Versets bíblics populars de Aposol nup meme 17

Comparteix

Nini mönö Anutu nanŋi möt jarum waŋgibingöra yuai pakpak mi areŋgöba al neŋgiyök. Yaŋön körek pakpak kösutnineyök maljapmö, töndup mezaŋqezaŋ ala Anutu jaruba mala miwikŋaibin me qahö?

“Yaŋön mutuk azi mohot miwikŋaiiga yaŋgöreŋök sehiba deŋda gwala injaŋi aka sile tosatŋi aka gölmeŋi gölmeŋi pakpak dop köla maljin. Yaŋön nalönini pakpak törörök areŋgöm neŋgiiga miaŋgö dop maljin aka miri gölme denike denike ahöm tat ala maljini, miaŋgö göraŋi aka aiwesökŋi ala jim kutuiga miaŋgö dop maljin.

“Bem Anutunöŋ Suep gölme aka yuai pakpak mietkö uruŋire ahözawi, mi miwikŋaim eŋgiyök. Yaŋön Suep gölmegö Kembuŋa akza. Yaŋön jöwöwöl jike börönöŋ memeŋi miaŋgöreŋ qahö tata malja.

“Anutunöŋ nalö ketaŋi ali kam kuŋguma. Yaŋön nalö miaŋgöreŋ ambazip gölmeŋi gölmeŋi pakpak mal anjei, mi tokom neŋgiba keunini kewöta törörök jim teköma. Yaŋön azi kun keunini jim tekömapköra möwölöhöba jimtekötekögö kukösumŋi böröŋe alök. Yaŋön azi mi mem gulii kömupnöhök wahöriga mewö miaŋön kukösumŋi ketaŋi mi ambazip pakpak kondel neŋgiiga eka mötzin. Azi kömupnöhök wahöröhi, yaŋön mönö jimtekötekö Tonina akza.”

Keu mieŋgö dop nini mönö Anutugö gwölönarökurupŋi mala kösutŋeyök kinjin. Kösutŋeyök kinjinmö, töndup yaŋgö könaŋi möt sohoba jaŋjuŋ akinbuk. Imut ohoho azi yeŋön mötmöt qakŋe kinda bem kungö tandökŋi mötmöriba goul, silwö me köt jamönjiŋ memba urorohoba tandö lopioŋi söhöba meŋölöba memakzei, yaŋön mönö mewö tandök qahö akza.