Lévitique 15
15
Uninja jɔkɔnti pu marab
1Ti-Dindaan bí Mooyiisi nì Aarɔn yii 2bí tùkù Isirayeel yab yii:
«Batiku yaa cúú uninjee, tináti tin nyēē-uee kɔ́ǹ-u tijɔkɔndi. 3Tinátee yaa bíi nyēēyaaa, tì yaa tīkiǹaaa, udaan kɔ́ tijɔkɔndi. 4Ndoo ŋun kamaa pu udaan yaa dōoǹee kɔ́ tijɔkɔndi, ní tin kamaa pu ní u yaa kāl̀ee mun kɔ́ tijɔkɔndi. 5Un di yaa pée gbēē u-dooŋuee máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou. 6Un di yaa pée kāl̀ kun pu ní ubatikudaan kāl̀ee máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou. 7Un di yaa gbēē ubatikudaanee máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou. 8Ubatikudaan yaa tíil̀ ki pɔ̀l̄ unil un kaa kɔ́ tijɔkɔndee puee, udaan máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou. 9Dijal din kamaa pu ní ubatikudaan yaa kāl̀ ki cūtì nsanee kɔ́ tijɔkɔndi. 10Un di yaa pée gbēē tin kamaa dɔ̄ ubatikudaan taapuee kɔ́ tijɔkɔndi kí cáá sāā kujoou. Un di yaa tí yōoǹ tiwan gbanti ki túǹee máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou. 11Unil un kamaa ní ubatikudaan yaa kaa fíntì u-ŋal ki gbēēyee máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou. 12Ditansambil din kamaa ní ubatikudaan yaa gbēēyee, bí gbá kí wīī-dì. An yaa sá ndɔ sambilee, bí dū nnyim tikpil kí fíntí-dì.
13«Tináti tin nìn nyēē ubatikudaan ki kɔ́ǹ-u tijɔkɔndee yaa gúń u pɔ́ɔkèe, ú gíti kàl̄ iwiin iluli ní kí nín nyā u-jɔkɔntin. Ú fíntí u-wampeeŋkaati, kí dū nnyimbul nyim kí fàl̀ ní kí nín nyā tijɔkɔndin. 14Iwiin inii dalee, ú nyàab̀ ananjil ali àá abeenanjil ali kí cáá cùnnì ti-Dindaan nimbiin, circir kɔŋkooŋŋu punyɔkɔki nyɔkɔpu, kí dūú tīī usaraaŋal. 15Usaraaŋal ń dū diba kí ŋá ikpiti pɔ̄tam saraau ní kí dū din kíǹee kí ŋá saraawɔkaa. Ú ŋá dikoobil nín bālifì puee ti-Dindaan nimbiin kí fíntí udaan batikuu jɔkɔnti.
16«Uninja yaa nyéem̀ tijatee, u máaǹ kí fàl̀, ní ki làá nīn bí tijɔkɔndin kí cáá sāā kujoou. 17Tijatee yaa táká tiwampeeŋkaal tiba àá ŋgban wanti tibee, bí dū nnyim kí fíntí-tì. Tì làá nīn bí tijɔkɔndin kí cáá sāā kujoou.
18«Uninja yaa dōoǹ nì unimpuee, bi-liitil máaǹ kí fàl̀, ní ki làá nīn bí tijɔkɔndin kí cáá sāā kujoou.»
Unimpu jɔkɔnti pu marab
19«Unimpu yaa bíi fùul̀ ŋkpinee, u kɔ́ tijɔkɔndi kí cáá sāā iwiin iluli. Un mun di yaa gbēē-uee kɔ́ tijɔkɔndi kí cáá sāā kujoou. 20Ndoo ŋun kamaa pu ní unimpuee yaa dōoǹ ŋyunti gbanti kɔkɔee kɔ́ tijɔkɔndi, ní tiwan tin kamaa pu ní u yaa pée kāl̀ee mun kɔ́ tijɔkɔndi. 21Un di yaa pée gbēē u-dooŋuee mun kɔ́ tijɔkɔndi. Udaan máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou. 22Un di yaa pée gbēē kun pu ní unimpu gbanti kāl̀ee ń fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou. 23Tiba yaa pá ndoo ŋun pu unimpu gbanti dɔ̄ee, àá dijal din pu u kēe ní ubɔ dɔ́miń ki gbēē tiwan gbantee, udaan kɔ́ tijɔkɔndi kí cáá sāā kujoou. 24Uninja yaa dōoǹ nì u ŋyunti gbanti poon ní u-fatikuu nyáń ki gbēē-uee, uninjee mun kɔ́ tijɔkɔndi kí cáá sāā iwiin iluli. Uninja gbanti mun yaa dōoǹ ndoo ŋun puee kɔ́ tijɔkɔndi.
25«Unimpu yaa fùl̄ ŋkpin iwiin kupaau ní an kaa sá u-kpiŋŋu yuntiŋu, àá u-kpiŋŋu yaa jítì iwiin in an bàà sá an gúńee, u bí tijɔkɔndin ŋyunti gbanti kɔkɔ poon kii u nín pée kpààa kāntí u-ba iyunti in máaǹee puee. 26Ndoo ŋun pu ní u yaa pée dōoǹee, àá dijal din pu ní u yaa kāl̀ ŋyunti gbanti poonee kɔ́ tijɔkɔndi kii u nín pée kpààa fùul̀ ŋkpin iyunti in máaǹee puee. 27Un di yaa gbēē ndoo àá dijal gbantee máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou.
28«Ŋwiin ŋun u-kpiŋŋu gúńee, ú gíti kàl̄ iwiin iluli ní kí nín nyā tijɔkɔndin. 29Iwiin inii dalee, ú nyàab̀ ananjil ali àá abeenanjil ali kí cáań kí tīī usaraaŋal, circir kɔŋkooŋŋu punyɔkɔki nyɔkɔpu. 30Usaraaŋal ń dū nnɔmbiyaamuee kiba kí ŋá ikpiti pɔ̄tam saraau, kí dū kin kíǹee kí ŋá saraawɔkaa. Míǹ boonee usaraaŋal ń ŋá dikoobil nín bālifì puee unimpuee pu ti-Dindaan nimbiin kí fíntí u nín fùl̄ ŋkpin puee jɔkɔnti.»
31Ti-Dindaan nìn gíti bí Mooyiisi nì Aarɔn yii: «Ní kpāafì Isirayeel yab bí taa sútí kí pìl̄ m-kɔŋkooŋŋu ŋyunti ŋun bi yaa bí tijɔkɔndinee. Di sá yii bi yaa kɔ́ǹ m-kɔŋkooŋŋu ŋun bí bi-kansikinee tijɔkɔndee, see bí kpú.»
32Marab bin bi síiǹ ubatikudaan àá un di yaa nyéem̀ tijati ki kɔ́ tijɔkɔndinee dee. 33Marab gbanti sá ki tīī unimpu un fùl̄ ŋkpinee àá uninja àá unimpu un fatiku nyēē-uee àá uninja un di yaa dōoǹ nì unimpu un bí tijɔkɔndinee mun.
S'ha seleccionat:
Lévitique 15: BASSARDC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
BIBLE EN N'TCHAM (Bassar) © Alliance Biblique du Togo, 2013.
Lévitique 15
15
Uninja jɔkɔnti pu marab
1Ti-Dindaan bí Mooyiisi nì Aarɔn yii 2bí tùkù Isirayeel yab yii:
«Batiku yaa cúú uninjee, tináti tin nyēē-uee kɔ́ǹ-u tijɔkɔndi. 3Tinátee yaa bíi nyēēyaaa, tì yaa tīkiǹaaa, udaan kɔ́ tijɔkɔndi. 4Ndoo ŋun kamaa pu udaan yaa dōoǹee kɔ́ tijɔkɔndi, ní tin kamaa pu ní u yaa kāl̀ee mun kɔ́ tijɔkɔndi. 5Un di yaa pée gbēē u-dooŋuee máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou. 6Un di yaa pée kāl̀ kun pu ní ubatikudaan kāl̀ee máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou. 7Un di yaa gbēē ubatikudaanee máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou. 8Ubatikudaan yaa tíil̀ ki pɔ̀l̄ unil un kaa kɔ́ tijɔkɔndee puee, udaan máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou. 9Dijal din kamaa pu ní ubatikudaan yaa kāl̀ ki cūtì nsanee kɔ́ tijɔkɔndi. 10Un di yaa pée gbēē tin kamaa dɔ̄ ubatikudaan taapuee kɔ́ tijɔkɔndi kí cáá sāā kujoou. Un di yaa tí yōoǹ tiwan gbanti ki túǹee máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou. 11Unil un kamaa ní ubatikudaan yaa kaa fíntì u-ŋal ki gbēēyee máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou. 12Ditansambil din kamaa ní ubatikudaan yaa gbēēyee, bí gbá kí wīī-dì. An yaa sá ndɔ sambilee, bí dū nnyim tikpil kí fíntí-dì.
13«Tináti tin nìn nyēē ubatikudaan ki kɔ́ǹ-u tijɔkɔndee yaa gúń u pɔ́ɔkèe, ú gíti kàl̄ iwiin iluli ní kí nín nyā u-jɔkɔntin. Ú fíntí u-wampeeŋkaati, kí dū nnyimbul nyim kí fàl̀ ní kí nín nyā tijɔkɔndin. 14Iwiin inii dalee, ú nyàab̀ ananjil ali àá abeenanjil ali kí cáá cùnnì ti-Dindaan nimbiin, circir kɔŋkooŋŋu punyɔkɔki nyɔkɔpu, kí dūú tīī usaraaŋal. 15Usaraaŋal ń dū diba kí ŋá ikpiti pɔ̄tam saraau ní kí dū din kíǹee kí ŋá saraawɔkaa. Ú ŋá dikoobil nín bālifì puee ti-Dindaan nimbiin kí fíntí udaan batikuu jɔkɔnti.
16«Uninja yaa nyéem̀ tijatee, u máaǹ kí fàl̀, ní ki làá nīn bí tijɔkɔndin kí cáá sāā kujoou. 17Tijatee yaa táká tiwampeeŋkaal tiba àá ŋgban wanti tibee, bí dū nnyim kí fíntí-tì. Tì làá nīn bí tijɔkɔndin kí cáá sāā kujoou.
18«Uninja yaa dōoǹ nì unimpuee, bi-liitil máaǹ kí fàl̀, ní ki làá nīn bí tijɔkɔndin kí cáá sāā kujoou.»
Unimpu jɔkɔnti pu marab
19«Unimpu yaa bíi fùul̀ ŋkpinee, u kɔ́ tijɔkɔndi kí cáá sāā iwiin iluli. Un mun di yaa gbēē-uee kɔ́ tijɔkɔndi kí cáá sāā kujoou. 20Ndoo ŋun kamaa pu ní unimpuee yaa dōoǹ ŋyunti gbanti kɔkɔee kɔ́ tijɔkɔndi, ní tiwan tin kamaa pu ní u yaa pée kāl̀ee mun kɔ́ tijɔkɔndi. 21Un di yaa pée gbēē u-dooŋuee mun kɔ́ tijɔkɔndi. Udaan máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou. 22Un di yaa pée gbēē kun pu ní unimpu gbanti kāl̀ee ń fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou. 23Tiba yaa pá ndoo ŋun pu unimpu gbanti dɔ̄ee, àá dijal din pu u kēe ní ubɔ dɔ́miń ki gbēē tiwan gbantee, udaan kɔ́ tijɔkɔndi kí cáá sāā kujoou. 24Uninja yaa dōoǹ nì u ŋyunti gbanti poon ní u-fatikuu nyáń ki gbēē-uee, uninjee mun kɔ́ tijɔkɔndi kí cáá sāā iwiin iluli. Uninja gbanti mun yaa dōoǹ ndoo ŋun puee kɔ́ tijɔkɔndi.
25«Unimpu yaa fùl̄ ŋkpin iwiin kupaau ní an kaa sá u-kpiŋŋu yuntiŋu, àá u-kpiŋŋu yaa jítì iwiin in an bàà sá an gúńee, u bí tijɔkɔndin ŋyunti gbanti kɔkɔ poon kii u nín pée kpààa kāntí u-ba iyunti in máaǹee puee. 26Ndoo ŋun pu ní u yaa pée dōoǹee, àá dijal din pu ní u yaa kāl̀ ŋyunti gbanti poonee kɔ́ tijɔkɔndi kii u nín pée kpààa fùul̀ ŋkpin iyunti in máaǹee puee. 27Un di yaa gbēē ndoo àá dijal gbantee máaǹ kí fíntí u-wampeeŋkaati, kí fàl̀, ní ki làá nīn bí tijɔkɔndin kí cáá sāā kujoou.
28«Ŋwiin ŋun u-kpiŋŋu gúńee, ú gíti kàl̄ iwiin iluli ní kí nín nyā tijɔkɔndin. 29Iwiin inii dalee, ú nyàab̀ ananjil ali àá abeenanjil ali kí cáań kí tīī usaraaŋal, circir kɔŋkooŋŋu punyɔkɔki nyɔkɔpu. 30Usaraaŋal ń dū nnɔmbiyaamuee kiba kí ŋá ikpiti pɔ̄tam saraau, kí dū kin kíǹee kí ŋá saraawɔkaa. Míǹ boonee usaraaŋal ń ŋá dikoobil nín bālifì puee unimpuee pu ti-Dindaan nimbiin kí fíntí u nín fùl̄ ŋkpin puee jɔkɔnti.»
31Ti-Dindaan nìn gíti bí Mooyiisi nì Aarɔn yii: «Ní kpāafì Isirayeel yab bí taa sútí kí pìl̄ m-kɔŋkooŋŋu ŋyunti ŋun bi yaa bí tijɔkɔndinee. Di sá yii bi yaa kɔ́ǹ m-kɔŋkooŋŋu ŋun bí bi-kansikinee tijɔkɔndee, see bí kpú.»
32Marab bin bi síiǹ ubatikudaan àá un di yaa nyéem̀ tijati ki kɔ́ tijɔkɔndinee dee. 33Marab gbanti sá ki tīī unimpu un fùl̄ ŋkpinee àá uninja àá unimpu un fatiku nyēē-uee àá uninja un di yaa dōoǹ nì unimpu un bí tijɔkɔndinee mun.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
BIBLE EN N'TCHAM (Bassar) © Alliance Biblique du Togo, 2013.