Versets bíblics populars de Ifyakufuma 5

Comparteix

Popele apo pantanjile Mose naAloni ŵaliile nekulaŵila kuli Falo ati: ŴaYawe Lesa wakwe Isilaeli ŵaJaŵile'fi ati: Muŵasumine aŵantu ŵanji ati ŵaye mukuncitile'citenje cakulya mumpaŋga.

Pakuti ukufuma kumpindi iyo naisile kuli Falo mukulaŵila mwisina lyenu, alukuŵacite'fiŵipile aŵa-ŵantu; kaŵili mweŵo tamuŵapulwisye aŵantu ŵenu neli panini.

Popele apo Mose walibwelele kuli ŵaYawe, nekulaŵila ati: MweŵaYawe, mbanindo muŵacitile ifiŵipile aŵaŵantu? Mbanindo muntumine neŵo?

Popele Falo ati: MboyuYawe ninani, uyu nakumfwisye'siwi ati nsumine ati aye Isilaeli? Msimwisi-po neŵo Yawe; kaŵili tesi nsumine ati aye Isilaeli.

Sombi ukupenda kwancelwa, uko ŵalukukumanya akale, mukaŵike pali ŵo; tesi mukacefye-po neli kantu, pakuti ŵo ŵafila; pakuti pali fyefyo ŵalukulila ati: Ŋgatuye tukepaye imilambu iyakuli Lesa wesu. Imilimo icilile ukulema ŋgaipelwe kuli ŵo, ŋgaŵakulukupyunjisya-mo; ŵekacetekela amasiwi aŵufi.