Sekaria 5
5
Kigbakpaikee ki laani paacham na aadaŋ
1M nan ki yaar lik, le ki kan kigbakpaikee ki laani na. 2Le ntuun ngbaan baa mi ke m waa ba? Le m gar u ke, “M waa kigbakpaikee ki laani paacham na la; kaafɔfɔk ye ŋitaa piitaa, le kaawawaan mu ye ŋitaa kipiik ni ŋiŋmu.”
3Le u bui mi ke, “Tibɔbir le ŋmee ki pu ke ki di buen kitiŋ kee mɔmɔk pu. Lipepel libaa pu aapuun ye le ke Uwumbɔr ga kuln unaayuk mɔmɔk; le lipepel liken na pu ŋmee ke u ga kuln unii umɔk puur tipuur ki geei inyamɔn na. 4Uwumbɔr Mpɔɔnsakpiindaan bui ke, ‘M ga cha tipuun ngbaan buen, le ti ga ti koo unaayuk mɔmɔk, ni unii umɔk puur tipuur maayimbil ni ki geei inyamɔn na aadichal ni. Ti ga gaar baadichal ni le ki ti kuln li kookoo.’”
Upii u bi kibɔɔkuuk ni na aabɔr
5Ntuun ngbaan nan ki dan m chee le ki nan bui ke, “Lik, tiwan niken ki choo.”
6M nan baa u ke, “Ni ye ba?”
Le u gar mi ke, “Ni ye kibɔɔkuuk la, le ki si kitiŋ kee mɔmɔk aatunwanbir aasisii.”
7Kibɔɔkuuk ngbaan nan kpa tikur aabiil. Maah nan si lik na, le libiil ngbaan nan yoor paacham, le m waa upii ka kibɔɔkuuk ngbaan ni.
8Le ntuun ngbaan nan bui ke, “Upii umina le si mbiin aasisii,” le ki tur u bil kibɔɔkuuk ngbaan ni, ki di libiil biin. 9M nan yaar lik paacham le ki kan bipiib bilee bi kpa ifeen ke unyoon sakpiin ubaa na laani libuln ni choo m chee. Bi nan yoor kibɔɔkuuk ngbaan ki di fii buen.
10Le m baa ntuun ngbaan ke, “Bi joo ki cha la chee?”
11Le u gar mi ke, “Bi joo ki cha Babiloŋ aatiŋ ni la, nima chee le bi ga ti maa kiwaadiik tii ki. Bi yaa maa kiwaadiik ngbaan doo kan, bi ga di kibɔɔkuuk ngbaan di siin nima, le binib ga li dooni ki.”
S'ha seleccionat:
Sekaria 5: xonB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©1998, 2014 Wycliffe Bible Translators, Inc. All rights reserved.