Matayo 14
14
Tho pa Yohana Jakibatisa
(Mar 6:14-29; Luk 9:7-9)
1I ndir ma Herode oyido obedo rwoth ma Galili, owinjo kwoŋ Yesu. 2Go waco ri jolweny pere ni, “Me Yohana Jakibatisa won ama ocerino, am'omiyo meni ma timo gir'aura me nitie i go.”
3 #
Luk 3:19-20
Ato Herode ama ndir ca owodho or ni womaki Yohana wotwey, t'iketho go i katwec. Go otimo ameno ro wac pa Herodia, cipa omin go m'ilwoŋo ni Filipo, 4#Jolevi 18:16; 20:21rupiri Yohana omena waco ri Herode ni, “K'obedo gim'otire bedo gi dhako no!” 5Herode oyenyo neko go to oyido lworo Joyuda, rupiri oyido jotero Yohana paka jatuci wac Were.
6I ndelo ma poyo nywolirok pa Herode, nyapa Herodia omielo i nyim wendo gibe. Herode osangala gine swa, 7m'omiyo ociko nyano ni, “Akwoŋere nike abino miyin gimoro je m'inokwayan!” 8Paka yokimere omiyo go rieko, go okwayo ni, “Miyan wic Yohana Jakibatisa i sen ka!” 9Kere ogut, to ro kwoŋirok pere ma go oyido otieko timo i nyim wendo pere gibe, go owodho or nike gima nyano oyenyo womiy go. 10Ameno go ooro ji kidho ŋondo wic Yohana i katwec. 11Wic no okeli i ot i sen t'imiyo nyano to tero bothi yokimere. 12Jofonjirok pa Yohana jobino, jokwanyo delkwoŋe, to joyiko aka jokidho to jowaco ri Yesu.
Yesu pidho ji gana abic
(Mar 6:30-44; Luk 9:10-17; Yoh 6:1-14)
13Munyo Yesu owinjo wac no, oeye kenyo gi ye to kidho kakende. Munyo ji jowinjo gino, joluwo go wok i tindin pajo. 14Yesu owok i ye, aka munyo oneno lwak ji, omako wor i cunye gi jo, to botho jotwo pajo.
15Othieno no, jofonjirok pere jokidho bonge to jowaco ni, “Kole piny otieko yutho, aka ka dier thim. Sewila ji jowokidhi loka jowonyew cemo.” 16Yesu odwoko ni, “Jokiripi eye ka. Wiwegi miy win jo cemo moro jowocami.” 17Jodwoko ni, “Gima wanitie gine k'obedo nyaka mugat abic kodi rec ario kende.” 18Yesu owaco ni, “Keli gino je bongan ka.” 19Gikenyo ooro ji bedo piny i lum, aka okwanyo mugat abic gi rec ario no, oŋiyo malo i polo, to foyo Were. Go oturo mugat no to miyo jofonjirok, aka jofonjirok jokwanyo to jopoko ji. 20Dhano je ocemo to yeŋ. Rumacen jofonjirok jocoko ŋinjeŋinje m'odoŋ to poŋo aditin apar g'ario. 21Welo cwo ma jocemo onwaŋo romo cegin gana abic, ma k'okwan mon gi nyithindho.
Yesu wotho wi pi
(Mar 6:45-52; Yoh 6:15-21)
22Gikenyo Yesu omiyo jofonjirok pere donjo i ye jowotel kidho rigo yu loka ma koca ma wakawaka, kafodi go won oyido sewila ji. 23Munyo otieko kisewila ji, go okutho oidho wi got kende kwayo. Munyo piny otundo othieno, Yesu oyido nikenyo kende, 24kareno ye otundo bor i wakawaka lwenyo gi pi ma sira, aka asur oyido kudho wok yuwiye. 25I dier sawa abuŋwen kodi apar g'ario m'odikin, Yesu obino bongi jo munyo wotho wi pi. 26Munyo jofonjirok joneno go wotho wi pi, lworo omako jo. Jowaco ni, “Manago yamo!” To jokoko gi lworo. 27Piyo piyo no to Yesu luwo gi jo munyo waco ni, “Wikiri wirembi, me an. Wikiri wilwor.” 28Gikenyo Petero oluwo malo ni, “Rwoth, ka meno in adieri, oran awok abin bongin wi pi.” 29Yesu owaco rigo ni, “Biye.” To Petero wok i ye to wotho wi pi munyo kidho bongi Yesu. 30To tekin go neno asur, lworo omako go to cako munyirok i pi. Gikenyo go okoko ni, “Rwoth! Bothan!” 31Yesu ocwayo cinge mayot to mako go munyo waco ni, “Ijayeyo mathin. Raŋo ma iganagana?” 32Aka munyo jotieko donjo i ye to asur kwe. 33Jom'onwaŋo niye jolamo go ka jowaco ni, “Adieri, ibedo Wod Were.”
Yesu botho jotwo i Genesaret
(Mar 6:53-56)
34Jocewere aka jotundo loka ma Genesaret. 35Munyo ji ma kenyo joŋeyo ni meno Yesu, jodhiro wac ri ji ma jonigi jotwo iy'adec ma piny no to jokelo jotwo bongi Yesu. 36Jokwayo go nike woyeyi jotwo jowogey kada nyaka dhok nanga pere won; aka joma jogeyo go je jobedo maber.
S'ha seleccionat:
Matayo 14: DHOPE
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Dhopadhola DC Bible © Bible Society of Uganda, 2018.
Matayo 14
14
Tho pa Yohana Jakibatisa
(Mar 6:14-29; Luk 9:7-9)
1I ndir ma Herode oyido obedo rwoth ma Galili, owinjo kwoŋ Yesu. 2Go waco ri jolweny pere ni, “Me Yohana Jakibatisa won ama ocerino, am'omiyo meni ma timo gir'aura me nitie i go.”
3 #
Luk 3:19-20
Ato Herode ama ndir ca owodho or ni womaki Yohana wotwey, t'iketho go i katwec. Go otimo ameno ro wac pa Herodia, cipa omin go m'ilwoŋo ni Filipo, 4#Jolevi 18:16; 20:21rupiri Yohana omena waco ri Herode ni, “K'obedo gim'otire bedo gi dhako no!” 5Herode oyenyo neko go to oyido lworo Joyuda, rupiri oyido jotero Yohana paka jatuci wac Were.
6I ndelo ma poyo nywolirok pa Herode, nyapa Herodia omielo i nyim wendo gibe. Herode osangala gine swa, 7m'omiyo ociko nyano ni, “Akwoŋere nike abino miyin gimoro je m'inokwayan!” 8Paka yokimere omiyo go rieko, go okwayo ni, “Miyan wic Yohana Jakibatisa i sen ka!” 9Kere ogut, to ro kwoŋirok pere ma go oyido otieko timo i nyim wendo pere gibe, go owodho or nike gima nyano oyenyo womiy go. 10Ameno go ooro ji kidho ŋondo wic Yohana i katwec. 11Wic no okeli i ot i sen t'imiyo nyano to tero bothi yokimere. 12Jofonjirok pa Yohana jobino, jokwanyo delkwoŋe, to joyiko aka jokidho to jowaco ri Yesu.
Yesu pidho ji gana abic
(Mar 6:30-44; Luk 9:10-17; Yoh 6:1-14)
13Munyo Yesu owinjo wac no, oeye kenyo gi ye to kidho kakende. Munyo ji jowinjo gino, joluwo go wok i tindin pajo. 14Yesu owok i ye, aka munyo oneno lwak ji, omako wor i cunye gi jo, to botho jotwo pajo.
15Othieno no, jofonjirok pere jokidho bonge to jowaco ni, “Kole piny otieko yutho, aka ka dier thim. Sewila ji jowokidhi loka jowonyew cemo.” 16Yesu odwoko ni, “Jokiripi eye ka. Wiwegi miy win jo cemo moro jowocami.” 17Jodwoko ni, “Gima wanitie gine k'obedo nyaka mugat abic kodi rec ario kende.” 18Yesu owaco ni, “Keli gino je bongan ka.” 19Gikenyo ooro ji bedo piny i lum, aka okwanyo mugat abic gi rec ario no, oŋiyo malo i polo, to foyo Were. Go oturo mugat no to miyo jofonjirok, aka jofonjirok jokwanyo to jopoko ji. 20Dhano je ocemo to yeŋ. Rumacen jofonjirok jocoko ŋinjeŋinje m'odoŋ to poŋo aditin apar g'ario. 21Welo cwo ma jocemo onwaŋo romo cegin gana abic, ma k'okwan mon gi nyithindho.
Yesu wotho wi pi
(Mar 6:45-52; Yoh 6:15-21)
22Gikenyo Yesu omiyo jofonjirok pere donjo i ye jowotel kidho rigo yu loka ma koca ma wakawaka, kafodi go won oyido sewila ji. 23Munyo otieko kisewila ji, go okutho oidho wi got kende kwayo. Munyo piny otundo othieno, Yesu oyido nikenyo kende, 24kareno ye otundo bor i wakawaka lwenyo gi pi ma sira, aka asur oyido kudho wok yuwiye. 25I dier sawa abuŋwen kodi apar g'ario m'odikin, Yesu obino bongi jo munyo wotho wi pi. 26Munyo jofonjirok joneno go wotho wi pi, lworo omako jo. Jowaco ni, “Manago yamo!” To jokoko gi lworo. 27Piyo piyo no to Yesu luwo gi jo munyo waco ni, “Wikiri wirembi, me an. Wikiri wilwor.” 28Gikenyo Petero oluwo malo ni, “Rwoth, ka meno in adieri, oran awok abin bongin wi pi.” 29Yesu owaco rigo ni, “Biye.” To Petero wok i ye to wotho wi pi munyo kidho bongi Yesu. 30To tekin go neno asur, lworo omako go to cako munyirok i pi. Gikenyo go okoko ni, “Rwoth! Bothan!” 31Yesu ocwayo cinge mayot to mako go munyo waco ni, “Ijayeyo mathin. Raŋo ma iganagana?” 32Aka munyo jotieko donjo i ye to asur kwe. 33Jom'onwaŋo niye jolamo go ka jowaco ni, “Adieri, ibedo Wod Were.”
Yesu botho jotwo i Genesaret
(Mar 6:53-56)
34Jocewere aka jotundo loka ma Genesaret. 35Munyo ji ma kenyo joŋeyo ni meno Yesu, jodhiro wac ri ji ma jonigi jotwo iy'adec ma piny no to jokelo jotwo bongi Yesu. 36Jokwayo go nike woyeyi jotwo jowogey kada nyaka dhok nanga pere won; aka joma jogeyo go je jobedo maber.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Dhopadhola DC Bible © Bible Society of Uganda, 2018.