Mariko 2
2
Yesu botho nyatoro ma two nyaŋinya
(Mat 9:1-8; Luk 5:17-26)
1Munyo ndelo okadho manok, Yesu ogik Kapernaum, aka wac olak ni go odwoko yu peco. 2Gikenyo ji jocokere kiri i dhiot m'ongoye ka leŋo, to go fonjo jo. 3Munyo fodi go fonjo, ji aŋwen jokelo nyatoro ma two nyaŋinya. 4To paka lwak ji k'oyeyo jo baro royo ma rwako go bongi Yesu, jomwomo wiy ot kam'otitere gi Yesu, aka munyo joyawo hola ma romo, jocwayo kitanda ma janyaŋinya no oyido onind'iye cuka otundo piny. 5Munyo Yesu oneno yeyo pajo, owaco ri janyaŋinya no ni, “Nyathi paran, reco perin ocwaki rin.” 6Kenyo onwaŋo nitie jondiko moro, to wegi joparo kendi gin ni, 7“Raŋo ma ŋatin luwo ama? Kole go luwo gima k'otire kwoŋ Were? Ŋata bende nyalo cwako reco makiweno Were won?” 8Yesu oŋeyo ni meno a paro m'oyido jonigine, to waco rijo ni, “Raŋo ma wibedo gi paro no i cuny win? 9Aŋo mayot waco? Waco ri janyaŋinya ni, reco perin ocwaki rin, kosa ni, ay malo, itiŋ kitanda perin iwothi? 10Ere weyi anyuthi win ni Wod Dhano nigi meni i piny ka ma cwako reco.” Gikenyo owaco ri janyaŋinya no ni, 11“Awaco rin, ay malo, tiŋi kitanda perin idok peco.” 12Jalo oay malo, otiŋo kitanda pere, to wotho i waŋ ji je, aka joje jodhier to jopako Were munyo jowaco ni, “fodi oyido wakineno gima cale ama.”
Yesu lwoŋo Levi
(Mat 9:9-13; Luk 5:27-32)
13Yesu odoko okidho dho thengi wakawaka ma Galili, aka lwak ji jocokere bonge, to fonjo jo. 14Aka munyo wotho, oneno Levi jacoki misolo, wod pa Alfayo, obedo piny i ot ma misolo, to waco rigo ni, “Luwan.” Jalo oay malo to luwo Yesu. 15Rumacen, Yesu okidho peco pa Levi gi jofonjirok pere, to bedo dhower. Jocoki misolo kweth kodi joreco bende joluwo go yukoro. Joje bende jocemo kanyacel gi Yesu. 16Munyo jondiko ma dier Jofarisayo joneno Yesu cemo kodi joreco gi jocoki misolo, jopenjo jofonjirok pere ni, “Raŋo ma go cemo gi jocoki misolo kodi joreco?” 17Munyo Yesu owinjo gino, odwoko jo ni, “Jom'olama ama jokiyeny jamilerwa, to joma two ayino: Kole akibino lwoŋo jomabeyo, t'abino lwoŋo joreco ayino.”
Penji kwoŋ riyo kec
(Mat 9:14-17; Luk 5:33-39)
18Ndelo moro munyo jofonjirok pa Yohana Jakibatisa kodi apa Jofarisayo onwaŋo joriyo kec, jomoro jobino to jopenjo Yesu ni, “Raŋo ma jofonjirok pa Yohana Jakibatisa kodi apa Jofarisayo joriyo kec aka aperin jokiriy?” 19Yesu odwoko jo ni, “To, wendo ma jonitie i kalima ma nywomirok jonyalo nedi riyo kec ma to jamweha fodi nitie gi jo? I hongo ma go fodi nigi jo jokiriy kec be. 20To ndir bino tundo ma jamweha bino ey'iye bongi jo, meno aka nyaka jocaki riyo kec.”
21“Ongoye ŋata kwoyo kiremo nanga ma fodi nyen wi nanga m'oti. K'otimo ameno, kiremo manyen bino ywayo woko kasegere nanga no to medo yec malac loyo waŋe macon. 22Ongoye ŋata konjo vini manyen i mugowa pien mere m'oti; k'otimo ameno, mugowa pien bino yec to vini oy, to go keŋ vini kiri gi mugowa no je. To vini manyen bende ikonjo i migowa pien manyen!”
Penji kwoŋ Sabato
(Mat 12:1-8; Luk 6:1-5)
23 #
Cik 23:25
Ndelo ma Sabato moro, Yesu onwaŋo wotho i ndelo ŋano, to jofonjirok pere jocodo withi ŋano malomalo. 24Gino omiyo Jofarisayo jopenjo go ni, “Raŋo ma jofonjirok perin joturo Cik ma Sabato?” 25Go odwoko ni, “Fodi wikisoma ye gima cango Daudi otimo munyo go kodi ji pere oyido jongoye gi gir'acama: 26#Jolevi 24:9#1 Sam 21:2-7Paka go odonjo i Ot pa Were i ndir pa Abiatha, jadwoŋ pa jocway ri Were i wi migam aka ocamo mugat ma jocway ri Were i wi migam kende ama oyey jo camo, to miyo ji pere bende?” 27Gikenyo Yesu owaco rijo ni, “Sabato okethi ma bero pa dhano, to dhano k'ocwey ri Sabato; 28am'omiyo Wod Dhano dhumo kiri Sabato bende.”
S'ha seleccionat:
Mariko 2: DHOPE
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Dhopadhola DC Bible © Bible Society of Uganda, 2018.
Mariko 2
2
Yesu botho nyatoro ma two nyaŋinya
(Mat 9:1-8; Luk 5:17-26)
1Munyo ndelo okadho manok, Yesu ogik Kapernaum, aka wac olak ni go odwoko yu peco. 2Gikenyo ji jocokere kiri i dhiot m'ongoye ka leŋo, to go fonjo jo. 3Munyo fodi go fonjo, ji aŋwen jokelo nyatoro ma two nyaŋinya. 4To paka lwak ji k'oyeyo jo baro royo ma rwako go bongi Yesu, jomwomo wiy ot kam'otitere gi Yesu, aka munyo joyawo hola ma romo, jocwayo kitanda ma janyaŋinya no oyido onind'iye cuka otundo piny. 5Munyo Yesu oneno yeyo pajo, owaco ri janyaŋinya no ni, “Nyathi paran, reco perin ocwaki rin.” 6Kenyo onwaŋo nitie jondiko moro, to wegi joparo kendi gin ni, 7“Raŋo ma ŋatin luwo ama? Kole go luwo gima k'otire kwoŋ Were? Ŋata bende nyalo cwako reco makiweno Were won?” 8Yesu oŋeyo ni meno a paro m'oyido jonigine, to waco rijo ni, “Raŋo ma wibedo gi paro no i cuny win? 9Aŋo mayot waco? Waco ri janyaŋinya ni, reco perin ocwaki rin, kosa ni, ay malo, itiŋ kitanda perin iwothi? 10Ere weyi anyuthi win ni Wod Dhano nigi meni i piny ka ma cwako reco.” Gikenyo owaco ri janyaŋinya no ni, 11“Awaco rin, ay malo, tiŋi kitanda perin idok peco.” 12Jalo oay malo, otiŋo kitanda pere, to wotho i waŋ ji je, aka joje jodhier to jopako Were munyo jowaco ni, “fodi oyido wakineno gima cale ama.”
Yesu lwoŋo Levi
(Mat 9:9-13; Luk 5:27-32)
13Yesu odoko okidho dho thengi wakawaka ma Galili, aka lwak ji jocokere bonge, to fonjo jo. 14Aka munyo wotho, oneno Levi jacoki misolo, wod pa Alfayo, obedo piny i ot ma misolo, to waco rigo ni, “Luwan.” Jalo oay malo to luwo Yesu. 15Rumacen, Yesu okidho peco pa Levi gi jofonjirok pere, to bedo dhower. Jocoki misolo kweth kodi joreco bende joluwo go yukoro. Joje bende jocemo kanyacel gi Yesu. 16Munyo jondiko ma dier Jofarisayo joneno Yesu cemo kodi joreco gi jocoki misolo, jopenjo jofonjirok pere ni, “Raŋo ma go cemo gi jocoki misolo kodi joreco?” 17Munyo Yesu owinjo gino, odwoko jo ni, “Jom'olama ama jokiyeny jamilerwa, to joma two ayino: Kole akibino lwoŋo jomabeyo, t'abino lwoŋo joreco ayino.”
Penji kwoŋ riyo kec
(Mat 9:14-17; Luk 5:33-39)
18Ndelo moro munyo jofonjirok pa Yohana Jakibatisa kodi apa Jofarisayo onwaŋo joriyo kec, jomoro jobino to jopenjo Yesu ni, “Raŋo ma jofonjirok pa Yohana Jakibatisa kodi apa Jofarisayo joriyo kec aka aperin jokiriy?” 19Yesu odwoko jo ni, “To, wendo ma jonitie i kalima ma nywomirok jonyalo nedi riyo kec ma to jamweha fodi nitie gi jo? I hongo ma go fodi nigi jo jokiriy kec be. 20To ndir bino tundo ma jamweha bino ey'iye bongi jo, meno aka nyaka jocaki riyo kec.”
21“Ongoye ŋata kwoyo kiremo nanga ma fodi nyen wi nanga m'oti. K'otimo ameno, kiremo manyen bino ywayo woko kasegere nanga no to medo yec malac loyo waŋe macon. 22Ongoye ŋata konjo vini manyen i mugowa pien mere m'oti; k'otimo ameno, mugowa pien bino yec to vini oy, to go keŋ vini kiri gi mugowa no je. To vini manyen bende ikonjo i migowa pien manyen!”
Penji kwoŋ Sabato
(Mat 12:1-8; Luk 6:1-5)
23 #
Cik 23:25
Ndelo ma Sabato moro, Yesu onwaŋo wotho i ndelo ŋano, to jofonjirok pere jocodo withi ŋano malomalo. 24Gino omiyo Jofarisayo jopenjo go ni, “Raŋo ma jofonjirok perin joturo Cik ma Sabato?” 25Go odwoko ni, “Fodi wikisoma ye gima cango Daudi otimo munyo go kodi ji pere oyido jongoye gi gir'acama: 26#Jolevi 24:9#1 Sam 21:2-7Paka go odonjo i Ot pa Were i ndir pa Abiatha, jadwoŋ pa jocway ri Were i wi migam aka ocamo mugat ma jocway ri Were i wi migam kende ama oyey jo camo, to miyo ji pere bende?” 27Gikenyo Yesu owaco rijo ni, “Sabato okethi ma bero pa dhano, to dhano k'ocwey ri Sabato; 28am'omiyo Wod Dhano dhumo kiri Sabato bende.”
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Dhopadhola DC Bible © Bible Society of Uganda, 2018.