Mariko 12
12
Ageca kwoŋ jofur i ndelo vini
(Mat 21:33-46; Luk 20:9-19)
1 #
Isa 5:1-2
Gikenyo Yesu ocako luwo rijo g'agecin ni: “Dhano moro opidho yen vini i ndelo, othoko ndelo no gi cel, okunyo bur ma biyo vini to gero ot acurcur ma kur. Go oketho ndelo vini i cingi jofur moro to kadho wiloka. 2Munyo ndir otundo ma fono vini, go ooro ŋeca pere bongi jofur pere no ni jowolimi rigo gim'onyak moro wok i vini. 3Jofur no jomako ŋeca no jogoyo, to joriemo go ma bu gimoro. 4Gikenyo won ndelo ooro ŋeca man; ma bende jofur jogoyo lero to jofuta go swa. 5Won ndelo ooro ŋeca man, to joneko meno; jotimo ŋecin man mathoth ameno, munyo jogoyo jomegi aka joneko joman. 6Ŋat'onwaŋo odoŋ aora bongi jofur oyido obedo wode won ma migos. Am'omiyo rumacen ooro wode won gipi bongi jofur ka waco ni, ‘Adieri jobino woro wodan.’ 7To jofur no jowaco wegi kendi gin ni, ‘Me won a musika pa won ndelo, weyi waneki go aka waŋati walunji lim pere!’ 8Gikenyo jomako go to joneko, to jobolo delkwoŋe woko ma ndelo.”
9Yesu openjo ni, onyo won ndelo no otim aŋo? Kole go bino neko woko jofur mareco no to ketho ndelo i cingi jofur man. 10#Zab 118:22-23Fodi wikisoma i ndiko ma waco ni,
“Kole tele ma jogeto jocayo ni bukony
am'olokere tele ma thielo kindi ot;
11me obedo tic pa Rwoth
aka neno maber swa riwan!”
12Jotel pa Joyuda jotemo mako Yesu, rupiri joŋeyo ni go oyido obolo ageca me kwoŋ jo. To jolworo lwak ji, am'omiyo joweyo go to jokadho.
Fonji kwoŋ goyo misolo
(Mat 22:15-22; Luk 20:20-26)
13Jooro Jofarisayo moro kodi jopa Herode bongi Yesu ciko go i luwo pere. 14Jobino bonge to jowaco ni, “Jafonji, waŋeyo ni ibedo ŋat'otire, aka ikilwori nyatoro; ikidew kwoŋ dwoŋ pa nyatoro, to ifonjo gir'adieri kwoŋ gima Were yenyo ri dhano ayino. Ere waci riwan; yere i Cik mawan goyo misolo ri Kayisar, kosa be?”
15Yesu oneno apondi pajo to dwoko ni, “Raŋo ma witemo ciko an? Keli win pesa moro anen.”
16Jokelo rigo pesa m'othedhi acel to penjo jo ni, “Me cal pa ŋa kodi nyingi ŋa man kwoŋe me?” Jodwoko go ni, “Apa Kayisar.” 17Gikenyo Yesu owaco ni, “am'omiyo miy win Kayisar gipa Kayisar, aka wimiy Were bende gipa Were.” Aka joje jouro go.
Penji kwoŋ cerino pa jom'otho
(Mat 22:23-33; Luk 20:27-40)
18 #
Tim 23:8
Josadukayo moro ma jowaco ni cerino pa jom'otho ongoye jobino bongi Yesu. 19#Cik 25:5Jowaco ni, “Jafonji, Musa cango ondiko riwan cik me ni, ‘Ka dhano otho oweyo cege, to k'olimo nyithindho, omin ŋato ripo lunjo citho no, to limo nyithindho ri jatho.’ 20Ndelo moro obedo wutmere abirio. Kayo pajo onywomo, to tho ma k'olimo nyithindho. 21Mar'ario olunjo dheno to bende tho to weyo go ma bu nyathi. Mar'adek bende ameno, 22jom'odoŋ bende ameno. Wutmere abirio je jobedo gi dhako no aka jotho ma jok'olimo nyithindho. Rumacen to dhako no bende tho. 23Onyo ceŋ ka jom'otho je jocerino, dhako no obedi apa ŋa? Ato cwo abirio no je jobedo gi dhako no!”
24Yesu odwoko jo ni, “Me k'agima miyo wikomi, ma wikuya Ndiko Maleŋ kosa meni pa Were? 25Kole ka jom'otho jocerino jobino cale gi jomalaika man polo, aka cwo gi mon jokibino nywomere. 26#Wok 3:6Aka ma mako kwoŋ cerino pa jom'otho, fodi wikisoma i kitawo pa Musa, bol ma luwo kwoŋ kasugu ma waŋ? Ondiki kenyo paka Were owaco ri Musa ni, ‘Abedo Were pa Abraham, Were pa Isaka, kodi Were pa Yakobo.’ 27Dwoŋ mere ni go obedo Were pa jomakwo, makiweno apa jom'otho. Wipodho swa!”
Or madwoŋ
(Mat 22:34-40; Luk 10:25-28)
28Jandiko moro onwaŋo nikenyo winjo luwo no. Go oneno ni Yesu oyido dwoko Josadukayo maber am'omiyo obino bonge gi penji me ni, “Or mene maloyo Or je gi dwoŋ?” 29#Cik 6:4-5Yesu odwoko go ni, “Me a marapena: ‘Joisiraili winji win! Rwoth Were mawan a Were; 30aka iripo maro Rwoth Were perin g'adundo perin je, gi cunyin je, gi paro perin je, gi meni perin je.’ 31#Jolevi 19:18Mar'ario ma luwo meno gi dwoŋ a me: ‘Mari nyawotin paka iwon imare.’ Ongoye Or man maloyo ario me.” 32#Cik 4:35Jandiki Cik owaco ri Yesu ni, “Itire, Jafonji; Itire i waco ni Rwoth a Were kende, aka ongoye Were man kwanyo woko go; 33#Hos 6:6aka dhano ripo maro go g'adundo pere je, gi paro pere je, gi meni pere je, gi maro nyawote paka won omare. Winjo Or ario me loyo tero ri Were cowirok awaŋa ma le kodi giman je.” 34#Luk 10:25-28Yesu oneno ni dwoki pere nyutho rieko to waco rigo ni, “Onyo ikibor gi Ker pa Were.” Rumacen moro k'odoko otemo penjo Yesu wac moro je.
Penji kwoŋ Kristo
(Mat 22:41-46; Luk 20:41-44)
35Munyo Yesu fonjo i Ot pa Were openjo ni, “Jondiko jonyalo nedi waco ni Kristo obedo wod pa Daudi?” 36#Zab 110:1Kole munyo Cuny Maleŋ oloro ri Daudi won owaco ni,
“Rwoth owaco ri Rwoth paran ni,
Bedi yu cingan maracuc,
cuka anoloki jokwor perin paka kor kasik,
m'inyono gi tiendin.”
37Daudi won lwoŋo go ni Rwoth, to Kristo nyalo nedi bedo wode?
Yesu gwoko kwoŋ jofonji cik
(Mat 23:1-36; Luk 20:45-47)
Lwak ji jowinjo Yesu gi kisangala. 38Aka munyo go fonjo ji owaco ni, “Kure win kwoŋ jondiko, ma jomaro nyumo gi nangin mabeyo nike womothi jo gi dwoŋ i katale; 39joyero kombere mabeyo loyo i kitipa pa jom'oyeyo pa Joyuda kodi kabedo pa wendo awora i kalima, 40jomayo mon tho udi pajo aka joyumere gi kwayo maboyo. Gir'acula pajo bino raco tektek!”
Mic pa citho moro
(Luk 21:1-4)
41Yesu obedo piny cegin gi sanduku ma kano pesa, aka oneno paka ji mathoth jobol'iye pesa pajo. Jom'oŋaŋ mathoth jobolo pesa kweth; 42gikenyo citho moro ma jacandi bende obino to bol'iye nusu pesa nyaka ario won mathindho thindho marom gi dome acel. 43Gikenyo Yesu olwoŋo jofonjirok pere bonge to waco rijo ni, “Adieri awaco riwin, citho ma jacandi me obolo i sanduku mic mathoth loyo apa joman je. 44Rupiri dhano je omiyo pesa wok kwoŋ lim m'onwaŋo go nitie gine, to theno gi candi pere omiyo gimoro je m'onwaŋo d'okwo gine.”
S'ha seleccionat:
Mariko 12: DHOPE
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Dhopadhola DC Bible © Bible Society of Uganda, 2018.
Mariko 12
12
Ageca kwoŋ jofur i ndelo vini
(Mat 21:33-46; Luk 20:9-19)
1 #
Isa 5:1-2
Gikenyo Yesu ocako luwo rijo g'agecin ni: “Dhano moro opidho yen vini i ndelo, othoko ndelo no gi cel, okunyo bur ma biyo vini to gero ot acurcur ma kur. Go oketho ndelo vini i cingi jofur moro to kadho wiloka. 2Munyo ndir otundo ma fono vini, go ooro ŋeca pere bongi jofur pere no ni jowolimi rigo gim'onyak moro wok i vini. 3Jofur no jomako ŋeca no jogoyo, to joriemo go ma bu gimoro. 4Gikenyo won ndelo ooro ŋeca man; ma bende jofur jogoyo lero to jofuta go swa. 5Won ndelo ooro ŋeca man, to joneko meno; jotimo ŋecin man mathoth ameno, munyo jogoyo jomegi aka joneko joman. 6Ŋat'onwaŋo odoŋ aora bongi jofur oyido obedo wode won ma migos. Am'omiyo rumacen ooro wode won gipi bongi jofur ka waco ni, ‘Adieri jobino woro wodan.’ 7To jofur no jowaco wegi kendi gin ni, ‘Me won a musika pa won ndelo, weyi waneki go aka waŋati walunji lim pere!’ 8Gikenyo jomako go to joneko, to jobolo delkwoŋe woko ma ndelo.”
9Yesu openjo ni, onyo won ndelo no otim aŋo? Kole go bino neko woko jofur mareco no to ketho ndelo i cingi jofur man. 10#Zab 118:22-23Fodi wikisoma i ndiko ma waco ni,
“Kole tele ma jogeto jocayo ni bukony
am'olokere tele ma thielo kindi ot;
11me obedo tic pa Rwoth
aka neno maber swa riwan!”
12Jotel pa Joyuda jotemo mako Yesu, rupiri joŋeyo ni go oyido obolo ageca me kwoŋ jo. To jolworo lwak ji, am'omiyo joweyo go to jokadho.
Fonji kwoŋ goyo misolo
(Mat 22:15-22; Luk 20:20-26)
13Jooro Jofarisayo moro kodi jopa Herode bongi Yesu ciko go i luwo pere. 14Jobino bonge to jowaco ni, “Jafonji, waŋeyo ni ibedo ŋat'otire, aka ikilwori nyatoro; ikidew kwoŋ dwoŋ pa nyatoro, to ifonjo gir'adieri kwoŋ gima Were yenyo ri dhano ayino. Ere waci riwan; yere i Cik mawan goyo misolo ri Kayisar, kosa be?”
15Yesu oneno apondi pajo to dwoko ni, “Raŋo ma witemo ciko an? Keli win pesa moro anen.”
16Jokelo rigo pesa m'othedhi acel to penjo jo ni, “Me cal pa ŋa kodi nyingi ŋa man kwoŋe me?” Jodwoko go ni, “Apa Kayisar.” 17Gikenyo Yesu owaco ni, “am'omiyo miy win Kayisar gipa Kayisar, aka wimiy Were bende gipa Were.” Aka joje jouro go.
Penji kwoŋ cerino pa jom'otho
(Mat 22:23-33; Luk 20:27-40)
18 #
Tim 23:8
Josadukayo moro ma jowaco ni cerino pa jom'otho ongoye jobino bongi Yesu. 19#Cik 25:5Jowaco ni, “Jafonji, Musa cango ondiko riwan cik me ni, ‘Ka dhano otho oweyo cege, to k'olimo nyithindho, omin ŋato ripo lunjo citho no, to limo nyithindho ri jatho.’ 20Ndelo moro obedo wutmere abirio. Kayo pajo onywomo, to tho ma k'olimo nyithindho. 21Mar'ario olunjo dheno to bende tho to weyo go ma bu nyathi. Mar'adek bende ameno, 22jom'odoŋ bende ameno. Wutmere abirio je jobedo gi dhako no aka jotho ma jok'olimo nyithindho. Rumacen to dhako no bende tho. 23Onyo ceŋ ka jom'otho je jocerino, dhako no obedi apa ŋa? Ato cwo abirio no je jobedo gi dhako no!”
24Yesu odwoko jo ni, “Me k'agima miyo wikomi, ma wikuya Ndiko Maleŋ kosa meni pa Were? 25Kole ka jom'otho jocerino jobino cale gi jomalaika man polo, aka cwo gi mon jokibino nywomere. 26#Wok 3:6Aka ma mako kwoŋ cerino pa jom'otho, fodi wikisoma i kitawo pa Musa, bol ma luwo kwoŋ kasugu ma waŋ? Ondiki kenyo paka Were owaco ri Musa ni, ‘Abedo Were pa Abraham, Were pa Isaka, kodi Were pa Yakobo.’ 27Dwoŋ mere ni go obedo Were pa jomakwo, makiweno apa jom'otho. Wipodho swa!”
Or madwoŋ
(Mat 22:34-40; Luk 10:25-28)
28Jandiko moro onwaŋo nikenyo winjo luwo no. Go oneno ni Yesu oyido dwoko Josadukayo maber am'omiyo obino bonge gi penji me ni, “Or mene maloyo Or je gi dwoŋ?” 29#Cik 6:4-5Yesu odwoko go ni, “Me a marapena: ‘Joisiraili winji win! Rwoth Were mawan a Were; 30aka iripo maro Rwoth Were perin g'adundo perin je, gi cunyin je, gi paro perin je, gi meni perin je.’ 31#Jolevi 19:18Mar'ario ma luwo meno gi dwoŋ a me: ‘Mari nyawotin paka iwon imare.’ Ongoye Or man maloyo ario me.” 32#Cik 4:35Jandiki Cik owaco ri Yesu ni, “Itire, Jafonji; Itire i waco ni Rwoth a Were kende, aka ongoye Were man kwanyo woko go; 33#Hos 6:6aka dhano ripo maro go g'adundo pere je, gi paro pere je, gi meni pere je, gi maro nyawote paka won omare. Winjo Or ario me loyo tero ri Were cowirok awaŋa ma le kodi giman je.” 34#Luk 10:25-28Yesu oneno ni dwoki pere nyutho rieko to waco rigo ni, “Onyo ikibor gi Ker pa Were.” Rumacen moro k'odoko otemo penjo Yesu wac moro je.
Penji kwoŋ Kristo
(Mat 22:41-46; Luk 20:41-44)
35Munyo Yesu fonjo i Ot pa Were openjo ni, “Jondiko jonyalo nedi waco ni Kristo obedo wod pa Daudi?” 36#Zab 110:1Kole munyo Cuny Maleŋ oloro ri Daudi won owaco ni,
“Rwoth owaco ri Rwoth paran ni,
Bedi yu cingan maracuc,
cuka anoloki jokwor perin paka kor kasik,
m'inyono gi tiendin.”
37Daudi won lwoŋo go ni Rwoth, to Kristo nyalo nedi bedo wode?
Yesu gwoko kwoŋ jofonji cik
(Mat 23:1-36; Luk 20:45-47)
Lwak ji jowinjo Yesu gi kisangala. 38Aka munyo go fonjo ji owaco ni, “Kure win kwoŋ jondiko, ma jomaro nyumo gi nangin mabeyo nike womothi jo gi dwoŋ i katale; 39joyero kombere mabeyo loyo i kitipa pa jom'oyeyo pa Joyuda kodi kabedo pa wendo awora i kalima, 40jomayo mon tho udi pajo aka joyumere gi kwayo maboyo. Gir'acula pajo bino raco tektek!”
Mic pa citho moro
(Luk 21:1-4)
41Yesu obedo piny cegin gi sanduku ma kano pesa, aka oneno paka ji mathoth jobol'iye pesa pajo. Jom'oŋaŋ mathoth jobolo pesa kweth; 42gikenyo citho moro ma jacandi bende obino to bol'iye nusu pesa nyaka ario won mathindho thindho marom gi dome acel. 43Gikenyo Yesu olwoŋo jofonjirok pere bonge to waco rijo ni, “Adieri awaco riwin, citho ma jacandi me obolo i sanduku mic mathoth loyo apa joman je. 44Rupiri dhano je omiyo pesa wok kwoŋ lim m'onwaŋo go nitie gine, to theno gi candi pere omiyo gimoro je m'onwaŋo d'okwo gine.”
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Dhopadhola DC Bible © Bible Society of Uganda, 2018.