Joel 1
1
1Uwumbɔr aah di tibɔr ti tuk waabɔnabr Petuel aajapɔɔn Joel na sɔ:
Binib wii tijikaar aah bii pu na pu
2Li pel mbamɔm man, nimi bininkpiib,
ni binib bi mɔmɔk bi Juda aatiŋ ni na, ni li pel.
Naah fii ki pii nitetiib ni nimi aayoonn na,
tiwan nimina aaboln kee ŋa ni kan ni ii?
3Bui nimi aabilb tiwan ngbaan aabɔr man;
le bi mu ga nan bui baabilb,
le baabilb mu ga nan bui bi mu aabilb bi ga nan paan ni bi pu na.
4Itoon pam dan ki nan lir tijikaar pu.
Itoon ibaa aah ŋman gur ni na,
itoon iken nan di ŋman.
5Finn ki li wii man, nimi bidagbiib;
nimi bi ye bidanyurb na, li wii man;
ŋisubil ŋi bi joo ŋaa ndapɔm na mɔmɔk bii doo a.
6Itoon dan ki wiir pam ki nan gob timi aatiŋ a;
i kpa mpɔɔn ki wiir ke litambol na;
le yaanyin ka ke uchinn aanyin na.
7I ŋman bii timi aadaan aasui mɔmɔk,
ki ŋman bii timi aakakan doo a.
I ŋman lar tidapɔr mɔmɔk le ki cha ŋisubil ŋmeen.
8Nimi binib, li wii man, ke usapɔɔn aah ban
u mɔn uja u na aah kpo kan, u wii pu na.
9Njikaabim ni ndaan aa bi ti di tii ipiin Uwumbɔr Aadichal ni;
Uwumbɔr aatotoorb aa kan nibaa bi di toor kitork tii Uwumbɔr, le ki wii ikpowiil.
10Nibaa aa bi ikpaakon ponn ni;
le kitiŋ wii ikpowiil, ba pu? njikaabim mɔmɔk bii doo a,
ŋisubil mɔmɔk kuur ki bii, le olif aakpan aasui yak doo.
11Nimi bi ye bikpaab na, li wii man;
nimi bi lik nimi aakpaakon na, li wii man,
ba pu? idi, ni imuul, ni tijikaar mɔmɔk bii doo a.
12Ndaan aasubil aasui ni ŋikakan mɔmɔk bii doo a;
le ŋisubil aasui mɔmɔk yɔl ki kpoi doo.
Binib mɔmɔk aasuupiin doo a.
13Nimi bitotoorb bi dooni Uwumbɔr waatork aabimbiln taab na,
peen tiwan ni saak kuub na ki li wii man.
Li cha Uwumbɔr Aadichal ni ki ti li wii ikpowiil,
ki taa geen man.
Njikaabim ni ndaan aa bi ni di toor kitork tii nimi Aawumbɔr.
14Cha binib mɔmɔk lul bumɔb man;
yin binib mɔmɔk aan bi kuun ni.
Kuun binib bimɔk ye bisalolm na, ni Juda aatiŋ aanib mɔmɔk
aan bi mɔmɔk dan Nidindaan Uwumbɔr Aadichal ni
ki nan wii yin u.
15Uwumbɔr aawiin peen ni a;
nwiin mundaal Mpɔɔnsakpiindaan ga bii tiwan mɔmɔk doo na peen ni a.
Ba aajawaan aaboln aan kina aawiin ga joo ni.
16Ti si lik kaa kpa nterm mubaa,
le timi aajikaar mɔmɔk bii doo.
Mpopiin mubaa aa bi timi Aawumbɔr Aadichal ni.
17Kitiŋ aah kuur pu na,
le njikaabim mɔmɔk kpoi doo ki ponn ni.
Njikaabim mubaa aa bi aan ti di siin,
kina pu na, timi aapikuun na mɔmɔk lir doo a.
18Inaa aah kaa kan timoor i ŋmɔ na,
le i wii ni mpombiin;
le ipiih mɔmɔk ji falaa.
19Uwumbɔr, m wii mpɔɔn pu ki yin si la,
ba pu? timoor ni isui mɔmɔk kuur,
ke mmii le aah wun ni mɔmɔk na.
20Hali timoor ni aawakor wii mpɔɔn pu ki yin si la,
ba pu? ibun mɔmɔk foor a.
S'ha seleccionat:
Joel 1: xonB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©1998, 2014 Wycliffe Bible Translators, Inc. All rights reserved.