Romanos Introducción
Introducción
San Pablo, Jesucristopa jɨrɨtꞌeradapa na kꞌartꞌa pꞌãji. Pablo judío paji. Tachi Akꞌõrepa Moisemaa ũraa pꞌãpida pia kꞌawa baji, fariseo pada perã. Irua na kꞌartꞌa pꞌã pëiji Romade pꞌanɨ ijãapataarãmaa; judiorã, judio–eerãmaa paara. Na kꞌartꞌa pꞌãdade Pablopa jara bɨ ichia kꞌĩsia iru bɨ wãitꞌee Romadee mãikꞌaapa Españadee. Jesucristopa jɨrɨtꞌeradaarã waide mamaa wãda–e pada perã jarateede, na kꞌartꞌade Pablopa jara bɨ sãga eperãarã ijãapataadaipia bɨ Jesucristode, irua ãra o kꞌachiadeepa kꞌaripa atamerã. Ichiaba jaratee bɨ judiorãpa ijãapata judio–eerãpa ijãapata ome; sãga pꞌanapataadaipia bɨ Cristode ijãadakꞌãri.
Naapɨara Pablopa jara bɨ ichi Jesupa jɨrɨtꞌerada; ichia ɨtꞌaa tꞌɨ̃pari Romadepema ijãapataarã pari mãikꞌaapa sãapꞌeda na kꞌartꞌa pꞌãji ãramaa (cap. 1.1-17). Jara bɨ eperãarã jõmaweda pꞌekꞌau kꞌachia oopata jua ekꞌari pꞌanapata perã, atuadaitꞌee. Maperãpɨ chupɨria iididaipia bɨ Jesupa ãra ma o kꞌachiadeepa kꞌaripa atamerã (caps. 1.18–3.20). Jara bɨ sãga Jesude ijãadakꞌãri, Tachi Akꞌõrepa eperãarãpa pꞌekꞌau kꞌachia oopata wẽpapipari mãikꞌaapa ichi tꞌãri aukꞌa bɨpari ãchi tꞌãri ome (caps. 3.21–5.11); Adán kꞌaurepa pꞌekꞌau kꞌachia oopata; jõdee Cristo kꞌaurepa pꞌekꞌau kꞌachia oo amaadai (caps. 5.12–6.23); ijãapataarã araa pꞌanadakꞌãri Cristo ome, Tachi Akꞌõre Jaure jua ekꞌari pꞌanapata (caps. 7–8); judiorãpa Jesucristode ijãa kꞌiniada–e pada perã, Tachi Akꞌõrepa ichi ũraa chiwidi kꞌawapiji tachi judio–eerãmaa, mamĩda judiorã jida aukꞌa Akꞌõre truadee wãdai Cristode ijãaruta pɨrã (caps. 9–11). Jara bɨ sãga Cristode ijãapataarã pꞌanapataadaipia bɨ: chikꞌinia pꞌanapataadaipia bɨ mãikꞌaapa oodaipia bɨ Akꞌõrepa kꞌinia bɨkꞌa; ãchi poro waibɨarã waawee pꞌanɨ; kꞌĩra jĩpꞌa nipa pꞌanɨ awaraarã ome (caps. 12.1–15.13). Tꞌẽepai na kꞌartꞌa pꞌã aupa wãkꞌãri, Pablopa salude pëiru ichi kꞌĩra kꞌawa pꞌanɨɨrãmaa (caps. 15.14–16.27).
S'ha seleccionat:
Romanos Introducción: sjaB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©2005, 2010, 2015 Wycliffe Bible Translators, Inc. All rights reserved.