Apokaliipsis 17:14

Tul laʼ motx ibʼan vet txhʼaʼo tuchʼ JesuKriisto uvaʼ ech tilix, eche chelem karneʼl. Aʼetz JesuKriisto uvaʼ ech tilix, eche chelem karneʼl, laʼ oleʼv tiʼ teesalaq iqʼij. Tan aʼe, uvaʼ palnaʼq tiqleʼm tiibʼa inqʼa bʼaala. Atz aʼe u mam iqʼesal tiibʼa inqʼa mam iqʼesal. Jankʼaletzxh inqʼa xaol, inqʼa laʼ txhʼuyeʼv tiʼ JesuKriisto uvaʼ ech tilix, eche chelem karneʼl, tan aʼetz inqʼa xaole, inqʼa saʼel veteʼ; atz inqʼa chʼexel veteʼ; atz inqʼa kʼuqlebʼxh kʼuul tatin s-kʼatza, —xeʼt u aanxel s-ve.