Mariko 10
10
Yesu fonjo ji kwoŋ nywomirok
(Mat 19:1-12; Luk 16:18)
1Yesu oeye kenyo to kidho iy'adec ma Yuda kodi loka man ma Jwom Yordan. Lwak ji jobino bonge to go fonjo jo, paka ndir je oyido omaro timo. 2Jofarisayo moro jobino bongi Yesu to jopenjo go ma temo go ni, “Cik yeyo dhano riemo cege?” 3Yesu odwoko ni, “Musa cango ooro win timo nedi?” 4#Cik 24:1-4; Mat 5:31Jowaco ni, “Musa oyeyo jacwo ndiko balwa ma riemo cege ka pokere gine.” 5To Yesu waco rijo ni, “Musa ondiko riwin cik no, rupiri cuny win tek. 6#Cak 1:27; 5:2To wok i cakirok pa cwec, ‘Were ocweyo jacwo gi dhako.’ 7#Cak 2:24‘Am'omiyo jacwo bino weyo bamere gi min, to cwire kwoŋ cege, 8to jario jolokere del acel.’ Riameno jo onyo ki del ario to del acel. 9Am'omiyo gima Were otieko riwo kanyacel, wongoye nyatoro ma wopok.”
10Munyo jogik i ot, jofonjirok pere jopenjo go kendo dwoŋ wac no. 11#Mat 5:32; 1 Kor 7:10-11Aka owaco rijo ni, “Ŋata pokere gi cege to nywomo dhako man, meno timo cot, 12aka ameno bende, dhako ma pokere gi cwore to nywomere gi jacwo man, meno timo cot.”
Yesu miyo nyithindho silwany
(Mat 19:13-15; Luk 18:15-17)
13Ji moro jokelo nyithindho bongi Yesu ni wogey jo, to jofonjirok pere jobwoko jo. 14Munyo Yesu oneno ameno, nge omako go gi jofonjirok pere, to waco rijo ni, “Weyi nyithindho jowobin bongan; wikiri wicer jo, kole Ker pa Were obedo apa joma pameno. 15#Mat 18:3Adieri awaco riwin, ŋata k'ojolo Ker pa Were paka nyathi mathin, kiladonj'iye.” 16Gikenyo Yesu otwodo nyithindho gi cinge, oketho cinge kwoŋ jo, to miyo jo silwany.
Jal m'oŋaŋ
(Mat 19:16-30; Luk 18:18-30)
17Munyo Yesu ocako woth pere kendo, jal moro obino gi ŋwec to riewere piny ruwaŋe to penjo go ni, “Jafonji maber, atim aŋo ŋey alimi kwo makirum?” 18Yesu odwoko go ni, “Raŋo ilwoŋan ni maber? Ongoye ŋataber kwanyo woko Were kende. 19#Wok 20:13; Cik 5:17; Wok 20:14; Cik 5:18; Wok 20:15; Cik 5:19; Wok 20:16; Cik 5:20; Wok 20:12; Cik 5:16Iŋeyo Or pa Were ma waco ni, ‘ikir'ineki, Ikir'itim cot; Ikir'ikwal; ikir'isegeya dhano nono; ikir'iwondi ji; ikir'icam gimahembi; lwor benin gi yokin.’ ” 20Jalo odwoko ni, “Jafonji, atieko mako or no je wok i thino paran.” 21Gikenyo Yesu oŋiyo go gi mar to waco rigo ni, “Gimoro acel ama fodi odoŋ rin timo: Kidhi itana woko gima in gine je, pesa mere ipoki jocandi, aka ibino limo ŋaŋo i polo; aka ŋey ibin iluwan.” 22Wac me okweyo kwoŋ jalo swa, to miyo go gut, rupiri go oyido oŋaŋ tektek.
23Yesu obolo waŋe oŋiyo korin gi korin, to waco ri jofonjirok pere ni, “Bino bedo matek adieri ri jaŋaŋo donjo i Ker pa Were!” 24Jofonjirok jodhier swa kwoŋ wac me, to Yesu medo waco rijo ni, “Nyithindho paran, tek swa ri joma geno ŋaŋo donjo i Ker pa Were! 25Yot ri ŋamia donjo i yore piso loyo ri jaŋaŋo donjo i Ker pa Were!” 26Jofonjirok jomedo dhier, to wegi jowaco kendi gin ni, “K'ameno onyo ŋa won manyalo both?” 27Yesu oŋiyo jo to waco ni, “Ri dhano gime kinyalere, to ki ri Were, rupiri Were nyalo gimoro je.”
28Petero to ero waco ni, “Aka wan to? Kole watieko weyo gimoro je to waluwin.” 29Yesu odwoko ni, “Adieri awaco riwin, ongoye ŋat'owey ot, wutmin, nyimin, yokimere, bamere, nyithindho, kosa lowo kwoŋbedo an kodi Wac Manyen Maber, 30ma kilalimo gigipiny dimiya acel, udi, wutmin, nyimin, bacere mere, mege, nyithindho kodi lowo, kodi candirok i ndir ma pama, to limo kwo makirum rumacen. 31#Mat 20:16; Luk 13:30Aka ji madit ma pama jobedo marapena ama jobino bedo macowe; aka jom'oyido macowe ama jobino bedo marapena.”
Yesu luwo ma didek kwoŋ tho pere
(Mat 20:17-19; Luk 18:31-34)
32Yesu kodi jom'oyido nigi go onwaŋo jo ni royo jocomo yu Yerusalem kareno go otelo jo. Jofonjirok pere jouro wac pere; aka ji m'oyido joluwo jo bende lworo omako jo. Yesu odoko otero jofonjirok apar g'ario gicen to luwo kwoŋ gim'onwaŋo kidho timirok kwoŋe. 33Owaco rijo ni, “Winji win, onyo wakidho Yerusalem kam'ibino keth'iye Wod Dhano i cingi jotel pa jocway ri Were i wi migam kodi jondiko. Jobino thumo rigo banja ma tho, to joketho go i cingi Jopath. 34Jono jobino nyero go, ŋulo kwoŋe law, cwado go, gi neko go. To i ndelo mar'adek, go bino cerino.”
Yakobo gi Yohana jokwayo Yesu dwoŋ
(Mat 20:20-28)
35Yakobo gi Yohana, wot Zebedayo, jobino bongi Yesu to jowaco rigo ni, “Jafonji, nitie gima wayenyo itimi riwan.” 36Yesu openjo jo ni, “Aŋo ma wiyenyo atim riwin?” 37Jodwoko ni, “Yey wabedi ŋat'acel yu cingin maracuc, ŋatiman yuracam, i dwoŋ perin.”
38 #
Luk 12:50
Yesu owaco rijo ni, “Wikuya gima wikwayo. Winyalo madho agwata m'anomadhi, gi batisimo m'anolimi?” 39Jodwoko ni, “Wanyalo.” Yesu owaco rijo ni, “Agwata m'anomadhi wibende wibino madho, odoko batisimo m'anolimi wibende wibino limo, 40to kabedo ma yu cingan maracuc kosa maracam k'obedo tic paran poko. Me kabedo pa joma otiek yiko rijo.”
41Munyo jomoor wadi gin japar jowinjo wac no, nge omako jo gi Yakobo kodi Yohana, 42#Luk 22:25-26omiyo Yesu olwoŋo jo bonge to waco rijo ni, “Wiŋeyo ni jodhum ma piny jodhumo ji gi maker; aka jotel pajo jodhumo gi mbaka. 43#Mat 23:11; Mar 9:35; Luk 22:26To me k'apaka ripo bedo gi win. Ka nyatoro kwoŋ win mito bedo jadwoŋ, go ripo bedo jatic ri wadi; 44aka ŋata mito bedo jatel i dier win, ripo bedo ŋeca pa wadi je. 45Kole kada Wod Dhano bende k'obino ni wotiy rigo; to obino ni wotiy ri ji ayin kodi miyo kwo pere paka gicul ma gonyo ji mathoth.”
Yesu botho Batimayo
(Mat 20:29-34; Luk 18:35-43)
46Yesu gi jofonjirok pere jotundo Yeriko. Aka munyo joay kenyo, gi lwak ji, jakwac ma waŋ'otho, m'ilwoŋo ni Batimayo, madwoŋ mere ni wod pa Timayo onwaŋo obedo piny i thengi royo. 47Tekin Batimayo winjo ni manago Yesu Janazareth ama kadho, to cako koko ka waco ni, “Yesu, Wod pa Daudi, tim reye wor!” 48Ji mathoth jobwoko go aka jooro go liŋ, to go omedo ameda koko malo ayino ni, “Wod pa Daudi, tim reye wor!” 49Yesu ocungo to waco ni, “Lwoŋ win go ka.” To jolwoŋo jal ma waŋ'otho no, ka jowaco rigo ni, “Ikir'irembi, ay malo, kole go dica lwoŋin.” 50Gikenyo go obolo nanga pere gicen, opor malo, to kidho bongi Yesu. 51Yesu openjo go ni, “Imito atim rin aŋo?” Jal ma waŋ'otho no owaco ni, “Jafonji, yaw ran waŋan.” 52To Yesu waco rigo ni, “Kadhi, yeyo perin obothin.” Piyo piyo no, waŋe oyawere, to bende luwo Yesu.
S'ha seleccionat:
Mariko 10: DHOPE
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Dhopadhola DC Bible © Bible Society of Uganda, 2018.
Mariko 10
10
Yesu fonjo ji kwoŋ nywomirok
(Mat 19:1-12; Luk 16:18)
1Yesu oeye kenyo to kidho iy'adec ma Yuda kodi loka man ma Jwom Yordan. Lwak ji jobino bonge to go fonjo jo, paka ndir je oyido omaro timo. 2Jofarisayo moro jobino bongi Yesu to jopenjo go ma temo go ni, “Cik yeyo dhano riemo cege?” 3Yesu odwoko ni, “Musa cango ooro win timo nedi?” 4#Cik 24:1-4; Mat 5:31Jowaco ni, “Musa oyeyo jacwo ndiko balwa ma riemo cege ka pokere gine.” 5To Yesu waco rijo ni, “Musa ondiko riwin cik no, rupiri cuny win tek. 6#Cak 1:27; 5:2To wok i cakirok pa cwec, ‘Were ocweyo jacwo gi dhako.’ 7#Cak 2:24‘Am'omiyo jacwo bino weyo bamere gi min, to cwire kwoŋ cege, 8to jario jolokere del acel.’ Riameno jo onyo ki del ario to del acel. 9Am'omiyo gima Were otieko riwo kanyacel, wongoye nyatoro ma wopok.”
10Munyo jogik i ot, jofonjirok pere jopenjo go kendo dwoŋ wac no. 11#Mat 5:32; 1 Kor 7:10-11Aka owaco rijo ni, “Ŋata pokere gi cege to nywomo dhako man, meno timo cot, 12aka ameno bende, dhako ma pokere gi cwore to nywomere gi jacwo man, meno timo cot.”
Yesu miyo nyithindho silwany
(Mat 19:13-15; Luk 18:15-17)
13Ji moro jokelo nyithindho bongi Yesu ni wogey jo, to jofonjirok pere jobwoko jo. 14Munyo Yesu oneno ameno, nge omako go gi jofonjirok pere, to waco rijo ni, “Weyi nyithindho jowobin bongan; wikiri wicer jo, kole Ker pa Were obedo apa joma pameno. 15#Mat 18:3Adieri awaco riwin, ŋata k'ojolo Ker pa Were paka nyathi mathin, kiladonj'iye.” 16Gikenyo Yesu otwodo nyithindho gi cinge, oketho cinge kwoŋ jo, to miyo jo silwany.
Jal m'oŋaŋ
(Mat 19:16-30; Luk 18:18-30)
17Munyo Yesu ocako woth pere kendo, jal moro obino gi ŋwec to riewere piny ruwaŋe to penjo go ni, “Jafonji maber, atim aŋo ŋey alimi kwo makirum?” 18Yesu odwoko go ni, “Raŋo ilwoŋan ni maber? Ongoye ŋataber kwanyo woko Were kende. 19#Wok 20:13; Cik 5:17; Wok 20:14; Cik 5:18; Wok 20:15; Cik 5:19; Wok 20:16; Cik 5:20; Wok 20:12; Cik 5:16Iŋeyo Or pa Were ma waco ni, ‘ikir'ineki, Ikir'itim cot; Ikir'ikwal; ikir'isegeya dhano nono; ikir'iwondi ji; ikir'icam gimahembi; lwor benin gi yokin.’ ” 20Jalo odwoko ni, “Jafonji, atieko mako or no je wok i thino paran.” 21Gikenyo Yesu oŋiyo go gi mar to waco rigo ni, “Gimoro acel ama fodi odoŋ rin timo: Kidhi itana woko gima in gine je, pesa mere ipoki jocandi, aka ibino limo ŋaŋo i polo; aka ŋey ibin iluwan.” 22Wac me okweyo kwoŋ jalo swa, to miyo go gut, rupiri go oyido oŋaŋ tektek.
23Yesu obolo waŋe oŋiyo korin gi korin, to waco ri jofonjirok pere ni, “Bino bedo matek adieri ri jaŋaŋo donjo i Ker pa Were!” 24Jofonjirok jodhier swa kwoŋ wac me, to Yesu medo waco rijo ni, “Nyithindho paran, tek swa ri joma geno ŋaŋo donjo i Ker pa Were! 25Yot ri ŋamia donjo i yore piso loyo ri jaŋaŋo donjo i Ker pa Were!” 26Jofonjirok jomedo dhier, to wegi jowaco kendi gin ni, “K'ameno onyo ŋa won manyalo both?” 27Yesu oŋiyo jo to waco ni, “Ri dhano gime kinyalere, to ki ri Were, rupiri Were nyalo gimoro je.”
28Petero to ero waco ni, “Aka wan to? Kole watieko weyo gimoro je to waluwin.” 29Yesu odwoko ni, “Adieri awaco riwin, ongoye ŋat'owey ot, wutmin, nyimin, yokimere, bamere, nyithindho, kosa lowo kwoŋbedo an kodi Wac Manyen Maber, 30ma kilalimo gigipiny dimiya acel, udi, wutmin, nyimin, bacere mere, mege, nyithindho kodi lowo, kodi candirok i ndir ma pama, to limo kwo makirum rumacen. 31#Mat 20:16; Luk 13:30Aka ji madit ma pama jobedo marapena ama jobino bedo macowe; aka jom'oyido macowe ama jobino bedo marapena.”
Yesu luwo ma didek kwoŋ tho pere
(Mat 20:17-19; Luk 18:31-34)
32Yesu kodi jom'oyido nigi go onwaŋo jo ni royo jocomo yu Yerusalem kareno go otelo jo. Jofonjirok pere jouro wac pere; aka ji m'oyido joluwo jo bende lworo omako jo. Yesu odoko otero jofonjirok apar g'ario gicen to luwo kwoŋ gim'onwaŋo kidho timirok kwoŋe. 33Owaco rijo ni, “Winji win, onyo wakidho Yerusalem kam'ibino keth'iye Wod Dhano i cingi jotel pa jocway ri Were i wi migam kodi jondiko. Jobino thumo rigo banja ma tho, to joketho go i cingi Jopath. 34Jono jobino nyero go, ŋulo kwoŋe law, cwado go, gi neko go. To i ndelo mar'adek, go bino cerino.”
Yakobo gi Yohana jokwayo Yesu dwoŋ
(Mat 20:20-28)
35Yakobo gi Yohana, wot Zebedayo, jobino bongi Yesu to jowaco rigo ni, “Jafonji, nitie gima wayenyo itimi riwan.” 36Yesu openjo jo ni, “Aŋo ma wiyenyo atim riwin?” 37Jodwoko ni, “Yey wabedi ŋat'acel yu cingin maracuc, ŋatiman yuracam, i dwoŋ perin.”
38 #
Luk 12:50
Yesu owaco rijo ni, “Wikuya gima wikwayo. Winyalo madho agwata m'anomadhi, gi batisimo m'anolimi?” 39Jodwoko ni, “Wanyalo.” Yesu owaco rijo ni, “Agwata m'anomadhi wibende wibino madho, odoko batisimo m'anolimi wibende wibino limo, 40to kabedo ma yu cingan maracuc kosa maracam k'obedo tic paran poko. Me kabedo pa joma otiek yiko rijo.”
41Munyo jomoor wadi gin japar jowinjo wac no, nge omako jo gi Yakobo kodi Yohana, 42#Luk 22:25-26omiyo Yesu olwoŋo jo bonge to waco rijo ni, “Wiŋeyo ni jodhum ma piny jodhumo ji gi maker; aka jotel pajo jodhumo gi mbaka. 43#Mat 23:11; Mar 9:35; Luk 22:26To me k'apaka ripo bedo gi win. Ka nyatoro kwoŋ win mito bedo jadwoŋ, go ripo bedo jatic ri wadi; 44aka ŋata mito bedo jatel i dier win, ripo bedo ŋeca pa wadi je. 45Kole kada Wod Dhano bende k'obino ni wotiy rigo; to obino ni wotiy ri ji ayin kodi miyo kwo pere paka gicul ma gonyo ji mathoth.”
Yesu botho Batimayo
(Mat 20:29-34; Luk 18:35-43)
46Yesu gi jofonjirok pere jotundo Yeriko. Aka munyo joay kenyo, gi lwak ji, jakwac ma waŋ'otho, m'ilwoŋo ni Batimayo, madwoŋ mere ni wod pa Timayo onwaŋo obedo piny i thengi royo. 47Tekin Batimayo winjo ni manago Yesu Janazareth ama kadho, to cako koko ka waco ni, “Yesu, Wod pa Daudi, tim reye wor!” 48Ji mathoth jobwoko go aka jooro go liŋ, to go omedo ameda koko malo ayino ni, “Wod pa Daudi, tim reye wor!” 49Yesu ocungo to waco ni, “Lwoŋ win go ka.” To jolwoŋo jal ma waŋ'otho no, ka jowaco rigo ni, “Ikir'irembi, ay malo, kole go dica lwoŋin.” 50Gikenyo go obolo nanga pere gicen, opor malo, to kidho bongi Yesu. 51Yesu openjo go ni, “Imito atim rin aŋo?” Jal ma waŋ'otho no owaco ni, “Jafonji, yaw ran waŋan.” 52To Yesu waco rigo ni, “Kadhi, yeyo perin obothin.” Piyo piyo no, waŋe oyawere, to bende luwo Yesu.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Dhopadhola DC Bible © Bible Society of Uganda, 2018.