NÁN RÓMA VɄ 1
1
Hȩn vá"ı̵́ɨ
1Mí Póllu̵, nán ba'ad Yesu Krístu woo, Tayɨɨ ka yeen moo a̧n mbaa waa ba'ad bii, a̧n tú' moo to̧o̧ 'maŋ bii nu yɛ nɔ.
2Tayɨɨ ká ta ya̧g woo yúú moo to̧o̧ 'maŋ yȩlȩ́ ɗii sú̵'ú̵; anábi woo vu̵u̵ moo moo woo debtere Tayɨɨ woolı̵́. 3Moo to̧o̧ 'maŋ yȩ tú' moo yúú Waa Tayɨɨ woolı̵́, ku̵u̵ ha̧a̧wo̧ nánánná zig gbanii Daavíd woolı̵́ yȩ nɔ. 4A̧máa yigid Tayɨɨ woo ka dɨ woolı̵́ yȩ, tú' Yesu ba Waa Tayɨɨ woo ka baa mba hȩn má nɔ. Tú' hȩn woo sey Tayɨɨ ka nimmɔ sa̧a̧m nán nɔm voolı̵́ má nɔ. Wu̵ Yesu Krístu ı̵́ 'yɛ́lı̵́ baa ví. 5Moo woo nɔ ma, Tayɨɨ kɔ́n zó̧ó̧ nán, 'yɛ́n waa ba'ad woo, moo na"ȩ́ Krístu woo nɔ, moo a̧n tú'ud zig nán 'waapád u̵u̵ 'yɛ́ zó̧ó̧ voo Tayɨɨ woolı̵́, u̵u̵ kiddu̵ tɔ́ggɨ. 6Ví á̧ḿ, Tayɨɨ bee ví moo i mbaa nán Yesu Krístu woo vu̵ yu̵.
7Ɨ́ kíí mbaa kaa Rómalȩ́, Tayɨɨ ka hí̧í̧ ví, ka bee ví moo i mbaa nán bii nu yȩ, ya víí 'waapád, mí ba'ad víw ɗerwəl yɛ.
Ba' baa ví Tayɨɨ kan ı̵́ 'yɛ́lı̵́ Yesu Krístu u̵u̵ kɔ́d ví zó̧ó̧ nán, u̵u̵ 'yɛ́ ví i mbaa ká̧'a̧dɨ.
Pól hí̧í̧ bi la ho̧ nán kirtȩ́n vu̵ kaa Rómalȩ́
8Mí dəŋ dȩn Tayɨɨ míí nag kan yɛ́g Yesu Krístu woo yúú víílí 'waapád, moo vu̵ moo moo yúú zó̧ó̧ 'yɛ́lı̵́ víílí ya 'waapád hágá yɛlı̵́. 9-10Tayɨɨ gaa ba mín moo moo yȩ́ńne. Mí kɔ́d wu̵ yu̵ ba'ad kan zó̧ó̧ míí 'waapád; mí pa moo to̧o̧ 'maŋ yúú Waa woo woolı̵́. Tayɨɨ gaa ba káń dɨd bi moo o̧lȩ́ tée, ba mín baa taa ví wu̵lı̵́ sey 'waapád. Mí o̧ddu̵ a hí̧í̧ ú̧ tée, míń laa ví ho̧lȩ́ dɨlı̵́, 11moo mí hí̧í̧ ví ho̧lȩ́ dam pɛ́lı̵́, moo bi pa̧n ví la hȩn pú̵lı̵́ yigid Tayɨɨ woo tóó, bi sȩn ví fó̧ó̧ wu̵lı̵́ á̧ḿ. 12Hȩn káń hí̧í̧ bi laa víílí máa, moo fó̧ó̧ a sȩ́ń ba ví ú. Zó̧ó̧ 'yɛ́lı̵́ baa ví a sȩn ba ví fó̧ó̧, ı̵́ víí kan ı̵́ míí á̧ḿ.
13Dan kirtȩ́n vu̵, mí hí̧í̧ i gaa ba mín dɨ hȩn mbɔ́ggı̵́, moo bi laa víílí, a̧máa hȩn woo baa ka 'yɛ́n zu̵u̵ há̧á̧ ya̧ 'ya̧'a̧ yɛ yɔ. Mí hí̧í̧ ba'ad míí a laa tíŋ́ tíŋ́ du̵u̵lı̵́ na'a víílí sa̧a̧mé á̧ḿ, kɔ́ ı̵́ ka kɔ́y sa̧a̧m zig tóó voolı̵́ máa wɔgɔ. 14Ba'ad míí wu̵ yɛ nɔ, moo laalı̵́ waa kaa voolı̵́, kan nán hó̧g tíŋ́ voolı̵́, kan nán hȩn gaalı̵́ voolı̵́, kan nán ı̵́ ku̵u̵ gaan hȩn né máa voolı̵́ á̧ḿ. 15Moo woo nɔ, mí hí̧í̧ bi pa̧n ví la moo to̧o̧ 'maŋ yɛ kaa Rómalȩ́ á̧ḿ.
Moo to̧o̧ 'maŋ wu̵ pú̵ néélȩ́ Tayɨɨ woo
16Sȩ́ḿ kɔ́n mí yúú moo to̧o̧ 'maŋŋı̵́ né, moo wu̵ néélȩ́ Tayɨɨ woo, ka bi səd nán zó̧ó̧ 'yɛ́lı̵́ vu̵ wu̵lı̵́ má nɔ. Dəŋ nán Yúúda voolı̵́, ma laa nán ı̵́ ku̵u̵ Yúúda pɛ́lı̵́ máa voolı̵́ á̧ḿ, 17moo moo to̧o̧ 'maŋ tú' dəŋ née Tayɨɨ ba to̧n kan nán vu̵lá. Kɔ́y də́ń kan zó̧ó̧ 'yɛ́lı̵́ kɔ́ ı̵́ debtere ka o̧ wɔgɔ, o̧: “Nán a 'yɛ́ zó̧ó̧ woo Tayɨɨ woolı̵́, tée Tayɨɨ sı̵́ń to̧n kannɔ, tée nán yȩ wú̵ń nuŋ vágád yȩ́ńná.”
Nán vu̵ kɔ́d Tayɨɨ hȩn ɓı̵́d sú̵'ú̵
18Tayɨɨ kɔ́ zó̧ó̧ yȩ́ȩ́ zu̵u̵ be"ı̵́ pi, si̧'i̧d nán vu̵ yúú hȩn ɓı̵́d ku̵u̵ kɔ́, kan ba'ad ɓı̵́d voo vu̵ ku̵u̵ há' moo yȩ́ń a moy sá yȩlȩ́. 19Tayɨɨ si̧'i̧d vu̵, moo hȩn ka vu̵n gaa Tayɨɨ woolı̵́ máa, vu̵ ho̧ 'waa sı̵́ voo ú̵. Tayɨɨ aga tú'ud vu̵ sú̵'ú̵ á̧ḿ, 20moo sey Tayɨɨ ka dəŋ yɨb hȩn máa, ba'ad woo ka kɔ́ yȩ vu̵u̵ tú' mbaalı̵́ woo, kaa ho̧nnɔ kan nɔ́ɔ́ né yȩ, kan hȩn mbalı̵́ woo, kan mbaalı̵́ woo káákáá yȩ á̧ḿ. Nán u̵u̵ gaawu̵ yúú hȩn woo yȩ vu̵lı̵́. Moo woo nɔ, nán vu̵ kan ya̧g moo su̵u̵né pɛ́lı̵́.
21Vu̵ gaa Tayɨɨ sú̵'ú̵, a̧máa vu̵ na'anɔ né; vu̵ dȩnnɔ nag kɔ́ ı̵́ ka hí̧i̧n wɔgɔ né á̧ḿ. A̧máa vu̵ tii taa moo 'yɨg la ka'adı̵́; zó̧ó̧ ya̧ŋ voo tii vu̵, vu̵ mbaa la dimná. 22Vu̵ o̧ ba bin nán hȩn gaalı̵́ɨ, a̧máa vu̵ ya̧ŋŋɨ. 23Vu̵ na'an hȩn gbo̧o̧ Tayɨɨ woo ka nɔɔ né yȩ né, vu̵ tii na' fóto nánán voo kɔ́ u̵u̵ dɨ nɔɔlȩ́ yȩ vu̵ á̧ḿ, kan ı̵́ nɔ́g voo, kan pú̵g ı̵́ doo ndaddú̵ voo, kan hȩn ı̵́ ku̵u̵ wóó hágá voo á̧ḿ.
24Moo woo nɔ ma, Tayɨɨ ndaa vu̵ gbɔ la wu̵lı̵́; vu̵ kɔ́ hȩn zó̧ó̧ fá̧á̧lȩ́ kɔ́ ı̵́ ku̵u̵ hí̧í̧ wɔgɔ, ma vu̵ la kɔ́ń hȩn sȩ́ḿ voolı̵́ sa̧a̧mé. 25Vu̵ tii moo yȩ́ń Tayɨɨ woo moo vbád. Vu̵ na' hȩn Tayɨɨ ka yɨb vu̵, vu̵ kɔ́d vu̵ ba'ad, a̧máa vu̵ na'an ı̵́ hȩn yɨmné aga né. Ba na' ví wu̵ yu̵ káákáá; aamɛ́n.
26Moo woo nɔ, Tayɨɨ ndaa vu̵ gbɔ la, moo u̵u̵ kɔ́ hȩn sí̧i̧d kan hȩn sȩ́ḿ vu̵. Kȩ́ȩ́ voo vu̵ á̧ḿ, vu̵ ud kan daga vu̵; ı̵́ yȩ máa, hȩn kɔ́lı̵́ɨ pɛ́lı̵́! 27Wayée vu̵ á̧ḿ, vu̵ ma únní kan wakȩ́ȩ́ vu̵, vu̵ pi zó̧ó̧ moo únní kan daga wayée vu̵, vu̵ kɔ́ hȩn sȩ́ḿ kan daga vu̵, ma vu̵ nuŋ hȩn si̧'i̧ní ku̵u̵ maa nuní máa fó̧ó̧ voolı̵́.
28Ku̵u̵ sɛ́n Tayɨɨ gaalı̵́ né máa, Tayɨɨ ndaa vu̵ gbɔ la, u̵u̵ mbaa kan moo taalı̵́ voo ka líi ní yȩlȩ́, moo u̵u̵ kɔ́ hȩn ka maan kɔ́lı̵́ né má nɔ. 29Zó̧ó̧ voo vu̵ hi̧' kan hȩn Tayɨɨ ka sɛ́n né máa; vu̵ kɔ́ hȩn ɓı̵́d, vu̵ sú̵ zó̧ó̧ hȩn daga voo vu̵lı̵́, vu̵ lı̵́ń. Sɨg mɔ́nné hi̧' zó̧ó̧ voolı̵́. Vu̵ nɔɔ nɔm, vu̵ háń, vu̵ sóo hȩn, vu̵ dɔn hȩn, vu̵ moo moo ɓı̵́d yúú daga voolı̵́. 30Vu̵ ó̧ń moo ɓı̵́d ya voolı̵́, vu̵ máń Tayɨɨ, vu̵ ɓéé hȩn, vu̵ na' yúú, vu̵ sə̧' ya̧g vbád, vu̵ yɨb hȩn ɓı̵́d kɔ́lı̵́ 'maŋ vu̵, vu̵ ɓéé ı̵́ ha̧a̧lȩ́ voo vu̵. 31Vu̵ taan hȩn kɔ́lı̵́ bii ba hȩn ɓı̵́ddɨ máa né. Vu̵ duun ya̧g talı̵́ voo né. Vu̵ lı̵́n mba hȩn, vu̵ kɔ́n daga vu̵ zó̧ó̧ nán né. 32Vu̵ gaa Tayɨɨ ba mbɔ́g moo o̧ nán ba ku̵u̵ kɔ́ hȩn ɓı̵́d yȩ vu̵ máa, ba vu̵n maa nɔmme. Kóó ı̵́ yo̧go̧ si̧', vu̵ baa kɔ́ hȩn yȩ vu̵, vu̵ dəm nán ku̵u̵ kɔ́ hȩn woo vu̵ á̧ḿ.
S'ha seleccionat:
NÁN RÓMA VɄ 1: DIINT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Nouveau Testament en Dii © Bible Society of Cameroon, 2001.
NÁN RÓMA VɄ 1
1
Hȩn vá"ı̵́ɨ
1Mí Póllu̵, nán ba'ad Yesu Krístu woo, Tayɨɨ ka yeen moo a̧n mbaa waa ba'ad bii, a̧n tú' moo to̧o̧ 'maŋ bii nu yɛ nɔ.
2Tayɨɨ ká ta ya̧g woo yúú moo to̧o̧ 'maŋ yȩlȩ́ ɗii sú̵'ú̵; anábi woo vu̵u̵ moo moo woo debtere Tayɨɨ woolı̵́. 3Moo to̧o̧ 'maŋ yȩ tú' moo yúú Waa Tayɨɨ woolı̵́, ku̵u̵ ha̧a̧wo̧ nánánná zig gbanii Daavíd woolı̵́ yȩ nɔ. 4A̧máa yigid Tayɨɨ woo ka dɨ woolı̵́ yȩ, tú' Yesu ba Waa Tayɨɨ woo ka baa mba hȩn má nɔ. Tú' hȩn woo sey Tayɨɨ ka nimmɔ sa̧a̧m nán nɔm voolı̵́ má nɔ. Wu̵ Yesu Krístu ı̵́ 'yɛ́lı̵́ baa ví. 5Moo woo nɔ ma, Tayɨɨ kɔ́n zó̧ó̧ nán, 'yɛ́n waa ba'ad woo, moo na"ȩ́ Krístu woo nɔ, moo a̧n tú'ud zig nán 'waapád u̵u̵ 'yɛ́ zó̧ó̧ voo Tayɨɨ woolı̵́, u̵u̵ kiddu̵ tɔ́ggɨ. 6Ví á̧ḿ, Tayɨɨ bee ví moo i mbaa nán Yesu Krístu woo vu̵ yu̵.
7Ɨ́ kíí mbaa kaa Rómalȩ́, Tayɨɨ ka hí̧í̧ ví, ka bee ví moo i mbaa nán bii nu yȩ, ya víí 'waapád, mí ba'ad víw ɗerwəl yɛ.
Ba' baa ví Tayɨɨ kan ı̵́ 'yɛ́lı̵́ Yesu Krístu u̵u̵ kɔ́d ví zó̧ó̧ nán, u̵u̵ 'yɛ́ ví i mbaa ká̧'a̧dɨ.
Pól hí̧í̧ bi la ho̧ nán kirtȩ́n vu̵ kaa Rómalȩ́
8Mí dəŋ dȩn Tayɨɨ míí nag kan yɛ́g Yesu Krístu woo yúú víílí 'waapád, moo vu̵ moo moo yúú zó̧ó̧ 'yɛ́lı̵́ víílí ya 'waapád hágá yɛlı̵́. 9-10Tayɨɨ gaa ba mín moo moo yȩ́ńne. Mí kɔ́d wu̵ yu̵ ba'ad kan zó̧ó̧ míí 'waapád; mí pa moo to̧o̧ 'maŋ yúú Waa woo woolı̵́. Tayɨɨ gaa ba káń dɨd bi moo o̧lȩ́ tée, ba mín baa taa ví wu̵lı̵́ sey 'waapád. Mí o̧ddu̵ a hí̧í̧ ú̧ tée, míń laa ví ho̧lȩ́ dɨlı̵́, 11moo mí hí̧í̧ ví ho̧lȩ́ dam pɛ́lı̵́, moo bi pa̧n ví la hȩn pú̵lı̵́ yigid Tayɨɨ woo tóó, bi sȩn ví fó̧ó̧ wu̵lı̵́ á̧ḿ. 12Hȩn káń hí̧í̧ bi laa víílí máa, moo fó̧ó̧ a sȩ́ń ba ví ú. Zó̧ó̧ 'yɛ́lı̵́ baa ví a sȩn ba ví fó̧ó̧, ı̵́ víí kan ı̵́ míí á̧ḿ.
13Dan kirtȩ́n vu̵, mí hí̧í̧ i gaa ba mín dɨ hȩn mbɔ́ggı̵́, moo bi laa víílí, a̧máa hȩn woo baa ka 'yɛ́n zu̵u̵ há̧á̧ ya̧ 'ya̧'a̧ yɛ yɔ. Mí hí̧í̧ ba'ad míí a laa tíŋ́ tíŋ́ du̵u̵lı̵́ na'a víílí sa̧a̧mé á̧ḿ, kɔ́ ı̵́ ka kɔ́y sa̧a̧m zig tóó voolı̵́ máa wɔgɔ. 14Ba'ad míí wu̵ yɛ nɔ, moo laalı̵́ waa kaa voolı̵́, kan nán hó̧g tíŋ́ voolı̵́, kan nán hȩn gaalı̵́ voolı̵́, kan nán ı̵́ ku̵u̵ gaan hȩn né máa voolı̵́ á̧ḿ. 15Moo woo nɔ, mí hí̧í̧ bi pa̧n ví la moo to̧o̧ 'maŋ yɛ kaa Rómalȩ́ á̧ḿ.
Moo to̧o̧ 'maŋ wu̵ pú̵ néélȩ́ Tayɨɨ woo
16Sȩ́ḿ kɔ́n mí yúú moo to̧o̧ 'maŋŋı̵́ né, moo wu̵ néélȩ́ Tayɨɨ woo, ka bi səd nán zó̧ó̧ 'yɛ́lı̵́ vu̵ wu̵lı̵́ má nɔ. Dəŋ nán Yúúda voolı̵́, ma laa nán ı̵́ ku̵u̵ Yúúda pɛ́lı̵́ máa voolı̵́ á̧ḿ, 17moo moo to̧o̧ 'maŋ tú' dəŋ née Tayɨɨ ba to̧n kan nán vu̵lá. Kɔ́y də́ń kan zó̧ó̧ 'yɛ́lı̵́ kɔ́ ı̵́ debtere ka o̧ wɔgɔ, o̧: “Nán a 'yɛ́ zó̧ó̧ woo Tayɨɨ woolı̵́, tée Tayɨɨ sı̵́ń to̧n kannɔ, tée nán yȩ wú̵ń nuŋ vágád yȩ́ńná.”
Nán vu̵ kɔ́d Tayɨɨ hȩn ɓı̵́d sú̵'ú̵
18Tayɨɨ kɔ́ zó̧ó̧ yȩ́ȩ́ zu̵u̵ be"ı̵́ pi, si̧'i̧d nán vu̵ yúú hȩn ɓı̵́d ku̵u̵ kɔ́, kan ba'ad ɓı̵́d voo vu̵ ku̵u̵ há' moo yȩ́ń a moy sá yȩlȩ́. 19Tayɨɨ si̧'i̧d vu̵, moo hȩn ka vu̵n gaa Tayɨɨ woolı̵́ máa, vu̵ ho̧ 'waa sı̵́ voo ú̵. Tayɨɨ aga tú'ud vu̵ sú̵'ú̵ á̧ḿ, 20moo sey Tayɨɨ ka dəŋ yɨb hȩn máa, ba'ad woo ka kɔ́ yȩ vu̵u̵ tú' mbaalı̵́ woo, kaa ho̧nnɔ kan nɔ́ɔ́ né yȩ, kan hȩn mbalı̵́ woo, kan mbaalı̵́ woo káákáá yȩ á̧ḿ. Nán u̵u̵ gaawu̵ yúú hȩn woo yȩ vu̵lı̵́. Moo woo nɔ, nán vu̵ kan ya̧g moo su̵u̵né pɛ́lı̵́.
21Vu̵ gaa Tayɨɨ sú̵'ú̵, a̧máa vu̵ na'anɔ né; vu̵ dȩnnɔ nag kɔ́ ı̵́ ka hí̧i̧n wɔgɔ né á̧ḿ. A̧máa vu̵ tii taa moo 'yɨg la ka'adı̵́; zó̧ó̧ ya̧ŋ voo tii vu̵, vu̵ mbaa la dimná. 22Vu̵ o̧ ba bin nán hȩn gaalı̵́ɨ, a̧máa vu̵ ya̧ŋŋɨ. 23Vu̵ na'an hȩn gbo̧o̧ Tayɨɨ woo ka nɔɔ né yȩ né, vu̵ tii na' fóto nánán voo kɔ́ u̵u̵ dɨ nɔɔlȩ́ yȩ vu̵ á̧ḿ, kan ı̵́ nɔ́g voo, kan pú̵g ı̵́ doo ndaddú̵ voo, kan hȩn ı̵́ ku̵u̵ wóó hágá voo á̧ḿ.
24Moo woo nɔ ma, Tayɨɨ ndaa vu̵ gbɔ la wu̵lı̵́; vu̵ kɔ́ hȩn zó̧ó̧ fá̧á̧lȩ́ kɔ́ ı̵́ ku̵u̵ hí̧í̧ wɔgɔ, ma vu̵ la kɔ́ń hȩn sȩ́ḿ voolı̵́ sa̧a̧mé. 25Vu̵ tii moo yȩ́ń Tayɨɨ woo moo vbád. Vu̵ na' hȩn Tayɨɨ ka yɨb vu̵, vu̵ kɔ́d vu̵ ba'ad, a̧máa vu̵ na'an ı̵́ hȩn yɨmné aga né. Ba na' ví wu̵ yu̵ káákáá; aamɛ́n.
26Moo woo nɔ, Tayɨɨ ndaa vu̵ gbɔ la, moo u̵u̵ kɔ́ hȩn sí̧i̧d kan hȩn sȩ́ḿ vu̵. Kȩ́ȩ́ voo vu̵ á̧ḿ, vu̵ ud kan daga vu̵; ı̵́ yȩ máa, hȩn kɔ́lı̵́ɨ pɛ́lı̵́! 27Wayée vu̵ á̧ḿ, vu̵ ma únní kan wakȩ́ȩ́ vu̵, vu̵ pi zó̧ó̧ moo únní kan daga wayée vu̵, vu̵ kɔ́ hȩn sȩ́ḿ kan daga vu̵, ma vu̵ nuŋ hȩn si̧'i̧ní ku̵u̵ maa nuní máa fó̧ó̧ voolı̵́.
28Ku̵u̵ sɛ́n Tayɨɨ gaalı̵́ né máa, Tayɨɨ ndaa vu̵ gbɔ la, u̵u̵ mbaa kan moo taalı̵́ voo ka líi ní yȩlȩ́, moo u̵u̵ kɔ́ hȩn ka maan kɔ́lı̵́ né má nɔ. 29Zó̧ó̧ voo vu̵ hi̧' kan hȩn Tayɨɨ ka sɛ́n né máa; vu̵ kɔ́ hȩn ɓı̵́d, vu̵ sú̵ zó̧ó̧ hȩn daga voo vu̵lı̵́, vu̵ lı̵́ń. Sɨg mɔ́nné hi̧' zó̧ó̧ voolı̵́. Vu̵ nɔɔ nɔm, vu̵ háń, vu̵ sóo hȩn, vu̵ dɔn hȩn, vu̵ moo moo ɓı̵́d yúú daga voolı̵́. 30Vu̵ ó̧ń moo ɓı̵́d ya voolı̵́, vu̵ máń Tayɨɨ, vu̵ ɓéé hȩn, vu̵ na' yúú, vu̵ sə̧' ya̧g vbád, vu̵ yɨb hȩn ɓı̵́d kɔ́lı̵́ 'maŋ vu̵, vu̵ ɓéé ı̵́ ha̧a̧lȩ́ voo vu̵. 31Vu̵ taan hȩn kɔ́lı̵́ bii ba hȩn ɓı̵́ddɨ máa né. Vu̵ duun ya̧g talı̵́ voo né. Vu̵ lı̵́n mba hȩn, vu̵ kɔ́n daga vu̵ zó̧ó̧ nán né. 32Vu̵ gaa Tayɨɨ ba mbɔ́g moo o̧ nán ba ku̵u̵ kɔ́ hȩn ɓı̵́d yȩ vu̵ máa, ba vu̵n maa nɔmme. Kóó ı̵́ yo̧go̧ si̧', vu̵ baa kɔ́ hȩn yȩ vu̵, vu̵ dəm nán ku̵u̵ kɔ́ hȩn woo vu̵ á̧ḿ.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Nouveau Testament en Dii © Bible Society of Cameroon, 2001.