Hosiya 11
11
N-yemobu Chileke l'ẹhu ndu Ízurẹlu
1“Teke Ízurẹlu bụ nwata
bẹ mu yeru iya obu shii.
Ọ bụru l'alị Ijiputu bẹ mu
jeru je ekua nwa mu
nwoke ono.
2Obenu l'ọobujeru;
mu -nọdu eku ndu Ízurẹlu
ono oku;
ẹphe aka mu akpịriberu
ụzenya.
Ẹphe nọdu anọduje agwa
Balụ;
bya anọdu anọduje akpọ
ụ̀nwù-isẹnsu ọku anụ
ntẹkpe.
3Ọ kwa mbẹdua ziru ndu
Ifuremu ije.
Mu shi esetajẹ phẹ l'ẹka.
Ọphu ẹphe amadụ l'ọo
mbẹdua bụ onye meru
g'ẹhu dụ phẹ ike.
4Mu shi egudeje obu-imemini
gude ehe phẹ.
Ọ bụru eye obu, mu yeru phẹ
bẹ mu gude edu phẹ.
Mu shi ezije phẹ ivu-ẹrwa,
ẹphe vu;
mu ephozekpọ ephoze
dee phẹ nri.
5“Ẹphe e-mechaa laphu azụ lẹ Ijiputu. Ọ bụru ndu Asiriya e-mechaa bụru ishi phẹ; noo kẹle ẹphe jịkaru l'ẹphe taa lwadụ azụ alwapfuta mu. 6Ogu-echi e-mechaa jeaha iphu iphu lẹ mkpụkpu lẹ mkpụkpu phẹ. Mbụ gbukashịa ọguzo-igwe, e yeru l'ọnu-abata mkpụkpu phẹ; mee iphemiphe, ẹphe chịru k'ememe; ọ tọ dụedu ọphu ẹphe eme. 7Ndibe mu kebefụtaekwarupho l'ẹphe a-lụfu mu l'ẹka; mbụ-a; ọ tọ dụkwa m'obeta ẹphe kuchakpọnu onye ono, bụ Ọkalibe-kakọta-shii onoya; ọ tọ dụedu iphe, e-mekwadụ g'o kutsee phẹ ọzo.
8“Sụ-a; gụbe Ifuremu;
?dẹnukpoo gẹ mu e-shi
haa ngu?
Gụbe Ízurẹlu; ?dẹnukpoo
gẹ mu e-shi woru ngu
ye ndu ọzo l'ẹka?
?Dẹnu gẹ mu e-shi mee
ngu gẹ mu meru ndu
mkpụkpu Adama?
?Dẹnu gẹ mu e-shi mee
ngu gẹ mu meru ndu
mkpụkpu Zebowimu?
Egomunggo lwaakwaru
mu azụ.
Ọoguakwa mu agụshi mu
ike g'a sụ lẹ mu phụru
ngu obu-imemini.
9Mu ta atụ-koshikwa ngu
oke ẹhu-eghu mu;
ọphu mu alwakwa azụ
abya emebyishi Ifuremu;
noo kẹle mu bụ Chileke;
mu ta abụdu nemadzụ.
Ọo mu bụ onye dụ nsọ,
nọ l'echilabọ unu;
ọphu mu egudekwa
oke ẹhu-eghu mu
abyapfuta unu.
10“Ẹphe e-mechakwaa tsoahaa Chipfu. Mbụ lẹ mu a-sụ ekiri g'oduma. Teke mu sụru ekiri ono; ụnwu mu anmarụ pyaapyaapyaa shi l'ụzo ẹnyanwu-arịba bya. 11Ẹphe eshikwaphọ lẹ Ijiputu phụru kwẹekwee bya gẹ nwẹnu. Ẹphe adụ gẹ ndo shi l'alị Asiriya bya. Mu eworu phẹ chịkobe; ẹphe eburu l'ibe phẹ.” Nokwa iphe, Chipfu eepfu.
Iphe-ẹji, ndu Ízurẹlu eme
12“Ndu Ifuremu gudeakwa adzụ ụka gbaphee mu mgburugburu. Ọnu-ụlo Ízurẹlu nọdu agbaru mu ẹregede. Obenu lẹ ndu Jiuda bẹ Chileke maru; mbụ lẹ ẹphebedua bẹ Onye Nsọ ono gudekwadụ ire phẹ ẹka.”
S'ha seleccionat:
Hosiya 11: Izii
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2014 Wycliffe Bible Translators, Inc. in cooperation with Abakaliki Literacy and Translation Trust