Versets bíblics populars de Rom kimbi 6

Comparteix

Siŋgisöndok ahinga Toŋan töwa neŋgiiga kömup köhöikŋi miwikŋaibinmö, Anutugö kalemŋi mi oyaeŋkoyaeŋ malmal. Kraist Jisös Kembuninambuk qekötahöba kinbin ewö, mönö köhöiba teteköŋi qahö mal öŋgöbin. Mewö.

Iŋini Köna keu bapŋe qahöpmö, kalem möriam uruŋe malje. Miaŋgöra siŋgisöndoknöŋ mönö öne jöhöba galöm köl eŋgii malbepuk. Mewö.

Iwinöŋ asakmararaŋi kondela Kraist mem gulii kömupnöhök wahöröhi, neŋgö uruninan mewöyök kölöŋaiiga dölökŋi aka malinga dop kölma. Iwininan nini Kraistkö tandök ewö guliba wahöta ahakmeme dölökŋi aka memba malbingöra mötza. Miaŋgöra o melun mi kewögöra mem neŋgiget: Urunini walŋan Jisösbuk mohotŋe kömumba ahömapköra urunini walŋi mi mewö löm kölget.

Miaŋgöra sile kitipŋini pakpak mi mönö siŋgisöndok Toŋaŋgö böröŋe kude alme. Mala mewö algetka buŋaŋi aiga bohon köliga aŋgöjörak asuhubapuk. Mewö qahöpmö, köhömuŋeyök gulibagun mönö nanŋini Anutu tököm waŋgime. Sile kitipŋini pakpak mi Anutugö böröŋe algetka buŋaŋi aiga bohon köliga ahakmeme solanŋi asuhumakŋa.

Urusilegö sihim kömbönaŋnini bölöŋan siŋgisöndok akingö köpösöŋgömakzawi, Anutunöŋ sihim mi köndeŋni gemapköra mörakza. Anutunöŋ siŋgisöndoknöŋ toroqeba galöm köl neŋgii welenŋi qeba malbinbuköra mötza. Miaŋgöra urunini walŋi mi Kraistpuk maripomnöŋ lök qeiga kömuyök. Miaŋgö dop maljin, mi mötzin.

Qamötnöŋ siŋgisöndok akingö osime. Iŋini mönö mewöŋanök nanŋinaŋgö mötketka qamöt ewö aiga Kraist Jisösbuk qekötahöba kinda Anutugöra köhöiba malme.

Anutunöŋ kalem möriamŋi neŋgii sehimapköra siŋgisöndok toroqeba aka malbin me qahö? Miaŋgöra mönö denöwö jiinga dop kölma? Siŋgisöndok yapmakek! Nini siŋgisöndokö kösönöhök lolohoba urunini walŋan qamöt ewö aiga siŋgisöndok akingö tököba maljin ewö, mönö denöwögöra siŋgisöndoknöŋ toroqeba galöm köl neŋgii malbinak?

To yahöt akzahot. Nanŋini yetköreŋök kungö böröŋe al aŋguba jitŋi tem köla welenŋi qemakzei, miaŋgöra mönö keu ki möt yaköme: Iŋini kun jitŋi tem kölakzei, mönö yaŋgö welenqeqeurupŋi akze. Siŋgisöndok Toŋaŋgö welenqeqeurupŋi akze ewö, yaŋön mönö eŋguaŋgiriga kömum köhöime. Anutugö jitŋi tem köla welenŋi qemakze ewö, yaŋön mönö keuŋini jim teköiga solanŋi aka mal öŋgöme.

Iŋini mutuk siŋgisöndok Toŋaŋgö welenqeqeurupŋi aka malget. Mewö malgetka Buŋa keu mindiŋgöm eŋgimakŋapköra kusum eŋgigetka mötket. Mi möta miaŋgö dop uruŋini meleŋda nalö kewöŋe Buŋa keu törörök tem köla Anutugö könaŋi wuataŋgömakze. Mewö möta eŋgöra “Anutu saiwap!” jiba maljin. Mi wuataŋgöba siŋgisöndokö kösönöhök lolohoba Anutugö welenŋi qeba ahakmeme solanŋi aka memba malje.