Romanos 12
12
Cristodeerã sãga pꞌanapataadaipia bɨ
1Ɨ̃pemaarã, mɨa nãga ũraaitꞌee: Tachi Akꞌõrepa eperãarã chupɨria kꞌawaapari perã, atꞌãri chokꞌai pꞌanɨ misa, oopítɨ Tachi Akꞌõremaa irua kꞌinia bɨkꞌa pɨ ome. Mãgá pãchi pꞌekꞌau kꞌachia ooyaa bɨ kꞌapꞌɨa pꞌoyaadai, pꞌanapataadaitꞌee Akꞌõrepa kꞌinia bɨkꞌa. Ichiaba mãgá akꞌɨpidai parãpa wãara Tachi Akꞌõre kꞌinia iru pꞌanɨ. 2Oonáatɨ na pꞌekꞌau eujãdepema ijãadakꞌaa beerãpa oopatakꞌa. Mãɨrãpa kꞌĩsiapata ãchia oo kꞌinia pꞌanɨdepai. Parã jõdee, kꞌĩsiadaipia bɨ Akꞌõrepa kꞌinia bɨkꞌa. Mãgá kꞌawaadaitꞌee Akꞌõrepa kꞌinia bɨ ne–inaa pia, kꞌachia wẽe; ne–inaa irua pia akꞌɨpari.
3Tachi Akꞌõrepa mɨ pia ooji mɨ jɨrɨtꞌerakꞌãri parãmaa jarateemerã. Maperã mɨa ũraaitꞌee parãdepema apidaapa kꞌĩsianaadamerã: “Mɨ pipɨara bɨ awaraarã kꞌãyaara”. Ma kꞌãyaara kꞌĩra jĩpꞌa jɨrɨipia bɨ Akꞌõrepa oopi kꞌinia bɨ mãikꞌaapa tꞌãripa mãga ooipia bɨ, ɨtꞌaa iidi bɨ misa irua kꞌaripamerã. 4Tachi kꞌapꞌɨade nãgee ne–inaa chokꞌara iru bɨ; bɨɨrɨ tꞌɨaitꞌee; jua ne–inaa jitaitꞌee; mãgee ne–inaa. Ma chaachaa ne–inaa awara–awaraa oopari. Aukꞌa oodakꞌaa. 5Mãga pɨkꞌa bɨ tachi Cristode ijãapataarã. Tachi jõma araa pꞌanɨ iru ome. Mapa aukꞌa araa pꞌanɨ apemaarã ijãapataarã ome kꞌapꞌɨa apai bɨkꞌa.
6Mamĩda Tachi Akꞌõrepa kꞌaripakꞌãri, ne–inaa awara–awaraa oopata, irua oopi kꞌinia bɨkꞌa tachi chaachaa.
Ichi ũraa jarapiru pɨrã tachidepema abaamaa, mãgɨpa mãga ooipia bɨ tꞌãripa, Akꞌõremaa kꞌaripa iidi bɨ misa. 7Awaraamaa ijãapataarã kꞌaripapiru pɨrã, mãga ooipia bɨ. Awaraamaa jarateepiru pɨrã, ichiaba mãga ooipia bɨ. 8Awaraa kꞌariparu pɨrã chĩara tꞌãri o–ĩapiitꞌee, mãga ooipia bɨ. Awaraamaa pꞌaratꞌarapiru pɨrã, tꞌãri pia pꞌaratꞌa waibɨa teeipia bɨ chupɨria beerã kꞌaripaitꞌee. Awaraamaa eperã waibɨa papiru pɨrã, pia akꞌɨipia bɨ ijãapataarã ichi jua ekꞌari pꞌanɨɨrã. Awaraa kꞌariparu pɨrã chĩara chupɨria kꞌawaamerã, tꞌãri o–ĩa mãga ooipia bɨ.
Cristode ijãapataarã chikꞌinia pꞌanapataadaipia bɨ
9Awaraarã tꞌãri jĩpꞌa kꞌinia iru pꞌanadaipia bɨ. Ne–inaa kꞌachia kꞌĩra tꞌãdoo oodaikꞌaraa bɨ. Mãgee ne–inaa unuamaa iru pꞌanapatáatɨ. Pia aupaita jɨrɨdaipia bɨ oodaitꞌee. 10Chikꞌinia pꞌanapataadaipia bɨ, tachi ëreerã ome pꞌanapatakꞌa. Audua pꞌanadaikꞌaraa bɨ. Ma kꞌãyaara awaraa ijãapataarã pipɨara akꞌɨdaipia bɨ tachi kꞌãyaara.
11Kꞌoo–idaa pꞌanadaikꞌaraa bɨ. Tꞌãripa oodaipia bɨ Akꞌõre Jaurepa oopi bɨkꞌa. Mãgá oodaitꞌee Tachi Waibɨa Jesucristopa oopi kꞌinia bɨkꞌa.
12O–ĩa pꞌanadaipia bɨ nɨ pꞌanɨ misa Tachi Akꞌõre eujãdee wãdaitꞌee. Choodaipia bɨ nepɨrade baaidakꞌãri. Ichita ɨtꞌaa tꞌɨ̃pataadaipia bɨ Tachi Akꞌõremaa.
13Awaraa ijãapataarã chupɨria kꞌawaadaipia bɨ mãikꞌaapa ne–inaa wẽe pꞌanɨ pɨrã, ãramaa teedaipia bɨ. Awaraarã pãchi tꞌãide pꞌasia chedakꞌãri, tꞌãri pia auteebaidaipia bɨ. Kꞌãidaitꞌee wẽe pꞌanɨ pɨrã, pãchi tede kꞌãipítɨ.
Awaraarã ome kꞌãiwee pꞌanapataadaipia bɨ
14Awaraarãpa parã jɨrɨdakꞌãri ne–inaa kꞌachia oodaitꞌee, ɨtꞌaa iidítɨ Akꞌõrepa ãra chupɨria kꞌawaamerã mãikꞌaapa bendiciamerã. Iidináatɨ Akꞌõrepa ãra maldiciamerã.
15Awaraarã o–ĩa pꞌanadakꞌãri, aukꞌa o–ĩa pꞌanadaipia bɨ. Jõdee tꞌãri pꞌua pꞌanadakꞌãri, aukꞌa jẽedaipia bɨ.
16Tꞌãri aukꞌa pꞌanadaipia bɨ awaraa ijãapataarã ome. Jĩpꞌa jɨrɨdaipia bɨ Akꞌõrepa parãmaa oopi kꞌinia bɨ. Kꞌĩsiadaikꞌaraa bɨ parã awaraarã kꞌãyaara pipɨara pꞌanɨ. Aukꞌa kꞌõpꞌãyo meraadaipia bɨ chupɨria beerã ome mãikꞌaapa pꞌaratꞌara beerã ome. Audua pꞌanadaikꞌaraa bɨ.
17Awaraarãpa parã kꞌachia oodakꞌãri, aukꞌa oonáatɨ. Ichita ne–inaa pia óotɨ awaraarãpa unudamerã Cristo kꞌaurepa parãpa ne–inaa pia oopata. 18Awaraarã nepɨra jɨrɨyaa pꞌanɨ mĩda, parã jõdee kꞌãiwee pꞌanapatáatɨ chĩara ome. 19Ɨ̃pemaarã kꞌiniarã, kꞌĩra jõ–ee pꞌananáatɨ. Ma kꞌãyaara ichiakꞌau bɨ́tɨ, Tachi Akꞌõrepa ãrapa oodapꞌedaa akꞌɨmerã mãikꞌaapa miapimerã ichia kꞌinia bɨkꞌa. Mɨa mãga jara bɨ Akꞌõre Ũraa pꞌãdade jara bairã:
‘Mɨa aupaita eperãarãpa oopata akꞌɨpari jaraitꞌee pia wa kꞌachia. Mɨata pꞌekꞌau kꞌachia oopataarã miapiitꞌee.’ (Deuteronomio 32.35)
20Awara ãi ichiaba jara bɨ:
‘Eperãpa pɨ kꞌĩra unuamaa iru bɨ pɨrã, nãgá ooipia bɨ. Mãgɨ́ jarrapisia bakꞌãri, nekꞌopíji mãikꞌaapa opisia bakꞌãri, ne–inaa topíji. Mãgá ooru pɨrã, iru kꞌĩra nejasiapiitꞌee mãikꞌaapa irua pɨmaa kꞌachia oo kꞌinia bɨ oo–e pai.’ (Proverbios 25.21-22)
21Kꞌĩrakꞌaupai ne–inaa kꞌachia oodai. Ma kꞌãyaara kꞌachia pꞌoyáatɨ ne–inaa pia oo pꞌanɨpa.
S'ha seleccionat:
Romanos 12: sjaB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©2005, 2010, 2015 Wycliffe Bible Translators, Inc. All rights reserved.
Romanos 12
12
Cristodeerã sãga pꞌanapataadaipia bɨ
1Ɨ̃pemaarã, mɨa nãga ũraaitꞌee: Tachi Akꞌõrepa eperãarã chupɨria kꞌawaapari perã, atꞌãri chokꞌai pꞌanɨ misa, oopítɨ Tachi Akꞌõremaa irua kꞌinia bɨkꞌa pɨ ome. Mãgá pãchi pꞌekꞌau kꞌachia ooyaa bɨ kꞌapꞌɨa pꞌoyaadai, pꞌanapataadaitꞌee Akꞌõrepa kꞌinia bɨkꞌa. Ichiaba mãgá akꞌɨpidai parãpa wãara Tachi Akꞌõre kꞌinia iru pꞌanɨ. 2Oonáatɨ na pꞌekꞌau eujãdepema ijãadakꞌaa beerãpa oopatakꞌa. Mãɨrãpa kꞌĩsiapata ãchia oo kꞌinia pꞌanɨdepai. Parã jõdee, kꞌĩsiadaipia bɨ Akꞌõrepa kꞌinia bɨkꞌa. Mãgá kꞌawaadaitꞌee Akꞌõrepa kꞌinia bɨ ne–inaa pia, kꞌachia wẽe; ne–inaa irua pia akꞌɨpari.
3Tachi Akꞌõrepa mɨ pia ooji mɨ jɨrɨtꞌerakꞌãri parãmaa jarateemerã. Maperã mɨa ũraaitꞌee parãdepema apidaapa kꞌĩsianaadamerã: “Mɨ pipɨara bɨ awaraarã kꞌãyaara”. Ma kꞌãyaara kꞌĩra jĩpꞌa jɨrɨipia bɨ Akꞌõrepa oopi kꞌinia bɨ mãikꞌaapa tꞌãripa mãga ooipia bɨ, ɨtꞌaa iidi bɨ misa irua kꞌaripamerã. 4Tachi kꞌapꞌɨade nãgee ne–inaa chokꞌara iru bɨ; bɨɨrɨ tꞌɨaitꞌee; jua ne–inaa jitaitꞌee; mãgee ne–inaa. Ma chaachaa ne–inaa awara–awaraa oopari. Aukꞌa oodakꞌaa. 5Mãga pɨkꞌa bɨ tachi Cristode ijãapataarã. Tachi jõma araa pꞌanɨ iru ome. Mapa aukꞌa araa pꞌanɨ apemaarã ijãapataarã ome kꞌapꞌɨa apai bɨkꞌa.
6Mamĩda Tachi Akꞌõrepa kꞌaripakꞌãri, ne–inaa awara–awaraa oopata, irua oopi kꞌinia bɨkꞌa tachi chaachaa.
Ichi ũraa jarapiru pɨrã tachidepema abaamaa, mãgɨpa mãga ooipia bɨ tꞌãripa, Akꞌõremaa kꞌaripa iidi bɨ misa. 7Awaraamaa ijãapataarã kꞌaripapiru pɨrã, mãga ooipia bɨ. Awaraamaa jarateepiru pɨrã, ichiaba mãga ooipia bɨ. 8Awaraa kꞌariparu pɨrã chĩara tꞌãri o–ĩapiitꞌee, mãga ooipia bɨ. Awaraamaa pꞌaratꞌarapiru pɨrã, tꞌãri pia pꞌaratꞌa waibɨa teeipia bɨ chupɨria beerã kꞌaripaitꞌee. Awaraamaa eperã waibɨa papiru pɨrã, pia akꞌɨipia bɨ ijãapataarã ichi jua ekꞌari pꞌanɨɨrã. Awaraa kꞌariparu pɨrã chĩara chupɨria kꞌawaamerã, tꞌãri o–ĩa mãga ooipia bɨ.
Cristode ijãapataarã chikꞌinia pꞌanapataadaipia bɨ
9Awaraarã tꞌãri jĩpꞌa kꞌinia iru pꞌanadaipia bɨ. Ne–inaa kꞌachia kꞌĩra tꞌãdoo oodaikꞌaraa bɨ. Mãgee ne–inaa unuamaa iru pꞌanapatáatɨ. Pia aupaita jɨrɨdaipia bɨ oodaitꞌee. 10Chikꞌinia pꞌanapataadaipia bɨ, tachi ëreerã ome pꞌanapatakꞌa. Audua pꞌanadaikꞌaraa bɨ. Ma kꞌãyaara awaraa ijãapataarã pipɨara akꞌɨdaipia bɨ tachi kꞌãyaara.
11Kꞌoo–idaa pꞌanadaikꞌaraa bɨ. Tꞌãripa oodaipia bɨ Akꞌõre Jaurepa oopi bɨkꞌa. Mãgá oodaitꞌee Tachi Waibɨa Jesucristopa oopi kꞌinia bɨkꞌa.
12O–ĩa pꞌanadaipia bɨ nɨ pꞌanɨ misa Tachi Akꞌõre eujãdee wãdaitꞌee. Choodaipia bɨ nepɨrade baaidakꞌãri. Ichita ɨtꞌaa tꞌɨ̃pataadaipia bɨ Tachi Akꞌõremaa.
13Awaraa ijãapataarã chupɨria kꞌawaadaipia bɨ mãikꞌaapa ne–inaa wẽe pꞌanɨ pɨrã, ãramaa teedaipia bɨ. Awaraarã pãchi tꞌãide pꞌasia chedakꞌãri, tꞌãri pia auteebaidaipia bɨ. Kꞌãidaitꞌee wẽe pꞌanɨ pɨrã, pãchi tede kꞌãipítɨ.
Awaraarã ome kꞌãiwee pꞌanapataadaipia bɨ
14Awaraarãpa parã jɨrɨdakꞌãri ne–inaa kꞌachia oodaitꞌee, ɨtꞌaa iidítɨ Akꞌõrepa ãra chupɨria kꞌawaamerã mãikꞌaapa bendiciamerã. Iidináatɨ Akꞌõrepa ãra maldiciamerã.
15Awaraarã o–ĩa pꞌanadakꞌãri, aukꞌa o–ĩa pꞌanadaipia bɨ. Jõdee tꞌãri pꞌua pꞌanadakꞌãri, aukꞌa jẽedaipia bɨ.
16Tꞌãri aukꞌa pꞌanadaipia bɨ awaraa ijãapataarã ome. Jĩpꞌa jɨrɨdaipia bɨ Akꞌõrepa parãmaa oopi kꞌinia bɨ. Kꞌĩsiadaikꞌaraa bɨ parã awaraarã kꞌãyaara pipɨara pꞌanɨ. Aukꞌa kꞌõpꞌãyo meraadaipia bɨ chupɨria beerã ome mãikꞌaapa pꞌaratꞌara beerã ome. Audua pꞌanadaikꞌaraa bɨ.
17Awaraarãpa parã kꞌachia oodakꞌãri, aukꞌa oonáatɨ. Ichita ne–inaa pia óotɨ awaraarãpa unudamerã Cristo kꞌaurepa parãpa ne–inaa pia oopata. 18Awaraarã nepɨra jɨrɨyaa pꞌanɨ mĩda, parã jõdee kꞌãiwee pꞌanapatáatɨ chĩara ome. 19Ɨ̃pemaarã kꞌiniarã, kꞌĩra jõ–ee pꞌananáatɨ. Ma kꞌãyaara ichiakꞌau bɨ́tɨ, Tachi Akꞌõrepa ãrapa oodapꞌedaa akꞌɨmerã mãikꞌaapa miapimerã ichia kꞌinia bɨkꞌa. Mɨa mãga jara bɨ Akꞌõre Ũraa pꞌãdade jara bairã:
‘Mɨa aupaita eperãarãpa oopata akꞌɨpari jaraitꞌee pia wa kꞌachia. Mɨata pꞌekꞌau kꞌachia oopataarã miapiitꞌee.’ (Deuteronomio 32.35)
20Awara ãi ichiaba jara bɨ:
‘Eperãpa pɨ kꞌĩra unuamaa iru bɨ pɨrã, nãgá ooipia bɨ. Mãgɨ́ jarrapisia bakꞌãri, nekꞌopíji mãikꞌaapa opisia bakꞌãri, ne–inaa topíji. Mãgá ooru pɨrã, iru kꞌĩra nejasiapiitꞌee mãikꞌaapa irua pɨmaa kꞌachia oo kꞌinia bɨ oo–e pai.’ (Proverbios 25.21-22)
21Kꞌĩrakꞌaupai ne–inaa kꞌachia oodai. Ma kꞌãyaara kꞌachia pꞌoyáatɨ ne–inaa pia oo pꞌanɨpa.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©2005, 2010, 2015 Wycliffe Bible Translators, Inc. All rights reserved.