Mariko 6
6
Jonazareth jokwero Yesu
(Mat 13:53-58; Luk 4:16-30)
1Yesu okidho i tindi ma thugin kodi jofonjirok pere. 2I ndelo ma Sabato, go ocako fonji i kitipa pa jom'oyeyo pa Joyuda aka munyo lwak ji m'onwaŋo nikenyo jowinjo go, jouro swa. Jowaco ni, “Go onwaŋo kune fonji me je? Rieko aŋo ni m'omiy go? Go nyalo nedi timo gir'aura? 3Me won ki japac, wod pa Maria, omin Yakobo kodi Yose kodi Yuda kodi Simon? Aka nyimin go jongoye bongi wan won ka?” Ameno to jokwero yeyo go. 4#Yoh 4:44Yesu owaco rijo ni, “Jatuci wac Were kicay kaman, kwanyo woko i piny pere won, kodi bongi wade pere won kodi bongi jothugin wegi.” 5Yesu k'onyalo timo kenyo gir'aura madwoŋ, kada nende obotho nyaka jotwo moro manok munyo ketho cinge kwoŋ jo. 6Yesu ouro swa paka jono jongoye gi yeyo.
Yesu oro jofonjirok pere apar g'ario
(Mat 10:5-15; Luk 9:1-6)
7Yesu okidho loka moro macegin to fonjo ji kenyo. Go olwoŋo jofonjirok pere apar g'ario, to miyo jo meni ma riemo woko cuny m'ocido; 8ak'omiyo jo or ni, “Wikiri witiŋ gimoro je kwanyo woko luth, kendo wikiri witiŋ mugat kada mugowa moro kosa pesa. 9Ruki win war, to wikiri wiruki nangin ario.” 10Aka owaco rijo ni, “Ka widonjo peco moro, bedi win kenyo cuka winowoki iy'adec no. 11#Tim 13:51#Luk 10:4-11Ka witundo kamoro to jokwero jolo win, kosa winjo fonji mewin, ka wikadho teŋi win woko fukefuke ma tiendi win, paka ranyuth ma theko win gi jo.” 12Gikenyo jocako woth pajo munyo jofonjo ji ni jowoŋuti reco pajo. 13#Yak 5:14Joriemo woko jwogi mathoth, aka jowiro jotwo mathoth gi mo to jobotho jo.
Tho pa Yohana Jakibatisa
(Mat 14:1-12; Luk 9:7-9)
14 #
Mat 16:14; Mar 8:28; Luk 9:19 Kere Herode owinjo kwoŋ gino, rupiri nyingi Yesu oyido otieko ŋeyere kamoro je. Ji megi oyido jowaco ni, “Yohana Jakibatisa osukina kendo am'omiyo go nitie gi meni ma timo gir'aura.” 15To joman jowaco ni, “Go Elia.” Joman jowaco ni, “Go acel kwoŋ jotuci wac Were macon.” 16Munyo Herode owinjo gino, owaco ni, “Yohana, ma ndir ca aŋondo woko ŋute, ama odoko osukina kendo!” 17#Luk 3:19-20Herode won gipi ama ooro ji mako Yohana ni wobol katwec. Go otimo ameno ro wac pa Herodia, ma go onywomo, ma to meno oyido cipa Filipo, omin go. 18Yohana onwaŋo omena waco ri Herode ni, “K'obedo gim'otire in nywomo cipa omerin!” 19Gikenyo Herodia omako nge gi Yohana aka oyido yenyo neko go, to k'onyalo timo ameno. 20Herode onwaŋo lworo Yohana, rupiri oŋeyo ni Yohana obedo dhano maber kendo maleŋ. Am'omiyo oyido kuro go ma raco moro di k'onyalo podho kwoŋe. Herode onwaŋo omaro winjo luwo pa Yohana kada nende hongo je cunye onwaŋo waŋo go swa k'owinjo gima go waco.
21Rumacen Herodia olimo hongo maber. Ndelo ma poyo nywolirok pa Herode otundo, aka Herode otimo kalima madwoŋ ri rwodhe madongo, kodi jotel pa Lwak jolweny, kodi ji ma joŋeyere ma Galili. 22Nyar Herodia odonjo kama wendo oyido jontie iye to mielo, to sangala Herode kodi wendo je tektek. Gikenyo Herode owaco ri nyano ni, “Imito amiyin aŋo? Abino miyin gimoro je m'inokway.” 23Owaco ri nyano gi kwoŋirok ni, “Aciko miyin gimoro je m'inokway, kad'adec ma ker paran!” 24Gikenyo nyano owok woko to penjo min ni, “Akway aŋo?” Min odwoko ni, “Wic Yohana Jakibatisa.” 25Nyano ogik mayot bongi kere to waco ni, “Amito imiyan wic Yohana Jakibatisa i sen pama won me!” 26Wac no omiyo kere kwoŋe okwe tektek, to k'onyalo thwono go, rupiri oyido otieko kwoŋirok i waŋ wendo pere je. 27Am'omiyo kere ooro jago pere kelo wic Yohana Jakibatisa. 28Jago okelo wic Yohana i sen to miyo nyako no, aka nyano omiyo yokimere. 29Munyo jofonjirok pa Yohana jowinjo gime, jobino to jokwanyo delkwoŋ Yohana to joyiko.
Yesu pidho ji gana abic
(Mat 14:13-21; Luk 9:10-17; Yoh 6:1-14)
30Jomoor jodwoko bongi Yesu to jowaco rigo gimoro je ma jotimo gi ma jofonjo. 31Aka owaco rijo ni, “Biye wakidhi win kamoro kakendi wan wiywomere ye mathin.” Ato ji kweth oyido jobino aka joman jokadho m'oyido jomono kiri jomoor cemo. 32Gikenyo jodonjo i ye, to jokidho kama bu ji, kama di jonyalo bed'iye kendi gin. 33To ji mathoth joneno munyo jokadho, aka joŋeyo jo, riameno joredo korago gi ŋwec wok i tindi je, aka jotelo kiri tundo kenyo ri Yesu gin. 34#Kwan 27:17; 1 Kerin 22:17; 2 Kigana 18:16; Eze 34:5; Mat 9:36Munyo Yesu otundo loka, oneno lwak ji to mako wor gi jo, kwoŋbedo oyido jocale rombo ma bu jakwath, am'omiyo ocako fonjo jo gigipiny m'omore. 35Munyo piny onwaŋo cegin yutho, jofonjirok pere jobino bonge to jowaco rigo ni, “Kole ka dier thim, aka piny cegin yutho; 36sewila ji jowokidhi loka kodi i tindi macegin jowonyew cemo acama.” 37Yesu odwoko ni, “Win ama wimiy jo cemo acama.” Jopenjo go ni, “Imito wakidhi wanyew mugat ma siringi gana piero aŋwen wamiy jo jowocami?” 38Gikenyo Yesu openjo jo ni, “Winitie gi mugat adi? Kidhi win winen.” Munyo jonwaŋo mugat jowaco rigo ni, “Mugat abic gi rec ario.” 39Gikenyo Yesu ooro ji bedo piny i lum, i kitipin. 40Ji jobedo piny, i kitipin ma ji miya acel acele kodi ma piero abic abic. 41Gikenyo Yesu okwanyo mugat abic gi rec ario no, oŋiyo polo, to foyo Were, oturo mugat to miyo jofonjirok pere poko ji. Opok ji je, rec ario no bende. 42Dhano je ocemo to yeŋ. 43Gikenyo jofonjirok jocoko ŋinjeŋinje mugat gi rec m'odoŋ poŋ aditin apar g'ario. 44Cwo ma jocemo jobedo gana abic.
Yesu wotho wi pi
(Mat 14:22-33; Yoh 6:15-21)
45Ma piyo, Yesu ooro jofonjirok pere donjo i ye jowotel kadho yu loka Bethsayida, kareno go fodi sewila lwak ji. 46Munyo otieko kisewila jofonjirok pere, okidho wi tendere kwayo. 47Munyo piny oyutho, ye onwaŋo nitie i dier wakawaka, kareno Yesu nikende kam'othwo. 48Go oneno jofonjirok pere jofamba gi cewo ye, rupiri koyo oyido owok yuwiy jo dwoko jo cen. Munyo piny otundo keko, i dier sawa abuŋwen kodi apar g'ario, Yesu obino bongi jo munyo wotho wi pi. Onwaŋo go kadho kwoŋ jo, 49to joneno go wotho wi pi. Joparo ni go yamo to jokoko, 50rupiri munyo joneno go, lworo omako jo swa. Yesu oluwo gi jo mayot, ka waco ni, “Wikiri wirembi, me an. Wikiri wilwor!” 51Gikenyo go odonjo i ye bongi jo, to koyo kwe. Jofonjirok jodhier swa, 52rupiri fodi oyido jok'oniaŋ odoco kwoŋ gir'aura ma mugat; oyido tek rijo niaŋ gino.
Yesu botho jotwo i Genesaret
(Mat 14:34-36)
53Yesu gi jofonjirok pere jokalo wakawaka to jotundo loka Genesaret, kama jotwey'iye ye pajo kwoŋ loc. 54Munyo jowok i ye, ji joŋeyo Yesu mayot. 55Ji joringo, jothoko piny iy'adec no parom, to jokelo rigo jotwo ma jotiŋo i par, kama jowinjo ni go niye. 56Aka kama Yesu okidh'iye je, iy'adec moro, i tindi, kosa loka moro, ji jokelo rigo jotwo i katale, to jokwayo go ni woyeyi jotwo jowogey kada nyaka dhok nanga pere won; aka joma jogeyo dhok nanga pere je jobedo maber.
S'ha seleccionat:
Mariko 6: DHOPE
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Dhopadhola DC Bible © Bible Society of Uganda, 2018.
Mariko 6
6
Jonazareth jokwero Yesu
(Mat 13:53-58; Luk 4:16-30)
1Yesu okidho i tindi ma thugin kodi jofonjirok pere. 2I ndelo ma Sabato, go ocako fonji i kitipa pa jom'oyeyo pa Joyuda aka munyo lwak ji m'onwaŋo nikenyo jowinjo go, jouro swa. Jowaco ni, “Go onwaŋo kune fonji me je? Rieko aŋo ni m'omiy go? Go nyalo nedi timo gir'aura? 3Me won ki japac, wod pa Maria, omin Yakobo kodi Yose kodi Yuda kodi Simon? Aka nyimin go jongoye bongi wan won ka?” Ameno to jokwero yeyo go. 4#Yoh 4:44Yesu owaco rijo ni, “Jatuci wac Were kicay kaman, kwanyo woko i piny pere won, kodi bongi wade pere won kodi bongi jothugin wegi.” 5Yesu k'onyalo timo kenyo gir'aura madwoŋ, kada nende obotho nyaka jotwo moro manok munyo ketho cinge kwoŋ jo. 6Yesu ouro swa paka jono jongoye gi yeyo.
Yesu oro jofonjirok pere apar g'ario
(Mat 10:5-15; Luk 9:1-6)
7Yesu okidho loka moro macegin to fonjo ji kenyo. Go olwoŋo jofonjirok pere apar g'ario, to miyo jo meni ma riemo woko cuny m'ocido; 8ak'omiyo jo or ni, “Wikiri witiŋ gimoro je kwanyo woko luth, kendo wikiri witiŋ mugat kada mugowa moro kosa pesa. 9Ruki win war, to wikiri wiruki nangin ario.” 10Aka owaco rijo ni, “Ka widonjo peco moro, bedi win kenyo cuka winowoki iy'adec no. 11#Tim 13:51#Luk 10:4-11Ka witundo kamoro to jokwero jolo win, kosa winjo fonji mewin, ka wikadho teŋi win woko fukefuke ma tiendi win, paka ranyuth ma theko win gi jo.” 12Gikenyo jocako woth pajo munyo jofonjo ji ni jowoŋuti reco pajo. 13#Yak 5:14Joriemo woko jwogi mathoth, aka jowiro jotwo mathoth gi mo to jobotho jo.
Tho pa Yohana Jakibatisa
(Mat 14:1-12; Luk 9:7-9)
14 #
Mat 16:14; Mar 8:28; Luk 9:19 Kere Herode owinjo kwoŋ gino, rupiri nyingi Yesu oyido otieko ŋeyere kamoro je. Ji megi oyido jowaco ni, “Yohana Jakibatisa osukina kendo am'omiyo go nitie gi meni ma timo gir'aura.” 15To joman jowaco ni, “Go Elia.” Joman jowaco ni, “Go acel kwoŋ jotuci wac Were macon.” 16Munyo Herode owinjo gino, owaco ni, “Yohana, ma ndir ca aŋondo woko ŋute, ama odoko osukina kendo!” 17#Luk 3:19-20Herode won gipi ama ooro ji mako Yohana ni wobol katwec. Go otimo ameno ro wac pa Herodia, ma go onywomo, ma to meno oyido cipa Filipo, omin go. 18Yohana onwaŋo omena waco ri Herode ni, “K'obedo gim'otire in nywomo cipa omerin!” 19Gikenyo Herodia omako nge gi Yohana aka oyido yenyo neko go, to k'onyalo timo ameno. 20Herode onwaŋo lworo Yohana, rupiri oŋeyo ni Yohana obedo dhano maber kendo maleŋ. Am'omiyo oyido kuro go ma raco moro di k'onyalo podho kwoŋe. Herode onwaŋo omaro winjo luwo pa Yohana kada nende hongo je cunye onwaŋo waŋo go swa k'owinjo gima go waco.
21Rumacen Herodia olimo hongo maber. Ndelo ma poyo nywolirok pa Herode otundo, aka Herode otimo kalima madwoŋ ri rwodhe madongo, kodi jotel pa Lwak jolweny, kodi ji ma joŋeyere ma Galili. 22Nyar Herodia odonjo kama wendo oyido jontie iye to mielo, to sangala Herode kodi wendo je tektek. Gikenyo Herode owaco ri nyano ni, “Imito amiyin aŋo? Abino miyin gimoro je m'inokway.” 23Owaco ri nyano gi kwoŋirok ni, “Aciko miyin gimoro je m'inokway, kad'adec ma ker paran!” 24Gikenyo nyano owok woko to penjo min ni, “Akway aŋo?” Min odwoko ni, “Wic Yohana Jakibatisa.” 25Nyano ogik mayot bongi kere to waco ni, “Amito imiyan wic Yohana Jakibatisa i sen pama won me!” 26Wac no omiyo kere kwoŋe okwe tektek, to k'onyalo thwono go, rupiri oyido otieko kwoŋirok i waŋ wendo pere je. 27Am'omiyo kere ooro jago pere kelo wic Yohana Jakibatisa. 28Jago okelo wic Yohana i sen to miyo nyako no, aka nyano omiyo yokimere. 29Munyo jofonjirok pa Yohana jowinjo gime, jobino to jokwanyo delkwoŋ Yohana to joyiko.
Yesu pidho ji gana abic
(Mat 14:13-21; Luk 9:10-17; Yoh 6:1-14)
30Jomoor jodwoko bongi Yesu to jowaco rigo gimoro je ma jotimo gi ma jofonjo. 31Aka owaco rijo ni, “Biye wakidhi win kamoro kakendi wan wiywomere ye mathin.” Ato ji kweth oyido jobino aka joman jokadho m'oyido jomono kiri jomoor cemo. 32Gikenyo jodonjo i ye, to jokidho kama bu ji, kama di jonyalo bed'iye kendi gin. 33To ji mathoth joneno munyo jokadho, aka joŋeyo jo, riameno joredo korago gi ŋwec wok i tindi je, aka jotelo kiri tundo kenyo ri Yesu gin. 34#Kwan 27:17; 1 Kerin 22:17; 2 Kigana 18:16; Eze 34:5; Mat 9:36Munyo Yesu otundo loka, oneno lwak ji to mako wor gi jo, kwoŋbedo oyido jocale rombo ma bu jakwath, am'omiyo ocako fonjo jo gigipiny m'omore. 35Munyo piny onwaŋo cegin yutho, jofonjirok pere jobino bonge to jowaco rigo ni, “Kole ka dier thim, aka piny cegin yutho; 36sewila ji jowokidhi loka kodi i tindi macegin jowonyew cemo acama.” 37Yesu odwoko ni, “Win ama wimiy jo cemo acama.” Jopenjo go ni, “Imito wakidhi wanyew mugat ma siringi gana piero aŋwen wamiy jo jowocami?” 38Gikenyo Yesu openjo jo ni, “Winitie gi mugat adi? Kidhi win winen.” Munyo jonwaŋo mugat jowaco rigo ni, “Mugat abic gi rec ario.” 39Gikenyo Yesu ooro ji bedo piny i lum, i kitipin. 40Ji jobedo piny, i kitipin ma ji miya acel acele kodi ma piero abic abic. 41Gikenyo Yesu okwanyo mugat abic gi rec ario no, oŋiyo polo, to foyo Were, oturo mugat to miyo jofonjirok pere poko ji. Opok ji je, rec ario no bende. 42Dhano je ocemo to yeŋ. 43Gikenyo jofonjirok jocoko ŋinjeŋinje mugat gi rec m'odoŋ poŋ aditin apar g'ario. 44Cwo ma jocemo jobedo gana abic.
Yesu wotho wi pi
(Mat 14:22-33; Yoh 6:15-21)
45Ma piyo, Yesu ooro jofonjirok pere donjo i ye jowotel kadho yu loka Bethsayida, kareno go fodi sewila lwak ji. 46Munyo otieko kisewila jofonjirok pere, okidho wi tendere kwayo. 47Munyo piny oyutho, ye onwaŋo nitie i dier wakawaka, kareno Yesu nikende kam'othwo. 48Go oneno jofonjirok pere jofamba gi cewo ye, rupiri koyo oyido owok yuwiy jo dwoko jo cen. Munyo piny otundo keko, i dier sawa abuŋwen kodi apar g'ario, Yesu obino bongi jo munyo wotho wi pi. Onwaŋo go kadho kwoŋ jo, 49to joneno go wotho wi pi. Joparo ni go yamo to jokoko, 50rupiri munyo joneno go, lworo omako jo swa. Yesu oluwo gi jo mayot, ka waco ni, “Wikiri wirembi, me an. Wikiri wilwor!” 51Gikenyo go odonjo i ye bongi jo, to koyo kwe. Jofonjirok jodhier swa, 52rupiri fodi oyido jok'oniaŋ odoco kwoŋ gir'aura ma mugat; oyido tek rijo niaŋ gino.
Yesu botho jotwo i Genesaret
(Mat 14:34-36)
53Yesu gi jofonjirok pere jokalo wakawaka to jotundo loka Genesaret, kama jotwey'iye ye pajo kwoŋ loc. 54Munyo jowok i ye, ji joŋeyo Yesu mayot. 55Ji joringo, jothoko piny iy'adec no parom, to jokelo rigo jotwo ma jotiŋo i par, kama jowinjo ni go niye. 56Aka kama Yesu okidh'iye je, iy'adec moro, i tindi, kosa loka moro, ji jokelo rigo jotwo i katale, to jokwayo go ni woyeyi jotwo jowogey kada nyaka dhok nanga pere won; aka joma jogeyo dhok nanga pere je jobedo maber.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Dhopadhola DC Bible © Bible Society of Uganda, 2018.