Lévitique 21
21
Marab bin bi síiǹ bisaraaŋaliibee a. Bisaraaŋaliibi bimbim
1Ti-Dindaan bí Mooyiisi ń tùkù bisaraaŋaliibi, Aarɔn jipɔmbi yii:
«Unil ubɔ yaa kpíì bisaraaŋaliibi naakookunee, usaraaŋal ń taa gbēē-u kí kɔ́ǹ u-ba tijɔkɔndi. 2Asee an yaa sá u-niliu kiŋkiŋ, an dàkà yii u-na àá u-baa àá u-jipɔɔn àá u-bisal àá u-naal àá u-maan 3àá u-niisal un kaa láá mɔ́ǹee, kun puee u-niisal gbanti dáá gbíntìi bí u-dicaŋkun kaa mɔ́ǹ. 4Usaraaŋal sá uyidaan ní u-nibul kansikin, an puee waa máaǹ kí kɔ́ǹ u-ba tijɔkɔndi kí fá u-nyooti.
5«Bisaraaŋaliibi yaa ká dikpoolee, bí taa kòol̀ kí cùkū bi-yiliŋ àá kí kòol̀ bi-nyimpuliŋ kpaanceetii ŋmaniŋma àá kí cāfì bi-wunti nì njimu. 6Bi máaǹ kí dū bi-ba kɔkɔ kí sú man bi-Nimbɔtiu, kí nīn nyí kí taa bīil̀ m-yindi. Di sá yii bíǹ di tìì man bi-Dindaan bi-Nimbɔtiu saraabi bin bi cáa wù ŋŋmee. An puee ní bi máaǹ kí nīn bí circir.
7«Usaraaŋal ń taa cáá unimpu un ŋá dilaakpaatundi ki kée, àá unimpu un uninja ubɔ ŋmātiǹ-u ki dōoǹ nì uee, àá unimpu un cal jìn̄-uee, kun puee bi dū usaraaŋal ki sú man u-Nimbɔtiu ní. 8Isirayeel yab kɔkɔ máaǹ kí nīn nyí yii bisaraaŋaliibi sá circir nib ní, kun puee bíǹ di ŋáań saraabi ki tìì man ni-Nimbɔtiu. An puee ubɔ ń taa kpèè bisaraaŋaliibi nín bí circir puee fám. Di sá yii man ni-Dindaan bí circir ní, ní ki gāntì-ni ní nīn sá m-yab.
9«Usaraaŋal bisal yaa bíi ŋáań dilaakpaatundi ki bíil̀ u-bee, u-baa ní u bíi bíiĺ. Bí wà u-bisal gbanti ŋŋmi.
10«Usaraaŋakpil di sá un yil pu bi bātì ŋkpam ki sītì u pèentí asaraaŋabɔkutee. An puee ú taa yàntī u-yikpiti ń nīn bí fikil fikil, kí taa cátí u-wampeeŋkaati kí dàkà yii u bí kunimbaaun. 11Ú taa sútí kí pìl̄ utaŋkpiil. Báà u-na àá u-baa di yaa kpíì, ú taa kɔ́ǹ u-ba tijɔkɔndi. 12Ú taa nyā ti-Dindaan circir kɔŋkooŋŋun kí bīil̀-ŋu. Di sá yii bi bātì man u-Nimbɔtiu kpam ki sītì u-yil pu ki dū-u ki sú-mi. Man di sá ni-Dindaan.
13«U yaa làá cáá unimpuee, ú cáá usapɔɔn un kaa nyí uninja ki kée. 14Ú taa cáá ukpiipu, kí taa cáá unimpu un cal jìn̄-uee àá un ŋá dilaakpaatundi ki bíil̀ u-bee. Ama ú kpèè u-nibul kansikin usapɔɔn un kaa nyí uninja ki kée kí cáá, 15án nín làá ŋá pu ú taa cáań mmaanyeen ŋun bíil̀ee u-maaliŋu poonee. Man di sá ni-Dindaan un gāntì-u ú nīn bí m-tundinee.»
b. Kun ŋūǹ kí pìin̄ unil nsan ú taa kpántí usaraaŋalee
16Ti-Dindaan bí Mooyiisi 17ń tùkù Aarɔn yii:
«A-maaliŋu poon kí nīn cée, nsan kaa pú unil un laaba wɔ̀b̄ee ń sútí kí pìl̄ nsaraafan kí ŋá saraa kí tīī-mi. 18Tiŋman, un laaba wɔ̀b̄ee kaa máaǹ kí sútí kí pìl̄ nsaraafan, an dàkà yii ujɔfu, àá un tà u-taal puee, àá umaŋfamatifu, àá un taal àá u-ŋal ŋubɔ fɔ̀kɔǹ ŋun kíǹee, àá 19unil un taal àá u-ŋal fātèe, 20àá ugulfu, àá kinikaŋkaliŋŋi, àá un nimbil pée, àá un cáá digbàndi àá tikalindee, àá ufaal. 21Usaraaŋakpil Aarɔn maaliŋu poonee, un laaba wɔ̀b̄ee kaa máaǹ kí sútí kí pìl̄ nsaraafan kí ŋá saraa bí dūú wà ŋŋmi kí tīī man ni-Dindaan. U nín wɔ̀b̄ee puee, waa máaǹ kí ŋá saraabi kí tīī man u-Nimbɔtiu. 22U ŋūǹ kí jī tijin tin bi cáań ki ŋá saraa ki tīī man u-Nimbɔtiuee, saraabi bin sá circiree nì bin sá circir páaayee. 23Ama u nín wɔ̀b̄ee puee, waa máaǹ kí sútí kí pìl̄ ŋŋaapìtikaa nì nsaraafan, án nín làá ŋá pu ú taa kpèè m-circir kɔŋkooŋŋu nì tin bí ŋu-poonee fámee. Di sá yii man di sá ni-Dindaan un gāntì bisaraaŋaliibi bí nīn bí m-tundinee.»
24Ní Mooyiisi kàan̄ tibɔti gbanti ki tùkū Aarɔn nì u-jipɔmbi nì Isirayeel yab kɔkɔ.
S'ha seleccionat:
Lévitique 21: BASSARDC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
BIBLE EN N'TCHAM (Bassar) © Alliance Biblique du Togo, 2013.
Lévitique 21
21
Marab bin bi síiǹ bisaraaŋaliibee a. Bisaraaŋaliibi bimbim
1Ti-Dindaan bí Mooyiisi ń tùkù bisaraaŋaliibi, Aarɔn jipɔmbi yii:
«Unil ubɔ yaa kpíì bisaraaŋaliibi naakookunee, usaraaŋal ń taa gbēē-u kí kɔ́ǹ u-ba tijɔkɔndi. 2Asee an yaa sá u-niliu kiŋkiŋ, an dàkà yii u-na àá u-baa àá u-jipɔɔn àá u-bisal àá u-naal àá u-maan 3àá u-niisal un kaa láá mɔ́ǹee, kun puee u-niisal gbanti dáá gbíntìi bí u-dicaŋkun kaa mɔ́ǹ. 4Usaraaŋal sá uyidaan ní u-nibul kansikin, an puee waa máaǹ kí kɔ́ǹ u-ba tijɔkɔndi kí fá u-nyooti.
5«Bisaraaŋaliibi yaa ká dikpoolee, bí taa kòol̀ kí cùkū bi-yiliŋ àá kí kòol̀ bi-nyimpuliŋ kpaanceetii ŋmaniŋma àá kí cāfì bi-wunti nì njimu. 6Bi máaǹ kí dū bi-ba kɔkɔ kí sú man bi-Nimbɔtiu, kí nīn nyí kí taa bīil̀ m-yindi. Di sá yii bíǹ di tìì man bi-Dindaan bi-Nimbɔtiu saraabi bin bi cáa wù ŋŋmee. An puee ní bi máaǹ kí nīn bí circir.
7«Usaraaŋal ń taa cáá unimpu un ŋá dilaakpaatundi ki kée, àá unimpu un uninja ubɔ ŋmātiǹ-u ki dōoǹ nì uee, àá unimpu un cal jìn̄-uee, kun puee bi dū usaraaŋal ki sú man u-Nimbɔtiu ní. 8Isirayeel yab kɔkɔ máaǹ kí nīn nyí yii bisaraaŋaliibi sá circir nib ní, kun puee bíǹ di ŋáań saraabi ki tìì man ni-Nimbɔtiu. An puee ubɔ ń taa kpèè bisaraaŋaliibi nín bí circir puee fám. Di sá yii man ni-Dindaan bí circir ní, ní ki gāntì-ni ní nīn sá m-yab.
9«Usaraaŋal bisal yaa bíi ŋáań dilaakpaatundi ki bíil̀ u-bee, u-baa ní u bíi bíiĺ. Bí wà u-bisal gbanti ŋŋmi.
10«Usaraaŋakpil di sá un yil pu bi bātì ŋkpam ki sītì u pèentí asaraaŋabɔkutee. An puee ú taa yàntī u-yikpiti ń nīn bí fikil fikil, kí taa cátí u-wampeeŋkaati kí dàkà yii u bí kunimbaaun. 11Ú taa sútí kí pìl̄ utaŋkpiil. Báà u-na àá u-baa di yaa kpíì, ú taa kɔ́ǹ u-ba tijɔkɔndi. 12Ú taa nyā ti-Dindaan circir kɔŋkooŋŋun kí bīil̀-ŋu. Di sá yii bi bātì man u-Nimbɔtiu kpam ki sītì u-yil pu ki dū-u ki sú-mi. Man di sá ni-Dindaan.
13«U yaa làá cáá unimpuee, ú cáá usapɔɔn un kaa nyí uninja ki kée. 14Ú taa cáá ukpiipu, kí taa cáá unimpu un cal jìn̄-uee àá un ŋá dilaakpaatundi ki bíil̀ u-bee. Ama ú kpèè u-nibul kansikin usapɔɔn un kaa nyí uninja ki kée kí cáá, 15án nín làá ŋá pu ú taa cáań mmaanyeen ŋun bíil̀ee u-maaliŋu poonee. Man di sá ni-Dindaan un gāntì-u ú nīn bí m-tundinee.»
b. Kun ŋūǹ kí pìin̄ unil nsan ú taa kpántí usaraaŋalee
16Ti-Dindaan bí Mooyiisi 17ń tùkù Aarɔn yii:
«A-maaliŋu poon kí nīn cée, nsan kaa pú unil un laaba wɔ̀b̄ee ń sútí kí pìl̄ nsaraafan kí ŋá saraa kí tīī-mi. 18Tiŋman, un laaba wɔ̀b̄ee kaa máaǹ kí sútí kí pìl̄ nsaraafan, an dàkà yii ujɔfu, àá un tà u-taal puee, àá umaŋfamatifu, àá un taal àá u-ŋal ŋubɔ fɔ̀kɔǹ ŋun kíǹee, àá 19unil un taal àá u-ŋal fātèe, 20àá ugulfu, àá kinikaŋkaliŋŋi, àá un nimbil pée, àá un cáá digbàndi àá tikalindee, àá ufaal. 21Usaraaŋakpil Aarɔn maaliŋu poonee, un laaba wɔ̀b̄ee kaa máaǹ kí sútí kí pìl̄ nsaraafan kí ŋá saraa bí dūú wà ŋŋmi kí tīī man ni-Dindaan. U nín wɔ̀b̄ee puee, waa máaǹ kí ŋá saraabi kí tīī man u-Nimbɔtiu. 22U ŋūǹ kí jī tijin tin bi cáań ki ŋá saraa ki tīī man u-Nimbɔtiuee, saraabi bin sá circiree nì bin sá circir páaayee. 23Ama u nín wɔ̀b̄ee puee, waa máaǹ kí sútí kí pìl̄ ŋŋaapìtikaa nì nsaraafan, án nín làá ŋá pu ú taa kpèè m-circir kɔŋkooŋŋu nì tin bí ŋu-poonee fámee. Di sá yii man di sá ni-Dindaan un gāntì bisaraaŋaliibi bí nīn bí m-tundinee.»
24Ní Mooyiisi kàan̄ tibɔti gbanti ki tùkū Aarɔn nì u-jipɔmbi nì Isirayeel yab kɔkɔ.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
BIBLE EN N'TCHAM (Bassar) © Alliance Biblique du Togo, 2013.