Maika 5
5
1Jerusalem aanib, kuun nimi aajab man. Bi loon timi a. Bi bi tak Israel aayidaan la.
Uwumbɔr puu ke ujojoor ga nya ni Betlehem aatiŋ ni
2Uwumbɔr bui ke, “Betlehem Efrata, aa ye kitiwaatiir kibaa le Juda aatiŋ pu, le sin ponn ni le m ga nyan ni ujojoor u ga li joo Israel aanib na, u ga nya ni mmaal mu ye n‑yaayoonn na aamaal ponn ni la.”#5.2: Lik Matiu 2.6; Jɔnn 7.42.
3Kina pu na, Uwumbɔr ga di waanib tii baadim, kaan ki gar bi ki ti saa buyoonn upii u ban u maa na maa waabijabo. Le Israel yaab bi bi biwɔwɔm aatiŋ ni na, ni bi bi Israel aatiŋ ni na ga ki kpaan tɔb chee. 4Ujojoor ngbaan yaa nan fuu ni kan, u ga di mpɔɔn sakpiin mu nyan ni Tidindaan Uwumbɔr ubaa chee na le di joo waanib. Waanib ga li bi lifuur ni la; ba pu? kitiŋ kee mɔmɔk aanib ga li nyi waapɔɔn bɔr, 5le u ga joo ni nsuudoon.
Gaalii ni ntafadaan
Asiria yaab yaa nan koo ni timi aatiŋ ni ki nyaŋ binib bi kii timi na kan, le ti ga di timi aayidam bi pɔɔ sakpen na tun aan bi ni bima ti jan. 6Buyoonn bi koo ni timi aapepel ni na, le bi ga di tijawan ki nyaŋ Nimrod aatiŋ Asiria, le ki gaa timi Asiria yaab chee lii.
7Israel aanib bi ŋmar na ga li naahn limaln li Uwumbɔr tun ni li na le ŋitimbol pam chee, ki naahn utaal u pui tijikaar pu na. Bi ga li bi Uwumbɔr pu la, naan li ye unibɔn pu. 8Binib bi gur ki ŋmal ŋitimbol ŋiken ni na ga li bi ke uchinn u bi ban tijikaar kichook ni, bee kipihkpaamook ni na la: u ga koo ipiih ni, le ki chur i, le ki daa par par i, le yaan kan nterm nibaa chee. 9Israel yaab ga nyaŋ baadim le ki ku doo bi mɔmɔk.
10Uwumbɔr bui ke, “N‑yoonn ngbaan kan, m ga gaa nimi aataan ni chee, le ki bii nimi aataan aatɔroku tiib. 11M ga bii nimi aatim mɔmɔk, le ki ber naah maa tiwan ni mɔmɔk kiir nibaa na. 12M ga bii nimi aanyɔk i ni joo tun nimi aatun na, ki cha ni taa ki li kpa bibɔɔb. 13M ga bii nimi aawaa, ni nimi aatakpal ŋi ni dooni na; naan ki doon tiwan ni, ni di nibaa aaŋaal naan ni na. 14M ga ber liwaapii Asera aanann ti ni maa ti nimi aatiŋ pu na, ki bii nimi aatim. 15Le maaŋuul ponn ni m ga teen ŋitimbol ŋi mɔmɔk yii maamɔb na.”
S'ha seleccionat:
Maika 5: xonB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©1998, 2014 Wycliffe Bible Translators, Inc. All rights reserved.