Mi mörökmö, Anutugö keu tosatŋi toroqeba eraum mötketka lömböriyök. Polnöŋ Anutugö jeŋe solanibingö könaŋi jim asariba nanine ahakmemenini galöm köl aŋgubingöra jiyök aka Anutunöŋ nalö kun ali miaŋgöreŋ kewöt neŋgiba keunini jim tekömawi, keu karöbut miaŋön uruŋi kuŋguyök. Polnöŋ keu mewöŋi jiiga töwöratiba bök qesiŋda jiyök, “Yapmakek! Muat mosötnöŋ. Dölki ölöp mosöta anöŋga nalö kun mötpi dop kölmawi, miaŋgöreŋ ölöp kunbuk köl öröm gihibi kaman.”