Kpèè Disa 29.22. din bi lēēyee kɔkɔ nì ŋkpam min bīī ina puee nì ŋkpam min kɔkɔ pá i-puee, 10nì aceebil liitil nì ŋkpam min pá ŋi nì ntikakal puee, ní kí lēē mpɔɔlam kɔkɔ kí nákatí kí kpáaǹ aceebilee dicilpu. 11Niinee ní usaraaŋal ń cáá wà ŋŋmi nsaraafan pu. An di sá tijin saraau un bi dùú wà ŋŋmi kí tīī ti-Dindaanee.
12«An yaa sá uŋoobu ní udaan cáań kí dùú ŋá saraayee, ú cáań-u ti-Dindaan nimbiin. 13Ú dū u-ŋal kí páań uŋoobuee yil pu ní kí làntì-u circir kɔŋkooŋŋu punyɔkɔki nyɔkɔpu ní Aarɔn jipɔmbi ń dū u-fatikuu kí yàaǹ nsaraafan jaŋŋi kɔkɔ pu kí màntīí tū. 14Tin bi làá lēē saraa gbanti poon kí wà ŋŋmi kí tīī ti-Dindaanee di sá ŋkpam min bīī ina puee nì ŋkpam min kɔkɔ pá i-puee, 15nì aceebil liitil nì ŋkpam min pá ŋi nì ntikakal puee ní kí lēē mpɔɔlam kɔkɔ kí nákatí kí kpáaǹ aceebilee dicilpu. 16Niinee ní usaraaŋal ń dūú wà ŋŋmi nsaraafan pu. An di sá tijin saraau un bi dùú wà ŋŋmi u-sɔnsɔfiŋu sɔ̀ŋkī ti-Dindaan pɔbilee.
«Tin kamaa pée sá ŋkpamee, ti-Dindaan di yì. 17Án nīn sá dibɔkpaal din làá nīn bí ki cá jaanjaanee ki tīī ni nì ni-biyaamu yii báà laakin kamaa ní ni yaa bàn̄ ki kóòyee, ní nīn nyí yii naa máaǹ kí ŋmɔ́ kuwaŋkuluu fatikuu nì ku-kpam.»
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
BIBLE EN N'TCHAM (Bassar) © Alliance Biblique du Togo, 2013.