Romam 6
6
Dukan Ki̱letinu a kiyan
1Yoye ni fwadu ko wule? Ni chakakku ki̱ni ki̱letiyu ke li̱me Kwama a laan fikonga? 2Kwako! A niyang tu niyang bwa we ki̱letiyu, a mayire ni chakakku we mure chike? 3Yoye ta yimbu ti n chi̱ni bi̱bu ni̱ba ma nimi̱n batismamu ni kabi wiin a di̱n Yesun Masiya, di̱ne yiko ni bwa ti̱n ware. 4Ki̱dangu ni ma batisma, ni bwa, a fur ni ware n ti ki̱n, ni kabi wiin n ti ki̱n we bwa a fi wiine yinangu a kuku Yesu Masiya we furu ki̱ni dwiyen Kwamatangu, n chi̱ni ti̱n ni ya yayu wu fwiye.
5Nangki̱n yo niyang kabi wiin n ti ki̱n we bwako, ni kun ti̱nu ware n ti ki̱n we kunku kwa̱miyangu. 6Ni yim ko da wuka̱re a bwa n ti ki̱n we ki̱tiyang bwangu ke ki̱leti chireyu a yadu dukan we duru ki̱diya kwad. N chi̱ni n ke ka̱bi ki̱leti ki̱ka̱ngu. 7Nangki̱n ka ni a bwa n ti Yesuwe, a chir we dukan ki̱letinu. 8Ki̱ka̱ngu, ka ni a bwa n ti Yesu Masiya, ni ke bi̱yili̱mu ka kunnu n ti ki̱n.
9Ki̱kumang ni yim n Yesu Masiya a kun we furu, ti̱nti̱ne a ne ki̱ladu ka bwati̱nu we. Kanang chikiye, bwa a ne dukan we dur ki̱nu. 10Bwa wu n ki̱n a ma, a bwa da kiin ko ke ki̱ki dukan bwanu, aya da wu n ki̱n ki̱madu ki̱ka̱nge, ki̱madu ko ke n Kwama ya dwiyentu. 11A fi wiine, ta ki yichiyu a bi̱bwari̱m, aya bi̱kuri̱m we di̱n Kwama nu a di̱n Yesun.
12Di̱ne yiko, ke ki̱letiyu a chadu mati̱ntu we dutu chi̱ntu, ti̱kedu ti̱buti̱nu chi bwiyu ki̱badde we. 13Ti̱kedu wuka fi we bwi chiyu a madu ki̱leti we, aya ti̱ni yichiyu a di̱Kwama yinang ka a dakanang, ti̱ma nangangu ki̱ni ka nang wuwule fiye we bwiyu ke a ri̱ka di̱n Kwamanu. Nii wu ni̱ba chake a Fa̱li bwai a ya ti̱kuri ka si Kwama. 14Ki̱letiyu a taddi̱ chi̱n we a fa̱la̱ng, yo kwer yilangu a mabu nanga we dur chi̱nangu, kana li̱me wu a Kwama.
Da wu a bunti̱ki̱ Kwamange
15A du wule fal? Ni ma ki̱letiyu di̱ne a ne yili̱ntu wenga? Ko bayim! 16Ta yimbu tiko ka n ni dur munu a wuka niye mwang kau ki̱mi̱n ka̱be, mun ka̱be we ni wuko mun ma ki̱mi̱n kwa̱mbi̱ra? Ka ta ma fiswe ki̱letiye wu ki̱bedu ki̱ni bwa ka bi̱bu ki̱ma Kwama mi̱n kwa̱mbi̱ri̱me, bi̱bu ki̱yo yaku yilengu. 17Aya Kwama a mabe, di̱ne kasi ki̱ku n ti̱n no ka̱bi ki̱letiyangu, ki̱ka̱ngu ti̱ma kwa̱mbi̱ru ki̱ni ni̱ri diin we ki̱duum miyaki̱m ti̱yadi̱mu. 18Ni̱bu a chaku chi̱n we ki̱letiyyu, ti̱kau ka̱bi yiya yilei.
19N fwa ya̱m bi̱bu ki̱ni ki̱swi a niye di̱ne ki̱taku changu a niyangu. Feredi a no ti̱ke nangi̱n ti̱tu a lebitu n ti nangi̱n ti̱bwilatu, aya ki̱ka̱ngu ti̱ma nangangi ki̱n a yile, wu kayo ni kau ni̱bu Kwamame.
20Ki̱dangu n ti̱n a no ka̱bi ki̱letiyangu, a no dwaku yilengu a newe kwir chi̱nu. 21A li̱m chimi̱n a wureni we ki̱dang kangu yo no ti̱ma chi ki̱ni chi̱n dibwiye? Ti̱chitu wu ki̱yale bwa. 22Aya ki̱ka̱ngu ta chire we ki̱letiyu ta kau ka̱bi Kwamamu, li̱me ta ya, nang wu a yikani ki̱ni chi̱n ta kau ni̱bu Kwamam, ta ngau duru a ti̱kuri ki̱diya kwadi. 23Nangki̱n, chi ki̱nabu kuteng ki̱letiyange bwa aya li̱me Kwama ti̱kuri ki̱diya kwadi a di̱n Tewuduwe Yesu Masiya.
S'ha seleccionat:
Romam 6: Tula
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2015, The Nigeria Bible Translation Trust and Wycliffe Bible Translators, Inc. All rights reserved.
Romam 6
6
Dukan Ki̱letinu a kiyan
1Yoye ni fwadu ko wule? Ni chakakku ki̱ni ki̱letiyu ke li̱me Kwama a laan fikonga? 2Kwako! A niyang tu niyang bwa we ki̱letiyu, a mayire ni chakakku we mure chike? 3Yoye ta yimbu ti n chi̱ni bi̱bu ni̱ba ma nimi̱n batismamu ni kabi wiin a di̱n Yesun Masiya, di̱ne yiko ni bwa ti̱n ware. 4Ki̱dangu ni ma batisma, ni bwa, a fur ni ware n ti ki̱n, ni kabi wiin n ti ki̱n we bwa a fi wiine yinangu a kuku Yesu Masiya we furu ki̱ni dwiyen Kwamatangu, n chi̱ni ti̱n ni ya yayu wu fwiye.
5Nangki̱n yo niyang kabi wiin n ti ki̱n we bwako, ni kun ti̱nu ware n ti ki̱n we kunku kwa̱miyangu. 6Ni yim ko da wuka̱re a bwa n ti ki̱n we ki̱tiyang bwangu ke ki̱leti chireyu a yadu dukan we duru ki̱diya kwad. N chi̱ni n ke ka̱bi ki̱leti ki̱ka̱ngu. 7Nangki̱n ka ni a bwa n ti Yesuwe, a chir we dukan ki̱letinu. 8Ki̱ka̱ngu, ka ni a bwa n ti Yesu Masiya, ni ke bi̱yili̱mu ka kunnu n ti ki̱n.
9Ki̱kumang ni yim n Yesu Masiya a kun we furu, ti̱nti̱ne a ne ki̱ladu ka bwati̱nu we. Kanang chikiye, bwa a ne dukan we dur ki̱nu. 10Bwa wu n ki̱n a ma, a bwa da kiin ko ke ki̱ki dukan bwanu, aya da wu n ki̱n ki̱madu ki̱ka̱nge, ki̱madu ko ke n Kwama ya dwiyentu. 11A fi wiine, ta ki yichiyu a bi̱bwari̱m, aya bi̱kuri̱m we di̱n Kwama nu a di̱n Yesun.
12Di̱ne yiko, ke ki̱letiyu a chadu mati̱ntu we dutu chi̱ntu, ti̱kedu ti̱buti̱nu chi bwiyu ki̱badde we. 13Ti̱kedu wuka fi we bwi chiyu a madu ki̱leti we, aya ti̱ni yichiyu a di̱Kwama yinang ka a dakanang, ti̱ma nangangu ki̱ni ka nang wuwule fiye we bwiyu ke a ri̱ka di̱n Kwamanu. Nii wu ni̱ba chake a Fa̱li bwai a ya ti̱kuri ka si Kwama. 14Ki̱letiyu a taddi̱ chi̱n we a fa̱la̱ng, yo kwer yilangu a mabu nanga we dur chi̱nangu, kana li̱me wu a Kwama.
Da wu a bunti̱ki̱ Kwamange
15A du wule fal? Ni ma ki̱letiyu di̱ne a ne yili̱ntu wenga? Ko bayim! 16Ta yimbu tiko ka n ni dur munu a wuka niye mwang kau ki̱mi̱n ka̱be, mun ka̱be we ni wuko mun ma ki̱mi̱n kwa̱mbi̱ra? Ka ta ma fiswe ki̱letiye wu ki̱bedu ki̱ni bwa ka bi̱bu ki̱ma Kwama mi̱n kwa̱mbi̱ri̱me, bi̱bu ki̱yo yaku yilengu. 17Aya Kwama a mabe, di̱ne kasi ki̱ku n ti̱n no ka̱bi ki̱letiyangu, ki̱ka̱ngu ti̱ma kwa̱mbi̱ru ki̱ni ni̱ri diin we ki̱duum miyaki̱m ti̱yadi̱mu. 18Ni̱bu a chaku chi̱n we ki̱letiyyu, ti̱kau ka̱bi yiya yilei.
19N fwa ya̱m bi̱bu ki̱ni ki̱swi a niye di̱ne ki̱taku changu a niyangu. Feredi a no ti̱ke nangi̱n ti̱tu a lebitu n ti nangi̱n ti̱bwilatu, aya ki̱ka̱ngu ti̱ma nangangi ki̱n a yile, wu kayo ni kau ni̱bu Kwamame.
20Ki̱dangu n ti̱n a no ka̱bi ki̱letiyangu, a no dwaku yilengu a newe kwir chi̱nu. 21A li̱m chimi̱n a wureni we ki̱dang kangu yo no ti̱ma chi ki̱ni chi̱n dibwiye? Ti̱chitu wu ki̱yale bwa. 22Aya ki̱ka̱ngu ta chire we ki̱letiyu ta kau ka̱bi Kwamamu, li̱me ta ya, nang wu a yikani ki̱ni chi̱n ta kau ni̱bu Kwamam, ta ngau duru a ti̱kuri ki̱diya kwadi. 23Nangki̱n, chi ki̱nabu kuteng ki̱letiyange bwa aya li̱me Kwama ti̱kuri ki̱diya kwadi a di̱n Tewuduwe Yesu Masiya.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2015, The Nigeria Bible Translation Trust and Wycliffe Bible Translators, Inc. All rights reserved.