TE ƔƐƐ VAITIƐ 16
16
Temete ɣa vɛɛzu Pɔɔ va ta Saila
1É vaani ƃalaa pɛ Dɔɔbi ta Lesetela. Kala dopo ta ɣɛni na daa ga Temete é ga Dusi ŋaza nu ta duu, ŋaza nui nii Ziizɛ ʋaa ziɣiai ɣɛ bɛ́ ga gaama. Kɛ̀ Temete keea ɣɛni ga Geliiki nu. 2Tɔ́wɔ vagɔi ɣɛni Kolai maa veaitiɛ la te Lesetela ta Aikoonia. 3Pɔɔ ɣɛni wõizu Temete vɛɛ ba. Na ma é siɣini é sei kpoto ma Dusiitiɛ zaƃu ma te ɣɛni minɛ ligi zu, ƃɔvɛlaale te ɣaazɔ te ɣɛni ga kwɛ̃ɛga ga kéea ɣɛni ga Geliiki nu. 4Tei te ɣɛni leve‐tevesu taitiɛ zu, deʋei niitiɛ Ziizɛ na keelaitiɛ ƃɔga to‐tuoitiɛ te zeini ma te bo Yɛlusulɛɛ, te daani te ya ga te ziɛ la. 5Na ma Gala pɛlɛitiɛ zu ɣɛni ƃaazu zee‐la‐mai zu, na ɣa ɣɛɛ na nu liigoi é ɣɛ na su yìɛ wɔɔlɔ ma ga gela‐bo pele ɣile‐gile.
Masadoonia zunui maʋai wuu ʋai Pɔɔ ɣaazu
6Te leveni Felegia yui zu ta Galeesia yui, tei Gala baa ŋinɛgi te ƃe teveni woi‐wo fai va Eezia yui zu. 7Tei te vaani Maisia yui ɣeeɣi daavɛ, te ná wɔ̃ɔni ga te li Betenia yui zu, kɛ̀ Ziizɛ vaa ŋinɛgi lɛ ʋaani bu te ya. 8Na ma tei te leveni ga Maisia yui zu vele, te liini Toolɛɛ lai zu. 9Ná wuuni Pɔɔ ɣaazu ga kpidi Masadoonia yui zu nu ta loni yíɛ maa nɛɛnɛ yíɛ ɣɛ tea, “Va Masadoonia è ƃɔ gé va.” 10Na ma tei sa ná wuuni gáazu, gé pele ɣaa ziɛni ga maa ʋilea ga gé li Masadoonia, gíɛ gaa ɣa ga Gala ge gé liliga ga gé woo vagɔi wo te ma.
Ledia luo vele maa‐ʋeli fai
11Na ma tei sa gé ziɣini Toolɛɛ, gé zeini yuwu ɣa gé pele zakpa gé li Samotelee. Na wulu ʋoloi gé li Niapole lai zu. 12Gé ziɣi minɛ kɔnɔ gé li Felepai, nii é ga Masadoonia ligi zu laa walai é wɔnɔ Loomɛitiɛ wu. Gé kuu fele kuloni tai nii zu. 13Tei é ɣɛni ga doowo foloi, gé liini siɣi puluvɛ ziɛ walai woba vɛ é ɣɛni gé wuu zu ga Gala‐feli ŋada laa ɣɛni na. Gé zeini gé ƃɔɛ ŋazai niitiɛ wɔ te ƃɔni te va. 14Nui é gé woi mɛnini te zaama é ɣɛni ga ŋaza nu ta daa ga Ledia kuloai Tayataila lai zu, é ga seɣe ƃoi‐ƃoi sɔ̃wɔ‐wulo nu. É ɣɛni ga Gala‐feli nu. De maliɣii zíi laa laoni ga é wui to nii ma Pɔɔ ɣɛni bosu. 15Tei é bataizei maa zɔlɔ woni é vɛɛ pɔ́ pɛlɛ wu vea va, é gé maa nɛɛnɛni yíɛ ɣɛ tea, “Ani wo wɛlɛɛ ná va ga zèe laavɛ de maliɣii ma, a va nà pɛlɛi wu wo yɛ na.” Tɔwɔ daa lɔɔni gé va.
Felepai ƃidi vɛlɛ wu ʋai
16Tei gé ɣɛni liizu Gala‐feli ŋada laavɛ, duo ŋaza nu loma ta ɣɛni vaazu gá tiɛni gé wũi nii gɔʋɛ ta ɣɛni pulu ɔ́ kɛ goi yìɛ leve ma. É vaani ga ŋɛni lamaa ná nu kɛɛ vea wɔ ŋada‐ƃɛɛ ʋai zaala zu. 17É vileni gé wulu gá Pɔɔni yíɛ loba yíɛ ɣɛ tea, “Zinai niitiɛ ta ga ŋɛni‐pɛ‐maazu Ɣalagi na tii‐ɣɛɛ veai niitiɛ te balolai mavelei lɛɛzu ga wiɛ.” 18É nii ɣɛɛni folo lamaa yee wu. Kɛ̀ é wãlani Pɔɔ ma é lite é ɣɛ gɔʋɛi ma, “Gè ɣɛ yìa, ziɣi púlu Ziizɛ Kolai na daa‐zeigi zu.” Tɔwɔ é ziɣini púlu nà maziɛ kpɔɔƃɔɔgi nɔ zu.
19Kɛ̀ tei ná nu kɛɛ vea te wɛlɛni na va ga vɛ te ɣi togɛi ná va ga te weli gaa‐ziɛ‐zu ná wuloni sa te ya, te woloni Pɔɔ ma ta Saila te te ƃokpo te li ga tiɛ dɔwɔ ƃalagi ɣa numaitiɛ maazu veaitiɛ laa wu. 20Tei sa te vaani ga tiɛ taa masagitiɛ wɔ te ɣɛni te ma, “Numai niitiɛ ta ga Dusia, tɔwɔ te da lai zu ɣɛɛ yopo‐yapa. 21Te wulovɛ ga tuo taniga niitiɛ tɛ lɛ tɔ su de ʋaa ma dai de ga Loomɛitiɛ ga de yee zei bu ɔ́ nɔ ɣɛ ga de ziɛ la.” 22Kpɔgi vɛɛni duo ŋaza nui na nu kɛɛ veaitiɛ va te laa lɛ Pɔɔ wu ta Saila. Taa masagitiɛ te ta zeɣeitiɛ velini gá te ma te bo numaitiɛ ma ga te te lowa ga gulu. 23Tei sa te gului laani te zu ga tamaa, te te vilini kpidi vɛlɛ wu te bo kpidi vɛlɛ la nui ma ga é yee ka te va kpãa. 24Tei sa te fai nii leʋeni te da zéea, é te lɔɔni zaama zu lumui zu kpidi vɛlɛi ʋaa va é te loo kpeewɔ ɣa.
25Kɛ̀ é ɣɛni ƃɔɔ nɔ ga kpidi zaama yɔɔzu, Pɔɔ ƃɔga Saila tiɛ Gala feli tiɛ gui loo ma. Na ɣa ɣɛɛ na pilisineitiɛ te ɣɛni wui losu te woo ma. 26Nii ɣɛɛni ƃɔɔ nɔ zui ƃeli ga kpakpaa é kɛ vɛ pɛlɛi lɔɔ vilegɛi na zui ma ná ƃeli. Kpogi ɣaazɔ laa lao ga maa ʋilea, na ɣa ɣɛɛ na yɔ̃wɔi ʋũi nui ɣaazɔ va. 27Tei kpidi vɛlɛ la nui ɣaazu laoni é wɛlɛ na va ga kpidi vɛlɛi maƃogitiɛ laa laoga, é ná boa zɔkpɔi wuloni gá é ɣɛ é ƃɔɔ vaa yíɛ ka ga pilisineitiɛ te velaa. 28Kɛ̀ Pɔɔ boni ga woo wala é ɣɛ ma, “Mɛ lɛ ŋada zei ƃɔɔ va, ƃɔvɛlaale gé ɣaazɔ gá vɛ.” 29É labo malili bo sa é sakpa bu yíɛ ƃeli ga duo é loo Pɔɔ laa wu ta Saila. 30É wulo sa ga tiɛ é ɣɛ te ma, “Kèeani, aƃɛi maa nɛɛ gè kɛ kɛɛ ʋaa ma gè valo?” 31Te ɣɛ ma, “De maliɣii Ziizɛ maʋaa ziɣi ga gaama, na ɣa ɣɛɛ na yà valo wa è wɔ pɛlɛ wu vea.” 32Te de maliɣii woi wo sa ma é vɛɛ nui ɣaazɔ va é ɣɛni ná pɛlɛi wu. 33É te ziɣini nà maziɛgi nɔ zu kpidii ʋaa va é ta valaitiɛ ɣaa wuo, é bataize maa zɔlɔ wo sa ga maa ʋilea ta pɔ́ pɛlɛ wu vea ɣaazɔ. 34É va sa ga tiɛ ná pɛlɛi wu é daa‐mii ŋɛni zei te laa wu, na ɣa ɣɛɛ na é kuu‐zu‐nɛɛ wulo sa ta pɔ́ pɛlɛ wu vea ɣaazɔ Gala faa‐ziɣi ʋai ma bɛ́ ga gaama.
35Kɛ̀ tei sa gela bogɛi ɣɛ, taa masagitiɛ te polesia leveni tiɛ ɣɛ te ma, “A ƃe ba zinai natiɛ te li.” 36Kpidi vɛlɛ la nui é nii woni Pɔɔ ma yíɛ ɣɛ ma, “Taa masagitiɛ te keela levega ga gè ƃe wiɛ wo li. Na ma a wulo na wo li zii‐laa zu.” 37Kɛ̀ Pɔɔ ɣɛ te ma, “Te gé lowaa kɛnɛ zaama tɛ lɛ gé ɣɛɛ‐zɔ dɛɛni, gá wɔ gé ga Loomɛ laa‐zeiga. Na ɣa ɣɛɛ na te gé vili kpidi vɛlɛ wu. ?Nii zu ɣa sa ta ƃe da gé va doowu zu? Ɛ́ lɛ ŋɛ na! Ƃe ba ta ƃɔɔ te va te gé wulo bu.” 38Polesiitiɛ te gaa‐wote goi nii woni taa masagitiɛ ma. Te luoni tei te mɛnini ga te ɣɛni ga Loomɛ laa‐zeiga. 39Na ma te vaani te woo zu wulo te ya ga pagɔ. Te te wulo kpidi vɛlɛi wu te te maa nɛɛnɛ ga te wulo tai va. 40Te wulo vele ɣa na é ɣɛ kpidi vɛlɛi wu te li Ledia wɔ vɛ. Tei sa te wɛlɛni Kolai maa veaitiɛ va te te yii lɔ, te wuloni ná va.
S'ha seleccionat:
TE ƔƐƐ VAITIƐ 16: DN1971
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Loma New Testament © British and Foreign Bible Society, 1971.
TE ƔƐƐ VAITIƐ 16
16
Temete ɣa vɛɛzu Pɔɔ va ta Saila
1É vaani ƃalaa pɛ Dɔɔbi ta Lesetela. Kala dopo ta ɣɛni na daa ga Temete é ga Dusi ŋaza nu ta duu, ŋaza nui nii Ziizɛ ʋaa ziɣiai ɣɛ bɛ́ ga gaama. Kɛ̀ Temete keea ɣɛni ga Geliiki nu. 2Tɔ́wɔ vagɔi ɣɛni Kolai maa veaitiɛ la te Lesetela ta Aikoonia. 3Pɔɔ ɣɛni wõizu Temete vɛɛ ba. Na ma é siɣini é sei kpoto ma Dusiitiɛ zaƃu ma te ɣɛni minɛ ligi zu, ƃɔvɛlaale te ɣaazɔ te ɣɛni ga kwɛ̃ɛga ga kéea ɣɛni ga Geliiki nu. 4Tei te ɣɛni leve‐tevesu taitiɛ zu, deʋei niitiɛ Ziizɛ na keelaitiɛ ƃɔga to‐tuoitiɛ te zeini ma te bo Yɛlusulɛɛ, te daani te ya ga te ziɛ la. 5Na ma Gala pɛlɛitiɛ zu ɣɛni ƃaazu zee‐la‐mai zu, na ɣa ɣɛɛ na nu liigoi é ɣɛ na su yìɛ wɔɔlɔ ma ga gela‐bo pele ɣile‐gile.
Masadoonia zunui maʋai wuu ʋai Pɔɔ ɣaazu
6Te leveni Felegia yui zu ta Galeesia yui, tei Gala baa ŋinɛgi te ƃe teveni woi‐wo fai va Eezia yui zu. 7Tei te vaani Maisia yui ɣeeɣi daavɛ, te ná wɔ̃ɔni ga te li Betenia yui zu, kɛ̀ Ziizɛ vaa ŋinɛgi lɛ ʋaani bu te ya. 8Na ma tei te leveni ga Maisia yui zu vele, te liini Toolɛɛ lai zu. 9Ná wuuni Pɔɔ ɣaazu ga kpidi Masadoonia yui zu nu ta loni yíɛ maa nɛɛnɛ yíɛ ɣɛ tea, “Va Masadoonia è ƃɔ gé va.” 10Na ma tei sa ná wuuni gáazu, gé pele ɣaa ziɛni ga maa ʋilea ga gé li Masadoonia, gíɛ gaa ɣa ga Gala ge gé liliga ga gé woo vagɔi wo te ma.
Ledia luo vele maa‐ʋeli fai
11Na ma tei sa gé ziɣini Toolɛɛ, gé zeini yuwu ɣa gé pele zakpa gé li Samotelee. Na wulu ʋoloi gé li Niapole lai zu. 12Gé ziɣi minɛ kɔnɔ gé li Felepai, nii é ga Masadoonia ligi zu laa walai é wɔnɔ Loomɛitiɛ wu. Gé kuu fele kuloni tai nii zu. 13Tei é ɣɛni ga doowo foloi, gé liini siɣi puluvɛ ziɛ walai woba vɛ é ɣɛni gé wuu zu ga Gala‐feli ŋada laa ɣɛni na. Gé zeini gé ƃɔɛ ŋazai niitiɛ wɔ te ƃɔni te va. 14Nui é gé woi mɛnini te zaama é ɣɛni ga ŋaza nu ta daa ga Ledia kuloai Tayataila lai zu, é ga seɣe ƃoi‐ƃoi sɔ̃wɔ‐wulo nu. É ɣɛni ga Gala‐feli nu. De maliɣii zíi laa laoni ga é wui to nii ma Pɔɔ ɣɛni bosu. 15Tei é bataizei maa zɔlɔ woni é vɛɛ pɔ́ pɛlɛ wu vea va, é gé maa nɛɛnɛni yíɛ ɣɛ tea, “Ani wo wɛlɛɛ ná va ga zèe laavɛ de maliɣii ma, a va nà pɛlɛi wu wo yɛ na.” Tɔwɔ daa lɔɔni gé va.
Felepai ƃidi vɛlɛ wu ʋai
16Tei gé ɣɛni liizu Gala‐feli ŋada laavɛ, duo ŋaza nu loma ta ɣɛni vaazu gá tiɛni gé wũi nii gɔʋɛ ta ɣɛni pulu ɔ́ kɛ goi yìɛ leve ma. É vaani ga ŋɛni lamaa ná nu kɛɛ vea wɔ ŋada‐ƃɛɛ ʋai zaala zu. 17É vileni gé wulu gá Pɔɔni yíɛ loba yíɛ ɣɛ tea, “Zinai niitiɛ ta ga ŋɛni‐pɛ‐maazu Ɣalagi na tii‐ɣɛɛ veai niitiɛ te balolai mavelei lɛɛzu ga wiɛ.” 18É nii ɣɛɛni folo lamaa yee wu. Kɛ̀ é wãlani Pɔɔ ma é lite é ɣɛ gɔʋɛi ma, “Gè ɣɛ yìa, ziɣi púlu Ziizɛ Kolai na daa‐zeigi zu.” Tɔwɔ é ziɣini púlu nà maziɛ kpɔɔƃɔɔgi nɔ zu.
19Kɛ̀ tei ná nu kɛɛ vea te wɛlɛni na va ga vɛ te ɣi togɛi ná va ga te weli gaa‐ziɛ‐zu ná wuloni sa te ya, te woloni Pɔɔ ma ta Saila te te ƃokpo te li ga tiɛ dɔwɔ ƃalagi ɣa numaitiɛ maazu veaitiɛ laa wu. 20Tei sa te vaani ga tiɛ taa masagitiɛ wɔ te ɣɛni te ma, “Numai niitiɛ ta ga Dusia, tɔwɔ te da lai zu ɣɛɛ yopo‐yapa. 21Te wulovɛ ga tuo taniga niitiɛ tɛ lɛ tɔ su de ʋaa ma dai de ga Loomɛitiɛ ga de yee zei bu ɔ́ nɔ ɣɛ ga de ziɛ la.” 22Kpɔgi vɛɛni duo ŋaza nui na nu kɛɛ veaitiɛ va te laa lɛ Pɔɔ wu ta Saila. Taa masagitiɛ te ta zeɣeitiɛ velini gá te ma te bo numaitiɛ ma ga te te lowa ga gulu. 23Tei sa te gului laani te zu ga tamaa, te te vilini kpidi vɛlɛ wu te bo kpidi vɛlɛ la nui ma ga é yee ka te va kpãa. 24Tei sa te fai nii leʋeni te da zéea, é te lɔɔni zaama zu lumui zu kpidi vɛlɛi ʋaa va é te loo kpeewɔ ɣa.
25Kɛ̀ é ɣɛni ƃɔɔ nɔ ga kpidi zaama yɔɔzu, Pɔɔ ƃɔga Saila tiɛ Gala feli tiɛ gui loo ma. Na ɣa ɣɛɛ na pilisineitiɛ te ɣɛni wui losu te woo ma. 26Nii ɣɛɛni ƃɔɔ nɔ zui ƃeli ga kpakpaa é kɛ vɛ pɛlɛi lɔɔ vilegɛi na zui ma ná ƃeli. Kpogi ɣaazɔ laa lao ga maa ʋilea, na ɣa ɣɛɛ na yɔ̃wɔi ʋũi nui ɣaazɔ va. 27Tei kpidi vɛlɛ la nui ɣaazu laoni é wɛlɛ na va ga kpidi vɛlɛi maƃogitiɛ laa laoga, é ná boa zɔkpɔi wuloni gá é ɣɛ é ƃɔɔ vaa yíɛ ka ga pilisineitiɛ te velaa. 28Kɛ̀ Pɔɔ boni ga woo wala é ɣɛ ma, “Mɛ lɛ ŋada zei ƃɔɔ va, ƃɔvɛlaale gé ɣaazɔ gá vɛ.” 29É labo malili bo sa é sakpa bu yíɛ ƃeli ga duo é loo Pɔɔ laa wu ta Saila. 30É wulo sa ga tiɛ é ɣɛ te ma, “Kèeani, aƃɛi maa nɛɛ gè kɛ kɛɛ ʋaa ma gè valo?” 31Te ɣɛ ma, “De maliɣii Ziizɛ maʋaa ziɣi ga gaama, na ɣa ɣɛɛ na yà valo wa è wɔ pɛlɛ wu vea.” 32Te de maliɣii woi wo sa ma é vɛɛ nui ɣaazɔ va é ɣɛni ná pɛlɛi wu. 33É te ziɣini nà maziɛgi nɔ zu kpidii ʋaa va é ta valaitiɛ ɣaa wuo, é bataize maa zɔlɔ wo sa ga maa ʋilea ta pɔ́ pɛlɛ wu vea ɣaazɔ. 34É va sa ga tiɛ ná pɛlɛi wu é daa‐mii ŋɛni zei te laa wu, na ɣa ɣɛɛ na é kuu‐zu‐nɛɛ wulo sa ta pɔ́ pɛlɛ wu vea ɣaazɔ Gala faa‐ziɣi ʋai ma bɛ́ ga gaama.
35Kɛ̀ tei sa gela bogɛi ɣɛ, taa masagitiɛ te polesia leveni tiɛ ɣɛ te ma, “A ƃe ba zinai natiɛ te li.” 36Kpidi vɛlɛ la nui é nii woni Pɔɔ ma yíɛ ɣɛ ma, “Taa masagitiɛ te keela levega ga gè ƃe wiɛ wo li. Na ma a wulo na wo li zii‐laa zu.” 37Kɛ̀ Pɔɔ ɣɛ te ma, “Te gé lowaa kɛnɛ zaama tɛ lɛ gé ɣɛɛ‐zɔ dɛɛni, gá wɔ gé ga Loomɛ laa‐zeiga. Na ɣa ɣɛɛ na te gé vili kpidi vɛlɛ wu. ?Nii zu ɣa sa ta ƃe da gé va doowu zu? Ɛ́ lɛ ŋɛ na! Ƃe ba ta ƃɔɔ te va te gé wulo bu.” 38Polesiitiɛ te gaa‐wote goi nii woni taa masagitiɛ ma. Te luoni tei te mɛnini ga te ɣɛni ga Loomɛ laa‐zeiga. 39Na ma te vaani te woo zu wulo te ya ga pagɔ. Te te wulo kpidi vɛlɛi wu te te maa nɛɛnɛ ga te wulo tai va. 40Te wulo vele ɣa na é ɣɛ kpidi vɛlɛi wu te li Ledia wɔ vɛ. Tei sa te wɛlɛni Kolai maa veaitiɛ va te te yii lɔ, te wuloni ná va.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Loma New Testament © British and Foreign Bible Society, 1971.