ROMANOS 7
7
Jun seña te tutꞌil ay te nujpunele
1Kermanotak, te jaꞌexe anaꞌojik te mantaliletike, y ya anaꞌik te jaꞌ nax ay spoder te mantaliletike ta stojol jtul gente te kuxul to aye. 2Jich tutꞌil, jtul ants te nujpunem sok te swinikul ay ta skuenta te mantaliletik te jayeb kꞌaal te kuxul to aye. Pero teme cham te swinikule, kolem ya xjil te ants yuꞌun te mantalile. 3Yan teme kuxul to a te smamlale teme la sta sba sok yan winike, kremiwejel me ya xkꞌot sbiil abi. Pero teme cham te winikulile, kolem ya xjil te ants yuꞌun te mantalile, y ya spas ya xnujpun sok yan. Ma kremiwejelukix abi.
4Jich euk te jaꞌexe, kermanotak, ta skuenta te tutꞌil a cham te Cristoe, jich chamen a kꞌoex sok ekꞌa te mantaliletike, yuꞌun ayex ta skuenta jtul xan. Te ora to jaꞌix yuꞌunex te Cristoe te chaꞌkuxem tal te ba ay te animaetike. Jaꞌ sluwaril, te jkuxlejaltik ya xtuun ta stojol Dios.
5Porke te kꞌalal kuxulotik to jich tutꞌil winketik jmulawiletike, te mantaliletike tuun yuꞌun te ya stijbotik jtiꞌbalultik te tut ma tsaꞌamuk ya snoptalane. Y jaꞌ la yikꞌotik bael ta lajel. 6Pero te ora to chamenotikix yuꞌun te mantaliletike te sjapuyejotik ta spodere. Jich kolemotikix yuꞌun ya xtuunotik ta stojol Dios sok te achꞌ jkuxlejaltik ta skuenta te Espiritue, y ma jaꞌukix ta skuenta te antibo mantaliletik tsꞌibabile.
Te mulil ay ta jkuentae
7¿Tut xchootik yuꞌun? ¿Me mulil te mantaliletike? Ma jichuk. Pero te jichuk maꞌyuk te mantaliletike, ma jnaꞌtik tutik a te mulil te jichuke. Ma jnaꞌtik tut a te ya skꞌupin koꞌtantike teme ma xyal te mantalile: “Mame xꞌakꞌupin”, te xchie.
8Pero te mulile jaꞌ a yabatin te mantaliletike. La stijon ta snaꞌel bayal ta jkaj te tut ya skꞌupin te koꞌtane. Yuꞌun te jichuk maꞌyuk te mantaliletike, te mulile chamen kꞌoem. 9Ay jun tiempo te ma kꞌoemuk ta koꞌtan te mantaliletike. Jich kuxulon te joꞌone. Pero te kꞌalal tal te mantaliletike, kux te mulile y chamon. 10Jich te mantaliletike te ay yaꞌtel ta ya yaꞌbon kuxlejale, la yikꞌon bael ta lajel. 11Porke te mulile jaꞌ a yabatin te mantaliletike y jaꞌ a sloꞌlayon. Y mismo te mantaliletike jaꞌ a smilon.
12Jaꞌ yuꞌun te mantaliletike lekil kꞌop stukel; te chꞌul mantaliletike toj y lek ta spisil. 13¿Me yuꞌun ya yikꞌon bael ta lajel te tut a te leke? Ma jichuk. Jaꞌ la yakꞌon ta lajel stukel te mulile. Teꞌ chiknaj ta ilel a te ma lekuk te mulile, yuꞌun la yakꞌon ta lajel ta skuenta te tut leke. Ta skuenta te mantaliletike, jamal a yakꞌ ta ilel te ma tsaꞌamuk te lom tulan te mulile.
14Jnaꞌojtik te skuenta Dios te mantaliletike. Pero joꞌon sok te jtiꞌbalule chonbilon kꞌoem jich tutꞌil mosoil yuꞌun te mulile. 15Ma jnaꞌ tut a te ya jpase, yuꞌun ma jaꞌuk ya jpas te tut ya jkꞌane. Jaꞌ ya jpas te tut ma skꞌan koꞌtane. 16Pero teme ya jpase te tutꞌil ma jkꞌan ya jpase, jich ya jnaꞌ a te lek ay te mantaliletike. 17Jaꞌ yuꞌun ma joꞌukonix te machꞌa ya spas te tut ma lekuke. Jaꞌ te mulil te ay ta jtojole.
18Porke ya jnaꞌ te tut ayone, jaꞌ bi jaꞌ te jtiꞌbalul te jmulawil winikone, maꞌyuk slekil. Yuꞌun aunke jnopoj ya jpas te tut leke, pero ma xjuꞌ kuꞌun spasel. 19Ma jaꞌuk ya jpas te tut leke te ya skꞌan ya jpase. Jaꞌ ya jpas te tut ma lekuk te ma jkꞌan ya jpase. 20Jaꞌ yuꞌun, teme ya jpas te tut ma jkꞌane, ma joukon ya jpasix. Jaꞌ te mulil te ay ta jtojole.
21Jich ayon ya quil: Kꞌalal ya jkꞌan jpas te tut leke, jaꞌ nax ya jta te ay ta jtojol te tut ma leke. 22Ta koꞌtan ben tsaꞌam ya kaꞌiy te smantal Diose. 23Pero la jnaꞌix te tut ay ta jtiꞌbalule te jaꞌ ya spason ta mantale. Te mantale jaꞌ te mulile te ay ta jtojol, te jaꞌ yakꞌojon ta prexoe. 24Oꞌol jba yuꞌun. ¿Machꞌa me ya skoltayon ta spuersa te lajel te ay ta jtiꞌbalule? 25Jaꞌ nax te Diose, jaꞌ te machꞌa ya kalbe kola yal ta skuenta te Kajwaltik Jesucristoe.
Jich yuꞌun joꞌon mismo la jnaꞌix te ya skꞌan jchꞌuunbe smantal te Diose. Pero joꞌon sok te jtiꞌbalule ayon ta mantaltesel yuꞌun te mulile.
S'ha seleccionat:
ROMANOS 7: AMANNT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Nuevo Testamento Tzeltal de Amatenango © Sociedad Bíblica de México, 2006.
ROMANOS 7
7
Jun seña te tutꞌil ay te nujpunele
1Kermanotak, te jaꞌexe anaꞌojik te mantaliletike, y ya anaꞌik te jaꞌ nax ay spoder te mantaliletike ta stojol jtul gente te kuxul to aye. 2Jich tutꞌil, jtul ants te nujpunem sok te swinikul ay ta skuenta te mantaliletik te jayeb kꞌaal te kuxul to aye. Pero teme cham te swinikule, kolem ya xjil te ants yuꞌun te mantalile. 3Yan teme kuxul to a te smamlale teme la sta sba sok yan winike, kremiwejel me ya xkꞌot sbiil abi. Pero teme cham te winikulile, kolem ya xjil te ants yuꞌun te mantalile, y ya spas ya xnujpun sok yan. Ma kremiwejelukix abi.
4Jich euk te jaꞌexe, kermanotak, ta skuenta te tutꞌil a cham te Cristoe, jich chamen a kꞌoex sok ekꞌa te mantaliletike, yuꞌun ayex ta skuenta jtul xan. Te ora to jaꞌix yuꞌunex te Cristoe te chaꞌkuxem tal te ba ay te animaetike. Jaꞌ sluwaril, te jkuxlejaltik ya xtuun ta stojol Dios.
5Porke te kꞌalal kuxulotik to jich tutꞌil winketik jmulawiletike, te mantaliletike tuun yuꞌun te ya stijbotik jtiꞌbalultik te tut ma tsaꞌamuk ya snoptalane. Y jaꞌ la yikꞌotik bael ta lajel. 6Pero te ora to chamenotikix yuꞌun te mantaliletike te sjapuyejotik ta spodere. Jich kolemotikix yuꞌun ya xtuunotik ta stojol Dios sok te achꞌ jkuxlejaltik ta skuenta te Espiritue, y ma jaꞌukix ta skuenta te antibo mantaliletik tsꞌibabile.
Te mulil ay ta jkuentae
7¿Tut xchootik yuꞌun? ¿Me mulil te mantaliletike? Ma jichuk. Pero te jichuk maꞌyuk te mantaliletike, ma jnaꞌtik tutik a te mulil te jichuke. Ma jnaꞌtik tut a te ya skꞌupin koꞌtantike teme ma xyal te mantalile: “Mame xꞌakꞌupin”, te xchie.
8Pero te mulile jaꞌ a yabatin te mantaliletike. La stijon ta snaꞌel bayal ta jkaj te tut ya skꞌupin te koꞌtane. Yuꞌun te jichuk maꞌyuk te mantaliletike, te mulile chamen kꞌoem. 9Ay jun tiempo te ma kꞌoemuk ta koꞌtan te mantaliletike. Jich kuxulon te joꞌone. Pero te kꞌalal tal te mantaliletike, kux te mulile y chamon. 10Jich te mantaliletike te ay yaꞌtel ta ya yaꞌbon kuxlejale, la yikꞌon bael ta lajel. 11Porke te mulile jaꞌ a yabatin te mantaliletike y jaꞌ a sloꞌlayon. Y mismo te mantaliletike jaꞌ a smilon.
12Jaꞌ yuꞌun te mantaliletike lekil kꞌop stukel; te chꞌul mantaliletike toj y lek ta spisil. 13¿Me yuꞌun ya yikꞌon bael ta lajel te tut a te leke? Ma jichuk. Jaꞌ la yakꞌon ta lajel stukel te mulile. Teꞌ chiknaj ta ilel a te ma lekuk te mulile, yuꞌun la yakꞌon ta lajel ta skuenta te tut leke. Ta skuenta te mantaliletike, jamal a yakꞌ ta ilel te ma tsaꞌamuk te lom tulan te mulile.
14Jnaꞌojtik te skuenta Dios te mantaliletike. Pero joꞌon sok te jtiꞌbalule chonbilon kꞌoem jich tutꞌil mosoil yuꞌun te mulile. 15Ma jnaꞌ tut a te ya jpase, yuꞌun ma jaꞌuk ya jpas te tut ya jkꞌane. Jaꞌ ya jpas te tut ma skꞌan koꞌtane. 16Pero teme ya jpase te tutꞌil ma jkꞌan ya jpase, jich ya jnaꞌ a te lek ay te mantaliletike. 17Jaꞌ yuꞌun ma joꞌukonix te machꞌa ya spas te tut ma lekuke. Jaꞌ te mulil te ay ta jtojole.
18Porke ya jnaꞌ te tut ayone, jaꞌ bi jaꞌ te jtiꞌbalul te jmulawil winikone, maꞌyuk slekil. Yuꞌun aunke jnopoj ya jpas te tut leke, pero ma xjuꞌ kuꞌun spasel. 19Ma jaꞌuk ya jpas te tut leke te ya skꞌan ya jpase. Jaꞌ ya jpas te tut ma lekuk te ma jkꞌan ya jpase. 20Jaꞌ yuꞌun, teme ya jpas te tut ma jkꞌane, ma joukon ya jpasix. Jaꞌ te mulil te ay ta jtojole.
21Jich ayon ya quil: Kꞌalal ya jkꞌan jpas te tut leke, jaꞌ nax ya jta te ay ta jtojol te tut ma leke. 22Ta koꞌtan ben tsaꞌam ya kaꞌiy te smantal Diose. 23Pero la jnaꞌix te tut ay ta jtiꞌbalule te jaꞌ ya spason ta mantale. Te mantale jaꞌ te mulile te ay ta jtojol, te jaꞌ yakꞌojon ta prexoe. 24Oꞌol jba yuꞌun. ¿Machꞌa me ya skoltayon ta spuersa te lajel te ay ta jtiꞌbalule? 25Jaꞌ nax te Diose, jaꞌ te machꞌa ya kalbe kola yal ta skuenta te Kajwaltik Jesucristoe.
Jich yuꞌun joꞌon mismo la jnaꞌix te ya skꞌan jchꞌuunbe smantal te Diose. Pero joꞌon sok te jtiꞌbalule ayon ta mantaltesel yuꞌun te mulile.
Nuevo Testamento Tzeltal de Amatenango © Sociedad Bíblica de México, 2006.