Ezekiel 26
26
1Bena pi ale dinyi wa po, chiik kaai ale a piilim la piilimka dai, Naawen yaa biisi ale mi ayen, 2<<Saalɔ biiga, Taaya tɛŋka demma a biisi a kaasi Jerusalem kama. Ayen tɛŋ kaai ale jam a gerim ale tɛŋsa la a kaasi ya. Yɔgyɔgla de tama tɛŋka a baga a chim geruŋku num jigi kama. Jerusalem ale tɔlim kaasi la, ti baga a nya ligra kama. 3Dila la Nyɔnɔwa Naawen ale biisi diila ale nna, Mi ta ka chaab ale nama Taaya demma. M le basi ate tɛŋsa yega a siti ni ase nyakpiemu ale yiti a nak tɛŋka kunkɔŋni diila. 4Ba le kaasi Taaya parisaŋa abe ba nak ba yie woŋtaŋa a lɔnsi. M le chuiri ba ŋan kaasimaŋa a basi abe m ge ba jassi ase puŋ la. 5Taaya ale chim ka tɛŋ kaai ale bo nyiam suŋsuŋ la ate jum yigrisa a danni ba ŋmaasa. Mi Nyɔnɔwa Naawen ale weeni. Tɛŋsaŋa ale zu ŋan maŋsa Taaya po. 6Taaya tɛŋ fiisaŋa ale bo nyiamu nɔi la, ale kaasi kpaliŋka po. Ate ni seba ayen Mi ale Naawen.
7<<Dila la Nyɔnɔwa Naawen ale biisi diila ale nna. M le ta naab a nyini wiilukku geŋ a jam ate wa siti Taaya. Wala ale Babilon naawa Nebukadnezzar. Wa ka nalima naab wusuma ale torokoba ale wusum duerisa ale tugurik tɔŋdɔba boari. 8Wa le nye kpaliŋ a kaasi ni tɛŋ fiisaŋa ale bo nyiamu po bu nɔi la. Wa le zɔk zɔga a siti ni. Wa le pai tanta a dueni bimbimi a jueli parisaŋa ŋmai. Wa le pai peema ŋanchɔgsinta a siti ni. 9Wa le ta da biga a jam chubi ni tɛŋka parisaŋa, abe wa wɛ ni yie woŋtaŋa ale kuta. 10Wa wusumaŋa ale piisi dii nna yegayega la ŋa nyuŋku ale lik ni. Wusum duerisaŋa, torokoma nuemka ale basi ate ni parisaŋa a choa. Babilon naawa ale jo ni tɛŋka po ase nuruba ale va parisa lo ka jigi a jo tɛŋ po diila. 11Wa wusumaŋa naŋsabaŋa ale tabi va ni suitaŋa. Wa le ko ni tugurik tɔŋdɔma ale gebik. Ni ŋan pagri ŋaai meena ale yik ni yeeŋa ta la ale lo tɛŋ. 12Wa nuruma mɛ ale pai ni le jigsi ale ŋan baai la a ta cheŋ abe wa zu ŋan baai ni a da la. Ba le wɛ ni parisaŋa abe ba kaasi ni yie naliŋsaŋa. Ba le yuk ni tanaŋa, ale ni daataŋa, ale ni ŋan baai ale kan ta kiri la a basi nyakpiemu po. 13M kan te ni ŋman lenni yiila. Ni kpantaŋa yiilaŋa ni kan ŋman wom diipo diipo. 14M le basi ni ka nna jassi ase puŋ ale dua la, ate ni chim juijui ate ba a danni ŋmaasa du la. Ba kan ŋman se ka, dii nyiŋla, mi Naawen ale biisi. Ka Nyɔnɔwa Naawen ale weeni dila.
15<<Dii ate Nyɔnɔwa Naawen a weeni Taaya la ale nna. Nuru baai ale bo nyiamu nɔi la a dan wom nakdeka ba kpaziim ale nak ate ba nyiŋsa a gɔk. Baai ale a nya tuem a nye ba kpi la ale kasim a ŋusi kama. 16Ate niŋdeerɔma meena ale bo nyiamu nɔi la ale basi ba naamu zukpagliksaŋa. Ba le yeeri ba garuk naliŋsaŋa ate ba yɔk la, ate yɔgsum ale ta ba. Ba le kali tɛŋ ate ba nyiŋsa a kasim a gɔk. Ba dan nya fu ku le cha ba. 17Ba le deri piilim pai fu a lenni kuun yiili. Ba le weeni fu ayen, <Taaya, fi yuei ale yiti diila ba kaasi fu kama. Fi jɔgi fi nyakpiemu po pagrimu kama. Fi ale fi nuruma jam ta pagrim kpiem kama nyakpiemu po. Waai meena ale gilim fu, fi basi kama ate yɔgsum a yik ba. 18Yɔgyɔgla de nuru baai ale bo nyiamu nɔi la nyiŋsa ale a gɔk, Yɔgyɔgla de fi yaa lo ya. Nyiamu po tɛŋsaŋa kpaziim ale a nak dii nyiŋla ba nak dɛ fu kama.>
19<<Nyɔnɔwa Naawen ale biisi diila ale nna. M le basi ate fi chim tɛŋ koruk ase tɛŋ sii ale kan ta nuruba ate ba bo si po la. M le basi ate nyakpiemu ale limisa la a yiri lik ni, ate nyakpiemu mɛ a yiri lik ni. 20Dila po m le basi ate ni siŋ kpiluŋ a ga gum baai ale kpi dipodipo la po. M le basi ate ni bo kpiluŋ ale kpiema ase jigsi ŋaai ale kaasi la. Ni kan ŋman nyini dula jamu yaase ni nya jigi tɛŋzuk a bo ale nuru vuuta ŋmana. 21Nuru yonta kpaziim ale nak ale dii ale nye ni la, ate ku yaa kpeglim ale ni. Nuruba ale gisi ni alege ba kan ŋman nya ni diipo. Nyɔnɔwa Naawen ale weeni.
S'ha seleccionat:
Ezekiel 26: BWU
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2023, Ghana Institute of Linguistics, Literacy and Bible Translation
Ezekiel 26
26
1Bena pi ale dinyi wa po, chiik kaai ale a piilim la piilimka dai, Naawen yaa biisi ale mi ayen, 2<<Saalɔ biiga, Taaya tɛŋka demma a biisi a kaasi Jerusalem kama. Ayen tɛŋ kaai ale jam a gerim ale tɛŋsa la a kaasi ya. Yɔgyɔgla de tama tɛŋka a baga a chim geruŋku num jigi kama. Jerusalem ale tɔlim kaasi la, ti baga a nya ligra kama. 3Dila la Nyɔnɔwa Naawen ale biisi diila ale nna, Mi ta ka chaab ale nama Taaya demma. M le basi ate tɛŋsa yega a siti ni ase nyakpiemu ale yiti a nak tɛŋka kunkɔŋni diila. 4Ba le kaasi Taaya parisaŋa abe ba nak ba yie woŋtaŋa a lɔnsi. M le chuiri ba ŋan kaasimaŋa a basi abe m ge ba jassi ase puŋ la. 5Taaya ale chim ka tɛŋ kaai ale bo nyiam suŋsuŋ la ate jum yigrisa a danni ba ŋmaasa. Mi Nyɔnɔwa Naawen ale weeni. Tɛŋsaŋa ale zu ŋan maŋsa Taaya po. 6Taaya tɛŋ fiisaŋa ale bo nyiamu nɔi la, ale kaasi kpaliŋka po. Ate ni seba ayen Mi ale Naawen.
7<<Dila la Nyɔnɔwa Naawen ale biisi diila ale nna. M le ta naab a nyini wiilukku geŋ a jam ate wa siti Taaya. Wala ale Babilon naawa Nebukadnezzar. Wa ka nalima naab wusuma ale torokoba ale wusum duerisa ale tugurik tɔŋdɔba boari. 8Wa le nye kpaliŋ a kaasi ni tɛŋ fiisaŋa ale bo nyiamu po bu nɔi la. Wa le zɔk zɔga a siti ni. Wa le pai tanta a dueni bimbimi a jueli parisaŋa ŋmai. Wa le pai peema ŋanchɔgsinta a siti ni. 9Wa le ta da biga a jam chubi ni tɛŋka parisaŋa, abe wa wɛ ni yie woŋtaŋa ale kuta. 10Wa wusumaŋa ale piisi dii nna yegayega la ŋa nyuŋku ale lik ni. Wusum duerisaŋa, torokoma nuemka ale basi ate ni parisaŋa a choa. Babilon naawa ale jo ni tɛŋka po ase nuruba ale va parisa lo ka jigi a jo tɛŋ po diila. 11Wa wusumaŋa naŋsabaŋa ale tabi va ni suitaŋa. Wa le ko ni tugurik tɔŋdɔma ale gebik. Ni ŋan pagri ŋaai meena ale yik ni yeeŋa ta la ale lo tɛŋ. 12Wa nuruma mɛ ale pai ni le jigsi ale ŋan baai la a ta cheŋ abe wa zu ŋan baai ni a da la. Ba le wɛ ni parisaŋa abe ba kaasi ni yie naliŋsaŋa. Ba le yuk ni tanaŋa, ale ni daataŋa, ale ni ŋan baai ale kan ta kiri la a basi nyakpiemu po. 13M kan te ni ŋman lenni yiila. Ni kpantaŋa yiilaŋa ni kan ŋman wom diipo diipo. 14M le basi ni ka nna jassi ase puŋ ale dua la, ate ni chim juijui ate ba a danni ŋmaasa du la. Ba kan ŋman se ka, dii nyiŋla, mi Naawen ale biisi. Ka Nyɔnɔwa Naawen ale weeni dila.
15<<Dii ate Nyɔnɔwa Naawen a weeni Taaya la ale nna. Nuru baai ale bo nyiamu nɔi la a dan wom nakdeka ba kpaziim ale nak ate ba nyiŋsa a gɔk. Baai ale a nya tuem a nye ba kpi la ale kasim a ŋusi kama. 16Ate niŋdeerɔma meena ale bo nyiamu nɔi la ale basi ba naamu zukpagliksaŋa. Ba le yeeri ba garuk naliŋsaŋa ate ba yɔk la, ate yɔgsum ale ta ba. Ba le kali tɛŋ ate ba nyiŋsa a kasim a gɔk. Ba dan nya fu ku le cha ba. 17Ba le deri piilim pai fu a lenni kuun yiili. Ba le weeni fu ayen, <Taaya, fi yuei ale yiti diila ba kaasi fu kama. Fi jɔgi fi nyakpiemu po pagrimu kama. Fi ale fi nuruma jam ta pagrim kpiem kama nyakpiemu po. Waai meena ale gilim fu, fi basi kama ate yɔgsum a yik ba. 18Yɔgyɔgla de nuru baai ale bo nyiamu nɔi la nyiŋsa ale a gɔk, Yɔgyɔgla de fi yaa lo ya. Nyiamu po tɛŋsaŋa kpaziim ale a nak dii nyiŋla ba nak dɛ fu kama.>
19<<Nyɔnɔwa Naawen ale biisi diila ale nna. M le basi ate fi chim tɛŋ koruk ase tɛŋ sii ale kan ta nuruba ate ba bo si po la. M le basi ate nyakpiemu ale limisa la a yiri lik ni, ate nyakpiemu mɛ a yiri lik ni. 20Dila po m le basi ate ni siŋ kpiluŋ a ga gum baai ale kpi dipodipo la po. M le basi ate ni bo kpiluŋ ale kpiema ase jigsi ŋaai ale kaasi la. Ni kan ŋman nyini dula jamu yaase ni nya jigi tɛŋzuk a bo ale nuru vuuta ŋmana. 21Nuru yonta kpaziim ale nak ale dii ale nye ni la, ate ku yaa kpeglim ale ni. Nuruba ale gisi ni alege ba kan ŋman nya ni diipo. Nyɔnɔwa Naawen ale weeni.
© 2023, Ghana Institute of Linguistics, Literacy and Bible Translation