Mewö aiga Uŋa Töröŋan Filipköra saŋep ala keu kewö jiyök, “Gi mönö hos kare miaŋgö qöhöröŋe anda mötöteiba anman.” Uŋa Töröŋan mewö jiiga miaŋgöreŋök ösumŋan kösutŋe anök. Anda azinöŋ kezapqetok azi Aisaiagö buk miaŋgö Buŋa keuŋi oyoŋni mörök. Möta kewö qesim waŋgiyök, “Keu oyoŋjani, mi ölöp möt asarizan me qahö?”
Qesim waŋgiiga jiyök, “Kunŋan qahö jim asariiga nanak mi denöwö möt asaribileŋak?” Mewö jiiga hos karenöŋ öŋgöiga mohotŋe tarohot.