Ãmẽ Jesu Perẽ taa pè isaky. Juteja yvy pè. Eroti Juteu kõ rõvijã wasu rõmõ ekoi remẽ jakatu sikaepo isaky. Ãmẽ Janejare'e omojikuwaoka isakya. Ke'ĩrõwã wãnà kõ pè omojikuwaoka. Kwaray ẽma kytywarà kõ pè, jaytata kuwaparà kõ pè. Jaytata temisage'ã rupi omojikuwaoka. [A'e kõ Jesu isakyrĩ remẽ tè katu sikaepo yvag rè omã'ẽ imono. Jaytata temisage'ã rè omã'ẽ kupa. E'i ãmẽ kupa: “Manyvore põ ãwĩvo jaytata?” e'i kupa. Jõvijã wasu rã rõwã põkõ isaky upa? e'i ojiupe kupa.] Ajawyi ajaire jaytata rupi oo kupa. Ke'ĩrõwã oo kupa, ajaate Juteu kõ yvy pè ovãe kupa. Juteu rõvijã rena kyty rã'ĩ oo kupa, Jerusarẽ taa kyty. A'e kyty rã'ĩ oo jaytata momewa kupa. Ãmẽ e'i kupa: – Mape põ penõvijã rã isaky upa? e'i kupa. Juteu kõ rõvijã rã? e'i kupa. [– Manyvo pãwĩ pereko ikuwa? e'i a'e wãnà kõ.] – Jaytata rupi orokuwa, kwaray ẽma kyty ojisa mã'ẽ rupi. A'e rupi tè orojo jõvijã rã resa imoe'e, e'i kupa.
Llegeix Mateusi 2
Comparteix
Compara totes les versions: Mateusi 2:1-2
Desa versets, llegeix fora de línia, mira vídeos d'ensenyament i molt més!
YouVersion utilitza galetes per personalitzar la teva experiència. En utilitzar el nostre lloc web, acceptes el nostre ús de galetes tal com es descriu a la nostra Política de privadesa
Inici
La Bíblia
Plans
Vídeos