Piiligu 2
2
1N ŋa n na saazu ni tiŋŋa ni bunso zaa n ba a niŋi daa n maali. 2Daba ayapoin daari Naawunni tuma maa baasi, ka o naa dindaari maa vuusi. 3Naawunni nafa daba ayapoin daari maa, ka loobi u vuusim daa, a kpali bo, o tuma maa zaa baasiya. 4Seema Naawunni n daa n maali saazu ni tiŋŋa n na la.
Seema Naawunni n maali nisaala n ŋa
Duuma Naawunni n daa maali saazu ni tiŋŋa zaa la, 5vatuya ni bumbula daa na ka niŋi, a kpali Duuma Naawunni na bi ti saa ta, ka nira zaa daa n na ka, o ko tiŋgbaŋŋu maa niŋi. 6Ama koom daa n bulisini yi tiŋŋa, a du n maagira tiŋgbaŋŋu maa zaa.
7A jemani maa Duuma Naawunni naa tanni me daba, ka vuusi nyevuri vuusim niŋi o ŋoya niŋi, o loobi nyevuri daana. 8Ka ti Duuma Naawunni digili pu, a yi Idin paaligu n ba wuluŋu pusigu, ka naa daba maa niŋi nisaaniŋi. 9Niŋi n na, Duuma Naawunni ti tisuma zaa baligu buli, seesi wala n veela buli. Tiisi ayi za pu maa sunsuuniŋi, ŋala tira nyevuri, ka ŋala mi tira yasuma ni yabeeri baŋinisim.
10Mogiri mi daa n bani Idin paaligu, a zo n ti maagira pu maa, ka barigi bunaasi. 11Piiligu mogiri maa ba boona Pison, o zo n wara Havila paaligu zaa. 12Sugasuma mi ba niŋi, a ni tulalesuma, a ni kuguso n mari tono. 13Moga ayi daana maa n niŋi Gihon, o mi zo n wara Kusi paaligu zaa. 14Moga atadaana maa n niŋi Tigirisi, a zo n yiira Asiriya paaligu n ba wuluŋu pusigu. Moga anaasidaana maa n niŋi Yufireeti.
15Duuma Naawunni n naa daba maa niŋi pu la n ba Idin paaligu la o doosira, ka nyaasira u. 16Ka ti u zaaligu yeli, “E ni tee n di pu maa tiisi zaa wala, 17ama, da pa ti di tiso n tira yasuma ni yabeeri baŋinisim la wala. A kpali bo, dindaso zaa e n di u, e ni kpi.”
18Niŋi n na, Duuma Naawunni yeli, “O bi daga daba ko n ba niŋi, m ni maali suŋina, o niŋi o todaana.” 19A jemani maa o naa tanni me buŋkobiri ni niinsi zaa, ka naag a ta daba maa saani, o digili a yuya. 20Daba maa n digili a yuya maa baasi, o bi nye o suŋina zaa yi a puwa.
21Niŋi n na, Duuma Naawunni ti daba maa gbisi ga. O n gbisira maa, Duuma Naawunni nyisi o nyekobiri, ka ti nisaaniŋi ti yo. 22O naa nyekobiri maa maali poga, a ti daba maa. 23A nyaaŋa daba maa yeli, “Pimparaŋa wune m pa nye m gbagba ŋmaani, m koba niŋi kobiri, m valiga niŋi valiga. O n yi daba niŋi zu, o yuuri n niŋi poga.” 24Lala zu, daba yi cheli o ba ni o ma, ka naa poga, ba loobi luŋko.
25Daba maa ni poga maa daa n marini alibana, ka vi bi mari ba.
S'ha seleccionat:
Piiligu 2: hag
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2015, Ghana Institute of Linguistics, Literacy and Bible Translation (GILBTT)