Romanos 7
7
Chonaarãwedapema ũraa mãikꞌaapa Cristode ijãapataarã
1Ɨ̃pemaarã Cristo kꞌaurepa, parãpa kꞌawa pꞌanɨ Tachi Akꞌõrepa Moisemaa ũraa pꞌãpida. Kꞌawa pꞌanɨ tachi ma ũraa jua ekꞌari pꞌanapata chokꞌai pꞌanɨ misa. 2Kꞌĩsiadáma nãgɨde. Tachi Akꞌõre Ũraade jara bɨ wẽrapa awaraa ɨmɨkꞌĩra jɨrɨikꞌaraa bɨ, ichi ɨmɨkꞌĩra chokꞌai bɨ misa. Mamĩda chi ɨmɨkꞌĩra jai–idaakꞌãri, chi wẽra uchiai mãgɨ́ ũraa jara bɨ jua ekꞌariipa. Awaraa ɨmɨkꞌĩra atai. 3Pia jaraitꞌeera, chi ɨmɨkꞌĩra chokꞌai bɨde, araa beeru pɨrã awaraa ɨmɨkꞌĩra ome, pꞌekꞌau oo bɨ Tachi Akꞌõre kꞌĩrapite. Mamĩda chi kꞌima jai–idaapꞌeda, awaraa ome araa paru pɨrã, pꞌekꞌau oo–e bɨ Tachi Akꞌõre kꞌĩrapite.
4Mãga pɨkꞌa bɨ parã ome, mɨchi ɨ̃pemaarã Cristo kꞌaurepa. Parã pꞌekꞌau kꞌachia ooyaa bɨ kꞌapꞌɨa kurusode piu pɨkꞌakꞌãri Cristo kꞌapꞌɨa ome, Moisepa pꞌãda ũraa jara bɨdeepa uchiajida. Parãpa Cristode ijãadakꞌãri, araa pꞌaneejida iru ome, ichideerã pꞌaneedamerã mãikꞌaapa oodamerã irua oopi bɨkꞌa. 5Araa pꞌanadai naaweda Cristo ome, ma pꞌekꞌau kꞌachia ooyaa bɨ kꞌapꞌɨapa ne–inaa kꞌachia kꞌĩra tꞌãdoo oopipachi tachimaa, oo kꞌinia bada perã Akꞌõre Ũraa pꞌãdade jara bɨ eperãarãpa oonaadamerã. Mãga oopida perã, Tachi Akꞌõrepa tachi atuapiitꞌee paji. 6Mamĩda Cristode ijãadakꞌãri mãikꞌaapa ma pꞌekꞌau kꞌachia ooyaa bɨ kꞌapꞌɨa piu pɨkꞌakꞌãri Cristo ome, tachi uchiajida ma ũraa jara bɨ jua ekꞌariipa oodaitꞌee Tachi Akꞌõre Jaurepa oopi bɨkꞌa. Naaweda ma ũraa tachi chipari pɨkꞌa baji. Mamĩda Cristo ome araa pꞌaneedakꞌãri, Tachi Akꞌõre Jaure tachi chipari beeji pꞌanapataadamerã Akꞌõrepa kꞌinia bɨkꞌa.
Chonaarãwedapema ũraa mãikꞌaapa tachi pꞌekꞌau kꞌachia ooyaa bɨ kꞌapꞌɨa
7Mãgá Tachi Akꞌõre Jaure tachi chipari beeji pɨrã, ¿jaradaikꞌã, Tachi Akꞌõrepa ũraa pꞌãpida kꞌachia bɨ? ¡Mãga–e! Ma ũraa wẽ–e pada paara, mɨa kꞌawa–e pakꞌaji kꞌãare netꞌaata kꞌachia bɨ Akꞌõre kꞌĩrapite. Ma ũraade jara–e pada paara:
‘Chĩara netꞌaa kꞌɨ̃anáaji’, (Éxodo 20.17)
mɨa kꞌĩsia–e pakꞌaji chĩara netꞌaa kꞌɨ̃aitꞌee. 8Mamĩda tachia Akꞌõre Ũraa pꞌãda iru pꞌanɨ. Maperã mɨ pꞌekꞌau kꞌachia ooyaa bɨ kꞌapꞌɨapa waapɨara mɨmaa chĩara netꞌaa kꞌɨ̃apipari, mãgɨpa oopi kꞌinia bairã ma ũraade jara bɨ eperãarãpa oonaadamerã. Ma ũraa wẽ–e pada paara, ¿sãga oopikꞌajima ma ũraade jara bɨ oonaadamerã? ¡Maarepida oopi–e pakꞌaji! 9Mɨa ma ũraade jara bɨ waide kꞌawa–e bakꞌãri, kꞌĩsia pꞌua wẽe bapachi Akꞌõre kꞌĩrapite. Mamĩda ma ũraa kꞌawaadakꞌãriipa kꞌĩsia pꞌua beeji, kꞌawada perã chĩara netꞌaa kꞌɨ̃a bɨ kꞌaurepa mɨ atuaitꞌee. 10Akꞌõrepa ma ũraa pꞌãpiji akꞌɨpiitꞌee sãga iru ode tꞌĩudai. Mamĩda mɨa ma ũraa ooikꞌaraa bɨda adade ookꞌãri, iru ode tꞌĩu kꞌãyaara, o kꞌachiade tꞌĩuji. 11Mɨ pꞌekꞌau kꞌachia ooyaa bɨ kꞌapꞌɨapa mɨ kꞌũratꞌaaji. Oopii kꞌãyaara Akꞌõrepa Ũraa pꞌãpidade jara bɨkꞌa, oopiji ma ũraade jara bɨ oonaadamerã, mãgá mɨ atuapiitꞌee.
12Tachi Akꞌõrepa Moisemaa ũraa pꞌãpida pia bɨ, ichia ũraa jarada chaa. Mɨa mãga jara bɨ ma ũraa uchiada perã Tachi Akꞌõre tꞌãri pia bɨdeepa. Iru kꞌachia wẽe bapari. Mapa ma ũraa kꞌaurepa Akꞌõrepa akꞌɨi eperãarãpa oopata kꞌawaaitꞌee pia wa kꞌachia.
13Mãga pɨrã, ¿jaraikꞌã Tachi Akꞌõre Ũraa kꞌaurepa mɨ atua baji? ¡Mãga–e! Mɨ pꞌekꞌau kꞌachia ooyaa bɨ kꞌapꞌɨapa mɨ atuapiji oopikꞌãri Akꞌõre Ũraa pia jara bɨ eperãarãpa oonaadamerã. Tachi Akꞌõrepa kꞌĩsia iru baji ichi ũraa kꞌaurepa mɨa kꞌawaamerã wãara mɨ pꞌekꞌau kꞌachia ooyaa bɨ kꞌapꞌɨa audú kꞌachia bɨ.
14Tachia kꞌawa pꞌanɨ Akꞌõre Ũraa jõmaweda uchiaji ichi Jauredeepa. Mamĩda mɨa pꞌoyaa oo–e ma ũraade jara bɨkꞌa, mɨ pꞌekꞌau kꞌachia ooyaa bɨ kꞌapꞌɨa mɨ chiparikꞌa bairã. Mãgɨpa mɨmaa ichita kꞌachia oopipari. 15Kꞌawa–e sãgapꞌeda oopari mãgɨpa oopi bɨkꞌa. Mɨa oo–e wãara mɨchi tꞌãripa oo kꞌinia bɨkꞌa. Ma kꞌãyaara oopari ne–inaa mɨa ooamaa bɨ. 16Mãga ookꞌãri, akꞌɨpi bɨ Tachi Akꞌõre Ũraade wãarata jara bɨ. 17Oo kꞌinia bɨ Cristopa oopi bɨkꞌa. Mamĩda mɨ pꞌekꞌau kꞌachia ooyaa bɨ kꞌapꞌɨapa ne–inaa kꞌachia mɨmaa oopipari. 18Kꞌawa bɨ na pꞌekꞌau kꞌachia ooyaa bɨ kꞌapꞌɨade pia wẽ–e, mɨchi kꞌĩradoopa pia pꞌoyaa oo–e bairã, mãga oo kꞌinia bɨ mĩda. 19Oo–e ne–inaa pia, mɨa oo kꞌinia bɨ. Jĩpꞌa oopari ne–inaa kꞌachia, mɨa oo kꞌinia–e bɨ. 20Mãga oopari perã, kꞌawa bɨ pꞌekꞌau kꞌachia ooyaa bɨ kꞌapꞌɨapa mɨmaa mãga oopipari.
21Ne–inaa pia oo kꞌinia bakꞌãri Akꞌõrepa oopi kꞌinia bɨkꞌa, ma pꞌekꞌau kꞌachia ooyaa bɨ kꞌapꞌɨapa mãga oopi kꞌinia–e. 22Mɨ tꞌãri o–ĩa bɨ Tachi Akꞌõre Ũraa kꞌawa bairã. Tꞌãripa oo kꞌinia bapari made jara bɨkꞌa. 23Mamĩda mɨ pꞌekꞌau kꞌachia ooyaa bɨ kꞌapꞌɨa presokꞌa bɨ. Mãgɨ́ chõo pɨkꞌa bɨ mɨchi tꞌãri ome, atꞌãri mɨ chipari ba kꞌinia bairã.
24¿Sãgapɨ ooima? ¡Mɨ chupɨria chɨ! ¿Kꞌaipa mɨ kꞌaripa ataima na pꞌekꞌau kꞌachia ooyaa bɨ kꞌapꞌɨa jua ekꞌariipa? Mãgɨpa mɨ waya o kꞌachiade tꞌĩupi kꞌinia bɨ. 25¡Mamĩda mɨa gracias jarapari Tachi Akꞌõremaa, Tachi Waibɨa, Jesucristopata, mɨ kꞌaripa atada perã mɨ pꞌekꞌau kꞌachia ooyaa bɨ kꞌapꞌɨa jua ekꞌariipa! Mɨchi tꞌãripa oo kꞌinia bɨ Akꞌõre ũraade jara bɨkꞌa. Mamĩda mɨ kꞌachia ooyaa bɨ kꞌapꞌɨapa atꞌãri kꞌachia oopi kꞌinia bɨ.
S'ha seleccionat:
Romanos 7: sjaB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©2005, 2010, 2015 Wycliffe Bible Translators, Inc. All rights reserved.
Romanos 7
7
Chonaarãwedapema ũraa mãikꞌaapa Cristode ijãapataarã
1Ɨ̃pemaarã Cristo kꞌaurepa, parãpa kꞌawa pꞌanɨ Tachi Akꞌõrepa Moisemaa ũraa pꞌãpida. Kꞌawa pꞌanɨ tachi ma ũraa jua ekꞌari pꞌanapata chokꞌai pꞌanɨ misa. 2Kꞌĩsiadáma nãgɨde. Tachi Akꞌõre Ũraade jara bɨ wẽrapa awaraa ɨmɨkꞌĩra jɨrɨikꞌaraa bɨ, ichi ɨmɨkꞌĩra chokꞌai bɨ misa. Mamĩda chi ɨmɨkꞌĩra jai–idaakꞌãri, chi wẽra uchiai mãgɨ́ ũraa jara bɨ jua ekꞌariipa. Awaraa ɨmɨkꞌĩra atai. 3Pia jaraitꞌeera, chi ɨmɨkꞌĩra chokꞌai bɨde, araa beeru pɨrã awaraa ɨmɨkꞌĩra ome, pꞌekꞌau oo bɨ Tachi Akꞌõre kꞌĩrapite. Mamĩda chi kꞌima jai–idaapꞌeda, awaraa ome araa paru pɨrã, pꞌekꞌau oo–e bɨ Tachi Akꞌõre kꞌĩrapite.
4Mãga pɨkꞌa bɨ parã ome, mɨchi ɨ̃pemaarã Cristo kꞌaurepa. Parã pꞌekꞌau kꞌachia ooyaa bɨ kꞌapꞌɨa kurusode piu pɨkꞌakꞌãri Cristo kꞌapꞌɨa ome, Moisepa pꞌãda ũraa jara bɨdeepa uchiajida. Parãpa Cristode ijãadakꞌãri, araa pꞌaneejida iru ome, ichideerã pꞌaneedamerã mãikꞌaapa oodamerã irua oopi bɨkꞌa. 5Araa pꞌanadai naaweda Cristo ome, ma pꞌekꞌau kꞌachia ooyaa bɨ kꞌapꞌɨapa ne–inaa kꞌachia kꞌĩra tꞌãdoo oopipachi tachimaa, oo kꞌinia bada perã Akꞌõre Ũraa pꞌãdade jara bɨ eperãarãpa oonaadamerã. Mãga oopida perã, Tachi Akꞌõrepa tachi atuapiitꞌee paji. 6Mamĩda Cristode ijãadakꞌãri mãikꞌaapa ma pꞌekꞌau kꞌachia ooyaa bɨ kꞌapꞌɨa piu pɨkꞌakꞌãri Cristo ome, tachi uchiajida ma ũraa jara bɨ jua ekꞌariipa oodaitꞌee Tachi Akꞌõre Jaurepa oopi bɨkꞌa. Naaweda ma ũraa tachi chipari pɨkꞌa baji. Mamĩda Cristo ome araa pꞌaneedakꞌãri, Tachi Akꞌõre Jaure tachi chipari beeji pꞌanapataadamerã Akꞌõrepa kꞌinia bɨkꞌa.
Chonaarãwedapema ũraa mãikꞌaapa tachi pꞌekꞌau kꞌachia ooyaa bɨ kꞌapꞌɨa
7Mãgá Tachi Akꞌõre Jaure tachi chipari beeji pɨrã, ¿jaradaikꞌã, Tachi Akꞌõrepa ũraa pꞌãpida kꞌachia bɨ? ¡Mãga–e! Ma ũraa wẽ–e pada paara, mɨa kꞌawa–e pakꞌaji kꞌãare netꞌaata kꞌachia bɨ Akꞌõre kꞌĩrapite. Ma ũraade jara–e pada paara:
‘Chĩara netꞌaa kꞌɨ̃anáaji’, (Éxodo 20.17)
mɨa kꞌĩsia–e pakꞌaji chĩara netꞌaa kꞌɨ̃aitꞌee. 8Mamĩda tachia Akꞌõre Ũraa pꞌãda iru pꞌanɨ. Maperã mɨ pꞌekꞌau kꞌachia ooyaa bɨ kꞌapꞌɨapa waapɨara mɨmaa chĩara netꞌaa kꞌɨ̃apipari, mãgɨpa oopi kꞌinia bairã ma ũraade jara bɨ eperãarãpa oonaadamerã. Ma ũraa wẽ–e pada paara, ¿sãga oopikꞌajima ma ũraade jara bɨ oonaadamerã? ¡Maarepida oopi–e pakꞌaji! 9Mɨa ma ũraade jara bɨ waide kꞌawa–e bakꞌãri, kꞌĩsia pꞌua wẽe bapachi Akꞌõre kꞌĩrapite. Mamĩda ma ũraa kꞌawaadakꞌãriipa kꞌĩsia pꞌua beeji, kꞌawada perã chĩara netꞌaa kꞌɨ̃a bɨ kꞌaurepa mɨ atuaitꞌee. 10Akꞌõrepa ma ũraa pꞌãpiji akꞌɨpiitꞌee sãga iru ode tꞌĩudai. Mamĩda mɨa ma ũraa ooikꞌaraa bɨda adade ookꞌãri, iru ode tꞌĩu kꞌãyaara, o kꞌachiade tꞌĩuji. 11Mɨ pꞌekꞌau kꞌachia ooyaa bɨ kꞌapꞌɨapa mɨ kꞌũratꞌaaji. Oopii kꞌãyaara Akꞌõrepa Ũraa pꞌãpidade jara bɨkꞌa, oopiji ma ũraade jara bɨ oonaadamerã, mãgá mɨ atuapiitꞌee.
12Tachi Akꞌõrepa Moisemaa ũraa pꞌãpida pia bɨ, ichia ũraa jarada chaa. Mɨa mãga jara bɨ ma ũraa uchiada perã Tachi Akꞌõre tꞌãri pia bɨdeepa. Iru kꞌachia wẽe bapari. Mapa ma ũraa kꞌaurepa Akꞌõrepa akꞌɨi eperãarãpa oopata kꞌawaaitꞌee pia wa kꞌachia.
13Mãga pɨrã, ¿jaraikꞌã Tachi Akꞌõre Ũraa kꞌaurepa mɨ atua baji? ¡Mãga–e! Mɨ pꞌekꞌau kꞌachia ooyaa bɨ kꞌapꞌɨapa mɨ atuapiji oopikꞌãri Akꞌõre Ũraa pia jara bɨ eperãarãpa oonaadamerã. Tachi Akꞌõrepa kꞌĩsia iru baji ichi ũraa kꞌaurepa mɨa kꞌawaamerã wãara mɨ pꞌekꞌau kꞌachia ooyaa bɨ kꞌapꞌɨa audú kꞌachia bɨ.
14Tachia kꞌawa pꞌanɨ Akꞌõre Ũraa jõmaweda uchiaji ichi Jauredeepa. Mamĩda mɨa pꞌoyaa oo–e ma ũraade jara bɨkꞌa, mɨ pꞌekꞌau kꞌachia ooyaa bɨ kꞌapꞌɨa mɨ chiparikꞌa bairã. Mãgɨpa mɨmaa ichita kꞌachia oopipari. 15Kꞌawa–e sãgapꞌeda oopari mãgɨpa oopi bɨkꞌa. Mɨa oo–e wãara mɨchi tꞌãripa oo kꞌinia bɨkꞌa. Ma kꞌãyaara oopari ne–inaa mɨa ooamaa bɨ. 16Mãga ookꞌãri, akꞌɨpi bɨ Tachi Akꞌõre Ũraade wãarata jara bɨ. 17Oo kꞌinia bɨ Cristopa oopi bɨkꞌa. Mamĩda mɨ pꞌekꞌau kꞌachia ooyaa bɨ kꞌapꞌɨapa ne–inaa kꞌachia mɨmaa oopipari. 18Kꞌawa bɨ na pꞌekꞌau kꞌachia ooyaa bɨ kꞌapꞌɨade pia wẽ–e, mɨchi kꞌĩradoopa pia pꞌoyaa oo–e bairã, mãga oo kꞌinia bɨ mĩda. 19Oo–e ne–inaa pia, mɨa oo kꞌinia bɨ. Jĩpꞌa oopari ne–inaa kꞌachia, mɨa oo kꞌinia–e bɨ. 20Mãga oopari perã, kꞌawa bɨ pꞌekꞌau kꞌachia ooyaa bɨ kꞌapꞌɨapa mɨmaa mãga oopipari.
21Ne–inaa pia oo kꞌinia bakꞌãri Akꞌõrepa oopi kꞌinia bɨkꞌa, ma pꞌekꞌau kꞌachia ooyaa bɨ kꞌapꞌɨapa mãga oopi kꞌinia–e. 22Mɨ tꞌãri o–ĩa bɨ Tachi Akꞌõre Ũraa kꞌawa bairã. Tꞌãripa oo kꞌinia bapari made jara bɨkꞌa. 23Mamĩda mɨ pꞌekꞌau kꞌachia ooyaa bɨ kꞌapꞌɨa presokꞌa bɨ. Mãgɨ́ chõo pɨkꞌa bɨ mɨchi tꞌãri ome, atꞌãri mɨ chipari ba kꞌinia bairã.
24¿Sãgapɨ ooima? ¡Mɨ chupɨria chɨ! ¿Kꞌaipa mɨ kꞌaripa ataima na pꞌekꞌau kꞌachia ooyaa bɨ kꞌapꞌɨa jua ekꞌariipa? Mãgɨpa mɨ waya o kꞌachiade tꞌĩupi kꞌinia bɨ. 25¡Mamĩda mɨa gracias jarapari Tachi Akꞌõremaa, Tachi Waibɨa, Jesucristopata, mɨ kꞌaripa atada perã mɨ pꞌekꞌau kꞌachia ooyaa bɨ kꞌapꞌɨa jua ekꞌariipa! Mɨchi tꞌãripa oo kꞌinia bɨ Akꞌõre ũraade jara bɨkꞌa. Mamĩda mɨ kꞌachia ooyaa bɨ kꞌapꞌɨapa atꞌãri kꞌachia oopi kꞌinia bɨ.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©2005, 2010, 2015 Wycliffe Bible Translators, Inc. All rights reserved.