Romanos 1
1
Salude pëida
1Mɨ, Pablopa oopari Jesucristopa oopi bɨkꞌa. Mapa nãgɨ́ kꞌartꞌa pꞌãru. Tachi Akꞌõrepa mɨ jɨrɨtꞌeraji mãikꞌaapa awara bɨji jarateemerã irua pedee pia jara pëida Jesucristode.
2Chonaarãweda Tachi Akꞌõrepa jaraji ma pedee pia jara pëida ichi pedee jarapataarã kꞌapꞌɨa pari, ãrapa mãgɨ́ pꞌãdamerã mãikꞌaapa jɨ̃adamerã awaraa ũraa pꞌãda ome. 3Ma jara pëidade Akꞌõrepa jaraji ichi Warra uchiaitꞌee chonaarãwedapema Rey Daviddeepa, eperã jĩpꞌaa uchiaparikꞌa. 4Mamĩda ichi warra eperã jĩpꞌaa–e paji. Tachi Akꞌõre Warra paji. Akꞌɨpiitꞌee Jesucristo wãara ichi Warra, Tachi Akꞌõrepa iru jõmaarã kꞌãyaara waibɨara papiji, iru piupꞌeda, chokꞌai pꞌirabaipikꞌãri. Mãga ooji jõmaarãpa kꞌawaadamerã wãara Jesucristota Tachi Waibɨa.
5Cristopa mɨ pia ooji mɨ pëikꞌãri mãga jarateenamerã. Mapa mɨa jarateepari judio–eerã jõmaarãmaa, irude ijãadamerã mãikꞌaapa oodamerã irua oopi bɨkꞌa. 6Parãpa ichiaba ma jarateeda ijãajida. Tachi Akꞌõrepa parã jida jɨrɨji Cristodeerã#1.6 Cristodeerã jara kꞌinia bɨ Cristode ijãapata mãikꞌaapa oopata iru ũraade jara bɨkꞌa. papiitꞌee.
7Maperã mɨa na kꞌartꞌa pꞌãru parã Roma pꞌuurudepemaarãmaa kꞌirãpapiitꞌee Tachi Akꞌõrepa parã kꞌinia iru bɨ mãikꞌaapa parã awara bɨ kꞌinia bɨ ichideerã pꞌaneedamerã. Mɨa ɨtꞌaa iidi bɨ irua mãikꞌaapa Tachi Waibɨa Jesucristopa parã pia akꞌɨ pꞌanadamerã. Mãgá kꞌãiwee pꞌanapataadaitꞌee.
Pablo Romadee wã kꞌinia bada
8Naapɨara mɨa jara kꞌinia bɨ Jesucristo kꞌaurepa mɨa gracias jarapari mɨ Akꞌõre Waibɨamaa parã jõmaarã pari. Mɨa mãgá gracias jarapari, ijãapataarã para bee chaa nepɨrɨpata perã parãpa wãara Jesucristode ijãa pꞌanɨ. 9Tachi Akꞌõrépata kꞌawa bɨ mɨ ichita ɨtꞌaa tꞌɨ̃pari parã pari, tꞌãripa oo kꞌinia bairã irua oopi bɨkꞌa. Mapa jarateepari iru Warrapa ooda eperãarã kꞌaripaitꞌee. 10Enenee nɨ̃bɨ Tachi Akꞌõremaa mɨ kꞌaripamerã wãitꞌee parã akꞌɨde, irua mãga kꞌinia bɨ pɨrã. Taarãru mɨ wã kꞌinia bɨ. 11Parã kꞌĩra akꞌɨ kꞌinia bɨ, parãmaa waapɨara kꞌawaapiitꞌee Akꞌõre Jaurepa oopi bɨ. Mãgá parãpa pipɨara oodai Akꞌõrepa kꞌinia bɨkꞌa. 12Ma awara mãgá tachi jõmaweda chikꞌaripa pꞌanadai pipɨara Cristode ijãadaitꞌee.
13Ɨ̃pemaarã Cristo kꞌaurepa, mɨa parãmaa kꞌawapi kꞌinia bɨ mɨ wã kꞌinia bada parã akꞌɨde. Mamĩda pꞌoyaa–e paji. Parã aukꞌa kꞌaripa kꞌinia bɨ apemaarã judio–eerã kꞌaripaparikꞌa. Kꞌinia bɨ parã tꞌãidepemaarã ichiaba Cristode ijãadamerã mãikꞌaapa oodamerã irua oopi bɨkꞌa. 14Wãara Tachi Akꞌõrepa mɨ jɨrɨtꞌeraji ichia jara pëida jarateenamerã jõmaarãmaa: Grecia eujãdepema pedee pedeepataarãmaa; aɨ pedee pedeedakꞌaarãmaa ichiaba; kꞌĩsia kꞌawaa pꞌanɨɨrãmaa mãikꞌaapa kꞌĩsia kꞌawa–ee pꞌanɨɨrãmaa paara. 15Maperã parã Roma pꞌuurudepemaarãmaa ichiaba mɨa jaratee kꞌinia bɨ Jesucristopa ooda eperãarã kꞌaripaitꞌee.
16Mɨ kꞌĩra nejasia–ee jarateeitꞌee Cristopa ooda eperãarã kꞌaripaitꞌee, Tachi Akꞌõre, ichi juapa aɨde ijãapataarã kꞌaripaitꞌee perã atuanaadamerã. Naapɨara mãga jara pëiji judiorãmaa mãikꞌaapa ɨ̃rá mãga ichiaba jara pëiru judio–eerãmaa. 17Mãgɨ́ jara pëida kꞌaurepa kꞌawa pꞌanɨ eperãarãpa kꞌawaadakꞌãri Cristopa ooda ãchi–itꞌee mãikꞌaapa irude ijãadakꞌãri, Tachi Akꞌõrepa ãchi pꞌekꞌau kꞌachia wẽe akꞌɨpariitꞌee. Tachia mãga kꞌawa pꞌanɨ Tachi Akꞌõre Ũraa pꞌãdade jara bairã:
‘Eperã Tachi Akꞌõrede wãara ijãapari ichita bapariitꞌee iru ome, pꞌekꞌau kꞌachia wẽe bairã iru kꞌĩrapite.’ (Habacuc 2.4)
Pꞌekꞌau kꞌachia oopata kꞌaurepa atuadaitꞌee
18Ɨtꞌariipa Tachi Akꞌõrepa ijãapataarã mãgá pꞌekꞌau kꞌachia wẽe akꞌɨ bɨ mĩda, ichia jõmaarãmaa kꞌawapi kꞌinia bɨ mãgá akꞌɨ–e ichide ijãadakꞌaa beerã. Kꞌĩrau bɨ ãchi ome pꞌekꞌau kꞌachia ooi awaa pꞌanapata perã mãikꞌaapa ne–inaa kꞌachia oopata perã apemaarãpa ijãanaadamerã irua wãarata jara pëidade. 19Ãchia mãga oopata, ãchi tꞌãride pia kꞌawa pꞌanɨ mĩda Tachi Akꞌõre bapari. Mãga kꞌawa pꞌanɨ ichi jua atꞌapai ãchimaa akꞌɨpidoo perã. 20Tachi Akꞌõrepa na eujã, pajã mãikꞌaapa ne–inaa jõma aɨde nɨ̃bɨ oodakꞌãriipa, eperãarãpa ma ooda akꞌɨ pꞌanapachida. Mãgá kꞌawaa wãpachida iru ichita bapari mãikꞌaapa jõmaweda irua ooda, eperãarãpa pꞌoyaa oodakꞌaa perã mãgee netꞌaa ãchi juadoopa. Mãga kꞌawa pꞌanajida mĩda, ãchi kꞌinia pꞌekꞌau kꞌachia oo wãpachida. 21Mãgá Tachi Akꞌõre kꞌawa pꞌanɨde atꞌãri irude ijãa kꞌiniadakꞌaa paji mãikꞌaapa ɨtꞌaa tꞌɨ̃ kꞌiniadakꞌaa paji gracias jaradaitꞌee, irua ãchi pia akꞌɨ bapachi mĩda. Akꞌõre netꞌaade kꞌĩsiadakꞌaa paji. Maperãpɨ eperãarã kꞌĩra kꞌawa–ee pɨkꞌa pꞌanapachida, pia mãikꞌaapa kꞌachia kꞌawada–ee. 22“Tachia ne–inaa jõma kꞌawa pꞌanɨda” apachida. Mamĩda wãara kꞌĩsia kꞌawadakꞌaa paji, Akꞌõrede ijãadakꞌaa paji perã. 23Unupachida Tachi Akꞌõrepa ne–inaa kꞌĩra wãree ooda. Mamĩda ɨtꞌaa tꞌɨ̃dai kꞌãyaara Akꞌõre kꞌĩra wãreemaa, irua oodadepema ne–inaa mãgee jĩakꞌa juapa oopachida aɨ kꞌĩrapite ɨtꞌaa tꞌɨ̃pataadaitꞌee. Mãgá ɨtꞌaa tꞌɨ̃ pꞌaneepachida eperã jĩakꞌa ooda kꞌĩrapite; ipana, ne–animal maa–e pɨrã eujãde bipa nĩuteepata, mãgee jĩakꞌaa ooda kꞌĩrapite. Mãga oopachida mãgee netꞌaa chookꞌaa mĩda, eperãpa ooda perã. Jõdaipari eperãkꞌa. Mamĩda Tachi Akꞌõre ichita bapari.
24Mãga oo kꞌinia pꞌanapachida perã, Tachi Akꞌõrepa ichiakꞌau bëiji kꞌachia oodamerã chĩara ome. Mãgá ãchia kꞌachia oo kꞌiniata oo wãpachida, kꞌĩra nejasia–ee. 25Tachi Akꞌõrepa wãara ne–inaa jõmaweda ooji mĩda, ma wãarata ijãadai kꞌãyaara, seewa ijãapachida. Mapa ɨtꞌaa tꞌɨ̃pachida irua oodamaa, irumaa ɨtꞌaa tꞌɨ̃dai kꞌãyaara. ¡Mamĩda tachi ooda ichita Akꞌõre Waibɨa paitꞌee! ¡Mãgɨta Tachi Akꞌõre Waibɨa! Amén.
26Ãchia mãgá Tachi Akꞌõrepa oodamaa ɨtꞌaa tꞌɨ̃ pꞌanadapꞌedaa perã irua ichiakꞌau bëiji ãchia oo kꞌiniata oodamerã. Mãgá ne–inaa kꞌachia kꞌĩra tꞌãdoo oo wãpachida. Wẽraarã awaraa wẽraarã ome kꞌãi kꞌinia pꞌanapachida, wẽra chi ɨmɨkꞌĩra ome kꞌãiparikꞌa. 27Ichiaba ɨmɨkꞌĩraarãpa awaraa ɨmɨkꞌĩraarã audú jɨrɨpachida ãchi ome aukꞌa araa kꞌãidaitꞌee, wẽraarã ome kꞌãidai kꞌãyaara. Mãga oo pꞌanɨpa kꞌĩra nejasia wẽe, ãchi kꞌapꞌɨa miapipachida, Akꞌõrepa oopi kꞌinia bɨkꞌa eperãarãmaa oodaamaa pꞌanadapꞌedaa perã.
28Ma awara Tachi Akꞌõre kꞌawadaamaa pꞌanadapꞌedaa perã, irua ãchi ichiakꞌau atabëiji ne–inaa kꞌachia kꞌĩra tꞌãdoo kꞌĩsiadamerã mãikꞌaapa oodamerã. 29Mãgá pꞌekꞌau kꞌachia kꞌĩra tꞌãdoo oo pꞌaneepachida. Mãgee eperãarã nãgá pꞌanapata: pariatua awaraarã jɨrɨpata aɨ ome kꞌãidaitꞌee; ikꞌawaa ne–inaa kꞌachia oodaitꞌee; chĩara netꞌaa kꞌɨ̃ayaa; chĩara kꞌachia ooyaa; chĩara kꞌĩra unuamaa iru bee ne–inaa kꞌaurepa; chĩara jɨrɨyaa peedaitꞌee; chõo jɨrɨyaa; chĩara kꞌũrayaa; tꞌãri kꞌachia–idaa; chĩara ãpɨte kꞌachia pedeeyaa; 30ikꞌachia jarayaa; Tachi Akꞌõre kꞌĩra unuamaa; auduayaa; ãchia oopata nepɨrɨyaa awaraarãpa ãchi tꞌo pꞌanadamerã; ne–inaa kꞌachia oodaitꞌee kꞌĩsiayaa; ãchi akꞌõreerã pedee ũridaamaa; 31kꞌĩsia kꞌawadakꞌaa; oodakꞌaa ãchia oodaitꞌeeda apatakꞌa; ãchideerã paara kꞌĩra unuamaa; kꞌĩra jõdakꞌaa; chupɨria kꞌawaadakꞌaa. 32Mãgeerãpa ãchi tꞌãridepai kꞌawapata pꞌekꞌau kꞌachia oo pꞌanɨ Tachi Akꞌõre kꞌĩrapite. Ma awara kꞌawapata Tachi Akꞌõrepa atuapiitꞌee mãgee pꞌekꞌau kꞌachia ooi awaa beerã. Mamĩda ichi kꞌinia mãgee ne–inaa kꞌachia oo wãpata mãikꞌaapa pia akꞌɨpata awaraarã ãchi ome aukꞌa oo wãpataarã.
S'ha seleccionat:
Romanos 1: sjaB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©2005, 2010, 2015 Wycliffe Bible Translators, Inc. All rights reserved.
Romanos 1
1
Salude pëida
1Mɨ, Pablopa oopari Jesucristopa oopi bɨkꞌa. Mapa nãgɨ́ kꞌartꞌa pꞌãru. Tachi Akꞌõrepa mɨ jɨrɨtꞌeraji mãikꞌaapa awara bɨji jarateemerã irua pedee pia jara pëida Jesucristode.
2Chonaarãweda Tachi Akꞌõrepa jaraji ma pedee pia jara pëida ichi pedee jarapataarã kꞌapꞌɨa pari, ãrapa mãgɨ́ pꞌãdamerã mãikꞌaapa jɨ̃adamerã awaraa ũraa pꞌãda ome. 3Ma jara pëidade Akꞌõrepa jaraji ichi Warra uchiaitꞌee chonaarãwedapema Rey Daviddeepa, eperã jĩpꞌaa uchiaparikꞌa. 4Mamĩda ichi warra eperã jĩpꞌaa–e paji. Tachi Akꞌõre Warra paji. Akꞌɨpiitꞌee Jesucristo wãara ichi Warra, Tachi Akꞌõrepa iru jõmaarã kꞌãyaara waibɨara papiji, iru piupꞌeda, chokꞌai pꞌirabaipikꞌãri. Mãga ooji jõmaarãpa kꞌawaadamerã wãara Jesucristota Tachi Waibɨa.
5Cristopa mɨ pia ooji mɨ pëikꞌãri mãga jarateenamerã. Mapa mɨa jarateepari judio–eerã jõmaarãmaa, irude ijãadamerã mãikꞌaapa oodamerã irua oopi bɨkꞌa. 6Parãpa ichiaba ma jarateeda ijãajida. Tachi Akꞌõrepa parã jida jɨrɨji Cristodeerã#1.6 Cristodeerã jara kꞌinia bɨ Cristode ijãapata mãikꞌaapa oopata iru ũraade jara bɨkꞌa. papiitꞌee.
7Maperã mɨa na kꞌartꞌa pꞌãru parã Roma pꞌuurudepemaarãmaa kꞌirãpapiitꞌee Tachi Akꞌõrepa parã kꞌinia iru bɨ mãikꞌaapa parã awara bɨ kꞌinia bɨ ichideerã pꞌaneedamerã. Mɨa ɨtꞌaa iidi bɨ irua mãikꞌaapa Tachi Waibɨa Jesucristopa parã pia akꞌɨ pꞌanadamerã. Mãgá kꞌãiwee pꞌanapataadaitꞌee.
Pablo Romadee wã kꞌinia bada
8Naapɨara mɨa jara kꞌinia bɨ Jesucristo kꞌaurepa mɨa gracias jarapari mɨ Akꞌõre Waibɨamaa parã jõmaarã pari. Mɨa mãgá gracias jarapari, ijãapataarã para bee chaa nepɨrɨpata perã parãpa wãara Jesucristode ijãa pꞌanɨ. 9Tachi Akꞌõrépata kꞌawa bɨ mɨ ichita ɨtꞌaa tꞌɨ̃pari parã pari, tꞌãripa oo kꞌinia bairã irua oopi bɨkꞌa. Mapa jarateepari iru Warrapa ooda eperãarã kꞌaripaitꞌee. 10Enenee nɨ̃bɨ Tachi Akꞌõremaa mɨ kꞌaripamerã wãitꞌee parã akꞌɨde, irua mãga kꞌinia bɨ pɨrã. Taarãru mɨ wã kꞌinia bɨ. 11Parã kꞌĩra akꞌɨ kꞌinia bɨ, parãmaa waapɨara kꞌawaapiitꞌee Akꞌõre Jaurepa oopi bɨ. Mãgá parãpa pipɨara oodai Akꞌõrepa kꞌinia bɨkꞌa. 12Ma awara mãgá tachi jõmaweda chikꞌaripa pꞌanadai pipɨara Cristode ijãadaitꞌee.
13Ɨ̃pemaarã Cristo kꞌaurepa, mɨa parãmaa kꞌawapi kꞌinia bɨ mɨ wã kꞌinia bada parã akꞌɨde. Mamĩda pꞌoyaa–e paji. Parã aukꞌa kꞌaripa kꞌinia bɨ apemaarã judio–eerã kꞌaripaparikꞌa. Kꞌinia bɨ parã tꞌãidepemaarã ichiaba Cristode ijãadamerã mãikꞌaapa oodamerã irua oopi bɨkꞌa. 14Wãara Tachi Akꞌõrepa mɨ jɨrɨtꞌeraji ichia jara pëida jarateenamerã jõmaarãmaa: Grecia eujãdepema pedee pedeepataarãmaa; aɨ pedee pedeedakꞌaarãmaa ichiaba; kꞌĩsia kꞌawaa pꞌanɨɨrãmaa mãikꞌaapa kꞌĩsia kꞌawa–ee pꞌanɨɨrãmaa paara. 15Maperã parã Roma pꞌuurudepemaarãmaa ichiaba mɨa jaratee kꞌinia bɨ Jesucristopa ooda eperãarã kꞌaripaitꞌee.
16Mɨ kꞌĩra nejasia–ee jarateeitꞌee Cristopa ooda eperãarã kꞌaripaitꞌee, Tachi Akꞌõre, ichi juapa aɨde ijãapataarã kꞌaripaitꞌee perã atuanaadamerã. Naapɨara mãga jara pëiji judiorãmaa mãikꞌaapa ɨ̃rá mãga ichiaba jara pëiru judio–eerãmaa. 17Mãgɨ́ jara pëida kꞌaurepa kꞌawa pꞌanɨ eperãarãpa kꞌawaadakꞌãri Cristopa ooda ãchi–itꞌee mãikꞌaapa irude ijãadakꞌãri, Tachi Akꞌõrepa ãchi pꞌekꞌau kꞌachia wẽe akꞌɨpariitꞌee. Tachia mãga kꞌawa pꞌanɨ Tachi Akꞌõre Ũraa pꞌãdade jara bairã:
‘Eperã Tachi Akꞌõrede wãara ijãapari ichita bapariitꞌee iru ome, pꞌekꞌau kꞌachia wẽe bairã iru kꞌĩrapite.’ (Habacuc 2.4)
Pꞌekꞌau kꞌachia oopata kꞌaurepa atuadaitꞌee
18Ɨtꞌariipa Tachi Akꞌõrepa ijãapataarã mãgá pꞌekꞌau kꞌachia wẽe akꞌɨ bɨ mĩda, ichia jõmaarãmaa kꞌawapi kꞌinia bɨ mãgá akꞌɨ–e ichide ijãadakꞌaa beerã. Kꞌĩrau bɨ ãchi ome pꞌekꞌau kꞌachia ooi awaa pꞌanapata perã mãikꞌaapa ne–inaa kꞌachia oopata perã apemaarãpa ijãanaadamerã irua wãarata jara pëidade. 19Ãchia mãga oopata, ãchi tꞌãride pia kꞌawa pꞌanɨ mĩda Tachi Akꞌõre bapari. Mãga kꞌawa pꞌanɨ ichi jua atꞌapai ãchimaa akꞌɨpidoo perã. 20Tachi Akꞌõrepa na eujã, pajã mãikꞌaapa ne–inaa jõma aɨde nɨ̃bɨ oodakꞌãriipa, eperãarãpa ma ooda akꞌɨ pꞌanapachida. Mãgá kꞌawaa wãpachida iru ichita bapari mãikꞌaapa jõmaweda irua ooda, eperãarãpa pꞌoyaa oodakꞌaa perã mãgee netꞌaa ãchi juadoopa. Mãga kꞌawa pꞌanajida mĩda, ãchi kꞌinia pꞌekꞌau kꞌachia oo wãpachida. 21Mãgá Tachi Akꞌõre kꞌawa pꞌanɨde atꞌãri irude ijãa kꞌiniadakꞌaa paji mãikꞌaapa ɨtꞌaa tꞌɨ̃ kꞌiniadakꞌaa paji gracias jaradaitꞌee, irua ãchi pia akꞌɨ bapachi mĩda. Akꞌõre netꞌaade kꞌĩsiadakꞌaa paji. Maperãpɨ eperãarã kꞌĩra kꞌawa–ee pɨkꞌa pꞌanapachida, pia mãikꞌaapa kꞌachia kꞌawada–ee. 22“Tachia ne–inaa jõma kꞌawa pꞌanɨda” apachida. Mamĩda wãara kꞌĩsia kꞌawadakꞌaa paji, Akꞌõrede ijãadakꞌaa paji perã. 23Unupachida Tachi Akꞌõrepa ne–inaa kꞌĩra wãree ooda. Mamĩda ɨtꞌaa tꞌɨ̃dai kꞌãyaara Akꞌõre kꞌĩra wãreemaa, irua oodadepema ne–inaa mãgee jĩakꞌa juapa oopachida aɨ kꞌĩrapite ɨtꞌaa tꞌɨ̃pataadaitꞌee. Mãgá ɨtꞌaa tꞌɨ̃ pꞌaneepachida eperã jĩakꞌa ooda kꞌĩrapite; ipana, ne–animal maa–e pɨrã eujãde bipa nĩuteepata, mãgee jĩakꞌaa ooda kꞌĩrapite. Mãga oopachida mãgee netꞌaa chookꞌaa mĩda, eperãpa ooda perã. Jõdaipari eperãkꞌa. Mamĩda Tachi Akꞌõre ichita bapari.
24Mãga oo kꞌinia pꞌanapachida perã, Tachi Akꞌõrepa ichiakꞌau bëiji kꞌachia oodamerã chĩara ome. Mãgá ãchia kꞌachia oo kꞌiniata oo wãpachida, kꞌĩra nejasia–ee. 25Tachi Akꞌõrepa wãara ne–inaa jõmaweda ooji mĩda, ma wãarata ijãadai kꞌãyaara, seewa ijãapachida. Mapa ɨtꞌaa tꞌɨ̃pachida irua oodamaa, irumaa ɨtꞌaa tꞌɨ̃dai kꞌãyaara. ¡Mamĩda tachi ooda ichita Akꞌõre Waibɨa paitꞌee! ¡Mãgɨta Tachi Akꞌõre Waibɨa! Amén.
26Ãchia mãgá Tachi Akꞌõrepa oodamaa ɨtꞌaa tꞌɨ̃ pꞌanadapꞌedaa perã irua ichiakꞌau bëiji ãchia oo kꞌiniata oodamerã. Mãgá ne–inaa kꞌachia kꞌĩra tꞌãdoo oo wãpachida. Wẽraarã awaraa wẽraarã ome kꞌãi kꞌinia pꞌanapachida, wẽra chi ɨmɨkꞌĩra ome kꞌãiparikꞌa. 27Ichiaba ɨmɨkꞌĩraarãpa awaraa ɨmɨkꞌĩraarã audú jɨrɨpachida ãchi ome aukꞌa araa kꞌãidaitꞌee, wẽraarã ome kꞌãidai kꞌãyaara. Mãga oo pꞌanɨpa kꞌĩra nejasia wẽe, ãchi kꞌapꞌɨa miapipachida, Akꞌõrepa oopi kꞌinia bɨkꞌa eperãarãmaa oodaamaa pꞌanadapꞌedaa perã.
28Ma awara Tachi Akꞌõre kꞌawadaamaa pꞌanadapꞌedaa perã, irua ãchi ichiakꞌau atabëiji ne–inaa kꞌachia kꞌĩra tꞌãdoo kꞌĩsiadamerã mãikꞌaapa oodamerã. 29Mãgá pꞌekꞌau kꞌachia kꞌĩra tꞌãdoo oo pꞌaneepachida. Mãgee eperãarã nãgá pꞌanapata: pariatua awaraarã jɨrɨpata aɨ ome kꞌãidaitꞌee; ikꞌawaa ne–inaa kꞌachia oodaitꞌee; chĩara netꞌaa kꞌɨ̃ayaa; chĩara kꞌachia ooyaa; chĩara kꞌĩra unuamaa iru bee ne–inaa kꞌaurepa; chĩara jɨrɨyaa peedaitꞌee; chõo jɨrɨyaa; chĩara kꞌũrayaa; tꞌãri kꞌachia–idaa; chĩara ãpɨte kꞌachia pedeeyaa; 30ikꞌachia jarayaa; Tachi Akꞌõre kꞌĩra unuamaa; auduayaa; ãchia oopata nepɨrɨyaa awaraarãpa ãchi tꞌo pꞌanadamerã; ne–inaa kꞌachia oodaitꞌee kꞌĩsiayaa; ãchi akꞌõreerã pedee ũridaamaa; 31kꞌĩsia kꞌawadakꞌaa; oodakꞌaa ãchia oodaitꞌeeda apatakꞌa; ãchideerã paara kꞌĩra unuamaa; kꞌĩra jõdakꞌaa; chupɨria kꞌawaadakꞌaa. 32Mãgeerãpa ãchi tꞌãridepai kꞌawapata pꞌekꞌau kꞌachia oo pꞌanɨ Tachi Akꞌõre kꞌĩrapite. Ma awara kꞌawapata Tachi Akꞌõrepa atuapiitꞌee mãgee pꞌekꞌau kꞌachia ooi awaa beerã. Mamĩda ichi kꞌinia mãgee ne–inaa kꞌachia oo wãpata mãikꞌaapa pia akꞌɨpata awaraarã ãchi ome aukꞌa oo wãpataarã.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©2005, 2010, 2015 Wycliffe Bible Translators, Inc. All rights reserved.